Morgunblaðið - 06.09.1984, Blaðsíða 2

2
MORGUNBLAÐIÐ, FIMMTUDAGUR 6. SEPTEMBER 1984
UUnríkisráðherrar Norðurlanda, Uffe Ellemann-Jensen, Danmörku, Paavo VSyrynen, Finnlandi, Geir Hallgrímsson,
íslandi, Svenn Stray, Noregi, og Lennart Bodström, Svíþjóð. Lj6am. Mbi / Bjarní
Utanríkisráðherrar Danmerkur, Noregs og íslands:
Bruni á Kárastíg:
Tvær konur
á slysadeild
TVÆR fullorönar konur voru
fluttar á Slysadeild Borgar-
spítalans eftir að eldur kom
upp í íbúð við Kárastíg 3 í
Reykjavík seint í gærkvöldi.
Konurnar reyndust lítið
brenndar og fengu að fara
heim að lokinni aöhlynningu.
Talið er að eldurinn hafi
kviknað út frá sjónvarps-
tæki en greiðlega gekk að
slökkva hann. Skömmu eftir
að slökkviliðið lauk störfum
á Kárastíg fór sjálfvirkur
brunaboði í Faxaskála í
gang, en þegar komið var á
staðinn reyndist um bilun í
brunaboðanum að ræða.
Leita samkomulags
um stjórn loðnuveiða
Jóhannvann Karl
JÓHANN Hjartarson hefur tekið for-
ustu á Skíkþingi íslands. Hann vann
Karl Þorsteins í gærkvöldi og hefur
hlotið 2V4 vinning. Af öðrum úrslitum
skal nefna, að Dan Hansson vann
Lárus Jóhannesson, Hilmar Karlsson
vann Ágúst Karlsson og jafntefli
gerðu Guðmundur Sigurjónsson og
Helgi Ólafsson. Skákir Margeirs Pét-
urssonar og Hauks Angantýssonar og
Halldórs G. Einarssonar og Scvars
Bjarnasonar fóru í bið.
Utanríkisráðherrar Norðurland-
anna héldu árlegan haustfund sinn í
Reykjavík í g«r og í fyrradag.
Geir Hallgrímsson sagði að
fundur þessi hefði verið gagnlegur
og treyst samvinnu Norðurland-
anna. Hann sagði að utanríkis-
ráðherrar Danmerkur, Noregs og
íslands, þeir Uffe Ellemann-Jen-
sen, Svenn Stray og hann sjálfur,
hefðu haldið sérstakan fund um
Jan Mayen-málíð. „Við ræddum
annars vegar um veiðar á loðnu úr
íslenska loðnustofninum og hins
vegar um mörk efnahagslögsögu
milli Grænlands og Jan Mayen,"
sagði Geir. „Varðandi fyrri þátt-
inn, þá munu Danir taka við samn-
ingsumboði fyrir hönd Grænlend-
inga frá og með næstu áramótum,
en hingað til hefur þetta samnings-
umboð verið í höndum Evrópu-
bandalagsins. Það hefur ekki tekist
aö koma á samningum milli banda-
lagsins fyrir hönd Grænlendinga
annars vegar og íslendinga og
Norðmanna hins vegar um kvóta-
skiptingu á loðnuveiðum, en ákveð-
ið var að efna til samningsum-
leitana milli þessara þriggja landa
hið fyrsta og voru menn bjartsýnir
á aö unnt væri að ná samkomulagi
um stjórn á veiðum úr loðnustofn-
inum. Það hefur ekki verið ákveðið
enn hvenær þingað verður um það,
en við höfum samband fljótlega."
Varðandi mörk efnahagslögsögu
milli Grænlands og Jan Mayen
sagði Geir Hallgrímsson, að Islend-
ingar og Norðmenn vildu sem áður
að miðað væri við miðlínu, en Dan-
ir að miðað væri við 200 mílur frá
Grænlandi. Danir og Norðmenn
ákváðu á þessum fundi, að gera enn
eina tilraun til að ná samkomulagi,
en ef það næst ekki verður málið
lagt fyrir gerðardóm. „Ég lýsti því
yfir, fyrir hönd íslendinga, að við
teldum okkur hafa hagsmuna að
gæta í þessu máli og óskuðum þvi
eftir að fá að fylgjast með því,“
sagði Geir. „Úrslit þessarar deilu
um mörk efnahagslögsögunnar eru
mikilvæg fyrir okkur lslendinga,
en þó er það strax bót í máli, ef
samkomulag næst um heild-
arstjórn loðnuveiðanna."
Geir Hallgrímsson lagði á það
mikla áherslu, aö íslendingar ættu
að leggja rækt við að ná góðri sam-
vinnu við Grænlendinga og Færey-
inga um veiðar hér í Norður-
Atlantshafl og raunar Norðmenn
og Kanadamenn einnig. Það væri
nauðsynlegt að fá heildaryfirsýn
yfir hagkvæmustu og skynsamleg-
ustu nýtingu auðæfa hafsins. Geir
sagðist einnig hafa átt sérstakar
viðræður við utanríkisráðherra
Danmerkur, Uffe Ellemann-Jen-
sen, varðandi réttindi Islendinga á
Rockall-svæðinu. „Við höfum gert
það að tillögu okkar, að þær fjórar
þjóðir sem gera tilkall til réttinda
á þessu svæði, þ.e. Danir fyrir hönd
Færeyinga, írar, Bretar og fslend-
ingar héldu fund og könnuðu
Flugleiðin
Fyrsta flug til Orlando 26. okt.
möguleika á að skipta auðlindum,
sem kynnu að finnast í hafsbotnin-
um á sama grundvelli og gert var í
samkomulaginu við Norðmenn um
Jan Mayen. Áður en til slíks fjög-
urra þjóða fundar kæmi myndu
Danir og íslendingar efna til sér-
stakra viðræðna sín á milli. Við
stefnum að því að þær viðræður
fari fram við fyrsta hentuga tæki-
færi,“ sagði Geir Hallgrímsson,
utanríkisráðherra að lokum.
Auk ofangreindra mála ræddu
utanríkisráðherrar landanna fimm
stöðu aiþjóðamála og sérstaklega
undirbúning allsherjarþings Sam-
einuðu þjóðanna.
FYRSTA flug Flugleiða til Orlando-
flugvallar í Bandarfkjunum verður 26.
október nk. Flogið verður föstudaginn
26. október frá Luxemborg til Balti-
mor og þaðan til Oriando og til baka
laugardaginn 27. október frá Orlando
til Baltimor og síðan Luxemborgar.
Að sögn Sigfúsar Erlingssonar
framkvæmdastjóra markaðssviðs
Flugleiða verður a.m.k. fyrst í stað
flogið til Orlando einu sinni í viku,
en Flugleiðir hafa leyfi til að fljúga
þessa leið tvisvar I viku. Sagði Sig-
fús að undirtektir söluaðila væru
góðar en reynslan ætti eftir að
skera úr um hvernig þetta gengi.
Hann sagðist reikna með að heim-
ildin til flugs tvisvar í viku yrði
helst nýtt á vorin og haustin til að
lengja háannatlmann, en auðvitað
færi það eftir undirtektum á mark-
aðinum.
Samningayiðræður við Alusuisse:
Fundað í Amsterdam í dag
Stjórnarfundur ÍSAL þar að loknum samningafundum
Samningavióræður milli íslendinga
og Alusuisse fara nú fram í Amster-
dam í Hollandi og er reiknað með að
þeim Ijúki I dag, flmmtudag. Að lokn-
um samningafundinum fer fram
stjórnarfundur ÍSAL í Amsterdam.
Fulltrúar íslenzkra stjórnvalda I
viðræðunum eru þeir Jóhannes
Nordal formaður samninganefnd-
arinnar, Gunnar G. Schram, Guð-
mundur G. Þórarinsson, Garðar
Ingvarsson ritari nefndarinnar og
Páll Flygenring ráðuneytisstjóri í
iðnaðarráðuneytinu. Einnig þeir
Árni Kolbeinsson skrifstofustjóri í
fjármálaráðuneytinu og Halldór
Kristjánsson deildarstjóri í iðnað-
arráðuneytinu. Frá Landsvirkjun
taka þátt í viðræðunum þeir Jó-
hann Már Maríusson aðstoðar-
framkvæmdastjóri Landsvirkjunar
og Baldvin Jónsson, sem sæti á í
stjórn Landsvirkjunar.
Af hálfu Alusuisse sitja samn-
ingafundina þeir Halldór H. Jóns-
son stjórnarformaður ÍSAL, Ragn-
ar Halldórsson forstjóri ÍSAL, dr.
Ernst, dr. Muller, dr. Bohner, einn-
ig þeir Werle og Huber.
Jarðskjálfti á Suðurlandi:
„Ógnvekjandi að sjá
ljósakrónuna sveiflast"
Jarðskjálftakippur fann.st á Suð-
urlandi rétt fyrir kl. 9 ( gærmorgun.
Að sögn Sveinbjörns Björnssonar,
eðlLsfræðings hjá Raunvísinda-
stofnun, mældist skjálfti þessi 3,9
stig á Richterkvarða. Hann kvað
upptök skjálftans vera vestast í Ölf-
usinu, á mörkum Suðurlandsundir-
lendis og Hengilssvæðis. „Það er
ekkert bægt að fullyrða um sam-
band milli skjálftans og eldgossins
í Kröflu,“ sagði Sveinbjörn. „Vega-
lengdin á milli er allt of mikil til að
hægt sé að segja til um tengsl.
Skjálftinn í gær lýsir sér allt öðru
vísi en byrjun á Suðurlandsskjálft-
um, því þeir byrja með skjálftarun-
um austast á svæðinu, en ekki með
einum skjálfta vestast."
Brynhildur Jónsdóttir, garð-
yrkjubóndi í Hveragerði, var að
störfum í einu þriggja gróður-
húsa sinna þegar skjálftinn kom.
Hún sagðist hissa á þvi að talað
væri um mjög harðan skjálfta.
„Mér finnst óþarfi að vera að
hræða fólk með slíku tali,“ sagði
Brynhildur. „Hérna hafa oft
komið skjálftar, svo við erum vön
öðru eins. Að vísu var þessi
skjálfti ólíkur þeim sem yfirleitt
finnast hér, ég fann meiri og
Þorvarður Þórðarson
lengri hreyfingu, mest neðan í ilj-
unum, en oftast eru kippirnir
sneggri.* Brynhildur sagði að lít-
ill titringur hefði heyrst í glerinu
í gróðurhúsunum og ekki væri
hægt að líkja þessum skjálfta við
þann sem kom 1965, en þá hefðu
blómapottar fallið niður úr hill-
um og gler sprungið.
Dagmar Einarsdóttir
Þorvarður Þórðarson, sem býr
á Selfossi, kvaðst ekki hafa orðið
var við neinn skjálfta. „Ég var í
skúr við hús mitt og fann alls
ekki neinn titring,” sagði Þor-
varður þegar blaðamaður Morg-
unblaðsins innti hann frétta.
„Það var ekki fyrr en ég heyrði af
þessu í útvarpinu að ég vissi að
Brynhildur Jónsdóttir
^W
Árni Möller Ljósm. Mbi./ Júlíus
hér hafði orðið jarðskjálfti. Kon-
an mín varð heldur ekki vör við
neitt, svo varla hefur þetta verið
mjög stór kippur."
Bóndinn á Þórustöðum í Olfusi,
Árni Möller, varð hins vegar
greinilega var við kippinn.
„Skjálftinn var ekki mikill, frek-
ar eins og ekið væri á húsið,“
sagði Árni. „Það hrikti dálitið í
húsinu og við hjónin reyndum að
gera okkur grein fyrir því hvort
húsið þyldi stærri skjálfta, en við
getum alltaf átt von á einum slík-
um hér á Suðurlandi. Fjölskyldan
hélt ró sinni og meira en það,
bornin voru meira að segja him-
inlifandi, því þau sáu kvikmynd
um jarðskjálfta fyrir stuttu og
fannst þetta spennandi." Árni
Möller hefur búið á Þórustöðum í
átta ár og sagði hann þennan
jarðskjálfta vera þann öflugasta
sem hann hefði fundið fyrir á
þeim tíma.
I Skíðaskálanum í Hveradölum
urðu starfsmenn greinilega varir
við skjálftann. Dagmar Einars-
dóttir, starfsstúlka, sagðist hafa
verið nývöknuð og liggjandi í
rúmi sínu. „Ég hélt að ég væri
eitthvað rugluð þegar ljósakrón-
an fór að sveiflast til í loftinu, því
ég hef aldrei fundið jarðskjálfta
áður. Mér fannst þetta dálitið
ógnvekjandi, en sem betur fer
stóð þetta ekki lengi."
Samstarfsmaður Dagmar var
steinsofandi, þegar skjálftinn
kom, rumskaði og svaf síðan sem
fastast áfram. Virðist því sem
ekki hafi allir kippt sér mikið upp
við jarðskjálftann.