Morgunblaðið - 17.05.1983, Blaðsíða 30
30
MORGUNBLAÐIÐ, ÞRIÐJUDAGUR 17. MAÍ 1983
Rit um Þorbjörgu Páls-
dóttur myndhöggvara
Hinn kunni hljómlistarmaður Björn R. Einarsson varð sextugur í gær. Vinir hans úr Lúðrasveit
Reykjavíkur voru mættir eldsnemma að heimili Björns við Bókhlöðustíg og blésu í lúðra sína
honum til heiðurs. Morgunblaðið/ KEE
„ÞORBJÖRG Pálsdóttir myndhöggv-
ari“ nefnist rit, sem Listhús hf. hefur
gefið út og er þar að finna greinar um
listamanninn á íslensku, ensku og
frönsku, eftir Erni Snorrason, rithöf-
und, og Jóhann Eyfells, prófessor í
höggmyndalist í Orlando í Florída f
Bandaríkjunum. Þá er í ritinu, sem er
tæpar fimmtíu síður að stærð f stóru
broti, mikill fjöldi Ijósmynda af verk-
um Þorbjargar, en myndirnar hefur
Leifur Þorsteinsson í Myndiðn tekið.
Ritið er prentað í Prentsmiðju Árna
Valdimarssonar.
í ritgerð sinni segir Ernir Snorra-
son meðal annars:
„Algeng goðsöguleg líking er eitt-
hvað á þá leið, að listamaðurinn sé í
álögum. Siík líking hefur oftast tekið
á sig rómantíska mynd þess, sem er
fullkomlega misskilinn, en verður
síðan öllum auöskilinn; týndi sonur-
inn kominn aftur heim. Ævintýri
listasögunnar, sérstaklega á 19. og
20. öld, hafa öll verið tengd slíkum
misskilningi; slíkum álögum: lista-
maðurinn er haldinn illum anda og
hann verður að berjast gegn vindum
og úthöfum til að ná settu marki. —
Örmagna kemur hann að sjávar-
ströndu. Brosandi páfagaukar og
pálmatré taka á móti honum í sól-
inni, er vermir svitastorkið enni
hans, þar sem hann öslar örmagna
en sigrihrósandi í land. Hann er
hólpinn. Hann vissi það alltaf.
List Þorbjargar Pálsdóttur, sem
þessi bók fjallar um, er í slíkum
álögum. Álögum vana, skilningsleys-
is og ekki síst hryllingsins. Þessa
gamalkunna hryllings frammi fyrir
fullkomnu nýnæmi. Ævintýrið aft-
urámóti, hvar er það? Hver skynjar
það? „Verk mín eru ekki styttur
heldur líf, þess vegna hef ég þær
ekki á stalli." Þessi orð Þorbjargar
er auðvelt að misskilja þannig, að
með verkum sínum sé hún að líkja
eftir lífrænum fyrirmyndum. í
reynd endurgerir hún lífræna til-
burði. Þessi endurgerð er byggð á
fullkomlega persónulegum hug-
myndum listamannsins um það,
hvernig hlutirnir eigi að vera. Erfitt
getur reynst að greina persónulega
sýn í sjálfsögðum lífrænum formum.
Það sem hér fer á eftir er tilraun til
að skerpa þennan mun; þ.e. á milli
náttúrunnar annars vegar og til-
búinna forma listarinnar hins veg-
ar.“
Jóhann Eyfells skrifar meðal ann-
ars í grein sinni um list Þorbjargar:
„Þessi markverðu og nýstárlegu
verk eiga mikið lof skilið. Eining
forms, efnis og innihalds er aðdáun-
arverð. Samt skynjum við, þótt mót-
sagnakennd sé, þennan einstaka
skúlptúr síður sem hluti og form í
rúmi, heldur sem ferli afhjúpunar og
endurmats mannlegra kringum-
stæðna og Iífsviðhorfa okkar. Hér
skynjum við áþreifanlega sönnun
þeirrar fullyrðingar, að markverð
tjáning er bæði afsprengi og tæki
eigin veruleika. Skapandi verk
Þorbjargar er einungis unnt að sjá
sem markvert framlag til síbreyti-
legs máls listarinnar."
Kvenstúdenta-
félagið
Kvenstúdentafélag íslands er 55
ára í ár, og var meðfylgjandi mynd
tekin á árshátíð félagsins. Vinstra
megin situr Ingibjörg Guðmunds-
dóttir, en hún var gerð að heiðursfé-
laga kvenstúdentafélagsins við þetta
tækifæri. Ingibjörg var formaður fé-
lagsins í 15 ár (1963—78) og hélt
starfseminni í miklum blóma. Við
hlið hennar situr núverandi formað-
ur félagsins Arndís Björnsdóttir.
Kvenstúdentafélagið heldur há-
degisverðarfundi annanhvorn
mánuð fyrir félaga sína, sem eru
55 ára
allir konur, sem lokið hafa stúd-
entsprófi. Á þessum fundum er
sitthvað á dagskrá, og verður Sig-
urður Þorvaldsson læknir t.d. með
fyrirlestur á næsta fundi þann 28.
maí.
Kvenstúdentafélagið hefur und-
ir höndum og fær reglulega sendar
upplýsingar um framhaldsnám
fyrir konur, erlendis, boð í heim-
sóknir o.fl. Þá hefur Kvenstúd-
entafélag íslands veitt konum
styrki til náms, bæði til byrjunar-
og framhaldsnáms.
ACCORD SEDAN
Verð frá kr. 289.000
5 gíra m. fleiru.
Gengi Yen 0,09126
HONDA Á ÍSLANDI, VATNAGÖRÐUM 24 , Símar 38772 — 39460.