Tímarit hjúkrunarfræðinga - 01.05.2004, Blaðsíða 29

PISTILL
Nýtt starf - nýtt tækifæri
Farið er yfir reynslu viðkomandi, hvernig árang-
ursríkast sé að kynna sig í starfsleit og hvernig
búa megi sig undir starfsviðtöl. Að auki fá þeir
sem koma í viðtal bókina Frá umsókn til atvinnu
að gjöf.
Frá umsókn til atvinnu
I bókinni er sagt frá mikilvægum atriðum varð-
andi atvinnuleit. Miklu skiptir að koma sér á
framfæri á árangursríkan hátt á vinnumarkaðn-
um og því betur sem til tekst því meiri líkur eru
á velgengni í starfi. Þegar farið hefur verið í
gegnum starfsmissinn er mjög mikilvægt að við-
komandi geri sér grein fyrir persónulegri hæfni
sinni og líti í eigin barm. Tilgangurinn með því
er að forgangsraða þáttum sem tengjast atvinnu-
leit og vali starfs almennt. Fyrsta skrefið í at-
vinnuleit er því ekki að setja saman ferilskrá
heldur leggja mat á eigin persónu. I Ijósi þess að
við verjum um einum þriðja hluta ævi okkar í
vinnunni er mikilvægt að skoða hvaða starfsum-
hverfi veitir mesta ánægju því þeir sem eru óá-
nægðir í vinnu verða oft óánægðir með sjálfa sig.
Til að gera sér grein fyrir sjálfsmati er gott að
meta helstu persónuleikaþætti, styrkleika og
veikleika og biðja til dæmis vini og samstarfs-
menn að gera slíkt hið sama. Menn þurfa að átta
sig á því hvað þeir vilja, þ.e. í hvernig starfsum-
hverfi þeir vilja starfa. Vitnað er í kenningar
Johns Hollands en hann var bandarískur sál-
fræðingur sem skipti mönnum í sex flokka eftir
persónueiginleikum. Hann taldi að áhugasvið
fólks beindi því inn á ákveðin starfssvið þannig
að fólk í sömu störfum hefði oft svipuð áhuga-
mál og segði það til um í hvers konar starfi ein-
staklingum myndi líða vel. Flokkarnir eru: Raun-
sæir einstaklingar, en áhugi þeirra beinist mest
að efnislegum þáttum, rannsakandi einstakling-
ar, en áhugi þeirra beinist að vinnu með hugtök
og hugmyndir, hefðbundnir einstaklingar, en á-
hugasvið þeirra beinist að því að hafa allt í röð og
reglu og vinna í vel skipulögðu umhverfi. Þá eru
það listrænir einstaklingar, en áhugasvið þeirra
beinist að vinnu við túlkun, tjáningu og sköpun
á sviði orða, tónlistar, leiklistar eða annars slíks.
Framtakssamir einstaklingar sækja í átakaum-
hverfi og vilja vinna þar sem mikið er um að
vera. Félagslyndir einstaklingar hafa áhuga á að
vinna með öðru fólki, þeim fellur vel við að
miðla upplýsingum, þjálfa og kenna og aðstoða annað fólk.
Hjúkrunarfræðingar eru dæmi um starfsstétt í þessum síðast-
nefnda hópi.
í bókinni er enn fremur fjallað um ráðningarferli, hvernig gera
á ferilskrá, svo sem hvaða upplýsingar þurfa að koma þar
fram, hvaða mistök eru algengust og hvernig hagnýta má
internetið og tölvupóst til að koma ferilskrá á framfæri. Þá er
fjallað um kynningarbréf og fylgiskjöl, atvinnuviðtöl og ráðn-
ingarsamninga.
Starfshópur og stuðnings- og ráðgjafarteymi
Erna Einarsdóttir, sviðstjóri starfsmannamála hjá Landspít-
ala-háskólasjúkrahúsi, segir að starfshópur hafi verið stofnað-
ur til að aðstoða þá sem verða fyrir uppsögnunr vegna aðhalds-
aðgerða. Þjónusta starfshópsins felst meðal annars í að veita
stuðning og fá ráðgjöf, svo sem einstaklingsráðgjöf og stuðn-
ing við þá sem sagt hefur verið upp störfum, s.s. um réttar-
stöðu þeirra. Þá er veitt aðstoð við gerð starfsferilskrár og fólk
búið undir starfsviðtal. I þriðja lagi er veitt aðstoð við að finna
annað starf innan LSH. Starfsmenn, sem missa vinnuna
vegna núverandi aðgerða, koma til greina og ganga fyrir að
öllu jöfnu ef sambærileg störf Iosna innan spítalans. Þeir
þurfa að skrá sig á þar til gerð eyðublöð hjá skrifstofu starfs-
mannamála. 1 fjórða lagi eru veittar upplýsingar um tengiliði
við ráðningarskrifstofur og stéttarfélög og veittar leiðbeining-
ar um atvinnuleysisskráningu. Nánari upplýsingar eru á
heimasíðu starfsmannamála á upplýsingaveitu spítalans,
www.landspitali.is.
Þá segir Erna einnig starfa stuðnings- og ráðgjafarteymi til að
aðstoða þá sem eru undir álagi eða lenda í áföllum sem hafa
veruleg áhrif á líðan þeirra og starfsgetu og getur fólk leitað
þangað líka, en þetta er þverfaglegt teymi með sálfræðingum,
félagsráðgjöfum og öðrum sérfræðingum sem geta aðstoðað.
Hægt er að leita til stuðningsteymisins í heild eða einstakra
meðlima þess, munnlega eða skriflega. Fulltrúi stuðnings-
teymisins hefur aðsetur á skrifstofu starfsmannamála og
þangað er hægt að senda formlega beiðni til stuðningsteymis-
ins. Um helgar og utan hefðbundins skrifstofutíma er vakt-
prestur í forsvari fyrir stuðningsteymið og kemur málum í rétt-
an farveg. Einstaklingar, sem leita til stuðningsteymisins, eiga
kost á 1-4 viðtölum. I stuðningsteyminu eru 12 starfsmenn og
er teymið skipað til tveggja ára í senn.
Tímarit hjúkrunarfræöinga 2. tbl. 80. árg. 2004
27