Frjáls verslun - 01.08.2007, Blaðsíða 73

F R J Á L S V E R S L U N • 8 . T B L . 2 0 0 7 73
Umhverfi trúnaðar
Virðing fyrir sjálfum sér og öðrum er kjölfesta í umhverfi trúnaðar.
Ef starfsmanninum er treyst er hann líklegur til að gera sitt besta.
Umhverfi trúnaðar byggir á aðgát, trausti og virðingu fyrir einstak-
lingnum. Og það má gera að gamni sínu. Starfsmennirnir leggja sig
alla fram og þeir vaxa í starfi og þroskast. Þekking og sköpunargáfa
hvers og eins nýtist til fulls enda reynir á alla hæfileika og reynslu
starfsmannsins.
Fimm ranghugmyndir um árangursríka stjórnun:
• Þétt dagskrá – þú ert talinn atkvæðamikill.
• Þátttaka á mörgum fundum – þú verður markviss.
• Lítill eða enginn tími fyrir starfsfólkið – skapar virðingu.
• Flökt milli staða og viðhorfa – skapar frið og sjálfsvitund.
• Fyrirmæli um hvað á að gera og hvernig – eykur sjálfstæði
starfsfólksins.
Fimm svið þar sem stjórnandinn getur bætt sig
og náð stöðugleika í sinni:
• Stuðlaðu að því að hver einstaklingur geti lifað hamingjusömu lífi.
• Spurðu sjálfan þig tíu sinnum á dag hvernig þér líði.
Staldraðu við og hlustaðu eftir svarinu.
• Gefðu viðmælanda þínum alla athygli þína oftar en einu sinni
á dag.
• Einbeittu þér að einu verki í senn og veittu því athygli þegar
þú sinnir fleiri verkum samtímis.
• Hrósaðu.
Eitt áhrifamesta tækið til umskipta
Ég nýt þeirra forréttinda að vinna með og þjálfa tilfinningagreind
stjórnenda. Ég vinn við markþjálfun sem einkaþjálfari fyrir forstjóra;
markþjálfi stjórnenda og þjálfari annarra markþjálfa. Stjórnendurnir
ná stöðugleika í stjórn sinni og þeir sprengja af sér rammann, sem
þeir höfðu sett um eigin sjálfsvitund. Markþjálfun er áhrifamesta
tækið sem ég þekki til vitundarvakningar og til að byggja upp sjálfs-
traust og virðingu. Rauði þráðurinn í þessu ferli, og undirstaða mark-
þjálfunar, er að opna augu einstaklingsins fyrir því hver hann eða
hún er og halda svo áfram frá þeim stað. Rannsóknir hafa einnig sýnt
að stjórnendur, sem verja hluta af starfsdegi sínum við markþjálfun,
finna síður fyrir streitu og vanlíðan vegna þess að þeir leggja áherslu
á nærveru og alúð við þjálfunina.
Hvers ber að gæta við val á markþjálfa?
Sá sem velur sér markþjálfa þarf að vita hvaða menntun og reynslu
hann hefur. Markþjálfar geta lært fag sitt hér á Íslandi eða erlendis.
Á hvað hefur markþjálfinn lagt áherslu í námi sínu? Einnig skiptir
máli hvaða starfsreynslu markþjálfinn hefur. Ég hef unnið við mark-
þjálfun í 1200 klukkustundir og ég var fyrsti markþjálfinn á Íslandi
sem fékk alþjóðlega viðurkenningu sem löggiltur markþjálfi, ACC
(Associated Certified Coach) hjá Alþjóðasamtökum markþjálfa.(The
International Coachfederation). Ég er núna að sækja um vottun PCC
(Professional Certified Coach). Samtökin eru fjölmennustu sjálf-
stæðu samtök markþjálfa í heiminum. Félagar eru um 13.000 um
heim allan í meira en 80 löndum. Innan samtakanna er kröfum til
þessarar ungu starfsgreinar haldið á lofti. Þau veita starfsviðurkenn-
ingar á þremur stigum:
ACC Associated Certified Coach, 60 stunda sérhæfð þjálfun, 100
stunda starfsreynsla við markþjálfun.
PCC, Professional Certified Coach, 125 stund sérhæfð þjálfun,
750 stunda starfsreynsla við markþjálfun.
MCC, Master Certified Coach, 200 stunda sérhæfð þjálfun, 2500
starfsreynsla við markþjálfun.
Gildi markþjálfunar
Það er mjög gefandi að taka þátt í markþjálfun. Trúnaðartraust er
grundvallaratriði og það verður að skapast strax á fyrsta fundi og vera
fyrir hendi allt þjálfunartímabilið. Algengt er að markþjálfunin standi
í 3-12 mánuði með vikulegum samtölum, annaðhvort augliti til aug-
litis eða í síma í 30-60 mínútur. Markþjálfinn hefur hlotið æfingu í
að stýra ferlinu og að leyfa þátttakandanum um leið að þroskast og
skapa. Þátttakandinn leggur til það sem hann er sérfræðingur í – það
er eigið líf. Viðskiptavinurinn velur viðfangsefnið hverju sinni og
samtölunum lýkur á tillögum um markmið milli samtala. Markmið
eru sett og þeim náð eða þau nást ekki. Leitast er við að byggja upp
heilsteypta persónu sem á sér markmið og hugsjónir um eigið líf. Ég
upplifi daglega hve gefandi þetta er. Í markþjálfun eru hindranir skil-
greindar og fjarlægðar til að stytta og auðvelda leiðina að settu marki.
Við þjálfunina verður viðskiptavinurinn að gera upp við sig hvað
skiptir í raun og veru máli og til hvers hann ætlast. Þetta laðar fram
heitar tilfinningar og sköpunarkraft. Ég nýt þess að vinna með fólki
þar sem tilfinningarnar verða heitari með hverjum fundi.
Dæmi um ummæli einstaklinga í markþjálfun:
• Ég er nú búinn að ná þeim markmiðum sem ég setti fyrir
næstu tíu árin (það var eftir 6 mánaða markþjálfun).
• Þegar ég veit hver ég er, verður allt léttara.
• Núna veit ég hvað ég vil.
• Ég verð að setja mér ný markmið.
• Mjög gagnlegt.
Fimm spurningar fyrir þann sem íhugar að sækja
markþjálfun:
• Ef hægt væri að stytta sér leið að markinu, myndir þú þá nota
þér hana?
• Ef hægt væri að auka tilfinningagreindina á skjótan og
markvissan hátt, myndir þú þora að reyna það?
• Hvað á ég við með árangri?
• Hvernig næ ég árangri?
• Langar mig að kynnast fleiri hliðum á sjálfum mér?
Höfundurinn, Matilda Gregersdotter, varð fyrst á Íslandi til að fá ACC-við-
urkenningu (Associated Certified Coach) frá Alþjóðasamtökum markþjálfa.
Hún þjálfar stjórnendur til forystu í framtíðinni.
Um markþjálfun á Íslandi: www.leidtogi.is
Alþjóðasamtök markþjálfa, ICF: www.coachfederation.org
TEXTI: MATILDA GREGERSDOTTER
MYND: PÁLL KJARTANSSON
M A R K Þ J Á L F U N