Tímarit hjúkrunarfræðinga - 01.05.2004, Blaðsíða 53
PISTILL
Vísindaferö til Kaupmanna-
hafnar
Velkommen i Piie'r.uöet
Hópurinn viö Pilehuset
tekst að fást við viðbrögð og varnir þannig að
hægt sé að ræða við hann á hans forsendum. Að-
eins þannig geta lifandi samskipti átt sér stað.
Hjúkrunin í Pilehuset byggir á einstaklings-
hæfðri hjúkrun. Hver íbúi hefur sinn hjúkrunar-
fræðing/umönnunaraðila. Þetta er m.a gert tii
að draga úr fjölda þeirra starfsmanna sem koma
að umönnun hvers íbúa. Þaríir íbúanna eiga að
vera uppfylltar með virðingu fyrir hverjum og
einum. Hver íbúi á sína einstöku sögu og hver
íbúi hefur sín einstöku einkenni heilabilunar.
Allir eiga að fá tækifæri til að tjá sig á sinn hátt,
virðing fyrir einstaklingnum er mikilvæg. Ibúar
fá stuðning við að vera þeir sjálfir. Sjálfsákvörð-
unarréttur einstaklingsins er virtur og mikil sam-
skipti eru við aðstandendur. Leitast er við að efla
öryggistilfinningu íbúanna.
Þjálfun á sér fyrst og fremst stað í daglegri
virkni. Virkni er sama sem líf. Markmiðið er að
haida þeirri getu sem til staðar er og reyna að
styrkja það sem fyrir er. Efla sjálfstraust og bæta
líðan. Ibúar taka þátt í að kaupa inn, elda, rækta
garðinn og þvo þvotta. Söngur og tónlist er mik-
ið notuð á heimilunum. Hjúkrunarheimilin (á
reglulega leikskólabörn úr nágrenninu í heim-
sókn, en gamla fólkið nýtur þess að fá börnin í
heimsókn.
Lotte
Hjúkrunarheimilið Lotte er í 105 ára gömlu húsi við Fredriks-
berg í Kaupmannahöfn. Þar búa 22 íbúar á einbýli og eru 11
þeirra heilabilaðir. Hjúkrunarformið er einstaklingshæfð
hjúkrun. Þar er fyllt út æviágrip hvers íbúa, gleði/sorgir, á-
hugamál o.s.frv. Morgunmatur, hlaðborð, er milli kl. 8 og 11.
íbúar mega sofa eins lengi og þeir vilja. Enginn fer í rúmið
fyrr en kl. 21:30 og að sögn forstöðukonu þurfa íbúar engin
svefnlyf að meðaltali eftir 3ja mánaða dvöl á heimilinu. Menn
fá sér e.t.v. einn öl í staðinn.
Þegar Tyre, forstöðukona, byrjaði spurði hún starfsfólk hvort
það vildi búa á Lotte við þær reglur og vinnulag sem þar var.
Síðan bað hún starfsfólkið að setja á blað hverju það vildi
breyta. A Lotte eru
18,7 stöðugildi. Þar
ganga allir í öll verk,
ef t.d. starfsmenn
forfallast. Hug-
myndafræðin er að
lífið á deild-
inni/heimilinu sé
eins heimilislegt og
hugsast getur. ,,Ef
ég Iendi í eldhúsinu
(en Tyre segist ekki
kunna að elda) þá er
kannski bara ein-
hver dósamatur not-
aður,” segir Tyre.
Heimilið sem Tyre
stýrir er með
lægstu veik-
indaprósentu starfsfólks í Danmörku eða 0,87%. Hún sparar
500.000 danskar krónur á ári á því. Lftil sem engin hjúkrun-
arskráning á sér stað og þess vegna er mikið eftirlit frá rík-
inu í staðinn.
A Lotte eru þrjár reglur.
Regla 1: Ef íbúi verður veikur fer starfsmaður alltaf með hon-
um á sjúkrahús.
Regla 2: Dauðvona sjúklingar eru aldrei einir. Starfsmenn eða
ættingjar eru hjá þeim.
Regla 3: Holde af=þykja vænt um
Holde om= halda utan um
Holde ud= umbera
Á þriggja mánaða fresti er gæðaeftirlit hjúkrunar
metið með DMC (Dementia Care Mapping)-
spurningalista, ekki ósvipað okkar RAI-mæli-
kvörðum.
Ef einstaklingur er truflandi er því sinnt sérstaklega. Starfs-
menn eiga að byggja upp, hafa skilning þol og getu til að um-
bera, ekki fordæma.
Tímarit hjjkrunarfræðinga 2. tbl. 80. árg. 2004