Frjáls verslun - 01.08.2007, Blaðsíða 208

300 STÆRSTU
208 F R J Á L S V E R S L U N • 8 . T B L . 2 0 0 7
Posaleiga
VALITOR leigir söluaðilum GSM posa, hefðbundna
fastlínuposa, ISDN og IP posa.
Innifalið í posaleigu er:
Uppsetning á höfuðborgarsvæðinu
Sendingarkostnaður á landsbyggðinni
Viðhald
Uppfærslur á búnaði
Þjónustuver opið allan sólarhringinn
Laugavegi 77 • 101 Reykjavík • Sími 525 2080 • Fax 525 2081 • fyrirt@valitor.is • www.valitor.is
Nánari upplýsingar veitir
starfsfólk Fyrirtækja lausna
VALITOR í síma 525 2080 og
ítarlegri umfjöllun er á vefnum
www.valitor.is/posaleiga
VALITOR er öfl ugur arftaki Greiðslumiðlunar - VISA Íslands.
Leiga VALITOR á posum byggir á traustum grunni RÁS-þjónustu VISA Íslands.
augl_posa_190x277+.indd 1 27.09.2007 17:56:48 Uhr
BJÖRN R.
GUÐMUNDSSON
sérfræðingur í
greiningardeild Landsbankans
HAGVÖXTUR DRIFINN ÁFRAM
AF VAXANDI ÚTFLUTNINGI ÁLS
Hvernig telur þú að gengi krónunnar þróist á árinu 2008? Fellur
hún eða styrkist? Og er búið að ná verðbólgunni niður eftir þenslu
síðustu tveggja ára?
Gengi krónunnar hefur sveiflast töluvert á síðustu árum og svo
verður væntanlega áfram enn um sinn. Að okkar mati er styrking
krónunnar sem fram hefur komið á síðustu vikum tímabundin og
þegar kemur fram á næsta ári veikist hún á nýjan leik. Á næsta ári
verður krónan að jafnaði um 2,4% veikari en á þessu ári og 2009 og
2010 mun krónan veikjast að jafnaði um 3% á ári að okkar mati.
Eru skuldir heimilanna, yfir 220% af ráðstöfunartekjum, ekki orð-
nar verulegt áhyggjuefni fyrir bankana?
Á móti skuldum heimilanna standa eignir og það er því samhengi
eigna og skulda sem skiptir mestu. Því er í raun ógerlegt að segja
til um það hvenær hlutfall skulda og ráðstöfunartekna er komið út
fyrir eðlileg mörk. Hinsvegar er ljóst að eftir því sem skuldahlutfal-
lið hækkar er meiri hætta á því að eitthvað fari úrskeiðis.
Eru líkur á því að íbúðaverð lækki í krónutölum á næstu árum?
Já við teljum að íbúðaverð fari lækkandi á næsta ári þó svo að sú
lækkun verði ekki mjög mikil.
Hversu líklegt er að það hægi á útrás íslensku fyrirtækjanna á
næsta ári?
Að því gefnu að lánsfjárkreppan á erlendum mörkuðum leysist með
farsælum hætti má gera ráð fyrir að útrás íslenskra fyrirtækja geti
haldið áfram enn um sinn sem svipuðum hætti og verið hefur. Ef
hinsvegar fjármálaskilyrði versna til muna er ekki hægt að útiloka að
það geti haft neikvæð áhrif á íslensk fyrirtæki eins og önnur.
Hvernig er líklegt að verð á hlutabréfum þróist á næstu tólf mán-
uðum?
Hlutabréfamarkaðurinn er að okkar mati sanngjarnt verðlagður um
þessar mundir. Þar með má vænta þess að markaðurinn geti hækkað
í takt við 12% ávöxtunarkröfu til hlutabréfa eða þar um bil. Mikil-
vægt er þó að undirstrika hversu einsleitur íslenski hlutabréfamark-
aðurinn er orðinn þar sem vægi fjármálafyrirtækja er mjög hátt.
Framvindan á næstu 12 mánuðum mun markast mikið af því.
Hvernig telur þú að hagvöxtur verði á næstu tveimur árum?
Á næstu tveimur árum verður hagvöxtur að verulegu leyti drifinn
áfram af vaxandi útflutningi áls auk þess sem áhrif nýframkvæmda
bæði í tengslum við ný stóriðjuverkefni sem og aðrar stórfram-
kvæmdir verða töluverð. Okkar spá gerir ráð fyrir því að hagvöxtur
verði 1,8% í ár, 3,7% á næsta ári og 4% árið 2009.
Björn R. Guðmundsson, sérfræðingur í greiningardeild Landsbankans.