Morgunblaðið - 17.05.1983, Blaðsíða 2

2
MORGUNBLAÐIÐ, ÞRIÐJUDAGUR 17. MAÍ 1983
MAÐURINN sem beið bana um
borð í vélbátnum Mumma frá
Sandgerði síðastliðinn föstudag
hét Pétur Bertelsen, til heimilis að
að Hringbraut 71 í Keflavík. Pétur
var 41 árs að aldri, fæddur 12. júní
1941. Pétur var tvíkvæntur og læt-
ur eftir sig þrjú börn.
Nafn mannsins
sem beið bana
flokkanna haía
hvort öðru
Sjónarmíð
færst nær
— segir Geir Hallgrímsson
„ÞAÐ var Ijóst strax eftir að Fram-
sóknarflokkurinn hafnaði tillögum
okkar til stjórnarmyndunar á mið-
vikudaginn var, að erfitt myndi
vera að hefja strax máls á samstarfi
þessara flokka og töluvert þyrfti til
að koma til að brúa það bil sem þá
var til staðar," sagði Geir Hall-
grímsson, formaður Sjálfstæðis-
flokksins, í samtali við Morgun-
blaðið, þegar hann var inntur álits á
slitum stjórnarmyndunarviðræða
Framsóknarflokks og Sjálfstæðis-
flokks.
„Ég er hins vegar þeirrar skoð-
unar, að þessi umferð undir for-
ystu Steingríms Hermannssonar
hafi skýrt málin og sjónarmið
flokkanna hafi færst nær hvort
öðru, en ennþá stendur á milli sá
ágreiningur hve langan tíma
ríkisvaldið eigi að ákveða með
lögum launahækkanir í stað verð-
bóta. Við sjálfstæðismenn viljum
leggja það á vald aðila vinnu-
markaðarins sem fyrst. Á hinn
bóginn er enginn ágreiningur um
það að nauðsynlegt er að afnema
hið sjálfvirka vélgenga verðbóta-
kerfi launa, sem úthlutar laun-
þegum ímyndaða kauphækkun
sem felst aðeins í hærri en verð-
minni krónutölu," sagði Geir.
„Ég vil taka það fram að við-
ræður við Steingrím Hermanns-
son og aðra fulltrúa Framsóknar-
flokksins, bæði á meðan ég hafði
stjórnarmyndunarumboðið og
Steingrímur Hermannsson, hafa
verið málefnalegar og hreinskipt-
ar og sýna skilning á grundvall-
arvandamálinu sem við stöndum
frammi fyrir, þótt samkomulag
hafi ekki náðst. Ég geri ráð fyrir
því að málefnaágreiningur
byggður á málefnalegum grund-
velli hafi ríkt innan Framsóknar-
flokksins og Sjálfstæðisflokksins
og raddir í báðum flokkum hafi
talið ekki nægilega komið til
móts við sjónarmið eigin flokks.
Það er út af fyrir sig eðlilegt, en
að lokum hlýtur meirihlutastjórn
á Alþingi að byggjast á því að
málamiðlun takist milli mismun-
andi sjónarmiða," sagði Geir
Hallgrímsson að lokum.
:flíO
Skipverjar af línuskipinu Hugrúnu ÍS frá Bolungarvík eru þessa dagana í heimsókn í höfuðborginni í vertíðar-
lok. í gær kom hópurinn á Morgunblaðið til að kynna sér blaðamennsku og hvernig dagleg störf á dagblaði
ganga fyrir sig. Á myndinni sést hvar Ingvar Hjálmarsson, verkstjóri í tæknideild Morgunblaðsins, ræðir við
skipverja og maka þeirra.
Batnandi staða á álmörkuðum:
Álverð hefur hækkað
um 71% á liðnu ári
ÁLVERÐ hækkaði verulega á heims-
markaði í síðustu viku, en í lok vik-
unnar var verð á tonninu komið upp
í um 1.500 dollara. Hafði hækkað úr
liðlega 1.415 dollurum í upphafi
viku, eða um tæplega 6%.
Álverð hefur á einu ári hækkað
um liðlega 71%, eða úr um 875
dollurum í um 1.500 dollara eins
og áður sagði. Sérfræðingar hafa
þóst sjá teikn þess efnis, að mark-
aðir væru að taka verulega við sér
samfara almennum efnahagsleg-
um bata í iðnríkjunum.
Ragnar S. Halldórsson, forstjóri
íslenska álfélagsins, hefur lýst
þeirri skoðun sinni, að verðið þurfi
að ná 1.700—1.800 dollurum, til að
viðunandi rekstrarskilyrði skapist
fyrir ÍSAL.
Þess má geta, að fyrstu þrjá
mánuði ársins jókst útflutningur
á áli um tæplega 28%, þegar út
voru flutt 23.559,0 tonn, miðað við
18.410,4 tonn á sama tíma. Verð-
— segir Steingrím-
ur Hermannsson
STEINGRÍMUR Hermannsson,
formaður Framsóknarflokksins,
skilaði umboði sínu til myndunar
meirihlutastjórnar til forseta íslands
um miðjan dag í gær. Að því loknu
hélt Steingrímur blaðamannafund
þar sem hann tilkynnti lok stjórn-
armyndunarviðræðna Framsóknar-
flokks og Sjálfstæðisflokks, en um
ástæður fyrir að ekki tókst samstaða
með flokkunum sagði Steingrímur
að ekki hefði verið jarðvegur til
myndunar þeirrar ríkisstjórnar sem
hann stefndi að. Sagði hann að sú
ríkisstjórn hefði átt að vera sterk
stjórn sem taka ætti á efnahagsmál-
unum og ekki mynduð til setu í
skamman tíma.
Steingrímur sagði að í upphafi
stjórnarmyndunartilrauna sinna
hefði hann rætt við alla for-
svarsmenn flokka og samtaka og
hefði hann komist að þeirri niður-
stöðu að samstjórn Framsóknar-
flokks og Sjálfstæðisflokks hefði
verið eini raunhæfi möguleikinn.
Sagði hann að umræðugrundvöll-
Morgunblaðift/Ól.K.M.
Steingrímur Hermannsson skýrir blaðamönnum frá þeirri ákvörðun sinni að
skila stjórnarmyndunarumboðinu.
ur hefði verið lagður fram og ekki
hefði borið mjög mikið á milli
flokkanna, en mismunandi
áhersla væri lögð á einstök atriði.
Kvaðst Steingrímur telja að hægt
hefði verið að brúa bilið á milli
flokkanna ef vilji hefði verið fyrir
hendi og átti hann þá við, að innan
þingflokks Sjálfstæðisflokksins
væru menn ekki einhuga um að
ganga til samstarfs við Framsókn-
arflokkinn. Jarðvegur til stjórn-
armyndunar væri ekki fyrir hendi
og kvaðst hann telja að ýmsir
þingmenn Sjálfstæðisflokksins
vildu reyna aðrar leiðir til stjórn-
armyndunar. Hins vegar gat hann
þess að framsóknarmenn hefðu
ekki tekið viðræður sjálfstæð-
ismanna, Alþýðuflokksmanna og
fulltrúa Bandalags jafnaðar-
manna, óstinnt upp.
Seingrímur sagði að viðræður
þeirra Geirs Hallgrímssonar,
formanns Sjálfstæðisflokksins,
hefðu verið mjög málefnalegar og
lýsti hann ánægju sinni með þær.
Steingrímur gat þess að í þessari
síðari viðræðulotu flokkanna hefði
mjakast í samkomulagsátt og
væri skilningur á milli flokkanna
og sagðist hann telja að flokkarnir
gætu náð saman, ef meiri tími og
vilji væri fyrir hendi.
Varðandi efnahagsstefnu Fram-
sóknarflokksins í viðræðunum,
sagðist Steingrímur vilja kalla
hana „félagslegu leiðina", sem
miðaði að því að draga úr áfalli
þeirra sem lökust hefðu kjörin,
þegar tekið væri á efnahagsvand-
anum. Mönnum væri ljóst að lítil
kjarabót væri í 20% launahækk-
un, sem eyddist upp á fáum vikum.
Framsóknarflokkurinn hefði vilj-
að að eftir 6 mánuði frá efnahags-
ráðstöfunum yrði árangurinn
metinn og tillit tekið til þess ár-
angurs. Koma yrði verðbólgunni á
„viðunandi stig“, en slíkt stig
sagði hann vera á bilinu 20% -
25%. Steingrímur sagðist skilja
vel áhyggjur forseta vegna 20%
hækkunarinnar 1. júní nk., og
sagði hann að sú hækkun myndi
auka mjög á vanda atvinnufyrir-
tækja og ef engar ráðstafanir yrðu
gerðar hlyti stöðvun ýmissa fyrir-
tækja að vera fyrirsjáanleg.
mætaaukningin milli ára er tæp-
lega 129%, eða tæplega 499,2
milljónir króna, borið saman við
tæplega 218,2 milljónir króna.
Getum náð saman ef tími
og vilji eru fyrir hendi
Tvö mótorhjóla-
óhöpp og bfl-
velta í gær
Tveir árekstrar urdu í Keflavík
í gær, en ekki urðu alvarleg slys
á fólki. Ökumaður fólksbifreiðar
er valt í Keflavík í gærdag slapp
einnig lítt meiddur.
Fyrra slysið varð um klukk-
an 11.15 í gærmorgun, þar sem
létt bifhjól og fólksbifreið rák-
ust saman á Hafnargötu. Síð-
ara slysið varð um klukkan
17.15, á mótum Vesturbrautar
og Kirkjuvegar, þar sem sam-
an rákust létt bifhjól og fólks-
bíll. Á bifhjólinu var ökumaður
og einn farþegi, og sluppu báð-
ir nær ómeiddir.
Bílveltan varð um tvöleytið á
mótum Sunnuvegar og Flug-
vallabrautar. Þar slapp öku-
maður fólksbíls ómeiddur, en
of hröðum akstri kennt um
hvernig fór, að sögn lögregl-
unnar.
Nafn mannsins
sem fannst látinn
í Reykjavíkurhöfn
MAÐURINN sem fannst látinn í
Reykjavíkurhöfn síðastliðinn
laugardag hét Skúli Oddgeirsson,
til heimilis að Skólavörðustíg 45 í
Reykjavík. Hann var 49 ára að
aldri. Hann var ókvæntur.
Spurt og
svarað um
garðyrkju
LESENDUR eru minntir á að
Morgunblaðið býður lesendum sín-
um í ár eins og undanfarin ár upp á
lesendaþjónustu um garðyrkjumál.
Geta lesendur komið spurningum
sínum á framfæri í síma 10100 á
morgnana milli klukkan 11—12 og
munu svörin síðan birtast f blaðinu
nokkrum dögum sfðar. Fyrirspurn-
ir þurfa að vera undir nafni og
heimilisfangi.
Morgunblaðið hefur fengið
Hafliða Jónsson, garðyrkjustjóra
Reykjavíkurborgar, til að svara
þeim fyrirspurnum, sem kunna
að koma frá lesendum.