Frjáls verslun - 01.08.2007, Blaðsíða 202
202 F R J Á L S V E R S L U N • 8 . T B L . 2 0 0 7
300 STÆRSTU
Lýsi hf. fékk í apríl síðastliðnum útflutn-ingsverðlaun forseta Íslands árið 2007 og segir Katrín Pétursdóttir, fram-
kvæmdastjóri Lýsis, ánægjulegt að fyrirtæk-
inu hafi hlotnast sá heiður. „Við erum afar
stolt af verðlaununum og alltaf gaman þegar
tekið er eftir vel gerðum hlutum, enda hefur
sókn okkar verið mikil á erlenda markaði
að undanförnu,“ segir hún. „Nú hefur Lýsi
fengið leyfi til þess að merkja vöruumbúðir
sínar með útflutningsverðlaununum og verða
þær umbúðir í notkun á nýjum mörkuðum
sem í undirbúningi er að sækja inn á, til
dæmis í Rúmeníu,“ segir Katrín ennfremur.
„Það er vörunni líka til framdráttar að tengj-
ast Íslandi og hreinleikaímynd þess og sérlega
þýðingarmikið fyrir heilsuvöru.“
Lýsi hf. hefur náð einstökum árangri í
sölu- og markaðsmálum á afurðum úr lýsi
og er áætluð sala fyrirtækisins á árinu rúmir
tveir milljarðar króna. Vörurnar eru í boði í
67 löndum og til samanburðar má geta þess
að fyrir fjórum árum var velta Lýsis um 800
milljónir króna.
Eitt einkenni á starfseminni er það að Lýsi
starfar bæði á stórnotendamarkaði og neyt-
endamarkaði; selur annars vegar öðrum fyrir-
tækjum hráefni sem notað er sem íblöndun-
arefni eða í perlur og flöskur, og hins vegar
fullunna vöru í smásölu. „Það sem gerir
hana líka sérstaka er sú staðreynd að okkar
stærstu viðskiptavinir geta að sama skapi
verið okkar öflugustu samkeppnisaðilar. Við
erum á tvennum vígstöðvum og línan þarna
á milli getur verið mjög fín.“
Katrín segir helsta styrk fyrirtækisins
öflugt starfsfólk með mikla þekkingu á sínum
viðfangsefnum, sem og fullkomin, ný verk-
smiðja sem skilar bestu mögulegu gæðum á
framleiðsluvörum Lýsis. „Okkar starfsemi er
það sérhæfð að við sækjum ekki sérþekkingu
eða vitneskju út fyrir veggi fyrirtækisins, þess
vegna skiptir það góða starfsfólk, sem við
erum með, gríðarlega miklu máli.“
Hún segir jafnframt að þótt vöxtur fyrir-
tækisins hafi verið umtalsverður, skili það
sér að sama skapi ekki í afkomu Lýsis. „Við
flytjum út 90% af okkar framleiðsluvörum
og erum því að fá mun lægra verð en ella
fyrir þær, vegna sterkrar stöðu krónunnar,“
segir hún.
Framtíðarstefna og markmið Lýsis er að
fjölga mörkuðum sem fyrirtækið selur á, ekki
síst fyrir neytendavörur, og meiri áhersla á
markaðssetningu í Asíu, þar sem Katrín segir
mikil tækifæri fyrir hendi, ekki síst í löndum
þar sem hefð er fyrir neyslu á fiskolíu. „Við
viljum vera fyrirtæki sem er einstakt í sinni
röð í framleiðslu á heilsuvöru, koma henni
til sem flestra landa og auka þar með lífsgæði
enn fleiri.“
Aðspurð telur Katrín ekki blasa við að
hægi á útrás íslenskra fyrirtæki, svo fremi að
gengi krónunnar komist í eðlilegt horf, og
hvað varðar hugsanlega erfiðleika í viðskipt-
alífinu á næstunni nefnir hún afleiðingar
hávaxtastefnunnar og lögbundins hlutverks
Seðlabankans í efnahagsstjórn landsins.
LÝSI HF • KATRÍN PÉTURSDÓTTIR
Sókn okkar á erlenda markaði hefur verið mikil að undan-
förnu og gaman þegar tekið er eftir því sem vel er gert.
„Lýsi hf. hefur náð
einstökum árangri í
sölu- og markaðsmálum
á afurðum úr lýsi
og er áætluð sala
fyrirtækisins á árinu
rúmir tveir milljarðar
króna. Vörurnar eru í
boði í 67 löndum og til
samanburðar má geta
þess að fyrir fjórum
árum var velta Lýsis um
800 milljónir króna.“
AFAR STOLT AF
ÚTFLUNINGSVERÐLAUNUM
FORSETA ÍSLANDS
TEXTI: HELGA KRISTÍN EINARSDÓTTIR • MYND: GEIR ÓLAFSSON