Morgunblaðið - 02.04.1985, Síða 5

MORGUÍJBLAÐIÐ, ÞRIDJUDAGUR 2. APRÍL 1985
5
Þrotabú Endurtryggingafélags Samvimmtrygginga:
búið verða lík-
hálfur milljarður
Kröfur í
lega um
GJALDFALLNAR kröfur í þrotabú
Endurtryggingafélags Samvinnu-
trygginga eru taldar vera 405 millj-
ónir og líklegt er talið að kröfurnar
verði samtals um 500 milljónir, þeg-
ar upp er staðið. Þetta upplýsti Ragn-
ar Hall, skiptaráðandi hjá borgarfóg-
etaembættinu í Reykjavík. Ragnar
sagði að enn væri fjöldi trygginga-
samninga I gildi, og ekki væri vitað
hvaða kröfur myndu koma út úr
þeim samningum. Frestur til að lýsa
kröfum, rann út 27. janúar sl. og eru
kröfuhafarnir geysilega margir, og
nær undantekningalaust erlendir.
Gjaldþrotamál þetta er það allra
stærsta hérlendis um mjög langt
skeið.
„Þess er einnig að gæta, að það
hefur ekki unnist tími til að stað-
reyna allar þessar kröfur, og hvort
þær eru réttar," sagði Ragnar
Hall í samtali við blm. Mbl., „en ég
gerir heldur ráð fyrir að þetta eigi
eftir að hækka talsvert."
Ragnar sagði að Endurtrygg-
ingafélag Samvinnutrygginga ætti
umtalsverðar kröfur á hendur er-
lendum félögum, en ekki væri
hægt að segja til um það á þessu
stigi hversu mikið fjármagn
myndir endurheimtast með þeim
kröfum. Það væri nokkuð tafsamt
að koma höndum yfir það fé, þar
sem þeir sem kröfurnar væru
gerðar til bæru gjarnan fyrir sig
skuldajöfnuði. Þetta væru þó mun
minni upphæðir en upphæð krafn-
anna í Endurtryggingafélagið.
Ragnar átti ekki von á því að það
lægi ljóst fyrir hversu mikið fé
Endurtryggingafélag Samvinnu-
trygginga fengi úr kröfum sínum
fyrr en síðar á þessu ári.
Eiríkur Tómasson er skipta-
stjóri þrotabúsins, og spurði blm.
Mbl. hann hversu miklar eigur
þrotabúið væri talið eiga: „Það er
allt óljóst eins og sakir standa,“
sagði Eiríkur, „því það er svo mik-
ið um útistandandi kröfur félags-
ins á hendur öðrum og það er alls
ekki ljóst hversu háar tölur það
eru, eða hvernig þær muni inn-
heimtast. Það er þó líklegt að þær
nemi hundruðum milljóna."
Eiríkur sagði að þótt ekki væri
hægt að segja til um endanlegar
upphæðir á þessu stigi, væri þó
óhætt að fullyrða að þetta þrotabú
væri af annarri stærðargráðu
heldur en þau þrotabú sem komið
hefðu til skipta síðustu árin.
MR framleiðir fiskifódur
Á föstudag hóf Mjólkurfélag Reykjavíkur að framleiða fiskifóður í fóður-
blöndunarverksmiðjunni I Sundahöfn. Fiskifóður hefur ekki verið framleitt
hér á landi um skeið en fyrir nokkrum árum var gerð tilraun til framleiðslu
þess á vegum annars fyrirtækis. Á myndinni eru Guðmundur Leifsson
verksmiðjustjóri og Jón Guðmundsson formaður stjórnar MR með fyrstu
pokana af silungafóðri sem MR framleiðir. Morgunblaðið/Árni Sæberg
Á ráðstefnu Félags háskólakennara voru flutt sjö erindi. Aðalumræðuefnin
voru fjölgun nemenda í HÍ og tengsl háskólans við atvinnulífið.
Ráðstefna Félags háskólakennara:
„Auka ]>arf svig-
rúm HI til að
taka þátt í at-
vinnulífinu"
— sagði menntamálaráðherra
„FRAMTÍÐ Háskólans — Framtíð
Islands“ var yfirskrift ráðstefnu,
sem haldin var á vegum félags há-
skólakennara sl. föstudag í Háskóla-
bíói. Tilefni ráðstefnunnar var öll sú
umræða er staðið hefur yfir undan-
farið um málefni háskólans svo sem
tengsl háskólans við atvinnulífið,
fjölgun ncmenda og fleira.
Á ráðstefnunni var stuðst við
skýrslu þróunarnefndar HÍ, en
hún kom út í ágúst 1984. Jón Bragi
Birgisson, formaður félags há-
skólakennara, sagði i samtali við
Mbl. að augljóst væri að auka
þyrfti húsnæði háskólans verulega
til að tengja skólann við atvinnu-
lífið, jafnvel þó að allar rannsókn-
ir yrðu kostaðar af atvinnulífinu.
Fyrirlesarar voru sjö talsins:
Þórir Einarsson, formaður þróun-
arnefndar, Guðmundur Magnús-
son, rektor, Stefán ólafsson, lekt-
or, Sveinbjörn Björnsson, lektor,
Haraldur Ólafsson, dósent og
alþingismaður, Jónas Haralz,
bankastjóri og Ragnhildur Helga-
dóttir, menntamálaráðherra. Síð-
an voru pallborðsumræður. í þeim
tóku þátt þrír alþingismenn, þrír
kennarar og þrír atvinnurekend-
ur.
í erindi menntamálaráðherra
kom fram að auka þyrfti svigrúm
háskólans til að taka þátt í
atvinnulífinu. Einnig benti hún á
að ekki væri auðvelt að meta gildi
þess, sem greiöa ætti fyrir. „Þeir
sem taka á sig rannsðknir ættu að
auglýsa sig og starf sitt betur en
þeir gera. Taka þarf tillit til hvers
virði rannsóknirnar eru, til dæmis
hvort þær breytist strax í peninga
eða hvort þær bæti menningarlífið
frekar. Einnig þurfa rannsókn-
armenn að sameinast um stærri
verkefni til að auka skilning og
áhuga á háskólanum.
Stungið var upp á því í einum
fjölmiðlinum að ríkið lánaði há-
skólanum þjóðarbókhlöðuna, en ég
vek athygli á að hún á að vera
helsta vísindabókasafn landsins
— háskólabókasafn," sagði
menntamálaráðherra.
Hún sagðist vilja að listnám
yrði bundið við háskólanám hér á
landi eins og víða er erlendis. „Ég
get líklega ekki komið því fram að
þrír listaskólar komist inn í há-
skólakerfið í senn, en hugmyndin
er svipuð og gerðist með kennara-
háskólann á sínum tíma.
Verður háskólinn ríki I ríkinu —
já, ég tel að háskólinn eigi að hafa
sem allra mest sjálfstæði. Ég sé
háskólann sem öfluga stofnun —
miðstöð, sem tengist atvinnulífi,
skóla -og menningarlífi," sagði
menntamálaráðherra á ráðstefn-
unni.
Jörð úr landi Ketils hængs
og Marðar gígju til sölu
Nýlega var auglýst til sölu jörðin
Völlur II í Hvolhreppi, 100 hektara
jörð u.þ.b. sex kflómetra frá Hvols-
velli og fylgja veiðiréttindi í Rangá.
Jörðin er vel byggð og mun hún eiga
að kosta u.þ.b. flmm og hálfa milljón
króna með öllu sem á henni er.
Hér er um að ræða hluta af land-
námsjörðinni Velli og heyrir undir
austasta hlutann af landnámi Ket-
ils hængs, sem nam Hvolhrepp all-
an og bjó sjálfur að Hofi. Ketill
hængur átti fimm sonu og tók einn
þeirra, Hrafn, við búi á Hofi eftir
föður sinn, en hinir skiptu með sér
jörðum í Hvolhreppi og kom Völlur
i hlut Helga Ketilssonar.
Seinna bjó á Velli Mörður gígja,
sem frægt er úr Njáls sögu og kem-
ur bærinn oft við sögu í Njálu. Þá
var Völlur sýslumannssetur á ár-
unum 1822 til 1835 og aftur árin
1861 til 1890. Að sögn núverandi
ábúanda á Velli I var búið að skipta
jörðinni í nokkra hluta fyrir alda-
mótin 1800. Stærstu hlutarnir voru
þrír, Völlur I, Völlur II og Bakka-
völlur, sem nú er í eyði. Eru þessar
þrjár jarðir allar svipaðar að
stærð, rúmir eitthundrað hektarar.
Enn einn hluti jarðarinnar var
Vallarhjáleiga, sem nú tilheyrir
Árgilsstöðum. Það er m.a. að finna
Hestaþingshól norður við Rangá,
þar sem Gunnar á Hlíðarenda og
Starkaðarsynir háðu hestavíg.
Að sögn Jónínu Jónsdóttur, sem
býr á Velli I ásamt manni sinum,
Jóni Benediktssyni og börnum
þeirra fimm, er talið að Mörður
gígja sé heygður í landi Vallar I.
En Jónína er þriðji ættliður ábú-
enda á landi Vallar, barnabarn
Gunnars Jónssonar, sem fluttist
frá Bænum Stóra Hofi að Velli rétt
fyrir síðustu aldamót og bjuggu
börn hans þrjú hvert á sinni Vall-
arjörð eftir hann.
„Það er einnig sagt að móti fyrir
blóthofi í túninu hjá okkur og það
er mikið af tóftum í landareignum
allra Vallarbæjanna. En aldrei hef-
ur þó verið talið að það væru álaga-
blettir og allt verið slegið," sagði
Jónína.
Á Velli II, sem er til sölu, búa nú
hjónin Sigrún Sigurjónsdóttir og
Gunnar Jónsson og hyggjast þau
flytja búferlum til Reykjavíkur.
* I
il
Si
SAAB 900 VERÐ KR: 615.000
KOMDU OG KEYRÐANN
TÖGCURHF.
SAAB
UMBOÐtÐ
BÍLDSHÖFÐA 16, SÍMI 81530