Morgunblaðið - 07.04.1981, Blaðsíða 29

MORGUNBLAÐIÐ, ÞRIÐJUDAGUR 7. APRÍU 1981
29
Vestfirðir:
Fádæma góður afli
línubáta í marz
SKAKVIÐRI var mikinn hluta
mánaðarins á miðunum úti af
Vestfjörðum og setti það svip
sinn á sjósóknina, sérstaklega við
Djúp og frá nyrðri fjörðunum.
Þar gaf ekki til róðra á aðra
viku, segir meðal annars í yfirliti
Fiskifélagsdeildarinnar á ísa-
firði um sjósókn og aflabrögð í
Vestfirðingafjórðungi i marz-
mánuði siðastliðnum.
Afli línubáta var fádæma góður
allan mánuðinn og var uppistaðan
í aflanum vænn þorskur, en lítið
bar á steinbít fyrr en rétt síðustu
dagana. Afli togaranna var tregur
framan af mánuðinum, en glædd-
ist þegar á leið. Voru togararnir
margir í þorskveiðibanni hluta
mánaðarins og þá að veiðum fyrir
sunnan land. Sjór er nú óvenju-
lega kaldur útaf Vestfjörðum og
öll fiskislóðin gjörsamlega lífvana
og telja menn, að það sé orsökin
fyrir þessum góða línuafla, sem
verið hefur nú í vetur.
I marz stunduðu 13 togarar og
25 bátar botnfiskveiðar frá Vest-
fjörðum. 18 reru með línu, en 7
með net. Heildaraflinn í mánuðin-
um varð 8.645 lestir og er heildar-
aflinn frá áramótum 22.762 lestir.
í fyrra var aflinn í marz 12.025
lestir og fyrstu þrjá mánuði ársins
30.774 lestir.
Aflahæsti línubáturinn í marz
var Vestri frá Patreksfirði með
257 lestir, en í fyrra var Hugrún
frá Bolungarvík aflahæst línubáta
með 246,6 lestir í 20 róðrum. Pálmi
frá Patreksfirði var aflahæstur
netabáta bæði árin, nú með 344,3
lestir, en í fyrra með 331,4 lestir.
Páll Pálsson var nú aflahæstur
togaranna með 499,9 lestir, en í
fyrra var Guðbjörg aflahæst í
marz með 673,8 lestir, segir í
yfirliti fiskifélagsdeildarinnar á
Isafirði.
Hitaveita formlega tek-
in í notkun á Homafirði
Höfn Hornafirði, 4. april 1981.
LAUGARDAGINN 4. apríl var
formlega tekin i notkun Hita-
vcita Hafnarhrepps, en nú er
lokið fyrsta áfanga. þ.e. bygg-
ingu kyndistöðvar og tengi-
brunna ásamt öðrum og þriðja
áfanga dreifikerfisins.
Sjálf vígsluathöfnin fór fram í
hinni nýju kyndistöð í Álaugarey
að viðstöddum fjölda gesta, þar á
meðal voru iðnaðarráðherra,
Hjörleifur Guttormsson, Sverrir
Hermannsson, alþingismaður,
ásamt hönnuðum veitunnar.
Kristján Jónsson, rafmagnsveitu-
stjóri ríkisins, setti athöfnina og
bauð gesti velkomna. Að loknu
stuttu ávarpi rafmagnsveitustjóra
ríkisins lýsti Karl Omar Jónsson,
forstjóri Fjarhitunar hf., bygg-
ingu veitunnar, en það fyrirtæki
sá um alla hönnun veitunnar. Karl
Ómar sagði meðal annars, að
varmaafl veitunnar við lok 1.
áfanga væri 3 megawött, en þegar
2. og 3. áfanga væri lokið, væri
varmaaflið komið í 12 megawött.
Einnig sagði Karl Ómar, að í
haust yrði byggður rafskautsket-
ill, sem fá mun orku frá Lands-
virkjun með tilkomu suðaustur-
línunnar en hún mun verða tengd
Hornafirði í haust.
Næstur tók til máls Hjörleifur
Guttormsson, iðnaðarráðherra, og
að loknu stuttu ávarpi, ræsti
ráðherrann dælur veitunnar og
lýsti hana formlega tekna í notk-
un. Því næst var gestum boðið að
skoða kyndistöðina en að því
loknu bauð Kristján Jónsson, raf-
magnsveitustjóri ríkisins, fyrir
hönd RARIK og hitaveitu Hafnar-
hrepps, gestum til samsætis að
Hótel Höfn. Samsætið sátu um 70
manns og voru flutt mörg stutt
ávörp á meðan veitingar voru
bornar fram.
Margt fróðlegt kom fram hjá
ræðumönnum og meðal annars
sagði Sigurður Hjaltason, sveitar-
stjóri Hafnarhrepps, að nú hefðu
verið tengd um 140 hús eða um
67% húsa, einnig að um 254 tonn
af lögnum hefði verið notað í
dreifikerfið. Sigurður sagði, að
kostnaður við veituna í dag væri
um 800 millj. gkróna.
Því næst talaði hitaveitustjóri,
Þorsteinn Þorsteinsson, og í
ávarpi sínu sló hann á létta
strengi og las meðal annars upp úr
dagbók eftirlitsmanna sem rituð
var á meðan framkvæmd stóð. Á
stundum fengu gestir það á til-
finninguna, að verið væri að lýsa
sprengjuárásum úr fyrri heims-
styrjöldinni, þegar verið var að
lýsa sprengjuárásum á klappir hér
og þar um bæinn sem voru í vegi
fyrir tengibrunnastæðum.
Einnig má geta þess, að til þess
að tengja og koma í jörð þeim 254
tonnum af lögnum sem í dreifi-
kerfið fóru, var unnið í svo til
hvaða veðri sem var og á einum
illviðrisdeginum þegar vindmælar
stóðu í 12 vindstigum þá máttu
rafsuðumenn sem unni við teng-
ingu dreifikerfisins horfa á eftir
sérhönnuðu hlífðarhúsi sínu tak-
ast á loft og hafna í innsigling-
unni, og vonandi verður þetta eina
skiptið sem framkvæmdir við
Hitaveituna valda innsiglingar-
tegðu í einni stærstu verstöð
landsins.
Haukur Þorvalsson, form. Hita-
veitunefndar, flutti stutt árvarp
ásamt því að flytja gamanmál og
má segja að létt hafi verið yfir
samsætinu enda allir mættir til að
fagna merkum áfanga.
Að lokum tók til máls Kristján
Jónsson, rafmagnsv.stjóri ríkisins
og þakkaði öllum þeim er að
byggingu veitunnar hafa staðið og
að lokum óskaði hann Hafnar-
búum til hamingju með þennan
merka áfanga.
Einar
Þorskaflinn 55 þús.
lestum minni en ’80
Þrír aflahæstu bátarnir, sem
lönduðu á laugardag, voru: Giss-
ur hvíti SF með rúm 67 tonn,
Skógey SF með tæp 62 tonn og
Hvanney SF með rúm 60 tonn.
— Einar
Mikill rækju-
afli á land á
Bíldudal í marz
RÆKJUVEIÐAR voru stundað-
ar á þrem veiðisvæðum i Vest-
firðingafjórðungi í marz: Arn-
arfirði, ísafjarðardjúpi og
Iiúnaflóa. og bárust alls á land
586 lestir, en i fyrra var rækju-
aflinn i marz 748 lestir.
Á Bíldudal komu á land 147
lestir, og er það einn bezti
rækjuafli, sem þar hefir fengist í
einum mánuði. Er aflinn í Arn-
arfirði frá byrjun haustvfertíðar
þá orðinn 362 lestir.
I verstöðvunum við ísafjarð-
ardjúp komu á land 309 lestir af
rækju, og er aflinn á haust- og
vetrarvertíðinni þá orðinn 2.398
lestir. Á Hólmavík og Drangs-
nesi komu á land 130 lestir og er
vertíð þar lokið, en þar komu á
land í vetur 1.045 lestir af rækju.
Einn bátur frá Bíldudal, Snæ-
berg, stundaði skelfiskveiðar og
aflaði 141,6 lestir í 23 róðrum í
marz.
ÞORSKAFLI fyrstu þrjá mán-
uði þessa árs var 55 þúsund
lestum minni heldur en fyrsta
ársfjórðung siðasta árs. Kemur
þetta fram í hráðabirgðatölum
Fiskifélags tslands um afla-
brögð þetta tímabii.
í marzmánuði var þorskafli
báta 48.896 lestir, en í sama
Suðurland 1981
1980
Suðurnes 1981
1980
Hafnarfjörður 1981
Reykjavík 1980
Vesturland 1981
1980
Vestfirðir 1981
1980
Norðurland 1981
1980
Austfirðir 1981
1980
Erlendis 1981
1980
1981
Alls afli 1980
mánuði í fyrra 69.658 lestir.
Þorskafli togara í marz var
17.005 lestir, en 25.469 lestir í
marz í fyrra.
Hér fer á eftir tafla Fiskifél-
agsins um þorskafla báta og
togara annars vegar og botnfisk-
aflann hins vegar frá áramótum
til 31. marz:
Þorskur Botnfiskur
Bátar Tog Batar Tog
12376 2570 21048 6036
18859 4485 26085 7567
25099 2354 31395 6602
26232 6758 32578 9250
3126 5003 3733 19198
5180 12473 5731 17827
16047 2465 17020 5901
21129 5825 22380 7285
8110 6426 9394 13583
8199 18389 10658 20880
8561 11682 8652 18830
9692 22151 9909 25285
6278 9964 7741 13034
8555 5992 12190 10647
133 1539 175 4438
235 2754 605 5966
79730 42003 99158 87622
98081 78826 120137 104707
Afli loksins
f arinn að glæðast
Vestmannaeyjum. 6. apríl.
AFLI HEFUR glæðst verulega
undanfarið hjá bæði bátum og
togurum. Á laugardag var mjög
góður afli og stærsti löndunar-
dagur á vertíðinni. Bátaafli var
þá yfir 900 tonn, en samanlagð-
Bezti dagur
vertíðarinn-
ar á Höfn
Hornafirði, 5. apríl.
AFLI netabáta frá Hornafirði
virðist vera að glæðast og var
stærsti löndunardagur vertíðar-
innar í gær, laugardag, en þá
var landað um 480 lestum.
Mikil vinna hefir verið að und-
anförnu og var t.d. unnið um
aila helgina i fiskvinnslustöðv-
um staðarins.
ur afli með togaraiöndun, sem
þá var, var yfir þúsund tonn.
margir netabátar voru með
20 —40 tonn eftir nóttina.
Minni trollbátarnir, sem eru
hér á heimamiðum, voru margir
með 10—20 tonn eftir daginn.
Mestur hluti aflans er nú
þorskur, en áður hafði afli troll-
báta meira veirð ýsa, en ufsa-
blandað hjá sumum netabátum.
Virðist þorskur nú vera að ganga
meira á heimamið.
Um helgina var fyrsta helgar-
fríið hjá netabátunum. Þeir eru
nú á heimleið og það sem frézt
hefur er að margir hafi fengið
góðan afla og því er útlit fyrir að
í kvöld komi mikill afli á land.
Togaraafli hefur einnig verið
verulega góður. Þannig er Vest-
mannaey með fullfermi inni í
dag og Sindri og Klakkur, sem
lönduðu í lok siðustu viku, voru
einnig með góðan þorskafla. Þór-
unn Sveinsdóttir er aflahæst
netabátanna með tæp 800 tonn,
en Suðurey kemur fast á eftir.
Mikið af fiskinum er hengt
upp í skreið og nánast eins mikið
og hægt er að hengja upp og
undan hefst við að byggja upp
hjalla. Er þá bæði um að ræða
flestar tegundir fiskjar og
hausa. Við fiskvinnsluna er mik-
ið af fólki úr öðrum atvinnu-
greinum, sérstaklega um helgar
og á kvöldin, m.a. skrifstofufólk,
verzlunarfólk, skólanemar og
fleiri.
Á laugardag og sunnudag var
einnig loðnulöndum hér, en þá
landaði Bergur hér um 500
tonnum. Aflinn fékkst rétt aust-
an við Eyjar. Þá landaði Huginn
170 tonnum af spærling á laug-
ardag og er það fyrsti spærlings-
aflinn á vertíðinni.
— Fréttaritari
í Vestmannaeyjum hefur mikið verið hengt upp á vertíðinni og stundum hafa menn ekki haft við við
að koma upp nýjum hjöllum. Óskar Matthíasson lítur það greinilega með velþóknun að sjá
þorskhausana verða að verðmætum, en mikið er hert af þeim. (Ljósm. SigurKeir).
V estmannaeyjar: