Morgunblaðið - 17.05.1983, Blaðsíða 20

20 MORGUNBLAÐIÐ, ÞRIÐJUDAGUR 17. MAf 1983

Utgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Aö-
alstræti 6, simi 22480. Afgreiösla: Skeifunni 19, sími 83033. Áskrift-
argjald 210 kr. á mánuöi innanlands. f lausasölu 18 kr. eintakið.
Áfall út á við —
Tímasóun heima fyrir
Akureyri:
99
Spurning um að
vera eða vera ekki“
— segir Gísli Jónsson, sem nú lætur af störf-
um bæjarfulltrúa eftir 25 ára setu í bæjarstjórn
GÍSLI Jónsson, menntaskóla-
kennari á Akureyri, hefur nú beó-
ist lausnar frá störfum bæjarfull-
trúa á Akureyri frá 1. júní næst-
komandi að telja. Gísli hefur verið
oddviti sjálfstæðismanna í bæjar-
stjórn síðustu kjörtímabil frá 1970.
Hann var fyrst kosinn í bæjar-
stjórn 1958 og hefur átt þar sæti
nær sleitulaust síðan. Jafnframt
hefur Gísli óskað þess, að fá lausn
frá störfum í nefndum á vegum
bæjarins. Margrét Kristinsdóttir,
skólastjóri Hússtjórnarskólans,
tekur sæti í bæjarstjórn í stað
Gísla.
„Þetta er fyrst og fremst
spurning um að vera eða vera
ekki. Ég vil heldur hætta alveg í
bæjarstjórn fremur en að geta
ekki starfað þar af fullum þrótti.
Ég hef fundið það eftir nýafstað-
in veikindi, að ég get ekki sinnt
bæjarmálum af þeim krafti, sem
ég kýs og því tel ég réttast að
hætta setu minni í bæjarstjórn,"
sagði Gísli í samtali við Morgun-
blaðið.
Hér fer á eftir bréf, sem Gísli
hefur ritað bæjarstjóranum á
Akureyri, þar sem hann skýrir
frá þessari ákvörðun sinni: „Svo
sem þér er kunnugt, hefur heilsa
mín ekki leyft mér, nú um nokk-
urt skeið, að gegna störfum í
bæjarstjórn Akureyrar, né held-
ur í þeim nefndum sem bæjar-
stjórn hefur kjörið mig til. Ég
hef, að höfðu samráði við heimil-
islækni minn, látið af flestum
þeim aukastörfum sem ég hef
gegnt, svo að ég geti einbeitt mér
að aðalstarfi mínu, við mennta-
skólann.
Ég finn glöggt að mjög skortir
á að ég hafi endurheimt þá
heilsu sem til þarf að gegna
störfupi mínum í bæjarstjórn á
þann veg sem ég tel viðunandi.
Því hef ég, að vel íhuguðu máli,
ákveðið að biðjast formlega
lausnar frá störfum bæjarfull-
trúa á Akureyri, svo og öllum
nefndarstörfum sem bæjar-
stjórn hefur falið mér. Ég fer
þess á leit að mér verði veitt
lausn frá þessum störfum frá 1.
júní næstkomandi að telja.
í trausti þess að svo verði kveð
ég bæjarstjórn Akureyrar með
þökk fyrir gott samstarf fyrr og
síðar og þakka Akureyringum
stuðning og umburðarlyndi við
mig á þessum vettvangi um
langt skeið. Bænum okkar bið ég
allra heilla."
Umsögn fræðsluráðs um samning um breytingar á fræðslumáliim í Reykjavfk:
Órökrétt skipan yfir-
stjórnar fræðslumála
í Reykjavík leiðrétt
Forseti íslands hefur falið
Svavari Gestssyni, for-
manni Alþýðubandalagsins,
umboð til stjórnarmyndunar.
Þetta er í þriðja sinn, sem
formanni Alþýðubandalags er
falið umboð til að mynda rík-
isstjórn á íslandi, en Alþýðu-
bandalagið er arftaki Komm-
únistaflokks íslands, sem
markaði stefnu sína eftir
fyrirmælum kommúnismans
og Stalíns. Það eru ekki meiri
rök fyrir þeirri ákvörðun for-
seta nú heldur en sumarið
1978 og í janúar 1980. Það er
óhugsandi með öllu, að nokk-
ur annar stjórnmálaflokkur
setjist í ríkisstjórn undir for-
sæti formanns Alþýðubanda-
lagsins, stjórnmálaflokks sem
í grundvallaratriðum er and-
vígur utanríkisstefnu íslands,
andvígur aðild okkar að Atl-
antshafsbandalaginu og and-
vígur varnarsamningi okkar
og Bandaríkjanna. Þess vegna
er það í senn áfall fyrir þjóð-
ina út á við, að fela formanni
Alþýðubandalagsins stjórn-
armyndun og tímasóun hér
heima fyrir.
í forystugrein Morgun-
blaðsins hinn 22. ágúst 1978
er Lúðvík Jósepssyni þáver-
andi formanni Alþýðubanda-
lagsins hafði verið falin
stjórnarmyndun, sagði m.a.:
„Morgunblaðið hefur bent á
það áður, að þrátt fyrir þrýst-
ing frá Sovétríkjunum og við-
kvæma legu Finnlands á
landamærum Sovétríkjanna,
hefur Kekkonen aldrei dottið
það í hug að fela forystu-
manni finnskra kommúnista
stjórnarmyndun, né hefur það
verið gert í landi eins og Ita-
líu, þar sem kommúnista-
flokkurinn er miklu sterkari
en Alþýðubandalagið hér og
hefur að sumu leyti afneitað
heimsvaldastefnu Sovétríkj-
anna á einarðari hátt en AI-
þýðubandalagið, né hefur
nokkrum forseta Frakklands
dottið í hug að kalla leiðtoga
kommúnistaflokks Frakk-
lands til að hafa forystu um
stjórnarmyndun þar í landi."
Tveimur dögum síðar, hinn
24. ágúst 1978, sagði í forystu-
grein Morgunblaðsins: „Til-
raun Lúðvíks Jósepssonar til
þess að mynda stjórn er mikið
áfall fyrir íslendinga í augum
umheimsins ... Það hefur
ekki fyrr gerzt í sögu lýðræð-
isríkis í Vestur-Evrópu að
leiðtoga flokks af því tagi
væri falin stjórnarmyndun.
Ef Lúðvík Jósepsson yrði
forsætisráðherra Islands yrði
það reiðarslag fyrir álit út á
við.“
í sömu forystugrein Morg-
unblaðsins er afstaða Fram-
sóknarmanna til stjórnar-
myndunar Lúðvíks Jósepsson-
ar harðlega gagnrýnd: „Hvað
eru þeir Olafur Jóhannesson
og Einar Ágústsson að hugsa?
Hefur utanríkisráðherrann
virkilega ekkert lært af veru
sinni í utanríkisráðuneytinu
nær allan þennan áratug?
Hvernig leyfir Ólafur Jó-
hannesson sér að leika sér
með hagsmuni þjóðarinnar
með þessum hætti í pólitísku
spili?“
í forystugrein Morgun-
blaðsins hinn 18. janúar 1980,
er Svavari Gestssyni hafði
verið falið umboð til stjórn-
armyndunar, sagði m.a.:
„Enginn lýðræðisflokkanna
þriggja getur tekið þátt í rík-
isstjórn undir forsæti Svav-
ars Gestssonar eða annars
Alþýðubandalagsmanns, í
fyrsta lagi vegna þess, að Al-
þýðubandalagið er flokkur,
sem stefnir að því að gjör-
bylta því þjóðskipulagi, sem
við búum við ...
... í öðru lagi er nánast
útilokað, að þessir þrír flokk-
ar geti fallizt á forsæti
Alþýðubandalagsins vegna
þess, að það yrði meiri háttar
áfall fyrir þjóðina í samskipt-
um við aðrar þjóðir. Alþýðu-
bandalagið er í grundvallar-
atriðum andvígt utanríkis-
stefnu íslendinga ... Það er
líka íhugunarefni, að sam-
kvæmt Brezhnév-kenning-
unni telja Rússar sig hafa
leyfi til afskipta af innanrík-
ismálum þeirra þjóða, sem
eru undir marxískri stjórn.
Menn ættu að gera sér grein
fyrir því — og leika sér ekki
að eldi.“ Eins og þessar til-
vitnanir í forystugreinar
Morgunblaðsins frá 1978 og
1980 sýna, hefur Morgunblað-
ið frá upphafi lýst andstöðu
við þá ákvörðun forseta
hverju sinni að fela formanni
Alþýðubandalagsins umboð
til stjórnarmyndunar. Sú af-
staða er óbreytt. Rökin fyrir
þeirri afstöðu eru í fullu gildi.
Forseti hefur sett stjórn-
málaflokkunum tímamörk til
hvítasunnu að mynda ríkis-
stjórn. Til viðbótar við þau
rök, sem að framan eru talin,
er verið að eyða dýrmætum
tíma með því að fela for-
manni Alþýðubandalagsins
að mynda ríkisstjórn, tíma,
sem hann mun eyða í fjöl-
miðlaleik sér og flokki sínum
til framdráttar. Morgunblað-
ið vill árétta það sem blaðið
sagði fyrir skömmu, að það er
ekki vænlegt til árangurs að
skipa stjórnmálaflokkunum í
röð og láta umboðið ganga á
milli þeirra þegar augljóst er,
að það hefur enga þýðingu.
„í UPPHAFGREIN samkomulags
viðræöunefndar borgar og ríkis um
yfirstjórn fræðslumála í Reykjavík,
er gengið út frá þeirri grundvallar-
forsendu, sem samkomulagið að
öðru leyti byggir á, að ákvæði
grunnskólalaga um skipan yfir-
stjórnar fræðslumála á íslandi taki
til Reykjavíkur á sama hátt og
hinna fræðsluumdæmanna sjö í
landinu. Með þessari tímabæru og
sjálfsögðu breytingu yrði endir
bundinn á sérstöðu, sem Reykja-
vík var ákvörðuð í þcssum lögum á
sínum tíma, en ekki verður stutt
með neinum rökum að eigi að
haldast til frambúðar," segir í um-
sögn fræðsluráðs borgarinnar um
samkomulag milli menntamála-
ráðuneytisins og Reykjavíkurborg-
ar um yfirstjórn fræðslumála í
Reykjavík. Umsögnin var sam-
þykkt á fundi fræðsluráðs í gær
með 5 atkvæðum fulltrúa Sjálf-
stæðis- og Alþýðuflokks, en gegn 2
atkvæðum fulltrúa Framsóknar-
flokks og Alþýðubandalags.
í umsögninni segir og að ráðið
telji mikilsvert að með samningi
þessum hafi fulltrúar mennta-
málaráðuneytis sýnt skilning á
hagsmunum Reykjavíkurborgar
varðandi stjórn skólamála. Með
samkomulaginu séu aðilar fyrst
og fremst að leiðrétta misræmi á
stöðu Reykjavíkur gagnvart
ríkisvaldinu, samanborið við
önnur sveitarfélög landsins. Að
öllu óbreyttu sé staða Reykjavík-
ur, hvað varðar stjórn eigin
mála innan skólamálabáknsins,
mun veikari gagnvart ríkisvald-
inu en gerist og gengur hjá öðr-
um sveitarfélögum sem sjálf-
stæðum aðilum að skólamálum.
Með samkomulaginu sé gerð
leiðrétting á órökréttri skipan
yfirstjórnar fræðslumála í
Reykjavík, sem ætti skýringar,
en löglega kjörin yfirvöld skóla-
mála borgarinnar gætu engan
veginn fallist á að giltu til fram-
búðar. Því mæli fræðsluráð með
staðfestingu samkomulagsins.
„Þessi skipulagsbreyting mun
ekki kalla á aukið starfsmanna-
hald,“ sagði Markús Örn Ant-
onsson, formaður fræðsluráðs, í
samtali við Mbl. „Starfsemi
Fræðsluskrifstofu Reykjavíkur,
eins og hún starfar í dag, verður
hvað starfsmannahald snertir,
skipt niður á tvær rekstrarein-
ingar; fræðsluskrifstofu Reykja-
víkurumdæmis og skólaskrif-
stofu Reykjavíkur. Breytingin
hefur ekki í för með sér kostnað-
arauka fyrir borgina og er með
þessu verið að styrkja Reykja-
víkurborg gagnvart ríkisvaldinu
í meðferð skólamálanna," sagði
Markús Örn Antonsson.
Akureyri:
Hundur skemmdi bíl
Akureyri, 16. maí.
Bíleigandi einn hér á Akureyri,
sem var í verslunarerindum við
útibú KEA við Höfðahlíð, varð
fyrir því, að hundur einn mikill
réðst á bfi hans og rispaði hann
talsvert.
Tildrög voru þau að í aftur-
sæti bifreiðarinnar var smá-
hundur, sem bíleigandinn á og
hefur gjarna með sér í verslun-
arferðir. Þar sem þeir komu á
planið við kjörbúðina, bar
mann að með stóran og mikinn
hund í beisli. Mun sá hafa bent
hundinum á þann litla, sem sat
í aftursætinu, og skipti þá eng-
um togum, að stóri hundurinn
flaðraði upp um bílinn og risp-
aði hann talsvert. Ekki verður
um nein eftirmál að ræða í
þessu sambandi, þar sem eig-
andi stóra hundsins hefur
heimilistryggingu, sem sjá mun
um að greiða skaðann.
Hundurinn gengur því laus,
og eigandi bílsins lætur gera
við skemmdirnar á kostnað eig-
anda stóra hundsins, svo allir
geta verið ánægðir og eru það.
Þess má geta, að hundahald er
leyft á Ákureyri með vissum
skilyrðum, svo sem leyfi bæjar-
yfirvalda, skattgreiðslu og
skráningu.
— G.Berg.