Morgunblaðið - 11.06.1983, Blaðsíða 3

MORGUNBLAÐIÐ, LAUGARDAGUR 11. JtJNl 1983
3
Þáttaskil f sögu Reykjavíkur:
Lóðaframboð er
meira en eftirspurn
— sótt um 910 af 978 sérbýlislóðum
„í FYRSTA SINN hefur það gerst, að meira framboð er á
lóðum í Reykjavík en eftirspurn," sagði Davíð Oddsson,
borgarstjóri, í samtali við Morgunblaðið í gær. „Með því
að standa þannig að málum er meirihluti sjálfstæðismanna
að efna eitt af mikilsverðustu fyrirheitunum sem við gáf-
um fyrir kosningarnar á síðasta vori.“
Umsóknarfrestur um 978
sérbýlislóðir í Reykjavík, flest-
ar við Grafarvoginn, rann út
fyrir viku, en undir heitið sér-
býli faila bæði einbýlishús og
raðhús. Alls bárust 910 um-
sóknir um þessar lóðir frá ein-
staklingum og byggingameist-
urum.
„Við erum ánægðir með það
hve umsóknir voru margar,"
sagði Davíð Oddsson. „Fyrir
misskilning hefur því verið
haldið á loft í blöðum, meðal
annars í forystugrein Tímans,
að aðeins 600 hafi sótt um sér-
býlislóðirnar. Þetta er ekki
rétt, því að umsóknirnar voru
910, þar sem samhliða 600 ein-
staklingum sóttu bygginga-
meistarar og samtök um sér-
býlislóðir. Það er ekkert mark-
mið í sjálfu sér að allar lóðir
gangi út, aðalatriðið er, að þeir
sem sækja um lóð fái úrlausn. í
fyrsta skipti hefur sem sé tek-
ist að anna eftirspurninni."
— Hvaða breytingu sérð þú
helsta við þessi þáttaskil?
„Viðhorf í þyggingamálum
munu gjörbreytast og er ekki
að efa, að endalok skömmtun-
arstefnunnar munu leiða til
lægri byggingakostnaðar og
meira atvinnuöryggis hjá iðn-
aðarmönnum. En megi ég líta í
eigin barrn," sagði borgarstjóri,
„þá skilst mér að drjúgur tími
forvera minna hafi farið í að
ræða við lóðaumsækjendur og
hlusta á röksemdir þeirra fyrir
nauðsyn þess að umsókn þeirra
yrði tekin til greina. Með því að
fullnægja eftirspurn hverfur
ímynduð eða raunveruleg þörf
manna fyrir fyrirgreiðsluferð
til borgarstjórans.
Upphaf punktakerfisins sem
vinstri meirihlutinn innleiddi
eftir 1978 má rekja til þess að í
þríeinni stjórn vinstrimanna
var ógjörlegt að leysa vanda
sem sprettur af lóðaskorti
nema með því að búa til eitt-
hvert kerfi sem friðaði alla
samstarfsaðilana. Punktakerf-
ið skapaði falska eftirspurn eft-
ir lóðum, þar sem menn gátu
orðið sér úti um punkta með því
einu að sækja um lóð, þótt þeir
ætluðu sér ekki að nýta hana.
Þá finnst- mér athyglisvert,
sem gjörkunnugir menn segja,
að meðal umsækjendanna að
þessu sinni séu ekki þeir sem
starfsmenn borgarinnar kann-
ast við og stundað hafa brask
með lóðir. En lóðaskortur hefur
hættuna á braski í för með sér,
vonandi verður henni útrýmt
núna. Punktakerfið kallaði á 4
til 5 umsækjendur um hverja
lóð og eftir úthlutun gátu menn
jafnvel selt hnossið á verði sem
svaraði til tvölfalds gatnagerð-
argjalds og þannig hirt fé sem
var jafn mikið og tekjur borg-
arsjóðs af lóðinni á hreinu í
eigin vasa.
En kvöl þess sem á völina,
það er borgaryfirvalda, hverfur
ekki með öllu við þessi um-
skipti, því að um sumar lóðir
sækja margir. I Ártúnsholti
þar sem undirbúningsfram-
kvæmdir eru vel á veg komnar
eru nú 9 lóðir til ráðstöfunar en
umsækjendur 83."
— Því hefur verið haldið
fram, að tekjuáætlun borgar-
sjóðs raskist mikið við það, að
ekki var sótt um allar lóðirnar
978?
„Einhver röskun verður mið-
að við tekjuáætlun," sagði
borgarstjóri, „bæði vegna þess
að allar lóðirnar gengu ekki út
og einnig vegna eðlilegra af-
falla meðal umsækjenda. Tekj-
ur af gatnagerðargjöldum
verða því líklega minni en við
ráðgerðum. En ég á ekki von á
því að það skapi neinn sérstak-
an vanda miðað við heildar-
fjárhagsstöðu borgarinnar.
Fyllsta aðhalds er gætt og við
það miðað að sveigja megi
framkvæmdir til í samræmi við
tekjuöflunina."
— Nú verðnr tekin upp ný-
breytni varðandi innborgun
gatnagerðargjalda, er það ekki
rétt?
„Af sérbýlislóðunum 910
verða 485 byggingahæfar á
þessu ári. Um innborgun gatna-
gerðargjalda hafa verið settar
einfaldar reglur. Kjarni þeirra
er sá að menn greiða gjöldin
fyrirfram ætli þeir ekki að
hefja framkvæmdir fyrr en til
dæmis 1984 eða 1985 en geta
fengið þau endurgreidd með
hæstu lögleyfðu vöxtum, ef þeir
hætta við að ráðast í húsbygg-
inguna."
— Því hefur verið hreyft'
bæði í Tímanum og Þjóðviljan-
um, að það sé vitlaus stefna hjá
meirihluta sjálfstæðismanna
að úthluta þessum mikla fjölda
sérbýlislóða, nær hafi verið að
úthluta fjölbýlislóðum.
„Flest sem í þessum blöðum
stendur um þau verk okkar
sjálfstæðismanna sem sýna
best hve duglítill vinstri meiri-
hlutinn var er ranghermt með
einhverjum hætti. Eftirspurnin
eftir sérbýlislóðunum sýnir
áhugann á þeim og jafnframt
að Grafarvogssvæðið er eftir-
sótt byggingarland. Þar verður
unnið áfram samkvæmt þeim
skipulagshugmyndum sem
fram hafa verið settar. En í ár
verður einnig útlutað lóðum
fyrir um 500 íbúðir í fjölbýlis-
húsum bæði í Selási og nýja
miðbænum. í umræðum um
fjölbýlið og Reykjavík má ekki
gleymast að í engu sveitarfé-
lagi býr hærra hlutfall íbúa í
fjölbýli en í Reykjavík og allir
hafa hingað til að minnsta
kosti verið sammála um að
lækka beri þetta hlutfall."
Bj.Bj.
Fundahöld á vegum Norðurlandaráðs
í Reykjavík í næstu viku:
Aðild Grænlend-
inga, Færeyinga og
Álandseyinga staðfest
BREYTINGAR á samstarfssamningi
Norðurlandaráðs, Helsingforssamn-
ingnum, varðandi aðild Grænlend-
inga og bætta stöðu Færeyinga og
Alandseyinga verða undirritaðar í
Reykjavík í næstu viku, að sögn Frið-
jóns Þórðarsonar ritara íslandsdeild-
ar Norðurlandaráðs.
I tilefni af undirrituninni verða
einnig haldnir nokkrir fundir í
Reykjavík á vegum Norðurlanda-
ráðs. Þriðjudaginn 14. júnf kemur
efnahagsmálanefnd ráðsins saman
til fundar í Alþingishúsinu. Daginn
eftir fundar forsætisnefnd og á
fimmtudag verður sameiginlegur
fundur forsætisnefndar og sam-
starfsráðherranefndar, en á þeim
fundi verður gengið frá breyting-
unum á samstarfssamningum.
Að sögn Friðjóns verður einnig
gengið frá breytingum á sam-
göngumálasamningi Norðurlanda
til samræmis við samstarfssamn-
inginn. Sú breyting verður undir-
rituð í Reykjavík eða Kaupmanna-
höfn. Friðjón sagði í gær, að hann
hefði ekki nákvæma tölu á þeim
sem kæmu til landsins i tilefni
fundahaldanna en efnahagsmála-
nefndarfundinn sætu um 25 manns
að meðtöldum íslendingum og
starfsmönnum.
í samstarfsráðherranefnd situr
Matthías Á. Mathiesen viðskipta-
ráðherra af hálfu fslands.
Laxveiði
hafin
í Laxá
í Aðaldal
llúsavík, 10. júní.
LAXVEIÐI í Laxá í Aðaldal
hófst í morgun og eru fyrst
leyfðar þrjár stangir á neðsta
veiðisvæðinu. Fyrir hádegi
veiddust aðeins tveir laxar.
Benedikt Jónsson fékk einn átta
punda og Árni Jónsson einn sex
punda. Á þriðju stöngina festi
sig lax sem ekki náðist á land.
Óvenju mikið vatn er í ánni.
Fréttaritari.
SAAB 99 GL 2d. árg. '82 SAAB 900 TURB0 5d. árg. '80
Ekinn 21.000 liósblár. Ekinn 42.000 dökkgrár.
Opiðídagtilkl4
SAAB-eigendurathugið, tökum þann gamla upp
í nýjan - eða seljum hann fyrir þig ef þú vilt
heldur. Mikil eftirspurn tryggir hagstæð skipti.
Ingólfur ráðinn í íþrótta-
fréttirnar hjá sjónvarpinu
ÚTVARPSRÁJ) samþykkti einróma á
fundi sínum í gær að mæla með ráðn-
ingu Ingólfs Hannessonar í stöðu
íþróttafréttamanns við sjónvarpið.
nÉg mun fara að þessari sam-
þykkt ráðsins og ráða Ingólf í stöð-
una,“ sagði Andrés Björnsson út-
varpsstjóri í samtali við Morgun-
blaðið í gær.
TÖGGURHR
SAAB
UMBOEHÐ
BÍLDSHÖFÐA 16, SÍMI 81530