Morgunblaðið - 09.03.1982, Blaðsíða 1

48 SÍÐUR MEÐ 8 SÍÐNA ÍÞRÓTTABLAÐI
52. tbl. 69. árg. ÞRIÐJUDAGUR 9. MARZ 1982 Prentsmiðja Morgunblaðsins.
Leynifundur æðstu manna
Samstöðu í síðustu viku
Varsjá, 8. mars. AP.
ÞEIR ædstu manna Samstöðu, sem enn ganga lausir, komu saman
til fundar utan Varsjár í síðustu viku að því áreiðanlegar heimildir
herma. Ekki var hægt að fá upplýst hvar fundurinn var haldinn, eða
hverjir sóttu hann, utan hvað tekið var fram, að fundarmenn hefðu
verið 107 talsins.
Starfsemi Samstöðu hefur að
mestu verið lömuð frá því herlög
gengu í gildi í landinu. Á fundin-
um var m.a. rætt um það að efna
til fundar með yfirvöldum með því
skilyrði þó, að Lech Walesa, sem
enn er í stofufangelsi, sæti hann.
Hópur 100 stúdenta efndi í dag
til minningarathafnar í Varsjá.
Lögðu þeir blómsveig að minn-
ingarskildi um stúdentaóeirðirnar
1968. Þau mótmæli urðu vegna
þess að sýningum á leikriti frægs
pólsks skálds, Adam Mickiewicz,
var hætt þar sem stúdentarnir
höfðu fagnað andsovéskum að-
gerðum. Stúdentahópar í Kraká,
Gdansk, Lodz, Lublin og Wroclaw
sýndu síðar samstöðu sína í verki.
Að sögn dómsmálaráðherrans,
Sylwester Zawadzki, eru enn 3953
í haldi í 25 fangelsum. Hefur föng-
um fækkað um rúmlega hundrað
síðan í febrúarlok. Ráðherrann
upplýsti ennfremur, að 17 um-
sóknir hefðu borist frá föngum um
leyfi til að fara úr landi. Hafa yf-
irvöld boðið þeim, sem vilja yfir-
gefa landið, vegabréf. Boð þetta
kemur til af því að yfirvöld telja
það vera „mannúðlegustu leiðina
til að einangra hlutaðeigandi og
verja hagsmuni ríkisins“.
Jóhannes Páll páfi II þakkaði í
dag sendinefnd 20 bandarískra
þingmanna fyrir samstöðu þeirra
með pólskum almenningi. Sagði
páfi sendiför þeirra hafa verið af-
ar mikilvæga og þjóð þeirra til
sóma. I bréfi, sem páfi sendi af
þessu tilefni, sagði hann m.a. að
sendinefndin myndi vafalítið hafa
orðið margs vísari og gæti frætt
þjóð sína um raunverulegt ástand
mála í Póllandi.
Nú er talið að fyrirhuguð heim-
sókn páfa til heimalandsins geti
seinkað. Ætlaði hann að fara til
Póllands í ágúst, en eftir því, sem
fregnir herma vilja yfirmenn
pólsku kirkjunnar fresta heim-
sókninni þar til herlögum verður
aflétt.
Eiginkona Lech Walesa hefur
skýrt frá því að hann muni fá leyfi
til að vera viðstaddur skírn yngsta
barns þeirra eftir tvær vikur. „Við
munum dvelja saman í Gdansk
um páskana," sagði hún í samtali
við fréttamann AP.
Hún lét þess ekki getið hvort
Walesa yrði sleppt lausum um
stundarsakir eða fyrir fullt og allt.
Viðbrögð yfirvalda við þessum
ummælum eru óljós, en hingað til
hefur ekki verið vitað til þess að
Walesa yrði sleppt.
Laker stofnar
nýtt flugfélag
London, 8. marz. Al*.
SIR FREDDIE Laker greindi frá
því um helgina, að hann hefði í
hyggju að stofna nýtt flugfélag í
stað þess sem varð gjaldþrota.
Sir Freddie sagði að nýja fé-
lagið myndi aðeins hafa í þjón-
ustu sinni fimm vélar, að
minnsta kosti til að byrja með
og 770 starfsmenn, samanbor-
ið við 13 vélar og 2795 í hinu
fyrra fyrirtæki.
Times skýrði frá því að Lak-
er væri með öllu horfinn frá
þeirri fargjaldastefnu sem
hann fylgdi og myndi hann
jafnvel sækja um IÁTA-aðild.
Frá kosningunum í Guatemala. Myndin er tekin á sunnudagsmorgun og sýnir hvar þúsundir kjósenda bíða eftir
því að komast að kjörborðinu til að greiða frambjóðendunum fjórum í forsetakosningunum atkvæði sitt.
Hershöfðingi efstur í
kosningum í Guatemala
(>uat(‘mala, 8. mar.s. AP.
ÍIRSLIT í forsetakosningunum í
Guatemala lágu enn ekki fyrir seint
í gærkvöldi, en frambjóðandi ríkj-
andi herforingjastjórnar hafði for
ystuna.
Af þeim atkvæðum, sem talin
höfðu verið, hafði Angel Anibal
Guevara, hershöfðingi, hlotið
37%. Sá, sem næstur honum kom
var Mario Sandoval Alarcon, með
27% atkvæða. Guevara nýtur
stuðnings herforingjastjórnarinn-
ar í landinu.
Hinir frambjóðendurnir hafa
allir lýst því yfir, að þeir muni
kæra kosningarnar á grundvelli
kosningasvika og rangra upplýs-
inga. Alejandro Maldonado Agu-
irre, einn frambjóðendanna fjög-
urra, heldur því fram, að yfirvöld
haldi leyndum upplýsingum um
niðurstöður í öruggustu kjördæm-
um hans til þess að láta svo líta út,
sem Guevara hafi örugga forystu.
Tölur um kjörsókn liggja ekki
fyrir. Talið var að innan við ein
milljón þeirra 2,3 milljóna, sem á
kjörskrá voru, myndi neyta at-
kvæðisréttar síns. Fái enginn
frambjóðendanna meira en 50%
atkvæða kemur það í hlut þingsins
að velja á milli tveggja efstu
manna í kosningunum.
Segjast hafa verið
beittir harðræði
Veróna, 8. mars. AP.
RÉTTARHÖLI) gegn 16 meðlimum Rauðu herdeildanna hófust í Veróna í
dag. Eru þeir sakaðir um hlutdeild í ráninu á James L. Dozier hershöfðingja.
Einn hinna fimm sýndi frétta-
Aðeins sjö hinna ákærðu voru í
réttarsalnum þegar yfirheyrslur
hófust. Átta ganga enn lausir, en
málsókn gegn þeim fer fram að
þeim fjarstöddum. Einn sakborn-
inganna, sem var sakaður um að
aka bíl sem var notaður í sam-
bandi við ránið, nýtti rétt sinn til
að vera ekki viðstaddur réttarhöld-
in.
Hinir ákærðu eiga yfir höfði sér
30 ára fangelsisdóm verði þeir sek-
ir fundnir. Tveir sjömenninganna
hafa alfarið neitað að ræða við
dómarana.
mönnum sár á hendi. Segist hann
hafa fengið það vegna pyntinga.
Kvaðst hann mundu fletta sig
klæðum ef hann gæti til að sýna
fréttamönnum ör sem hann hafi
fengið vegna raflosts.
Hinir ákærðu hafa lagt fram sex
síðna kæruskjal þar sem þeir segj-
ast hafa verið beittir ofbeldi við
yfirheyrslur. Var samþykkt að láta
þá gangast undir læknisskoðun til
að sannreyna hvað rétt væri í stað-
hæfingum þeirra.
Lægsta gullverð
í 2V2 ár í Evrópu
London, 8. mars. AP.
GIILLVERÐ var la'gra í Evrópu í dag en það hefur verið í tvö og hálft ár. Vcgna
mikils samdráttar hjá olíuframleiðsluríkjum að undannirnu hafa þau selt gull í
stórum stfl. Þá hafa Sovétmenn einnig selt mikið gull til að fjármagna kaup á
korni.
Gullúnsan var í dag skráð á 325,63
dollara við lokun í Lundúnum. Er
það rúmlega 16 dollara lækkun frá
því á föstudag.
Verðhrunið var ekki alveg eins
mikið í Zurich. Þar lækkaði verð á
gulli um 10 dollara únsan frá því á
föstudag. Gullverð hefur nú lækkað
um 50 dollara undanfarnar fjórar
vikur.
Staða dollarans var óljós, en hann
hafði lækkað gagnvart flestum
sterkari gjaldmiðlunum. Jafnvel
hafði verið búist við enn meiri lækk-
un dollarans, en raun varð á.
Gjaldeyrisviðskipti voru með ró-
legasta móti í Evrópu.
Fundum hætt í Madrid
Madrid, 8. mars. AP.
EFTIR 57 klukkustunda „kaffihlé"
komust fulltrúar landanna 35 á ör
yggismálaráðstefnu Evrópu að sam-
komulagi í dag um að fresta frekari
fundahöldum til 9. nóvember nk. Var
sú ákvörðun tekin með hliðsjón af
atburðunum í Póllandi.
Það voru fulltrúar Vesturlanda
sem kröfðust þess að ráðstefnunni
yrði frestað þar sem fundahöld
hefðu enga þýðingu á meðan her-
lög væru í gildi í Póllandi.
„Það var nauðsynlegt að koma
Sovétmönnum í skilning um að
ekki væri hægt að halda ráðstefn-
unni áfram eins og ekkert hefði í
skorist á sama tíma og herlög giltu
í Póllandi," var haft eftir einum
talsmanna Vesturlanda á ráðstefn-
unni.
Öryggismálaráðstefnan hefur
ekki komist að nokkurri niður-
stöðu frá því hún kom saman á ný.
Stirðleiki í samskiptum austurs og
vesturs hefur gert það að verkum,
að ekki hefur náðst samkomulag
um eitt einasta atriði. Því var talið
tilgangslaust að halda fundum
áfram.
Hafréttarrádstefnan:
Einhugur rfkja
þriðja neimsins
New Vork, H.mars. AP.
FI'LI.TRI AR ríkja þriðja heimsins héldu því fram í dag, að ef Bandaríkjame,
samþvkktu ekki inntak hafréttarsáttmálans myndu ríkisstjórnir þeirra samþykkja
hann án Bandaríkjamanna.
Voru þetta viðbrögð fulltrúanna
við kröfum Bandaríkjamanna um
gerbreytt ákvæði í tengslum við auð-
lindavinnslu á hafsbotni. Reynt hef-
ur verið að komast að samkomulagi
um þann þátt hafréttarsáttmálans
allt frá árinu 1973, en án árangurs.
Forseti ráðstefnunnar, Tommy
Koh frá Singapore, tjáði frétta-
mönnum að reynt yrði með öllum
tiltækum ráðum að fá Bandaríkja-
menn til að samþykkja innihald
sáttmálans. Tækist það hins vegar
ekki myndu fulltrúar ríkja þriðja
heimsins, sem eru um 120 talsins,
fylgja settum reglum og samþykkja
hann þótt Bandaríkjamenn legðu
ekki blessun sína yfir hann.