Morgunblaðið - 13.11.1983, Side 39

MORGUNBLAÐIÐ, SUNNUDAGUR 13. NÓVEMBER 1983 87
Ljósið lifi!
Það er víðar rokkað en í Reykjavík, það eru þessir ungu hljómlistarmenn í Borgarfirði til merkis um.
Myndirnar voru teknar í vor á skólaskemmtun Varmalandsskóla þegar hljómsveitin Ljósið tróð upp við
mikinn fögnuð viðstaddra. Ekki höfum við heyrt að hljómsveitin hafi gert víðreist á hljómleika í sumar
enda nægur tími framundan fyrir þessa ungu rokkara að leggja heiminn að fótum sér.
Ijósmynd: Þórhallur Bjarnason.
F.v. Hulda Á. Stefánsdóttir, Arnheiður Jónsdóttir, Sigrún Stefáns-
dóttir.
Konur í þjóðbúningum
Heimilisiðnaðarfélag íslands hélt nýlega upp á 70 ára afmæli sitt.
Var þátttaka mikil og komu fjölmargar konur í þjóðbúningum, eins
og sjá má á myndinni. Höfðu sumar þeirra saumað búninga sína
sjálfar á námskeiðum, sem Heimilisiðnaðarskólinn efnir til um gerð
þjóðbúninga. Það hlýtur að vera sjaldgæft nú til dags að svo margar
konur séu saman komnar í þjóðbúningi á félagsfagnaði. Því birtum
við hér myndir af hópnum. Á hinni myndinni eru þrjár þekktar
konur, sem lagt hafa drjúgan skerf til viðhalds heimilisiðnaðar í
landinu. Þær eru Hulda Á. Stefánsdóttir, Arnheiður Jónsdóttir og
Sigrún Stefánsdóttir.
Kristján Ragnarsson, formaður og framkvæmdastjóri LÍÚ, afhendir Valgerði
Bjarnadóttur, forseta bæjarstjórnar Akureyrar, styttuna „Snemma beygist
krókurinn“ eftir Kjartan Ragnarsson, myndhöggvara í hófi, sem bæjarstjórn-
in hélt aðalfundarfulltrúum LÍÚ í Sjallanum fyrir skömmu.
Myndin sýnir ungan mann draga tvo fiska á eftir sér og er myndefnið
sótt til æskustöðva Ragnars Kjartanssonar, Hellna á Snæfellsnesi.
Kristján Ragnarsson gat þess, að með þessri gjöf ætti hann ekki við,
að verið væri að draga síðasta þroskinn á land, heldur hitt að íslend-
ingar myndu eftir sem áður lifa af því að draga fisk úr sjó.
Gamlir Faxafélagar heiðraðir
Hestamannafélagið Faxi í Borgarfirði hélt upp á 50 ára afmæli sitt með veglegu afmælishófi í Hótel
Borgarnesi í vor. Þar voru nokkrir gamlir Faxafélagar gerðir að heiðursfélögum og var myndin tekin við það
tækifæri. Skúli Kristjánsson formaður félagsins er í ræðustóli en heiðursfélagarnir eru talið frá vinstri: Gunnar
Bjarnason Mosfellssveit, Guðráður Davíðsson Nesi, Ásmundur Eysteinsson, Högnastöðum, Ingibjörg Frið-
geirsdóttir Hofsstöðum, Björn Guðmundsson Borgarnesi, Andrés Guðmundsson Borgarnesi, Davíð Ólafsson
Hvítárvöllum, Ingvar á Hofsstöðum og Kristján Fjeldsted Ferjukoti. Ujósmynd: Helgi Bjarnason