Frjáls verslun - 01.08.2007, Blaðsíða 196

196 F R J Á L S V E R S L U N • 8 . T B L . 2 0 0 7
300 STÆRSTU
S parisjóðurinn í Keflavík er 100 ára á þessu ári, var stofnaður 7. nóvember árið 1907, og eru hátíða-höld því í brennidepli á árinu,“ segir Geirmundur
Kristinsson sparisjóðsstjóri. „Veislan byrjaði með glæsi-
brag síðustu Ljósanótt og í nóvember ætlum við síðan að
bjóða upp á tónlistarveislu í Reykjaneshöll. Góð afkoma
og sameining hafa einnig sett sinn svip á árið. Sameining
okkar við Sparisjóð Ólafsvíkur markaði ákveðna stefnu-
breytingu og eru fleiri sameiningar fyrirhugaðar á þessu
og næsta ári,“ segir hann.
„Helsti styrkur Sparisjóðsins er ánægja viðskiptavina
með þjónustuna, sem allar kannanir sýna,“ segir hann
ennfremur. „Því er hægt að segja að styrkur Sparisjóðsins
felist fyrst og fremst í góðu sambandi við viðskiptavini
sína og samfélagið allt.“
Á síðasta ári var metafkoma af starfsemi Sparisjóðs
Keflavíkur og lofar hálfsársuppgjörið fyrir 2007 einnig
góðu og því líklegt að enn eitt afkomumetið verði slegið,
að sögn Geirmundar.
„Meginstefnan er að veita viðskiptavinum okkar góða
og örugga ávöxtun sparifjár og alhliða þjónustu á sviði
fjármála. Okkar framtíðarsýn er að byggja upp Spari-
sjóðinn á þeim trausta grunni sem hefur myndast síðustu
öld, styrkja innviðina og nýta sameiginlega krafta allra
sparisjóða á landinu.“
Geirmundur nefnir þá miklu samkeppni sem ríkir
á fjármálamarkaði og að hún muni aukast enn frekar,
þegar spáð er í horfurnar. „Tveir stórir sparisjóðir hafa
sagt sig að hluta til úr samstarfi sparisjóða og þannig
fjölgar fyrirtækjum í samkeppninni. Sparisjóðurinn í
Keflavík hefur hingað til fyrst og fremst einbeitt sér að
Suðurnesjum sem markaðssvæði, en nú verðum við að
víkka sjóndeildarhringinn og líta á allt landið sem okkar
markað,“ segir hann.
Hann telur að ekkert í spilunum bendi til þess að
nokkurt lát verði á útrás íslenskra fyrirtækja. „Þvert á
móti tel ég að fleiri atvinnugreinar eigi eftir að blanda
sér í leikinn og að menn nýti þær gáttir sem hafa opnast.
Enginn sá það fyrir í lok síðustu aldar, að íslensk fjármála-
fyrirtæki ættu eftir að hasla sér völl erlendis og sá árangur
sem þar hefur náðst á aðeins eftir að virka sem hvati fyrir
aðrar atvinnugreinar.“
Spurður um erfiðleika sem hugsanlega gætu blasað við
á næstunni, nefnir hann hátt vaxtastig, sem gæti farið að
koma ýmsum í koll.
„Íslendingar hafa verið ötulir í einkaneyslunni undan-
farin ár og því hefur fylgt skuldasöfnun sem getur orðið
illviðráðanleg þegar þenslunni slotar og vextir eru eins
háir og í dag,” segir Geirmundur Kristinsson spari-
sjóðsstjóri.
SPARISJÓÐURINN Í KEFLAVÍK • GEIRMUNDUR KRISTINSSON
Tveir stórir sparisjóðir hafa sagt sig að hluta til úr samstarfi
sparisjóða og þannig fjölgar fyrirtækjum í samkeppninni.
VERÐUM AÐ LÍTA
Á LANDIÐ ALLT
SEM OKKAR MARKAÐ
TEXTI: HELGA KRISTÍN EINARSDÓTTIR • MYND: GEIR ÓLAFSSON