Frjáls verslun - 01.08.2007, Blaðsíða 154

154 F R J Á L S V E R S L U N • 8 . T B L . 2 0 0 7
300 STÆRSTU
Á framhaldandi arðbær vöxtur allra starfseininga Landsbankans og sam-þætting þeirra rekstrareininga sem
bankinn keypti á árinu 2005 er það mikil-
vægasta í rekstri ársins 2006,“ segir Halldór
J. Kristjánsson bankastjóri. „Bankinn hefur
vaxið mikið og náð bættri áhættudreifingu,
bæði landfræðilega og með tilliti til atvinnu-
greina. Stækkunin hefur verið arðbær og það
skiptir mestu máli,“ segir hann.
Halldór segir að helsti styrkur Lands-
bankans sé áhættudreifður og traustur
rekstur. „Við ákváðum þegar árið 2006, að
áhættustig í rekstri bankans yrði lækkað
nokkuð. Stoðir fjármögnunar voru treystar,
meðal annars með aukinni landfræðilegri
dreifingu markaðsfjármögnunar, en ekki síst
með mjög vel heppnuðu innlánaverkefni
í Bretlandi, ICESAVE-verkefninu, sem nú
tekur til 105.000 viðskiptavina og yfir 4,5
milljarða punda. Landsbankinn hefur nokkra
sérstöðu meðal norrænna banka í því hve
hátt hlutfall útlána er fjármagnað með inn-
lánum. Fjölþætt innlánastarfsemi ásamt vel
dreifðu afborgunarferli langtímalána hefur
byggt upp þennan styrk og er lausafjárstaða
bankans með því besta sem þekkist.“
Halldór segir jafnframt aðspurður að
afkoma ársins 2007 hafi verið mjög góð.
„Fyrri helmingur ársins 2007 sýndi trausta
grunnafkomu, í takt við mjög góða grunn-
afkomu áranna 2004 til 2006.“
Hvað meginstefnu og framtíðarsýn
Landsbankans varðar, er hún sú að vaxa
sem öflugur fjárfestinga- og fyrirtækjabanki
á alþjóðavísu, með sterka stoð í alhliða
bankaþjónustu hér á landi, og að hann verði
fjármagnaður í auknum mæli með öflugri
alþjóðlegri innlánastarfsemi.
„Landsbankinn hefur byggt upp víð-
tækt net verðbréfafyrirtækja og útibúa um
alla Evrópu, sem framkvæmir meðal annars
flestar fyrirtækjagreiningar allra verðbréfa-
fyrirtækja í álfunni og getur nýtt það sem
styrk til markaðssetningar í þjónustu sinni
utan og innan Evrópu. Á þeim grunni getur
bankinn einnig útvíkkað þjónustuna til fyrir-
tækjaráðgjafar og fyrirtækjalána um alla álf-
una með áherslu á meðalstór fyrirtæki,“ segir
hann.
Aðstæður sem gætu haft áhrif á starfsemi
bankans á næstu misserum, að sögn Hall-
dórs, eru þær breytingar sem orðið hafa á
alþjóðlegum mörkuðum, að þrengst hefur
um möguleika til markaðsfjármögnunar og
því sé mikilvægi innlána enn meira en verið
hefur. „Meiri eftirspurn eftir lánsfjármagni
er fyrirséð. Jafnframt hefur náðst fram nauð-
synleg verðleiðrétting á vöxtum í tengslum
við áhættutöku. Það er samdóma álit allra á
fjármálamarkaði að vextir og vaxtaálög hafi
þróast mjög lágt miðað við áhættu í mörgum
tilvikum og því æskilegt að eðlileg leiðrétting
náist fram eins og er að gerast núna vegna
þeirrar þröngu lausafjárstöðu sem hrjáir fjár-
málaheiminn.“
Halldór segist ekki telja að það þurfi
að hægja á útrás íslenskra fyrirtækja á næst-
unni.
„En hún mun breytast og áherslan verður
á innri vöxt. Bankarnir standa flestir sterkt
og eftir að aðlögun hefur náðst á fjármála-
mörkuðum eiga fyrirtækin að geta haldið
áfram að vaxa og dafna með stuðningi bank-
anna. Almennt mun hægja nokkuð á vexti
á alþjóðlega vísu, en það verður þó mjög
mismunandi eftir atvinnugreinum. Bæði hjá
bönkunum og mörgum atvinnufyrirtækjum
var lagður grunnur að traustum vexti á árum
þegar verð eigna var hagstætt á mörkuðum
og á þeim grunni eiga fyrirtækin að geta
LANDSBANKINN • HALLDÓR J. KRISTJÁNSSON
„Þrengst hefur um möguleika til markaðsfjármögnunar og
því er mikilvægi innlána enn meira en verið hefur.“
MEIRI SPURN
EFTIR LÁNSFJÁRMAGNI
ER FYRIRSÉÐ
TEXTI: HELGA KRISTÍN EINARSDÓTTIR • MYND: GEIR ÓLAFSSON