Tímarit hjúkrunarfræðinga - 01.05.2004, Blaðsíða 24

í Metrópólitanóperuna og sáum „Hollendinginn fljúgandi" sem
var ógleymanleg upplifun. Við ferðuðumst síðan vítt og breytt
um austurströnd Bandaríkjanna, Philadelphiu, Washington,
New Jersey og suður til Charlston. Við ræddum við stjórnend-
ur á ýmsum spítulum og um leið nutum við frábærrar gestrisni
fjölskyldu og vina Guðrúnar sem gerðu allt sem í þeirra valdi
stóð til að ferðin yrði sem ánægjulegust. Við fengum þarna
tækifæri til að kynnast nýjungum í hjúkrun, bæði í fræðslu og
stjórnun, auk þess að kynnast þjóð og landi á allt annan hátt
en ferðamenn. Síðustu vikuna, sem við dvöldum í Banda-
ríkjunum, flugu þær til Chicago á ráðstefnuna, en ég varð eftir
í New Jersey þar sem ég fékk ýtarlega kynningu á fyrirkomu-
lagi hjúkrunarfræðslu eins og hún gerðist best, á sjúkrahúsi í
New Jersey sem rekið var af Johnson og Johnson samsteyp-
unni. Þetta er ein merkilegasta og lærdómsríkasta ferð sem ég
hef farið um ævina. Okkur var alls staðar tekið opnum örmum
og með Guðrúnu í fararbroddi með allan sinn sjarma og kímni-
gáfu vildu allir allt fyrir okkur gera,“ segir Þórunn.
Guðrún kom einnig á samskiptum við hjúkrunarfræðinga sem
unnu á Keflavíkurflugvelli, bauð þeim á heimili sitt ásamt
fulltrúum úr íslenskri hjúkrunarfræðingastétt. „I áraraðir
hafði hún samband við yfirhjúkrunarfræðinga sjúkrahússins á
Keflavíkurflugvelli sem oft voru hámenntaðir,“ segir Sigurlín
Gunnarsdóttir. „Hún skipulagði fundi með þeim og íslenskir
hjúkrunarfræðingar nutu góðs af. Hún sýndi þeim íslensk
sjúkrahús og umræður yfir kaffi og meðlæti voru eftir hverja
heimsókn."
Guðrún lagði svo leið sína til Bretlands, var við nám í hjúkr-
unarkennslu við Royal College of Nursing í London 1967-
1968 og lauk námi í hjúkrunar- og sjúkrahússtjórnun frá sama
skóla 1972. Þá stundaði hún nám í hjúkrun aldraðra við há-
skólann í Manchester í Bretlandi með styrk frá WHO vetur-
inn 1974-1975. „En sá tími var erfiður, mamma var orðin veik
og ég hafði mildar áhyggjur af henni.“ Hún stundaði svo fram-
haldsnám í heilsugæsluhjúkrun við Nýja hjúkrunarskólann
1987-1988. Næstu árin vann hún ýmis störf, var hjúkrunar-
fræðingur á Landakoti, kennari við Nýja hjúkrunarskólann
1975-1978 og sinnti ýmsum öðrum störfum.
Nýjar hugmyndir á Landakoti
Ingibjörg Guðmundsdóttir réðst til starfa með Guðrúnu sem
hjúkrunarframkvæmdastjóri á Landakoti. Hún hafði kynnst
henni fyrst 1968 er hún kom til starfa við Hjúkrunarskóla Is-
lands en þá tóku þær saman fyrstu skrefin í verklegri kennsiu
nemenda á sjúkradeildum en það hafði ekki tíðkast fyrr. Hún
hafði einnig kynnst hugmyndum Guðrúnar þegar hún stund-
aði hjúkrunarkennaranám við Kennaraháskóla Islands 1977-
1979 en það var sérhönnuð námsbraut fyrir hjúkrunarfræð-
inga við skólann með einni önn þar sem kennd
voru hjúkrunarvísindi og akademísk vinubrögð í
hjúkrun. Ingibjörg vann einnig með Guðrúnu við
Nýja hjúkrunarskólann 1976-1978 en þar undir-
bjó Guðrún og hrinti í framkvæmd framhalds-
námi fyrir hjúkrunarfræðinga. „Eg hef alltaf litið
svo á að þar hafi Guðrún verið að kynna hjúkr-
unarfræðingum nýhugsun í námi og starfi varð-
andi akademísk vinnubrögð, fagmennsku, sjálfs-
skoðun og sjálfsskilning hjúkrunarfræðinga bæði
sem einstaklingar og fagmenn,“ segir Ingibjörg.
„Þetta nám, eins og margt annað sem Guðrún
vann að á þessu tímabili, þjónaði þeim tilgangi
að tengja hjúkrunarfræðinga við framtíðina og
þær breytingar sem í vændum væru, hjálpa okk-
ur að skilja í hverju þessi nýja nálgun lægi og
auðvelda okkur að horfa á þær breytingar opnum
og jákvæðum augum en ekki Iíta á þær sem ógn-
un. Þarna mun hún helst hafa unnið sem hvata-
maður og kennari í breytingarferli hjúkrunar-
náms sem varð síðan alfarið háskólafag.“
Með barnabarnabörnunum, Marteini og Katrínu
Guðrún rifjar upp þegar verið var að undirbúa
námsbraut í hjúkrunarfræði við Háskóla Islands.
Hún segir þær Maríu Pétursdóttur, Ingibjörgu
R. Magnúsdóttur, Sigurlín Gunnarsdóttir og Sig-
þrúði Ingimundardóttur hafa staðið þétt saman
við að koma náminu á háskólastig og orðið þar
langt á undan hinum Norðurlöndunum og hald-
ið forystu á menntunarsviðinu fram á þennan
dag, „og erum enn eina landið á Norðurlöndun-
um þar sem hjúkrunarfræðingar fara með yfir-
stjórn hjúkrunar á sjúkrahúsunum. Við urðum
allar mjög góðar vinkonur og erum enn þann dag
Tímarit hjúkrunarfræöinga 2. tbl. 80. árg. 2004