Frjáls verslun - 01.08.2007, Blaðsíða 276

276 F R J Á L S V E R S L U N • 8 . T B L . 2 0 0 7
Hjá Alcoa starfa um 122.000 manns í rúmlega 44 löndum og eru starfs-
stöðvarnar 400. Tekjur Alcoa
er um 30,4 milljarðar Bandaríkj-
adala og hagnaður 1,2 milljarðar
dala. Um 20,4% af tekjum Alcoa
eru frá álframleiðslu og er Fjar-
ðaál annað stærsta álver Alcoa.
Framkvæmdastjóri fjármála hjá
Alcoa Fjarðaáli er Ruth Elfars-
dóttir:
„Ég tók við starfinu 2005
og hefur tíminn þar verið mjög
spennandi, skemmtilegur og lær-
dómsríkur. Eitt af því fyrsta sem
ég kynntist var hversu miklir
möguleikar eru innan Alcoa og
hversu stórt fyrirtækið er á heim-
smarkaði. Á minni fyrstu ráð-
stefnu í Pittsburgh voru saman-
komnir um 100 framkvæmda-
stjórar fjármála stærstu sviða og
fyrirtækja innan Alcoa, til að
miðla af fjármálalegri þekkingu,
fara yfir stefnu og áætlun Alcoa,
framþróun og möguleg viðbrögð
fjárfesta og hlutabréfamarkaðinn
í New York.
Starf mitt er að bera ábyrgð
á og stýra fjármálum, uppgjöri,
áætlanagerð, greiningu og fram-
tíðarspám, auk þess að miðla
fjárhagslegum upplýsingum
til yfirstjórnar hér heima og
erlendis. Hjá Alcoa er gott að
vinna og það sem gerir vinnu-
staðinn skemmtilegan er hversu
gott og samheldið starfsfólkið er
í þeim byrjunarfasa sem Fjarðaál
er að ganga í gegnum.“
Ruth útskrifaðist sem cand.
oecon. af endurskoðendasviði
Háskóla Íslands árið 1992 og MS
í stjórnun og stefnumótun frá
sama skóla. Áður en hún hóf
störf hjá Alcoa Fjarðaáli var hún
deildarstjóri hagdeildar Samskipa
frá árinu 2000. Eiginmaður
Rutha r er Kristófer Ragnarsson,
framkvæmdastjóri Fjarðabyggða-
hafna, og eiga þau einn son.
„Vegna starfs míns ferðast ég
mikið. En frítíma minn reyni
ég að nýta sem mest með fjöl-
skyldu og vinum. Ég hef mjög
gaman af að ferðast innanlands
sem erlendis. Síðast fórum við í
skútuferðalag með vinum okkar
hér fyrir austan, til Seychelles í
Indlandshafinu og til Afríku þar
sem við ferðuðumst á fljótabát
og vorum rænd aleigunni sem
var svo skilað á skemmtilegan
hátt, sem er of löng saga að segja
frá hér. Stefnan er við fyrsta tæki-
færi að fara til Kína að heimsækja
vinafólk okkar sem býr þar.
Uppáhaldsstaðir eru margir á
Íslandi. Á árunum 1994-1998
var ég fjármálastjóri Skógræktar
ríkisins með skrifstofu á Egils-
stöðum og á því góðar minn-
ingar af veru minni á Austurlandi
og ein af ástæðum þess að við
fluttum austur er að stutt er að
fara á sérstaka og fallega staði,
hvort sem er gangandi eða keyr-
andi. Mjóifjörður er t.d. í miklu
uppáhaldi, algjör draumastaður
til að komast í kyrrð og ró, fólkið
frábært og fjörðurinn sérstaklega
fallegur.“
framkvæmdastjóri fjármála hjá Alcoa Fjarðaáli
RUTH ELFARSDÓTTIR
„Síðast fórum við í skútuferðalag með vinum okkar hér fyrir austan, til Seychelles í Indlandshafinu og til Afríku
þar sem við ferðuðumst á fljótabát.“
Nafn: Ruth Elfarsdóttir.
Fæðingarstaður: Reykjavík,
7. mars 1967.
Foreldrar: Elfar H. Þorvaldsson
og Marsibil Harðardóttir.
Maki: Kristófer Ragnarsson.
Barn: Friðrik Dagur
Kristófersson, 4ra ára.
Menntun: Löggiltur endurskoð-
andi, MS í stjórnun og stefnu-
mótun.
Fólk
OSTABÚÐIN
SKÓLAVÖRÐUSTÍG
Delicatessen
Annálaðar Osta og sælkera
körfur, tilvalin gjöf fyrir vandláta.
Erum byrjuð að taka á móti pöntunum
fyrir jólin í síma 562 2772
LJ
Ó
S
M
Y
N
D
:
B
JÖ
R
G
V
IG
FÚ
S
D
Ó
TT
IR