Morgunblaðið - 03.02.1984, Page 11

MORGUNBLAÐIÐ, FÖSTUDAGUR 3. FEBRÚAR 1984
11
Hópurinn sem var á námskeiðinu í Ölfusborgum ásamt Ásdísi Skúladóttur, félagsráðgjafa (t.v.), sem hafði umsjón
með námskeiðinu.
Náms- og starfsfræðsla
fyrir atvinnulaus ungmenni
„Tilgangur námskeiðsins var að
fræða ungt fólk, sem af einhverjum
ástæðum hefur snemma horfið frá
skóla, um náms- og starfsleiðir, auk
þess sem veittar voru upplýsingar um
ýmis félagsleg réttindi," sagði Ásdís
Skúladóttir félagsráðgjafi á blaða-
mannafundi sem haldinn var til kvnn
ingar á nýafstöðnu námskeiði í Ölf-
usborgum. Aðdragandi námskeiðsins
var sá að forráðamenn Félagsraála-
stofnunar Kópavogs vildu koma til
móts viö aukið atvinnuleysi ungs
fólks í bæjarfélaginu, en aðeins lítill
hluti þess hóps á tilkall til atvinnu-
leysisbóta. Var haft samband við á
annað hundrað ungmenni varðandi
námskeiðið, en nöfn þeirra vann
Hrafn Sæmundsson atvinnumálafull-
trúi upp úr atvinnuleysisskrá frá
01.12. 1982 til sama dags 1983. Þá var
námskeiðið auglýst í útvarpi og hald-
inn um það kynningarfundur.
Að námskeiðinu stóðu Félags-
málastofnun Kópavogs, skólaskrif-
stofa Kópavogs og Menningar- og
fræðslusamband alþýðu, auk þess
sem Menntaskólinn í Kópavogi og
Iðnskólinn tóku þaft í undirbúningi
þess. Tuttugu og þrjú ungmenni,
fædd á árunum 1963 til 1968, sóttu
námskeiðið og dvöldu vikulangt í
Ölfusborgum. Þar voru fimmtán
mismunandi skólar kynntir, auk
þess sem erindi voru flutt um
námslán og félagslega aðstoð, rétt
og skyldur varðandi vinnustaði.
Gerður Óskarsdóttir, námsráðgjafi
fjallaði um námsleiðir almennt og
ræddi einslega við hvern þátttak-
anda varðandi það. Þá hélt hópur-
inn kvöldvökur og samverustundir.
Á blaðamannafundinum gat
Bragi Guðbrandsson félagsmála-
stjóri þess að fræðsla sem þessi
væri nauðsynleg með tilliti til þess
hversu stór hluti atvinnulausra
væri ungmenni. Einnig kom það
fram í máli Guðjóns Magnússonar
skólafulltrúa að náms- og starfs-
ráðgjöf sem þessi er ekki veitt nema
að litlu leyti innan skólakerfisins
og varðar þá oftast eingöngu fram-
haldsnám. Sagði hann verkalýðs-
hreyfinguna búa að miklum upplýs-
ingum sem kæmu ungu fólki til
góða varðandi starfsleiðir og fram-
tíðarstörf. Tryggvi Þór Aðalsteins-
son formaður Menningar- og
fræðslusambands alþýðu kvaðst
fagna þessu samstarfi verkalýðs-
hreyfingarinnar og sveitarfélaga.
Sagði hann að þrátt fyrir að starf
verkalýðshreyfingarinnar beindist
einkum að þeim sem væru á vinnu-
markaðnum væri full ástæða til að
stuðla að jafn mikilvægri fræðslu
og þeirri sem á námskeiðinu var.
Samstarfi þess hóps sem sat
námskeiðið í ölfusborgum er ekki
með öllu lokið því að ákveðið hefur
verið að hópurinn komi saman með
vorinu, áður en umsóknarfresti um
skólavist lýkur. Á fundinum voru
þau Jón Þór Grímsson, Þórunn
Tyrfingsdóttir og Þóra Linda
Karlsdóttir, sem voru á meðal
þátttakenda á námskeiðinu, og
kváðust þau mjög ánægð með það,
þeim hefðu verið opnaðar ýmsar
leiðir fyrir framtíðina.
Vestmannaeyjar:
Ríkisstjórnin skipar
nefnd vegna frekari
hraunhreinsunar
Vestmannaeyjum, 30. janúar.
HJÁ RÁÐAMÖNNUM Vestmannaeyjabæjar er áhugi fyrir
því að áfram verði unnið að hraunhreinsun og frágangi þess
hluta hraunkantsins sem snýr að bænum og rann lengst inn í
miðbæinn í eldsumbrotunum árið 1973. Um miðjan desember
sl. sameinuðust ailir 9 bæjarfulltrúarnir og samþykktu í bæj-
arstjórn tillögu þar sem þess er farið á leit viö forsætisráð-
herra, Steingrím Hermannsson, að skipuð verði nefnd er
framkvæmi könnun og geri tillögur um frekari hraunhreins-
un og uppgræðslu hraunkantsins sem snýr að íbúðarbyggð,
fiskvinnslustöðvunum og Skansinum. Er það yfirlýstur vilji
bæjarstjórnar að Ijúka beri þessum framkvæmdum, þar sem
frá var horfið af hálfu Viðlagasjóðs 1976.
í bréfi til bæjarstjórnar hefur
forsætisráðherra tilkynnt að rík-
isstjórnin hafi fallist á að skipa
nefndina og hefur tilnefnt í hana
þá Árna Johnsen alþingismann og
Pál Zophoníasson tæknifræðing
og fyrrum bæjarstjóra í Eyjum.
Bæjarstjórn Vestmannaeyja hefur
kosið í nefndina Arnar Sigur-
mundsson formann bæjarráðs. Þá
er gert ráð fyrir að fjármálaráðu-
neytið og félagsmálaráðuneytið
tilnefni einn mann hvort ráðu-
neyti.
Eftir eldgosið 1973 voru rúm-
lega 2 milljónir rúmmetra af
hrauni og ösku fjarlægðar og var
þá áformað að hreinsa burtu
hrauntungu sem rann inn í
miðbæinn en aðeins var tekinn
hluti af henni þegar hreinsað var
frá fiskvinnslustöðvunum.
Hrauntungan, sem rann inn í
miðbæinn í siðustu goshrinunni,
er um 8—10 metrar að þykkt að
meðaltali, mjög sprungin vegna
hraunkælingarinnar. Þegar hluti
tungunnar var fjarlægður á árun-
um 1973—’74 var það tiltölulega
auðunnið verk með þeim stórvirku
tækjum sem til verksins voru not-
uð.
Eins og hraunkanturinn bæjar-
megin er í dag, gnæfir hann yfir
bæinn og finnst mörgum sérstak-
lega hrauntungan vera til mikilla
lýta. Einnig þrengir hrauntungan
mjög að hafnarsvæðinu og undir
henni eru dýrmætar lóðir. Er það
vilji Vestmanneyinga að reynt
verði að gera gott úr þeirri hróp-
andi andstæðu sem hraunkantur-
inn er í hjarta bæjarins.
— hkj.
Opiö
föstudag til kl. 8
Opiö
laugardag til kl. 2.
L__
Við eigum
allt
sem þig vantar í furu
Slitþols
prófun
áklæóa
■ ■
HDSG&uNAEOlLIN
BfLDSHÖFÐA 20 -110 REYKJAVfK S 91-61199 og 81410