Morgunblaðið - 07.04.1981, Blaðsíða 20

20
MORGUNBkAÐIÐ, ÞRIÐJUDAGUR 7. APRÍL 1981
fHtfgtntftbtfrifc
Otgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar:
Aöalstræti 6, sími 22480. Afgreiðsla: Skeifunni 19, sími 83033.
Áskriftargjald 70 kr. á mánuöi innanlands. í lausasölu 4 kr. eintakiö.
V erðstöðvun
eða ekki?
Enn einu sinni er risin upp deila milli viðskiptaráðherra,
Tómasar Árnasonar, og verðlagsráðs um framkvæmd
verðstöðvunar eða réttara sagt þess, sem ríkisstjórnin kallaði um
áramótin „algjöra verðstöðvun". Ágreiningur ráðherrans og
verðlagsráðs snýst um það, hvort ráðherra hafi heimild til að
breyta ákvörðun ráðsins eða ekki. í því tilviki, sem um er deilt,
neitar ráðherra og ríkisstjórn að staðfesta þá hækkun, sem
verðlagsráð samþykkti en vill hins vegar heimila dálítið minni
hækkun en ráðið. Verðlagsstjóri hefur lýst því yfir, að hann geti
ekki gefið út verðið eins og ríkisstjórnin ákvað það, þar sem hann
líti svo á, að ríkisstjórnin geti aðeins hafnað eða samþykkt
ákvarðanir verðlagsráðs. Þorsteinn Pálsson, framkvæmdastjóri
VSÍ, sem sæti á í verðlagsráði, hefur sagt: „Að mínu mati er það
alveg ljóst, að þessi ákvörðun ríkisstjórnarinnar gengur algerlega
í berhögg við gildandi lög.“
Miðað við þær yfirlýsingar, sem gefnar voru hátíðlega um
áramótin, hefðu flestir að óreyndu haldið, að deilur milli
verðlagsráðs og ríkisstjórnar myndu ekki snúast um það á
gildistíma þeirra yfirlýsinga, hvort verðhækkanir væru prósent-
unni hærri eða lægri heldur hvort þær skyldu koma til
framkvæmda eða ekki. Ágreiningurinn, sem nú er uppi, snýst um
prósentur en ekki „algjöra verðstöðvun". Hann á rætur að rekja
til þess, að viðskiptaráðherra telur, að geðþóttasjónarmið hans
eigi að ráða en ekki hlutlægt mat verðlagsráðs.
Þessi deila ætti að sannfæra menn um það í eitt skipti fyrir öll,
hve haldlaust núverandi verðlagskerfi er orðið. Það sviptir þá,
sem undir það eru settir, allri viðleitni til að leita hagkvæmustu
kosta í innkaupum eða framboði á vöru sinni. Verðlagsráð hefur
átt að starfa eftir þeim reglum, sem tækju mið af skynsamlegum
forsendum í rekstri fyrirtækja. Ríkisstjórnin telur nú orðið slíkar
forsendur að engu hafandi. í stað geðþóttastjórnar undir yfirskini
„algjörrar verðstöðvunar" á að koma frelsi í verðlagsmálum, þar
sem samkeppni ræður verðlagi en ekki misvitrir stjórnmálamenn.
„Framkvæmd" þeirrar stefnu í verðlagsmálum, sem ríkisstjórnin
boðaði um áramótin, verður vonandi til að eyðileggja þá úreltu
skipan, sem nú ríkir á þessu sviði.
Stjórnsýslulög
Alþingi hefur samhljóða samþykkt þingsályktunartillögu, sem
Ragnhildur Helgadóttir flutti, þar sem skorað er á
ríkisstjórnina að láta hið fyrsta kapna, hvort tímabært sé að sett
séu hér á landi almenn stjórnsýslulög. Þetta er skynsamleg
samþykkt, því að með stjórnsýslulögum á að tryggja réttaröryggi
einstaklinga gagnvart ákvörðunum stjórnvalda og jafnframt gera
athafnir framkvæmdavaldsins skýrari, eins og komist er að orði í
greinargerð Ragnhildar fyrir tillögunni.
Með sívaxandi íhlutun hins opinbera í málefni einstaklinga og
fyrirtækja þeirra er meiri þörf en áður fyrir lagareglur, er gefa
borgurunum færi á því að verjast og bera hönd fyrir höfuð sér, ef
þannig má að orði komast. Má ekki lengi dragast að ríkisstjórnin
leggi þetta mál fyrir Alþingi að nýju í formi lagafrumvarps.
Tvíbentar
heillaóskir
Ymsum þykir áreiðanlega réttmætt að óska Ólafi R.
Grímssyni, formanni þingflokks Alþýðubandalagsins, til
hamingju í tilefni af því, að yfirlýsingar hans um öryggismál
Islands þykja nú orðið fréttnæmar í málgögnum Sovétstjórnar-
innar. Með þeirri viðurkenningu hefur traustið á Ólafi R.
Grímssyni í valdakerfi heimskommúnismans margfaldast og
vegur hans til enn meiri valda innan Alþýðubandalagsins verður
greiðfærari eftir en áður.
Fréttin í Sovetskaja Rossyia fyrir rúmri viku, þar sem fagnað
er afstöðu Þjóðviljans og Ólafs R. Grímssonar til varna íslands,
auðvitað á þeirri forsendu, að þessir aðilar ganga erinda sovéskra
hernaðarhagsmuna, sýnir betur en flest annað, hve vel
Sovétmenn fylgjast með öllum hræringum hér á landi og hverjum
þeir treysta best nú um stundir. Það er einnig í samræmi við
áróðursaðferðir málgagna heimskommúnismans, að snúa stað-
reyndum algjörlega við, eins og gert er, þegar gefið er til kynna að
„íslenska þjóðin" fylgi Þjóðviljanum og Ólafi R. Grímssyni í þessu
máli!
Skáldið spjallar við gesti að dagskránni lokinni á sunnudaginn.
„Tómas og við“ í Norræna húsinu:
Dagskráin tvítekin, en þó
komust færri að en vildu
FJÖLMENNI var á hátíðinni
sem eínt var til í Norræna
húsinu á sunnudag, vegna átt-
ræðisaímælis Tómasar Guð-
mundssonar skálds fyrr á þessu
ári. Upphaflega átti að vera ein
samkoma klukkan 15, en vegna
gifurlegrar aðsóknar, var
ákveðið að endurtaka hana
klukkan 16.30, og þá þurfti fóik
enn að hverfa frá er fullt var út
úr dyrum.
Norræna félagið í Reykjavík
efndi til dagskrárinnar, sem
nefndist „Tómas og við“. Nem-
endur í þriðja bekk Leiklistar-
skólans fluttu ljóð skáldsins, er
þau höfðu sjálf valið, og skáldið,
sem var viðstatt, var heiðrað af
samkomugestum.
Dagskráin tókst í alla staði
frábærlega vel, flytjendum var
vel tekið, Tómasi færð blóm frá
Norræna félaginu, og hann
hylltur með langvarandi lófa-
taki. — Til þess var tekið að
margt ungt fólk sótti samkom-
urnar, og fjöldi fólks bað Tómas
um að árita bækur hans er það
hafði meðferðis.
Hluti samkomugesta á dagskránni „Tómas og við“ i Norræna húsinu á sunnudaginn.
Reykjanes — Reykjavík:
Einbýlishús stærst, en f jöl-
býlishúsaíbúðir minnstar
EINBÝLISHÚS Reyknesinga
og Reykvíkinga eru áberandi
stærst, samkvæmt yfirliti frá
Fasteignamati ríkisins, en í
þvi segir, að einbýlishús séu
að meðaltali 175 fermetrar á
Reykjanesi og 172 fermetrar í
Reykjavík. Á Reykjanesi eru
einbýlishúsin að meðaltali
534 rúmmetrar og í Reykja-
vík 514 rúmmetrar.
Vesturland og Vestfirðir eru
teknir saman í yfirliti Fast-
eignamatsins og þar kemur í
ljós, að einbýlishúsin eru að
meðaltali 146 fermetrar og 460
rúmmetrar.
Á Norðurlandi eru einbýlis-
húsin að meðaltali 148 fer-
metrar og 467 rúmmetrar. Á
Austurlandi eru húsin að með-
altali 145 fermetrar og 475
rúmmetrar og á Suðurlandi
eru húsin að meðaltali 131
fermetri og 412 rúmmetrar.
Við samanburð á fjölbýlis-
húsum kemur í ljós, að íbúðir
eru að meðaltali langstærstar
á Vesturlandi og Vestfjörðum,
eða 101 fermetri og 350 rúm-
metrar. í Reykjavík eru fjöl-
býlishúsaíbúðir að meðaltali
82 fermetrar og 297 rúmmetr-
ar, á Reykjanesi 87 fermetrar
og 308 rúmmetrar, á Norður-
landi 91 fermetri og 322
rúmmetrar, á Austurlandi 99
fermetrar og 337 rúmmetrar
og loks á Suðurlandi 98 fer-
metrar og 316 rúmmetrar.
Rétt er að taka fram, að í
flatarmáli og rúmmáli einbýl:
ishúsa er öll stærð þeirra. í
flatármáli fjölbýlishúsa hins
vegar, er allri sameign sleppt.
Allt rúmmál fjölbýlishúsa er
þó tekið með.