Morgunblaðið - 17.05.1983, Blaðsíða 3

MORGUNBLAÐIÐ, ÞRIÐJUDAGUR 17. MAÍ 1983
3
„Á góða íslenzka
vini, enda fædd og
uppalin í Grimsby“
— segir Della Frances Dolan, ungfrú Stóra-
Bretland, í samtali viö MorgunblaÖiÖ
“ÉG HLAKKA mjög mikið til að
koma til íslands, ég hef hitt
fjölda íslendinga um ævina og á
ísienska vini, sem er eðlilegt, þar
sem ég er fædd og uppalin hér í
Grimsby. ísland hefur ávallt ver-
ið stór hluti af lífi okkar
Grimsby-búa, bæði í stríði og
friði,“ sagði Della Frances Dolan,
þegar við slóum á þráðinn til
hennar í gærmorgun. Della hefur
unnið í tískuversluninni Hobo i
Grimsby í nokkur ár og nú nýver-
ið festi hún kaup á versluninni.
„Ég hef ferðast mjög mikið
hér innanlands síðan ég var
kjörin Ungfrú Stóra-Bretland
og varð þriðja í röðinni í Miss
World-fegurðarsamkeppninni,
sem fram fór í London í nóv-
ember síðastliðnum. Að vísu
hef ég ekki farið mikið til út-
landa á þessum tíma og þessi
ferð mín til íslands er sú fyrsta
út fyrir landsteinana, sem ég
fer á vegum fegurðarsam-
keppninnar."
Við spurðum Dellu hvort ís-
lenskir sjómenn versluðu
eitthvað í verslun hennar, þeg-
ar þeir væru staddir í Grimsby.
„Þeir koma hingað af og til þeg-
ar þeir eru að leita að einhverju
á konurnar. Annars held ég nú
að þeir versli mest í Marks and
Spencer í Freemannsstreet,"
sagði Della. „Hins vegar er
mjög gott að skipta við Tslend-
ingana þegar þeir koma hingað,
því þeir vita hvað þeir vilja,
enda ekki furða, því mér er sagt
að í Reykjvík sé mjög mikið um
tiskuverslanir, sem ég hefði
gaman af að kíkja á meðan ég
dvel á íslandi.
„Ég sagði áðan að ég hefði
þekkt til íslendinga frá því ég
man eftir mér og hér í Grimsby
á ég góða vinkonu frá íslandi
sem heitir Silla Haith og eins
þekki ég Dísu Hallett vel og það
að ég þekki vel til íslendinga
varð ekki síst til þess að ekki
þurfti að spyrja mig tvisvar
hvort ég gæti tekið að mér að
vera til aðstoðar þegar fegurð-
ardrottning íslands 1983 yrði
krýnd," sagði Della.
Della sagði að hún notaði
flest sín frí til að fara á skíði,
og færi þá helst í Alpana. Ann-
ars sagði hún gera mikið af því
að fara á hestbak og þá sagðist
hún trimma eitthvað á degi
hverjum.
„Heyrðu annars. Hvernig er
veðrið á Islandi? Hér í
Grimsby, og reyndar Englandi
öllu, er búið að vera rigning
meira og minna í heilan mánuð.
Ég vona aðeins, að veðrið á ís-
landi verði betra en það hefur
verið hér að undanförnu."
- Þ.Ó.
Nýi vegurinn í Ólafsvíkurenni er lagður niður við fjöruna eins og sjá má. Stórvirkar vinnuvélar eru í fjöruborðinu.
MorgunblaðiÖ/ Björn Guðmundsson
Ólafsvík:
Framkvæmdum vid Ennis-
veg miðar með undrahraða
Ólaf.svík, 12. maí.
FRAMKVÆMDIR hófust við nýjan
veg undir Ólafsvíkurenni fyrir
tveimur vikum og miðar áfram með
undrahraða. Verktaki er Hagvirki
hf. Við Ólsarar horfum sem naut á
nývirki á hina miklu tækni og kraft,
sem beitt er við þetta verk og fógn-
um hverjum metra, sem vegurinn
lengist.
Haida mætti að hér skapaðist
nokkurs konar hernámsástand
með komu margra og vaskra
manna á staðinn. Svo er þó ekki
því gestir vorir hugsa um það eitt
að koma verkinu áfram. Svo verð-
ur manni hugsað til þess, að Fróð-
árheiði og aðrir vegir á Snæfells-
nesi hefðu gott af að fá heimsókn
sem þessa, þó ekki væri nema
tvær til þrjár vikur. Vera kynni að
vegirnir yrðu eftir það mönnum
bjóðandi.
- Helgi
Krefjast vottorðs um að
fiskurinn sé ekki norskur
Veitingahúsakeðjur í Bandaríkjunum:
„STORAR veitingahúsakeðjur í Bandaríkjunum þora ekki að kaupa
norskan fisk. Nokkrar þeirra krefjast skriflegs vottorðs um að Hskurinn,
sem þær kaupa, sé ekki norskur. Bandaríkin eru stærsti markaður
Norðmanna fyrir fiskafurðir," er haft eftir Arne Apser, framkvæmda-
stjóra norska fiskvinnslufyrirtækisins Frionor, í norska blaðinu Fiskaren
fyrir skömmu.
í blaðinu segir ennfremur, að
Green Peace hafi valdið Frionor
110 milljóna króna (35 milljóna
norskra króna) tapi á þessu ári. í
lok febrúar hafi stærsti kaup-
andi þoskflaka í Bandaríkjunum,
Long John Silvers, verið þving-
aður af mótmælendum hvalveiða
til að kaupa ekki fisk af Frionor,
og að dótturfyrirtæki Frionor i
Bandaríkjunum óttist að þetta
kunni að leiða til enn meira taps
fyrir Frionor.
Green Peace hefur hafið að-
gerðir gegn Japan, Noregi, Sov-
étríkjunum og Perú vegna þess.
að þessi lönd hafa lagzt gegn
samþykkt Alþjóðahvalveiðiráðs-
ins um algert bann gegn hval-
veiðum frá og með árinu 1986.
Eins og fram hefur komið bein-
ast aðgerðirnar í þá átt, að
Bandaríkjamenn kaupi ekki fisk
af þessum þjóðum. Alþingi ís-
lendinga samþykkti í vetur, að
mótmæla ekki banninu og í um-
ræðum vegna þess kom fram, að
möguleiki væri á því, að fiskaf-
urðir okkar seldust ekki í Banda-
ríkjunum, yrði banninu mót-
mælt.
BEINT FLUG í SÓLINA OG SJOINN
Brottfarir í sumar ’83
1. júní (uppselt)
22. júní.
13. júlí.
3. & 24. ágúst.
14. september.
5. október.
RÓM' ALLA FÖSTU- LONDON: VIKUFERIR ALLA ÞRIÐJU-
DAGA DAGA / VERÐ FRÁ: 11.076 KR.
KORSlKA
KORSÍKA: ALLA LAUGARDAGA
NICE CANNES ARMA Dl TAGGIA
NICE / CANNES: FRANSKA RIVIERAN: ALLA
LAUGARDAGGA
ARMA Dl TAGGIA: ÍTALSKA BLÓMASTRÖNDIN:
ALLALAUGARDAGA
AMSKRMM
AMSTERDAM: VIKUFERDIR ALLA
ÞRIÐJUD./FÖSTUD. HELGARFERO-
IR ALLA FÖSTUD. FRÁ KR. 7.824
SIKILEY: ALLA ÞRIÐJUDAGA
AGADIR MAROKKO
AGADIR / MAROKKÓ: ALLA LAUGARDAGA
AÐALSTRÆTI9
n MIÐSTÖDIIM
S. 28133