Frjáls verslun - 01.08.2007, Blaðsíða 14
Fyrst þetta ...
14 F R J Á L S V E R S L U N • 8 . T B L . 2 0 0 7
Þ
að eru tímamót hjá
Frjálsri verslun með
þessu tölublaði. Sjöfn
Sigurgeirsdóttir, auglýs-
ingastjóri blaðsins til tuttugu og
fimm ára, lætur af störfum eftir
einstakan feril og gott starf. Í
68 ára sögu Frjálsrar verslunar
hefur Sjöfn staðið vaktina í aug-
lýsingasölu fyrir blaðið í 25 ár.
Það er einstakur árangur.
„Leið mín í auglýsingasölu
hófst þegar ég vann fyrir Frjálst
framtak hjá Jóhanni Briem en
þá seldi ég áskriftir fyrir Nýtt
líf sem þá var verið að hleypa af
stokkunum. Þetta var að vísu
aukavinna á kvöldin hjá mér til
að byrja með því ég vann í versl-
uninni Verðlistanum á daginn.
Ári síðar tók ég einnig að mér
áskriftarsölu fyrir Iðnaðarblaðið.
Í kjölfarið var mér svo boðið
fullt starf í auglýsingadeild Frjáls
framtaks og fyrsta blaðið sem ég
seldi auglýsingar í var Íþrótta-
blaðið. Frjálst framtak breyttist
síðar í Fróða.
Ég hef verið í samstarfi við
sjö ritstjóra Frjálsrar verslunar.
Fyrst vann ég með Markúsi Erni
Antonssyni og síðan þeim Pétri
J. Eiríkssyni, Magnúsi Hregg-
viðssyni, Sighvati Blöndal,
Kjartani Stefánssyni og Helga
Magnússyni. Frá byrjun ársins
1992 hef ég svo unnið samfellt
með Jóni G. Haukssyni rit-
stjóra, alls 15 ár.“
Finnst þér mikill munur á við-
skiptalífinu þá og núna?
„Já, það voru náttúrlega engar
tölvur þegar við vorum að
byrja. Svo var unnið með
filmur á þessum tíma sem var
heilmikil vinna; maður þurfti
oft að fara út í bæ og sækja
upplýsingar til vinnslu í texta,
enda var þá mun meira um að
auglýsingar væru unnar inni á
blöðunum sjálfum.
Á þessum árum var líka
minna um markaðsstjóra og
auglýsingasalan fór því oft
fram í gegnum forstjóra og
eigendur fyrirtækja. Við vorum
auðvitað hvorki tölvuvædd né
með farsíma og það voru engar
leiðir til þess að senda aug-
lýsingarnar rafrænt, það varð
alltaf að gera sér ferð.“
Hvaða eiginleika þarf góður
auglýsingastjóri að hafa?
„Hann þarf fyrst og fremst að
vera þolinmóður og kurteis og
hann má ekki taka það inn á
sig þótt auglýsandinn sé ekki
tilbúinn til að auglýsa í það
skiptið. Það getur einfaldlega
hentað honum að vera með
síðar. Það er hins vegar ekki
mikið um langtímasamninga í
auglýsingasölu.
Flest af stærstu fyrirtækjum
landsins eru viðskiptavinir
okkar. Auglýsendur í blað-
inu koma úr öllum atvinnu-
greinum en mest ber þó á fyrir-
tækjum á sviði fjármála, fjar-
skipta, tölva, trygginga, bíla,
byggingafyrirtækja, matvæla og
fyrirtækja í iðnaði.“
Er auglýsingalandslagið
mikið breytt?
„Já, svo sannarlega. Auglýsing-
arnar eru almennt orðnar
mun vandaðri – enda býður
tölvutæknin upp á meiri gæði
og önnur vinnubrögð. Þá hafa
kynningar rutt sér til rúms
og breytt landslaginu talsvert,
en þær eru að erlendri fyrir-
mynd. Við hjá Frjálsri verslun
byrjuðum með þessar kynn-
ingar haustið 1995. Svona
kynningar þekkjast í öllum
helstu viðskiptatímaritum
heims. Yfirleitt eru þetta opnu-
kynningar þar sem fyrirtækin
kynna nýjungar hjá sér eða
leggja áherslu á ákveðna þjón-
ustu. Einnig hafa aukablöð og
sérblöð um ákveðið efni færst
í vöxt – ekki bara hjá Frjálsri
verslun heldur hjá öllum
blöðum og tímaritum.“
Sjöfn segir að bókin 300
stærstu sé umfangsmesta
tölublað Frjálsrar verslunar
og stærsta einstaka verkefnið.
TÍMAMÓT:
TEXTI: HRUND HAUKSDÓTTIR
MYND: GEIR ÓLAFSSON
Sjöfn Sigurgeirsdóttir lætur af störfum sem auglýsingastjóri Frjálsrar
verslunar eftir að hafa gegnt því starfi samfellt í aldarfjórðung.
Sjöfn Sigurgeirsdóttir
hættir eftir 25 ára starf