Morgunblaðið - 07.03.1987, Síða 54

mr
54
MORGUNBLAÐIÐ, LAUGARDAGUR 7. MARZ 1987
Gallerí gijót:
„Andlit“
Jón Örn Thordarson og Sveinn Kristdórsson við hina nýju ofna.
Sveinn bakari
í nvju húsnæði
SVEINN bakari hefur flutt starf-
semi sína í ný húsakynni að
Alfabakka 12. A hinum nýja stað
hefur hann bætt miklu við tækja-
kost sinn. Má þar m.a. nefna
nýja tölvustýrða bakaraofna sem
munu vera þeir fyrstu hér á
landi. Eru þeir frá Svenska Bak-
ugnsfabriken, SVEBA, í
Svíðþjóð.
Það er tölva sem sér alfarið um
baksturinn og hefur hún minni fyr-
ir 96 bakstursforrit, en hún stjórnar
baksturstíma, gufumagni, byijun-
arhita, baksturshita, lokahita osfrv.
Að bakstri loknum flautar hún og
lætur þannig vita að bakstrinum
sé lokið.
Einnig tók Sveinn í notkun svo-
kallaða brauðasamstæðu af nýrri
gerð, en hún sér um að vigta deigið
í ákveðna stærð, halda síðan
ákveðnu hita- og rakastigi á deginu
og móta það svo í ákveðið form
áður en það bakast. Ennfremur er
hann með svo kallaðan frysti-/
hefskáp, en með honum má laga
deigið löngu fyrir bakstur.
Fyrirhugað er að opna nýja
brauðbúð á sama stað.
Sýning á skúlptúr-
verkum
SÝNING á skúlptúrverkum
Sverris Ólafssonar myndhöggv-
ara í Galleri grjóti við Skóla-
vörðustíg verður opnuð
föstudaginn 6. mars. Nafn sýn-
ingarinnar, „Andlit“, höfðar til
viðfangsefnisins, sem er andlits-
grímur unnar í hina ýmsu málma
svo sem stál, brons og pottjárn.
Verkin eru öll unnin á þessu ári
og hinu síðasta. Verkin eru öll
til sölu.
Sverrir lauk námi frá handíða-
deild Kennaraskóla íslands 1969
og stundaði kennslu í mynd- og
handmennt í Hafnarfirði til 1973
að hann hóf nám í Myndlista- og
handíðaskóla íslands, lauk hann
þaðan námi 1976 frá myndhöggv-
aradeild. Árin 1980 til 1983 var
hann við nám og starf í „Work-
shop“ í Cambridgehire í Englandi.
Þetta er Ijórða einkasýning
Sverris, auk þess hefur hann tekið
þátt í samsýningum hér heima og
erlendis.
Verk eftir Sverri eru í eigu opin-
berra aðila svo og einkasafna.
Sverrir á sæti í stjóm Myndhöggv-
arafélagsins, Listskreytingasjóðs
ríkisins og í sýningarnefnd Félags
íslenskra myndlistarmanna.
Sýning Sverris verður opin dag-
lega frá kl. 12.00 til 18.00 virka
daga en kl. 14.00 til 18.00 um helg-
ar. Sýningin stendur til 22. mars nk.
Með sýningu á verkum Sverris
er Gallerí gijót að kynna nýjan sam-
starfsaðiia að rekstrinum. Jafn-
framt sýningu Sverris verða verk
hinna aðstandenda Gallerísins til

Sverrir Ólafsson ásamt einu skúlptúrverka sinna.
sýnis í baksal sýningarhúsnæðisins. og er rekið í samvinnu nokkurra
Gallerí gijót við Skólavörðustíg listamanna sem þar sýna og selja
hefur nú starfað í tæp fjögur ár verk sín.
Kennslubók um atóm-
og kjarneðlisfræði
ÚT ER komið sjötta og síðasta
bindið af Eðlisfræði fyrir fram-
haldsskóla sem Almenna bókafé-
lagið hefur verið að gefa út
undanfarin þrjú ár. Þessi eðlis-
fræði er ætluð stærðfræðideildum
framhaldsskólanna. Höfundar eru
fimm sænskir og danskir eðlis-
fræðikennarar, en um hinn
íslenska búning hafa séð þeir Guð-
mundur Árnason, Þórður Jóhann-
esson og Þorvaldur Ólafsson sem
allir eru kennarar við Menntaskól-
ann við Sund.
Þetta síðasta bindi sem hefur
kennitöluna 3 ber undirtitilinn Atóm-
og kjameðlisfræði og er ætlað eðlis-
fræðideildum. Það er þannig ritað að
taka má kaflana í hvaða röð sem er
og nemendur þurfa hvorki að hafa
lesið aflfræðina í bindi 2A né rafseg-
ulfræðina í bindi 2B. En frumatriði
bylgjufræðinnar þyrftu þeir að kunna
til að geta notað bókina.
Bókin skiptist í 12 kafla sem heita:
Skammtakenning, Röntgengeislun,
Agnir og bylgjur, Atómið, Litróf
atóma og sameinda, Atómlq'aminn,
Kjamahvörf, Virkni og helmingun-
artími, Jónandi geislun, Hagnýting
kjamorku, Öreindir og Stjarneðlis-
fræði. Auk þess er eins og í hinum
bindunum fjöldi dæma og svör við
þeim, mikið af myndum, bæði til skýr-
ingar og fróðleiks og skrá yfir nöfn
og atriðisorð.
Nöfn og kennitölur þessara sex
binda eðlisfræðinnar em: 1A Afl- og
varmafræði, 1B Rafmagnsfræði, 2A
Aflfræði, 2B Rafsegulfræði, afstæð-
iskenning, 2C Afl- og rafsegulfræði,
atóm- og kjameðlisfræði, 3 Atóm-
og kjameðlisfræði.
1Á og 1B eru ætluð báðum stærð-
fræðideildum, 2C náttúmfræðideild-
um og 2A, 2B og 3 eðlisfræðideildum.
Bókin er unnin í Prentsmiðju Áma
Valdimarssonar hf.
Kötturinn sleginn úr
tunnu í fyrsta skipti
Grindavík.
SÁ siður er óþekktur nema af af-
spurn í Grindavík að slá köttinn
úr tunnu á öskudag þangað til nú
er yngstu börnin tóku upp þennan
sið í fyrsta skipti. Mikill fögnuður
greip um sig þegar í Ijós kom að
í tunnunni var fullt af sælgæti.
Á hveijum öskudegi undanfarin
ár hefur körfuknattleiksdeild ung-
mennafélags Grindavikur séð um
grímudansleiki í Gamla kvennó fyrir
böm og unglinga. Þessir dansleikir
hafa verið liður í fjáröflunarleiðum
deildarinnar og gefist vel. Að þessu
sinni þótti tilhlýðilegt að slá köttinn
úr tunnunni í fyrsta skipti enda fær-
ist það í vöxt víða um land.
Kr.Ben.