Morgunblaðið - 28.06.1986, Page 55
MORGUNBLAÐIÐ, LAUGARDAGUR 28. JÚNÍ 1986 55
Sanngjarn sigur Blika
á máttlitlum FH-ingum
UBK-FH
2—1
KÓPAVOGSVÖLLUR1. deild:
UBK-FH 2:1 (1:0)
Mörk UBK: Jón Þórir Jónsson og Þorsteinn
Hilmarsson.
Mark FH: Ingi Björn Albertsson.
Dómari: Þorvarður Bjömsson, og dœmdi hann
þokkalega.
Gult spjald: Höröur Magnússon FH.
Áhorfendun Um 450.
EINKUNNAGJÖFIN:
<JBK: öm Bjarnason 2, Benedikt Guömunds-
son 1, Ólafur Björnsson 2, Magnús Magnús-
son 3, Ingvaldur Gústafsson 2, Guömundur
Þ. Guðmundsson 2, Gunnar Gylfason 2,
GuÖmundur Valur SigurÖsson 2, Hákon Gunn-
arsson 2, Jón Þórir Jónsson 3, Jóhann Grótars-
son 1. Þorsteinn Hilmarsson (vm) lók of stutt.
Samtals 22 stig.
FH: Gunnar Straumland 2, Leif Garöarsson
2, Henning Henningsson 3, Pálmi Jónsson 1,
Ólafur Danivalsson 1, Ingi Bjöm Albertsson
2, Magnús Pálsson 1, Ólafur Jóhannesson 2,
Guðmundur Hilmarsson 2, Hörður Magnús-
son 1, Ólafur Kristjánsson 2. Kristján Hilmars-
son (vm) 1
Samtals 19 atig.
Eftir heldur magra tíð að undan-
förnu tókst Blikum loks að vinna
leik þó ekki hafi verið glæsibragur
á afrekinu. FH-ingar hljóta að vera
sáróánægðir með frammistöðu
sína á Kópavogsvellinum í gær-
kvöldi og leikmenn UBK gera sér
væntanlega líka grein fyrir að betur
má ef duga skal — þó þeir hafi að
sjálfsögðu fagnað mikilvægum
sigri.
Leikurinn var nefnilega fremur
slælega spilaður af báðum liðum,
og bæði liðin voru leiðinlega var-
kár. Hjá Blikum virtist Jón Þórir oft
vera einn i fremstu víglínu á móti
fjórum varnarmönnum. Jóhann
Grétarsson var þó líka í framlínu
Blika, en hafði greinilega varnar-
skyldur líka. Og hjá FH voru bara
Ingi Björn og Hörður Magnússon
á móti fjórum varnarmönnum sem
helst fóru ekki fram yfir miðju.
Fyrir vikið reyndist sóknarmönnum
beggja liða erfitt að halda boltan-
um — þeir fengu mann í sig um
leið og boltinn kom nálægt þeim
og höfðu ekki samherja nálægt sér
til að leggja boltann á. Úr varð það
sem oftast er nefnt miðjuþóf.
Öll mörkin í leiknum komu eftir
alvarleg varnarmistök. Fyrra mark
Blikanna kom uppúr hornspyrnu
undir lok fyrri hálfleiks. Hár bolti
kom fyrir markið, einhver skallaði
uppí loft innf teignum og eftir að
þrír eða fjórir leikmenn úr báðum
liðum höfðu reynt að pota í tuðr-
una barst hún til Jóns Þóris um
tveimur metrum frá marki — og
hann potaði henni á réttan stað.
1:0.
•Maðurinn sem garði gæfumuninn í leiknum — Jón Þórir Jónsson, Bliki, var ógnandi f leiknum f gær-
kvöldi og skoraðí sitt 5. mark f 1. deild. Hann á hér f baráttu við Ólaf Kristjánsson og Henning Henningsson.
FH-ingar jöfnuðu úrfyrstu alvar-
legu sókn sinni í síðari hálfleik.
Ólafur Danivalsson átti þá sakleys-
islega vipp-sendingu inn í vítateig
Blika, og Benedikt Guömundsson
kom askvaðandi til að hreinsa frá.
En hann hitti ekki knöttinn nógu
vel — hann stöðvaðist á vítapunti,
beint framan við tærnar á Inga
Birni sem renndi honum innanfótar
í markhornið. Gjafamark og staðan
1:1.
Það var svo varamaðurinn Þor-
steinn Hilmarsson, sem kom inná
þegar um 15 mínútur voru eftir,
sem skoraði sigurmarkið. Og enn
var einhver klaufaskapur á ferð-
inni. Há fyrirgjöf kom inn í vítateig
FH-inga þegar þrjár mínútur voru
eftir af leiknum og Gunnar Straum-
land virtist hafa hendur á honum
— umkringdur Blikum. En skyndi-
lega lá knötturinn á vellinum og
Þorsteinn skoraði auðveldlega í__
tómt markið af stuttu færi. FH-ing-
ar mótmæltu — töldu boltanum
hafa verið náð ólöglega af Gunnari
— en Þorvarður var ekki í neinum
vafa.
Sigur Blikanna var sanngjarn.
Þeir voru reyndar ekki mikiö meira
með boltann en FH-ingar, en Jón
Þórir gerði gæfumuninn. Hann var
síógnandi í framlínunni og skapaði
liði sínu nokkur þokkaleg mark-
tækifæri með krafti og útsjónar-
semi. FH-ingar náðu hinsvegar •r
varla að skapa sér almennilegt
færi í öllum leiknum.
Ófærttil
Eyja
LEIK ÍBV og Víðis var frestað í
gærkvöldi vegna þoku f Vest-
mannaeyjum. Hann á aö fara
fram f dag kl. 14.00 ef gefur að
fljúga til Eyja.
•Óli Þór Magnússon reynir hér aö leika á tvo Þórsara í leiknum f
Keflavfk f gærkvöldi. Þórsarar geröu góöa ferð til Suðurnesja og tóku
með sér öll þrjú stigin norður.
Þórsarar stálu sigr-
inum á síðustu stundu
Kristján Kristjánsson skoraði tvö
KEFLAVÍKURVÖLLUR1. deild:
ÍBK-Þór: 2:3 (0:1)
Mörfc ÍBK: Einar Ásbjörn Ólafsson é 57. mín.
og Freyr Sverrisson á 73. mín.
Mörfc Þórs: Kristján Kristjánsson á 43. mín.
og 62. mín. og Nói Björnsson á 88. mín.
Gul spjöld: Ámi Stefánsson og Hlynur Birgis-
son, Þór.
Dómari: Óli Ólsen og dæmdi ágætlega og var
samkvæmur sjálfum sér.
Áhorfendur: 565.
EINKUNNAGJÖFIN:
ÍBK: Þorsteínn Bjarnason 3, Gísli Grótarsson
2, Siguröur Guönason vm á 65. mín. 2, Valþór
Sigþórsson 3, Rúnar Georgsson 3, Ingvar
Guömundsson 3, Gunnar Oddsson 2, Jóns
Sveinsson vm 89. mín. (lók of stutt), Einar
Ásbjöm Ólafsson 3, Freyr Sverrisson 2, Óli
Þór Magnússon 3, Sigurjón Sveinsson 3 og
Skúli Rósantsson 3.
Samtals: 30.
Þón Baldvin Guömundsson 3, Nói Björnsson
3, Árni Stefónsson 3, Siguróli Kristjánsson
3, Halldór Áskelsson 2, Júlíus Tryggvason 2,
Jónas Róbertsson 3, Hlynur Birgisson 3, Krist-
jón Kristjónsson 4, Baldur GuÖnason 2, Stefón
Rögnvaldsson vm 2 og Sigurbjörn ViÖarsson
3.
Samtals: 31.
Keflvíkingar byrjuðu vel og sóttu
látlaust fyrstu 30 mínúturnar og
skapaðist oft hætta við mark Þórs
en þó lítið um opln færi. Á 15.
mínútu átti Óli Þór hörkuskot rétt
utan vítateigs en rétt framhjá. Á
27. mínútu fókk Skúli Rósantsson
knöttinn á markteig eftir horn-
spyrnu en hitti boltann illa sem
rúllaði rólega til markvarðar. Síð-
asta stundarfjórðunginn í fyrri hálf-
leik jafnaðist leikurinn og Þór var
meira með í leiknum. Á 34. mínútu
átti Jónas Róbertsson hörkuskot
frá vítateigshorni sem Þorsteinn
bjargaði glæsilega.
Fyrsta markið kom svo á 43.
mínútu er Kristján Kristjánsson
skoraði eftir skyndiupphlaup og
eftir góðan samleik við Hlyn Birgis-
son.
Seinni hálfleikur var jafn til að
byrja með en þó sóttu Þórsarar
heldur meira. í upphafi seinni hálf-
leiks skaut Kristján Kristjánsson
yfir i þröngu færi. Á 57. mínútu
jafnaði Einar Ásbjörn, sem lék sem
aftasti maður í vörn, fyrir Keflavík
með hörku skalla eftir góða fyrir-
gjöf frá Skúla Rósantssyni.
Kristján bætti við sínu öðru
marki og jafnframt öðru marki
Þórs. Stakk sór hreinlega í gegnum
vörn Keflvíkinga með boltann með
sér og vippaði yfir Þorstein sem
kom út á móti honum. Eftir markið
sóttu Keflvíkingar mjög mikið og á
73. mínútu skoraði Freyr Sverris-
son með skalla eftir fyrirgjöf frá
Rúnari Georgssyni.
Það var svo tveimur mínútum
fyrir leikslok að Nói Björnsson
skoraði þriðja mark Þórs eftir fyrir-
gjöf, þá skallaði Siguróli Kristjáns-
son fyrir fætur Nóa, sem var rétt
innan vítateigs, og skoraöi með
hörkuskoti út við stöng niðri óverj-
andi fyrir Þorstein.
Sanngjörn úrslit hefðu verið
jafntefli. Keflvíkingar voru of ragir
við að skjóta og Þórsar stálu sigrin-
um af þeim undir lokin.