Tímarit hjúkrunarfræðinga - 01.05.2004, Blaðsíða 21

VIÐTAL
Rjóörið - Ný þjónusta viö
langveik börn og aöstandendur
allar vaktir með hjúkrunarfræðingum eða
þroskaþjálfum," segir hún og bætir við að auk
þess verði kona í eldhúsinu sem sjái um að elda
allan venjulegan heimilismat, og annað aðstoð-
arfólk hafi einnig verið ráðið. í húsinu er örygg-
iskerfi, myndavél sem hægt er að flytja milli her-
bergja ef þörf er á að fylgjast með tilteknu barni
sérstaklega, og sjúkrakallkerfi.
Úr einu herbergjanna
Guðrún segist leggja áherslu á að börnunum finnist spenn-
andi að koma til þeirra. Þá sé það mikill kostur að hjúkrunar-
fræðingarnir, sem vinna þarna, séu einnig í heimahjúkruninni
og þekki því börnin vel og haldi áfram að sinna þeim hvort
sem það er heima hjá þeim eða í Rjóðrinu. Þau börn, sem eru
í skólum, halda áfram að sækja þá og hún segir t.d. einn
starfsmann vera sjúkraliða, leikskólakennara og grunnskóla-
kennara og því kostur fyrir börn, sem sækja skóla, að hafa slík-
an starfsmann innan veggja heimilisins. Þá hefur verið ráðinn
til starfa listmeðferðarfulltrúi sem mun aðstoða börnin við
skapandi starf.
Eitt rúm verður fyrir bráðainnlögn en alls verða
í húsinu níu fullorðinsrúm og tvö barnarúm en
auk þess gefst foreldrum tækifæri til að vera
með börnum sínum. I hverju herbergi er sjón-
varp og myndbandstæki, góðir skápar undir föt
barnanna, sem þau hafa með sér, og annan bún-
að, svo sem hjálpartæki. I herbergjunum eru
einnig lyftukerfi, brautir í loftinu og lyfta á bað-
herberginu sem hægt er að nota við að baða
börnin í baðkeri og sturtu. „Heimilið er hugsað
sem hvíldarinnlögn fyrir foreldra fatlaðra og
langveikra barna í heimahúsum en einnig sem
endurhæfing og framhald af vistun á barnaspít-
alanum,'1 segir Guðrún og bætir við að húsið sé
mjög vel staðsett með tilliti til endurhæfingar
þar sem í næsta húsi sé endurhæfing og sund-
laug sem stóð tii að leggja niður í sparnaðarskyni
en hætt hefði verið við það. Húsið er á friðsæl-
um stað við sjóinn, í næsta húsi er líknardeildin
og húðdeild Landspítala á næstu grösum og í
húsunum fyrir ofan Rjóðrið búa um 30 einstakl-
ingar í sambýlum.
30-40 börn hafa óskað eftir að komast að og segir Guðrún að
þau muni vera til skiptis á heimilinu og í Rjóðrinu, þrjár vik-
ur heima og viku í Rjóðrinu. Tvisvar í viku verði skiptidagar.
Börnin þurfa öll á hjúkrun að halda og því hafi foreldrar verið
mjög bundnir af þeim, þau þurfi sólarhringsumönnun og erfitt
hafi verið að fá pössun fyrir þau. Mörg barnanna eru vand-
meðfarin í hreyfingu, mörg með stoðvandamál og hreyfihöml-
un, sum eru óvær og gráta jafnvel allan sólarhringinn. 011
börnin eigi það sameiginlegt að þurfa endurhæfingu. Sótt er
um vistun hjá læknum og hjúkrunarfræðingum.
Guðrún bendir á að ekkert taki við þegar börnin eru orðin 18
ára og þyrfti að stofna annað heimili fyrir þá sem eru 18 og
eldri. Draumurinn sé að byggja annað heimili við hliðina á
Rjóðrinu fyrir þann aldurshóp og hver veit nema slíkt heimili
geti risið á næstu árum með aðstoð góðra manna.
Tímarit hjúkrunarfræöinga 2. tbl. 80. árg. 2004
19