Frjáls verslun - 01.08.2007, Blaðsíða 198

198 F R J Á L S V E R S L U N • 8 . T B L . 2 0 0 7
300 STÆRSTU
S amþætting á rekstri Scanvægt og AEW/Delford sem keypt voru árið 2005 við rekstur Marel er það sem
helst hefur staðið upp úr að undanförnu,“
segir Hörður Arnarson, forstjóri Marel Food
Systems. „Einnig var ný fyrirtækjaásýnd,
Marel Food Systems, kynnt snemma á árinu
og sölu- og þjónustukerfi var sameinað í 22
löndum í sex heimsálfum. Með sameining-
unni verður til öflugt og umfangsmikið sölu-
og þjónustukerfi, jafnframt því að rekstrar-
kostnaður og fjárbinding í rekstri minnkar
umtalsvert. Á seinni hluta ársins hefur verið
lögð áhersla á að sameina vörulínur og vöru-
þróun fyrirtækjanna,“ segir hann.
„Helsti styrkur Marel Food Systems er
öflug vöruþróun, en fyrirtækið fjárfestir mun
meira þar en helstu samkeppnisaðilar,“ segir
Hörður ennfremur. „Þetta styður við mikinn
innri vöxt fyrirtækisins og treystir samskipti
við lykilviðskiptavini. Þá er hið öfluga sölu-
og þjónustukerfi Marel Food Systems einnig
einn helsti styrkur félagsins.“
Hörður segir aðspurður, að afkoma Marel
Food Systems hafi verið í ágætu samræmi
við áætlanir félagsins. „Eins og gert var ráð
fyrir hefur afkoman mótast nokkuð af ein-
skiptiskostnaði vegna samruna Scanvægt og
AEW/Delford við Marel,“ segir hann.
Framtíðarsýn Marel er að verða leið-
andi fyrirtæki í þróun og markaðssetningu
á hátæknibúnaði fyrir matvælavinnslur, með
það að markmiði að auka arðsemi viðskipta-
vina fyrirtækisins. „Í
upphafi árs 2005 var
birt metnaðarfull stefna
félagsins um að þre-
falda, að minnsta kosti,
veltu þess á 3-5 árum
og leiða fyrirsjáanlegt
sameiningarferli í þeim
iðnaði þar sem fyrir-
tækið starfar. Unnið
hefur verið samkvæmt
þeirri stefnu og nú er
útlit fyrir að mark-
miðin náist á mun
skemmri tíma,“ segir
hann jafnframt.
Hörður gerir einnig
ráð fyrir áframhaldandi
sameiningum fyrir-
tækja og miklum vexti
á nýjum mörkuðum
í Austur-Evrópu, Suður-Ameríku og Asíu.
„Líklegt er að eitthvað hægist á yfirtökum
hjá fyrirtækjum í heiminum almennt, vegna
hækkunar vaxta og lausafjárskorts ýmissa
bankastofnana. Við þær aðstæður skap-
ast einnig sóknarfæri fyrir vel fjármögnuð
fyrirtæki sem eru í strategískum yfirtökum
á öðrum fyrirtækjum. Búast má við því,
hins vegar, að verð á
óskráðum félögum
muni lækka þegar
dregur úr skuldsettum
yfirtökum fjárfest -
ingarfélaga.“
Loks segir Hörður
aðspurður, að erfið-
leikar í íslensku við-
skiptalífi séu heimatil-
búnir og snúi einkum
að alltof sterkri krónu,
sem þrengi að útflutn-
ingsgreinum og fyrir-
tækjum sem eiga í
samkeppni við inn-
flutning. „Styrkingu
krónunnar er stýrt
með gríðarlega háum
vöxtum, sem einnig
eru að sliga skuldsett
fyrirtæki og einstaklinga. Innlendar kostn-
aðarhækkanir skerða jafnframt samkeppnis-
hæfni íslenskra fyrirtækja,“ segir Hörður
Arnarson, forstjóri Marel Food Systems.
MAREL • HÖRÐUR ARNARSON
Líklegt er að eitthvað hægist á yfirtökum hjá fyrirtækjum í heiminum
vegna hækkunar vaxta og lausafjárskorts ýmissa bankastofnana.
„Í upphafi árs 2005
var birt metnaðarfull
stefna félagsins
um að þrefalda, að
minnsta kosti, veltu
þess á 3-5 árum og
leiða fyrirsjáanlegt
sameiningarferli í þeim
iðnaði sem fyrirtækið
starfar. Unnið hefur
verið samkvæmt þeirri
stefnu og nú er útlit fyrir
að markmiðin náist á
mun skemmri tíma.“
SAMEININGAR OG
NÝ FYRIRTÆKJAÁSÝND
STENDUR UPP ÚR
TEXTI: HELGA KRISTÍN EINARSDÓTTIR • MYND: GEIR ÓLAFSSON