Morgunblaðið - 01.10.1986, Blaðsíða 4

4
MORGUNBLAÐIÐ, MIÐVIKUDAGUR 1. OKTÓBER 1986
Evgeni Kosarev sendiherra Sovétríkjanna á Islandi:
„Gorbachev stakk
upp á Reykjavík“
Ekki vitað hvort eiginkonur leiðtoganna
verða með í förinni hingað til lands
EVGENI KOSAREV sendiherra Sovétríkjanna á íslandi segir
að Gorbachev leiðtogi Sovétríkjanna hafi lagt til við Reagan,
Bandaríkjaforseta að þeir hittust á íslandi, og að Reagan
hafi samþykkt þá tillögu hans. Þetta sagði Kosarev í samtali
við blaðamann Morgunblaðsins í gærkveldi.
Kosarev sagði að Sovétmenn
hefðu verið reiðubúnir til þess
að hitta Reagan að máli í hvaða
borg sem væri í heiminum. Þeir
hefðu verið reiðubúnir að fara
til Vínar, til Genfar, og jafnvel
til Hirosima. Aðrar borgir hafí
kannski ekki hentað Reagan á
þessu stigi, en Reykjavík hafí
hentað báðum aðilum.
Kosarev var spurður hvort hér
væri um stefnubreytingu að
ræða, hjá Sovétmönnum, að
velja höfuðborg aðildarríkis
Norður-Atlantshafsbandalags-
ins sem fundarstað leiðtöga
risaveldanna: „Nei, hér er ekki
um nokkra stefnubreytingu að
ræða hjá Sovétríkjunum," sagði
Kosarev, „aðalmarkmið Sov-
étríkjanna er að efla friðinn í
heiminum, með það að markmiði
að við lifum í lgamorkuvopna-
lausum heimi árið 2000.“
Kosarev sagðist ekki enn vita
hvort eiginkonur leiðtoganna
yrðu með í förinni hingað til
lands, eða ekki. Sagðist reyndar
eiga eftir að fá allar nánari upp-
lýsingar um sendinefndina sem
kæmi hingað frá Sovétríkjunum.
MorgunbUðid/Þorkell
Evgeni Kosarev t sendiherrabú-
stað Sovétríkjanna í Reykjavík í
gærkveldi.
Flugleiðir:
„Alltbúið
að vera
snarvitlaust“
- sagði Sveinn Sæmunds-
son hjá Flugleiðum
UM leið og fréttist að fundur
Reagans og Gorbachevs yrði
haldinn hér á landi daganna 11.
og 12. október, var hringt úr
öllum heimshornum á skrifstofu
Flugleiða með fyrirspurn um
ferðir til landsins og möguleika
á gistingu.
Að sögn Sveins Sæmundssonar,
hjá Flugleiðum, hringi síminn við-
stöðulaust á skrifstofu félagsins og
gestamóttöku Hótel Loftleiða og
Esju, frá klukkan 14:00 í gærdag
eftir að ljóst var hvar leiðtogamir
mundu hittast. Búist er við að í dag
verði tekin ákvörðun um að bæta
inn flugferðum dagana fyrir fund-
inn. „Það er merkilegt að ísland
skuli verða fyrir valinu sem fundar-
staður þjóðarleiðtoga í annað sinn
og ég held að þetta sé margra doll-
arar virði sem auglýsing fyrir
landið," sagði Sveinn.
VEÐUR
VEÐURHORFUR í DAG:
YFIRLIT á hádegi í gær: Skammt norður af Vestfjörðum er 973
millibara lægð á leið í norðaustur og lægðardrag í suðvestur ó
Grænlandshaf sem þokast í austur.
SPÁ: Norðvestanátt verður ríkjandi á landinu, víða slydduél á an-
nesjum norðan- og vestanlands en bjartviðri sunnan- og austan-
lands. Nokkuð kólnar í veðri.
VEÐURHORFUR NÆSTU DAGA:
FIMMTUDAGUR: Allhvöss norðvestanátt, víða skúrir eða él á vest-
ur- og norðurlandi en að mestu úrkomulaust sunnanlands. Hiti á
bilinu 2-4 stig.
FÖSTUDAGUR: Fremur hæg vestanátt á landinu. Skúrir sunnan-
og vestanlands en bjartviðri ó austur- og suöausturlandi. Hiti ó
bilinu 4-6 stig.
TAKN:
Heiðskírt
'Ci Léttskýjað
•Öt Hálfskýjað
Ský'að
Alskýjað
x Norðan, 4 vindstig:
Vindörin sýnir vind-
stefnu og fjaðrirnar
vindstyrk, heil fjöður
er 2 vindstig.
/ / /
/ / / / Rigning
/ / /
* / *
/ * / * Slydda
/ * /
* * *
* * * * Snjókoma
* * *
10 Hhastig:
10 gráður á Celsius
\j Skúrir
*
V El
— Þoka
— Þokumóða
» , ’ Súld
OO Mistur
—|- Skafrenningur
Þrumuveður

VEÐUR VÍÐA UM HEIM
kl. 12.00 í gær að ísl. tíma
hlti veóur
Akureyri 10 ekúr
ReyVjivík 7 rigning
Bergen 11 þokumóAa
Helsinld 8 akýjað
Jan Mayen 4 rigning
Keupmennah. 16 akýjaö
Naraaeraeuaq -2 akýjað
Nuuk -4 lóttskýjað
Oaló 9 skýjað
Stokkhólmur 10 akýjað
Þórshöfn 12 skýjað
Atgarve 25 heiðskfrt
Amaterdam 14 þokumóða
Aþena vantar
Barceiona 23 skýjað
Bertin 15 hélfskýjað
Chlcago 18 rignlng
Giaagow 17 Mttakýjað
Feneyjar 24 Mttakýjað
Frankfurt 20 hólfsltýjað
Hamborg 14 akýjað
LasPalmas vantar
London 14 mlstur
Los Angeies 15 helðskfrt
Lúxemborg 18 hólfskýjað
Madrfd 21 hátfskýjað
Malaga 28 skýjað
Mallorca 20 rigning
Mlami 26 akýjað
Montreal 20 akúr
Nice 26 Mttskýjað
NewYorfc 21 mistur
Parfs 19 Mttskýjað
Róm 26 haíðakfrt
Vfh 18 Mttskýjað
Washlngton 22 þokumóða
Wlnnlpeg 5 Mttskýjað
Fundur Reagans og Gorbachev:
Áttatíu manns
koma frá NBC
„MEÐ góðri samvinnu við hótelin tókst okkur að koma fyrir 80
manna hóp frá bandarísku sjónvarpsstöðinni NBC,“ sagði Ingólfur
Guðbrandsson forstjóri ferðaskrifstofunnar Útsýn. Ferðaskrifstof-
nnni barst í gær beiðni um að taka á móti starfsmönnum NBC
stöðvarinnar og sjá um allan aðbúnað þeirra á meðan á dvöl þeirra
stendur.
Ingólfur sagði að þeir fyrstu úr
hópnum kæmu til landsins þegar í
dag og muni dvelja fram til 13.
október. Beiðni um aðstoð kom frá
skrifstofu American express í
Bandaríkjunum, en ferðaskrifstof-
an Útsýn er umboðsaðili þeirra hér
á landi. „Nú hefðum við þurft að
hafa stórt hótel,“ sagði Ingólfur.
„Það er fyrirsjáanlegt að Reykjavík
getur ekki hýst nema brot af þeim
sem vilja fylgjast með atburðunum
hér.“ Ingólfur taldi að í Reykjavík
væru um eitt þúsund hótelherbergi
og hefðu þau öll verið bókuð á
tveimur klukkustundum í gær. Hót-
elin voru nokkuð vel bókuð næstu
tvær helgar vegna vaxandi vin-
sælda sem helgarferðir frá Banda-
ríkjunum njóta.
Póstur og sími:
„Reynum að mæta
þörfum gestanna“
-segir Ólafur Tómasson, póst- og símamálastj óri
„ÉG vona að við getum leyst úr þeim vanda sem óneitanlega
skapast þegar svo margir þurfa að nota þjónustu okkar,“
sagði Ólafur Tómasson, póst- og símamálastj óri, er hann var
inntur eftir því hvernig Póstur og sími mun bregðast við
auknu álagi vegna fundar Reagans og Gorbachevs hér á landi.
Ólafur sagði að í gær hefðu
farið að streyma inn óskir frá
aðilum erlendis um sjónvarps-
sendingar héðan. „Við reynum
að mæta þessum þörfum, en
auðvitað getur það orðið erfítt,"
sagði Ólafur. „Það skýrist á
næstu dögum hve margir blaða-
menn munu koma, en nú er
ýmist sagt að þeir verði nokkur
hundruð eða jafnvel tvö til þijú
þúsund. Álagjð á símkerfíð verð-
ur gífurlegt. Núna höfum við um
210-215 línur fyrir síma til út-
landa og þar af eru um 180-190
fyrir tal, en hinar línumar fyrir
telex og annað slíkt. Það getur
orðið erfítt að bæta við með svo
skömmum fyrirvara. Þá hafa
engar beiðnir borist um bein
sambönd við útlönd, en líklegt
þykir mér að slíkar óskir sem
varða þarfir leiðtoganna sjálfra
og þeirra fylgdarlið berist til
utanríkisráðuneytisins og for-
sætisráðuneytisins. “
Ólafur sagði að þau verkefni
sem Póstur og sími fengi nú
væru stærri en áður hefur verið
glímt við á svo skömmum tíma.
„Það var heilmikið umstang þeg-
ar Nixon og Pompidou voru hér
árið 1973, en núna er allt miklu
stærra í sniðum. Fjöldi frétta-
manna og fjölmiðlafyrirtækja
hefur aukist mikið síðan þá, en
ég sé enga ástæðu til að vera
óttasleginn þótt verkefnið sé
stórt. Við setjum upp öll tiltæk
tæki til að bjóða upp á mismun-
andi þjónustu og gerum okkar
besta," sagði póst- og símamála-
sljóri að lokum.