Tímarit hjúkrunarfræðinga - 01.05.2004, Blaðsíða 51
Fréttamolar...
ingu með gömlum hjúkrunar- og lækningaáhöld-
um og Ijósmyndum frá fyrri tíð. Mikið er til af
gömlum munum hér sem hafa verið vel varð-
veittir. Nefnd hefur verið skipuð tii að vinna að
þessari sýningu og er það draumur okkar að hún
verði opnuð á alþjóðadegi hjúkrunar, 12. maí.
Hvet ég alla sem eiga leið vestur í sumar að
skoða sýninguna okkar og þetta fallega hús í
Ieiðinni.
Óvissuferðin. í pottinum á Suðureyri með grenningardrykki.
Síðastliðið vor kvöddum við veturinn með ó-
vissuferð sem tókst mjög vel og ætlum við að
reyna að endurtaka leikinn þetta vorið.
Það er því af nógu að taka þegar verkefnin eru
annars vegar hjá okkur hér fyrir vestan en auð-
vitað finnum við alltaf tíma til að taka vel á móti
öllum sem vilja sækja okkur heim.
Bestu kveðjur að vestan,
f.h. Vestfjarðadeildarinnar
Hildur Elísabet Pétursdóttir, formaður
Fréttir frá stjórnarfundi SSN 29.-30. mars 2004
Stjómarfundur SSN var haldinn 29.-30. mars 2004 í Kaupmannahöfn. Með-
al rnála, sem tekin voru fyrir á fundinum, voru niðurstöður vinnuhóps sem
hefur unniö að undirbúningi tillagna að lagabreytingum fyrir SSN. Megin-
markmiðið var að einfalda lögin og flytja ákveðna þætti í reglugerð sem
einfaldara er að breyta. Almenn ánægja var með vinnu hópsins og verða
lagabreytingarnar staöfestar á stjórnarfundi SSN í haust. Erlín Óskarsdóttir
1. varaformaður, sat í vinnuhópnum fyrir íslands hönd.
Haustfundur stjórnar SSN verður haldinn í Vilnius í október 2004 í fram-
haldi af ráðstefnu samtakanna sem ber yfirskriftina „Hjúkrun í sífellt
fleiri löndum sem tilheyra Evrópu". Auk SSN vinna dönsku og litháísku
hjúkrunarfélögin að undirbúningi ráðstefnunnar.
Christina Forsberg frá Svíþjóð hefur veriö ráðinn ritstjóri tímarits SSN,
Várd i Norden, í staö Martha Quivey sem lætur af því embætti að eigin
ósk. Christina var kynnt og gerði hún stutta grein fyrir stöðu blaðsins.
Fram kom að nú er um ársbiö eftir birtingu í tímaritinu. Umræður urðu
um hvort stækka ætti blaðiö til að stytta biðtímann en ákveðið var að
bíða með þaö þar til ákvörðun hefur verið tekin um þaö hvort blaðið
verði alfarið rafrænt eða ekki. Á fundinum var rædd þátttaka í erlendri
samvinnu, bæði alþjóðlegri og innan Evrópu.
Síðari dag fundarins var fjallaö um tvö viðfangsefni þ.e. öryggi sjúklinga
og rannsóknir í hjúkrun.
Öryggi sjúklinga. Britt Wendelboe geröi grein fyrir vinnu þeirri og laga-
setningu sem unnin hefur verið í Danmörku. Umræðan þar hófst ekki fyr-
ir alvöru fyrr en árið 2001 en aðeins tók þó tvö ár að fá sett lög um ör-
yggi sjúklinga i Danmörku (sett 2003). Það sem gerði kannski gæfumun-
inn í því sambandi var að í desember 2001 var stofnaður nokkurs konar
þverfaglegur grasrótarhópur sem á að fjalla um öryggi sjúklinga í
Danmörku, en þann hóp skipa fulltrúar stjórnenda heilbrigðisstofnana,
fulltrúar faghópa og sjúklingasamtaka. Fram kom að í Danmörku eráætl-
að aö árlega deyi 1500-5000 manns vegna einhverskonar mistaka. Britt
lagði fram tölur fyrir hin Norðurlöndin og kom fram aö slíkar tölur fyrir
ísland lægju á bilinu 79-306 (mismunandi eftir rannsóknum). í gögnum
þeim, sem Britt kynnti, kom fram aö 9% sjúklinga á dönskum sjúkrahús-
um hafi verið berskjaldaöir fyrir AE, þ.e. um 100 þúsund sjúklingar. Hver
þeirra er að meðaltali 7 dögum lengur á sjúkrahúsi en ella sem þýðir aö
700 þúsund legudagar eru „óþarfir" á dönskum sjúkrahúsum. Einnig kom
fram að 1/3 danskra lækna og hjúkrunarfræðinga velta nú fyrir sér að
skipta um starfsvettvang vegna hræðslu við mistök og afleiðingar þeirra.
Að loknu framsöguerindi voru umræður og stuttar kynningar frá hinum
löndunum.
Þeir sem áhuga hafa geta fengiö Ijósrit af glœrum Britt og dönsku lögunum á
skrifstofunni. Auk þess má benda á upplýsingará www.patientsikkerhed.dk.
Rannsóknir í hjúkrun. Hvert aðildarfélag gerði stuttlega grein fyrir
stöðu rannsókna i hjúkrun í sínu heimalandi. SSN hefur unnið að siða-
fræðilegum leiðbeiningum um hjúkrunarrannsóknir á Norðurlöndum.
Þær hafa verið birtar á öllum tungumálum aðildarlanda SSN í tímariti
þess, Várd i Norden, 4. tbl. 2003, og heimasíðu SSN,
www.ssn-nnf.org/ssn/index.html.
Aðalbjörg J. Finnbogadóttir
Tímarit hjúkrunarfræöinga 2. tbl. 80. árg. 2004