Morgunblaðið - 17.05.1983, Blaðsíða 16
16
MORGUNBLAÐIÐ, ÞRIÐJUDAGUR 17. MAÍ 1983
Fröken Júlía
\mm\\
Lilja Hallgrímsdóttir
Þjóðleikhúsið
Danshöfundur: Birgit Cullberg
Tónlist: Ture Rangström
Lýsing: Kristinn Daníelsson
Leikmynd: Sven Erixson
(Leiktjöldin eru fengin að láni frá
Borgarleikhúsinu í Stokkhólmi)
Stjórnendur: Jeremy Leslie-
Spinks og Birgit Gullberg
Nanna Olafsdóttir aðstoðaði við
æfingar.
Hljómsveit: Sinfóníuhljómsveit
íslands
Hljómsveitarstjóri: Jean-Pierre
Jaquillat
Ballettinn Fröken Júlía var
frumsýndur árið 1950, skömmu
áður en ballett og ópera var sett
upp saman síðast hér á landi.
En það var ballettinn Ólafur
Liljurós og óperan Miðillinn,
sem sýnd var í Iðnó, rétt áður
en Ballettskóli Þjóðleikhússins
var stofnaður.
Ballettinn Fröken Júlía er
byggður á samnefndu leikriti
eftir August Strindberg. Ball-
ettinn sló þegar í gegn og hefur
verið sýndur æ síðan við miklar
vinsældir víða um lönd. M.a. hér
á landi árið 1960 er frú Cullberg
kom hingað með fríðu föru-
neyti. Þá dönsuðu þau Margar-
etha von Bahr og Frank Schauf-
uss aðalhlutverkin. Nokkrir ís-
lenskir dansarar tóku þátt í
þeirri sýningu.
Birgit Cullberg, einn frægasti
danshöfundur heims, er fædd í
Svíþjóð árið 1908. Hún nam
danslist í Englandi og New
York, m.a. hjá hinni frægu
Martha Graham. Hún hefur
samið fjölda balletta bæði fyrir
svið og sjónvarp. Fullvíst má
telja að Fröken Júlía sé þeirra
frægastur. Vinsældir hans
byggjast eflaust á því hve sögu-
þráðurinn er skýr og ballettinn
býður upp á ótal möguleika í
túlkun.
Á þriðju sýningu Þjóðleik-
hússins á óperunni og ballettin-
um ríkti nokkur spenna, því þá
kom nýr tenór fram í hlutverki
Turiddu. í hléi heyrði ég eftir-
farandi samtal tveggja leikhús-
gesta. „Já, svo kemur víst ball-
ett á eftir. Ég hef aldrei séð
ballett, en þú?“ „Nei, bara í
sjónvarpi, það er svo sem allt í
lagi að horfa á ballett í sjón-
vaiyi.“
Á meðan að sýning balletts-
ins stóð yfir heyrði ég þessa
sömu leikhúsgesti segja hvor
öðrum af og til hve þeim þætti
gaman. Er hægt að fá betri
gagnrýni?
Tónlistin við ballettinn er
mjög í samræmi við efnið,
dramatísk og þjóðleg. Tjöldin
ágæt en hefðu notið sín betur á
stærra sviði. Lýsingin góð nema
í atriðinu, þar sem áar Júlíu
stíga niður úr myndrömmun-
um, þar hefði hún mátt vera
sterkari. Búningar eru mjög
góðir.
Þessi sýning var í heild við-
burður í íslensku ballettlífi.
Auðvitað vantar ýmislegt til að
fullkomna slíka sýningu. Til-
finnanlegast karldansara. En
allir skiluðu sínu hlutverki
skammlaust.
Birgitta Heide sýndi hvað í
henni býr. Túlkaði hún Kristínu
frábærlega og dansaði létt og af
öryggi.
Niklas Ek (sonur Birgitt
Cullberg) dansaði Jean. Hann
er einn kunnasti dansari heims.
Hann hefur vald á mikilli tækni
í túlkun og dansi. Mér finnst
hann gera of mikið úr „akropat-
ikhliðinni" þannig að hún yfir-
gnæfir dramatísku túlkunina,
sem stundum er þó hárfín hjá
honum.
Ásdís Magnúsdóttir dansar
Fröken Júlíu. Hún ætlar nú
ekki aldeilis að hætta að koma
manni á óvart. Hún á sýninguna
eins og sagt er. Ásdís er prima-
donna í orðsins fyllstu merk-
ingu og á ég ekki til sterkari orð
til þess að lýsa hrifningu minni
á frammistöðu hennar. Vil ég
enda þetta með því að óska
okkur ballettunnendum til
hamingju með að koma hér upp
stjörnu sem henni, án þess að
hún þyrfti að sækja það heiti til
annarra landa.
Lilja Hallgrímsdóttir.
1000
KRÓNURÚT
Philips ryksugur.
2JA ÁRA BYRGÐIR AF POKUM.
í Kaupmannahöfn
FÆST
í BLAOASÖLUNNI
ÁJÁRNBRAUTAR-
STÖOINNI
OG Á KASTRUP-
FLUGVELLI
Q
^^skriftar-
síminn er 83033
Ný lönd
og nýjar
hafnir
í beint samband
við ísland
Nú hafa tvö ný lönd til viðbótar bæst í hóp
reglubundinna viðkomustaða Eimskips. Siglt
verður mánaðarlega til Lissabon og Leixoes
í Portúgal og til Bilbao á Spáni. Sérstök þjón-
ustuhöfn verður einnig starfrækt í Barcelona
og um leiðeröruggog reglubundin flutnings-
þjónusta milli Islands, Spánar og Portúgal
orðin að veruleika. Þannig opnum við ís-
lenskum inn- og útflytjendum stóraukin tæki-
færi til nýrra og hagkvæmra viðskiptasambanda.
Siglingaaætlun
frá frá frá
Lissabon Leixoes Bilbao
M.s. MÚLAFOSS 14/5 16/5 18/5
M.s. MÚLAFOSS 9/6 10/6 06/6
M.s. SKEIÐSFOSS 11/7 12/7 14/7
M.s. SKEIÐSFOSS 18/8 19/8 22/8
Nánari upplýsingar f meginlandsdeildinni.
Umboðsmenn í áætlunarhöfnum
Lissabon Leixoes Bilbao
Keller Maritima Lda., Burmester & Co. Lda., Centramares S.L.,
Pranca D. Luis, Rua da Reboleira, 49, J. Ajuriaguerra, 9-6,
9 - 3, P-B. 2665, Porto. Bilbao.
Lisbon. Leixoes.
Flutningur er okkar fag
EIMSKIP
Sími 27100