Frjáls verslun - 01.08.2007, Blaðsíða 244

244 F R J Á L S V E R S L U N • 8 . T B L . 2 0 0 7
borginni, bæði lóðir og byggingar. Í sumum
tilfellum eiga fjölskyldurnar aðeins lóðir og
þeir sem hafa byggt á þeim borga þá lóða-
leigu. Annars staðar eiga fjölskyldurnar bæði
lóðirnar og byggingarnar sem eru þá leigðar
út. Grosvenor á eignir við Grosvenor torg og
í Belgravia, metnar á fjórar milljarða punda.
Hertoginn á lóðina á nr. 1-3 við torgið þar
sem kanadíska sendiráðið er til húsa og hirðir
því lóðaleiguna. Nú ku Kanadamenn hug-
leiða að selja húsið eða skipta á því og annarri
eign nær Trafalgartorgi. Ef af sölu verður er
talað um að verðið sé 300 milljónir punda
sem yrði þá dýrasta eign sem hefur komið á
markað í Lundúnum.
Aðrir eignaauðugir aðalsmenn eru Cad-
ogan jarl með miklar eignir í Chelsea, þar á
meðal 500 íbúðir sem eru leigðar út, Mary
Czernin og Howard de Walden fjölskyldan
eiga svæðið í kringum Marylebone High
Street og læknagötuna Harley Street og
Portman vísigreifi á lóðir og hús í kringum
Portman torg og Oxford Street.
Það er engin tilviljun að fjölskyldurnar
eiga eignir í kringum staði sem bera nöfn
þeirra því eignarhaldið teygir sig margar aldir
aftur í tímann. Lóðir og fasteignir haldast í
fjölskyldum því að hér hafa erfðalög veitt tæki-
færi til að láta elsta son erfa allt svo eignunum
hefur ekki verið skipt upp í aldanna rás. Þetta
gerir eignarhald á lóðum í London algjörlega
einstakt.
Auk aðalsfjölskyldna á konungsfjöl-
skyldan enn lendur og húseignir í mið-
borginni, metnar á tæpa sjö milljarða punda,
við götur eins og Regent Street, í kringum
Regent’s Park og Kensington höll. Tekjurnar
renna hins vegar ekki inn á bankareikning
fjölskyldunnar heldur í ríkissjóð sem síðan
úthlutar fjölskyldunni framfærslueyri.
Þó að ýmsum þyki þetta fyrirkomu-
lag ólýðræðislegt og í andstöðu við nútíma
viðskiptalíf er gjarnan bent á að séu þessi
fyrirtæki vel rekin, eins og hefur verið með
fyrirtæki þessara fjögurra ætta, þá gefi þau
hverfunum góðan brag. Með því að velja
leigjendur geta fyrirtækin mótað yfirbragð
hverfanna. Þannig hefur Marylebone High
Street orðið einstaklega skemmtileg gata
á undanförnum árum með litlum matar-
búðum, veitingastöðum og matarmarkaði á
sunnudögum. Chelsea er ekki aðeins auð-
mannahverfi heldur einkennist af litlum
búðum með vandaðar tískuvörur. Þessir eig-
endur geta haldið stóru keðjunum í hæfilegri
fjarlægð eða alla vega ákvarðað hversu mikið
þær fá að þenja sig út.
Frá Bretlandi til útlanda
Eignir Gerald Grosvenors má rekja til hjóna-
bands Sir Thomas Grosvenors 1677. Aðals-
maðurinn, sem var 21 árs, kvæntist Mary
Davies og hún erfði 500 ekrur lands í mið-
borg Lundúna. Eignirnar héldust í ættinni
en á 6. áratugnum neyddist faðir hertogans
til að selja eignir til að eiga fyrir erfðaskatt-
inum sem var að sliga efnamenn þess tíma.
Gerald Grosvenors hefur síðan sýnt hæfileika
til að ráða góða menn til að stjórna eignum
sínum. Með ört hækkandi fasteignaverði í
Lundúnum hefur verðmæti eignanna snar-
hækkað að sama skapi.
Stjórnendur fasteignafélagsins hafa þó
ekki látið þar við sitja að hirða bara leiguna
heldur hafa keypt lóðir heima og heiman,
byggt og fjárfest. Um sextíu prósent eign-
anna eru í Bretlandi og á Írlandi en félagið
leitar nú orðið einkum tækifæra annars
staðar til að dreifa áhættunni. Þó útþenslan
hafi hafist þegar á 6. áratugnum var það ekki
fyrr en á síðasta áratug að félagið hóf fyrir
alvöru að þenjast út erlendis og hefur borið
víða niður.
L U N D Ú N A P I S T I L L S I G R Ú N A R
Kjarni eignanna liggur í Grosvenor Group fasteignafélaginu
sem á lóðir og hús í kringum Grosvenor torg í London,
meðal annars undir bandaríska sendiráðinu, við Belgrave,
Eton torg og fleiri rándýrum stöðum.
Eignir Gerald Grosvenors
má rekja til hjónabands
Sir Thomas Grosvenors
1677. Aðalsmaðurinn,
sem var 21 árs, kvæntist
Mary Davies og hún erfði
500 ekrur lands í miðborg
Lundúna.
Gerald Grosvenor, ungur að árum.