Morgunblaðið - 26.09.1987, Blaðsíða 12

12
MORGUNBLAÐIÐ, LAUGARDAGUR 26. SEPTEMBER 1987
Af túristum og táþvotti
Þær systur Kristín og Iðunn Steinsdætur
munu skrifa af og til til skiptis greinar í
laugardagsblað Morgunblaðsins. Kristín
Steinsdóttir er fædd og uppalin á Seyðis-
firði, hún er húsmóðir og kennir í Pjöl-
brautaskóla Vesturlands á Akranesi og
stundar ritstörf þegar tími vinnst til. Hún
hefur sent frá sér barnabók og samið
nokkur leikrit fyrir hljóðvarp og leiksvið
ásamt systur sinni Iðunni.
Iðunn Steinsdóttir er húsmóðir og kennari
við Laugarnesskólann í Reykjavík. Hún
hefur fengist við ritstörf undanfarin 6 ár
ogjiú fyrir jólin er sjötta barnabók henn-
ar væntanleg á markaðinn.
Fáir staðir á lai.dinu eru jafn tilkomu-
miklir á heiðskíru sumarkvöldi og
Skaftafell í Öræfum. Tjaldstæðið kúrir
undir skógivaxinni Skaftafellsheiðinni,
skriðjöklarnir Skeiðarár- og Skaftafell-
sjökull ganga fram á báða vegu og yfir
öllu saman gnæfir Hvannadalshnjúkur,
snjóhvítur í síðustu geislum kvöldsólarinn-
ar. _
A tjaldstæðinu er líf og fjör. Yngsta
kynslóðin er fljót að ná saman utan um
fótbolta. Einstaka pabbi slæst í hópinn á
meðan mamman skekur prímusinn eða
kveikir upp í grillinu. Og brátt leggur ilm-
inn af grillkolunum um allt tjaldstæðið.
Af tjöldunum er auðgert að sjá hvar
Islendingar eru á ferð. Þeir eru í stórum
tjöldum eða húsvögnum með borð, stóla
og útigrill. Útlendingarnir eru í litlum
tjöldum, sumir m.a.s. svo litlum að þeir
verða að fara út til að klæða sig og af-
klæða._ Öll eldamennska fer fram utan
dyra. Á meðan íslenskir krakkar eru enn
að sparka fótbolta úti á flöt eru útlending-
amir löngu búnir að loka tjöldum sínum
og gengnir til náða. En á morgnana byija
þeir líka eldsnemma að skrölta með
prímusa og ræða saman hástöfum utan
dyra á meðan landinn kúrir í fastasvefni.
Og þegar við loksins komum okkur upp
úr pokunum eru þeir búnir að ganga upp
um fjöll og fimindi í tvo tíma.
Ymislegt annað en stærð húsakynna
og ólíkar svefnvenjur vekur til umhugsun-
ar um ólíkar siðvenjur þjóða þegar dvalið
er á tjaldstæði.
Á kvennasnyrtingunni er allt í fullum
gangi upp úr níu á kvöldin. Á hveijum
spegli stendur á ensku, þýsku og frönsku
að hér megi ekki þvo nema hendur og
andlit. En annað hvort eru blessaðir út-
lendingarnir ekki læsir eða þeir líta á
skrifin sem brandara. Þarna fer fram ein-
muna þrifabað. „Höfuð, herðar hné og
tær“ og allt þar á milli, snögg handtök
og ákveðin. Það er skrúbbað, nuddað,
skafið og þurrkað og á meðan gengur
munnurinn stanslaust. Mest ber á þýsku.
Skipulega er farið yfir atburði dagsins og
gerð áætlun fyrir morgundaginn. Þær
þagna rétt á meðan tannburstinn veður í
munninum, gúlgra með bakföllum og
halda svo áfram á innsoginu.
Og svo er að heyra að það sé ekki með
öllu hættulaust að fara til íslands. Svo
dæmi sé nefnt varð ungur Þjóðveiji fyrir
því að örn réðist sjö sinnum á hann uppi
í Austurheiði. Fuglinn reyndi í sífellu að
læsa í drenginn klónum en hann barði frá
sér og slapp á flótta undan ódýrinu. Við
eftirgrennslan íslendinga reyndist þó örn-
inn vera kjóatetur sem var að veija
stálpaðan unga sinn og amarklærnar voru
sundfitin. Já, það leynist mörg hættan á
Islandi!
Lítil stúlka stendur agndofa og horfir
á kviknakta veru sem hefur ' málæðinu
hulið líkamann í sápuloðri og er nú að
vinna á tánum á sér með boðaföllum í litl-
um vaskinum: „Mamma, er þetta nauðsyn-
legt?“ spyr bamið.
Sumir álíta bersýnilega nauðsynlegt að
sleppa aldrei úr þvotti. íslendingar em
kannski ekki meiri sóðar en gengur og
gerist. Kannski em þeir latir í útilegum,
láta sér nægja hendur og andlit eins og
stendur á speglinum í Skaftafelli og fara
í sund þegar færi gefst. Hvað sem öðm
líður virðast Íslendingar ekki hafa náð að
rækta með sér það þrifnaðarbijálæði sem
einkennir sumar erlendar þjóðir ef marka
má ferðamennina sem koma þaðan.
Það er gott að anda að sér fersku lofti
og standa aftur úti á stétt. Kvöldsólin er
horfin af Hvannadalshnjúk sem í húminu
er sveipaður fjólublárri birtu.
En það er ekki öll nótt úti enn í þrifnað-
armálum. í vöskunum sem ætlaðir em
fyrir uppþvott á leirtaui, stendur maður í
stórþvotti. „Buxur, vesti, brók og skór.“
Hann brosir elskulega og býður Guten
Abend, ermarnar em uppbrettar, sápan
freyðir.
Eg lalla yfir tjaldstæðið, reyni að hóa
krökkunum inn en tekst það ekki og dáist
enn að fegurð íslenskrar náttúm. Gott er
að vera íslenskur meðalsóði, hugsa ég um
leið og ég sting mér á kaf í svefnpokann.
Kristín
Steinsdóttir
Bama og ferming--
arstarf í Reykja-
víkurprófastsdæmi
Morgunblaðið/KG
Leikararnir Brynjólfur Jóhannesson, Arndís Björnsdóttir og Lárus
Pálsson í Gullna hliðinu 1956.
Sýning á teikningnm
Halldórs Péturssonar
eftir Ólaf
Skúlason
Með fyrsta sunnudegi í október
færast einkenni vetrarstarfsins yfir
söfnuðina í Reykjavíkurprófasts-
dæmi. Þá hefjast barnasamkomumar
eða bamamessurnar, sem börnin
flykkjast til, og sem betur fer oft í
fylgd fullorðinna. Er þá leitast við
að laða boðskap og flutning að hæfi
barnanna með léttum söngvum, sög-
um og myndum Flestir safnaðanna
em með barnastarfið á sunnudags-
morgnum en nokkrir á laugardögum.
Þarf því að athuga messutilkynning-
amar í blöðunum.
Með orðum þessum fylgja einnig
tilkynningar sóknarprestanna um
fyrstu fundi með væntanlegum ferm-
ingarbömum. Em það börn, sem
fædd em 1974, sem nú eiga rétt á
fermingu. Kalla prestarnir börnin
saman nú um mánaðamót september
og október og síðan verða spurningar
til vors, þegar fermingamar taka við.
Gefin hefur verið út handbók próf-
astsdæmisins, þar sem tekið er fram
um sóknarmörk og er hægt að fá
slíkar bækur í kirkjum og messustöð-
um eða á skrifstofu dómprófasts í
Bústaðakirkju, en þar fást einnig
upplýsingar um sóknamörkin, ef ein-
hveijir em ekki vissir um þá skipt-
ingu. Og nú bætast tveir nýir
sóknarprestar í hópinn, séra Guð-
mundur Karl Ágústsson í Hóla-
brekkuprestakalli og séra Kristján
Einar Þorvarðarson í Hjallapre-
stakalli í Kópavogi og taka þeir á
móti sínum fyrstu fermingarbömum
hér nú.
Um leið og bamastarfið hefst, flyst
messutíminn í mörgum söfnuðum til
kl. 14 síðdegis og er athygli vakin á
því, en enn vísað til messutilkynninga
í blöðum.
F ermingarbörn
ársins 1988
ÁRBÆJARPRESTAKALL: Vænt-
anleg fermingarböm mín í Árbæjar-
prestakalli á árinu 1988 em beðin
að koma til skráningar og viðtals í
safnaðarheimili Árbæjarsóknar
mánudaginn 28. sept. nk. milli kl.
17 og 18 síðdegis og hafi börnin
með sér ritföng. Sr. Guðmundur
Þorsteinsson.
ÁSKIRKJA: Væntanleg fermingar-
börn mæti í safnaðarheimili Áskirkju
þriðjudaginn 29. sept. nk. kl. 17.00.
Sr. Ámi Bergur Sigurbjömsson.
BREIÐHOLTSSÓKN: Væntanleg
fermingarbörn mæti í stofu 17 í
Breiðholtsskóla fimmtudaginn 8. okt.
kl. 15.30. Sóknarprestur.
BÚSTAÐAKIRKJA: Væntanleg
fermingarbörn mæti í kirkjunni mið-
vikudag 30. sept. kl. 18.00. Sr.
Ólafur Skúlason.
DIGRANESPRESTAKALL: Vænt-
anleg fermingarbörn em beðin að
koma til innritunar í safnaðarheimil-
ið við Bjarnhólastíg miðvikudag 30.
sept. kl. 3—5 síðdegis. Sr. Þorbergur
Kristjánsson.
DÓMKIRKJAN: Væntanleg ferm-
ingarböm sr. Þóris Stephensen em
beðin að mæta til skráningar í Dóm-
kirkjunni mánudaginn 28. sept. kl. 5
e.h. Börnin em beðin að hafa með
sér ritföng. Fermingarböm sr. Hjalta
Guðmundssonar komi í kirkjuna
þriðjudag 29. sept. kl. 5 e.h.
FELLAPRESTÁKALL: Ferming-
arböm komi til skráningar í kirkjuna
miðvikudag 30. sept. kl. 18—19. Sr.
Hreinn Hjartarson.
GRENSASKIRKJA: Væntanleg
fermingarböm næsta árs komi til
skráningar í safnaðarheimilinu,
Grensáskirkju við Háaleitisbraut
þriðjudag 29. sept. milli kl. 5 og 6
síðdegis. Sr. Halldór S. Gröndal.
HALLGRÍMSKIRKJA: Fermingar-
böm Hallgrímskirkju vorið 1988
mæti til innritunar laugardaginn 3.
okt. kl. 11. Sóknarprestamir.
HÁTEIGSKIRKJA: Væntanleg
fermingarböm komi til skráningar
fímmtudag 1. okt. kl. 18 í kirkjuna.
Sóknarprestamir.
HJALLAPRESTAKALL í Kópa-
vop: Væntanleg fermingarböm
komi til skráningar þriðjudag 29.
sept. frá kl. 16—18 í kennslustofu
„Um leið o g barnastarf-
ið hefst, flyst messutím-
inn í mörgum söfnuðum
til kl. 14 síðdegis og er
athygii vakin á því, en
enn vísað til messutil-
kynninga í blöðum.“
tónmennta í Digranesskóla. Sr.
Kristján E. Þorvarðarson.
HÓLABREKKUPRESTAKALL:
Væntanleg fermingarbörn komi til
skráningar þriðjudag miili kl. 16 og
17.30 í kirkjunni. Sr. Guðmundur
Karl Ágústsson.
KÁRSNESPRESTAKALL: Vænt-
anleg fermingarbörn mæti til skrán-
ingar í Kópavogskirkju miðvikudag-
inn 30. september kl. 12.00. Sr. Árni
Pálsson.
LANGHOLTSKIRKJA: Fermingar-
böm Langholtskirkju 1988 mæti til
skráningar í safnaðarheimilinu
þriðjudaginn 29. september kl. 18.
Sr. Sigurður Haukur Guðjónsson.
LAUGARNESKIRKJA: Væntanleg
fermingarböm komi til skráningar í
safnaðarheimili Laugarneskirkju
þriðjudaginn 29. sept. kl. 17. Sr. Jón
Dalbú Hróbjartsson.
NESKIRKJA: Væntanleg ferming-
arböm komi í Neskirkju fimmtudag
1. okt. kl. 15.30. Sr. Guðmundur
Óskar Ólafsson.
SELJASÓKN: Væntanleg ferming-
arböm í Ölduselsskóla komi til
skráningar í Ölduselsskóla föstudag
2. okt. kl. 14 og væntanleg ferming-
arböm í Seljaskóla mæti til skráning-
ar í Seljaskóla fímmtudaginn 1. okt.
kl. 16.30.
SELTJ ARN ARNESKIRK J A:
Skráning fermingarbarna fer fram
miðvikudag 30. sept. milli kl. 14.30
og 16.00 í kirkjunni. Sóknarprestur.
Höfundur er dómprófastur í
ReykjavSk.
SÖLUSÝNING á myndum Hall-
dórs Péturssonar stendur nú yfir
í Kristalssal Þjóðleikhússins.
Myndirnar tengjast allar leiklist
og er sú elsta frá árinu 1948, af
Lárusi Pálssyni í hlutverki Ham-
lets, og sú yngsta er frá 1973.
Sýningin var sett upp í tilefni
þess að 10 ár eru síðan Halldór
lést. í dag eru 70 ár liðin frá
fæðingu Halldórs.
Að sögn Arna Ibsen blaðafulltrúa
Þjóðleikhússins eru sýndar 60
myndir á þessari sýningu. Hann
sagði að myndirnar væru mjög fjöl-
breyttar, sumar væru hráar
frumskissur, aðrar unnar út frá
skissum. Þama væm bæði andlits-
myndir, myndir af heilum senum,
og nokkrar skopteikningar af atvik-
um tengdum fjölmiðlaupphlaupum
um Þjóðleikhúsið.
Fjóla Sigmundsdóttir, ekkja
Halldórs, stendur að sýningunni í
samvinnu við Þjóðleikhúsið með
hjálp Péturs Halldórssonar og konu
hans Olafar. Fjóla sagði í samtali
við Morgunblaðið að upphafið að
sýningunni megi rekja til þess að
hún hefði viljað fá bókina Helgi
skoðar heiminn (1976) endurút-
gefna þar sem hún var uppseld.
Þegar hún sá að ekkert yrði úr
endurútgáfu ákvað hún að taka til
sinna ráða og ræddi við Þjóðleik-
hússtjóra, sem tók vel í þá hugmynd
að sýna leikleikhússmyndirnar.
Fjóla sagðist vera honum og Þjóð-
Halldór Pétursson.
leikhúsráði þakklát fyrir að bjóða
henni ókeypis sýningaraðstöðu.
Fjóla sagði að Halldór hefði verið
mjög fljótur að ná svip fólks og
sjónminni hans hefði verið einstakt.
Hann hefði verið síteiknandi, oft
gert skissur á meðan þau hjónin
dmkku kaffi og lokið þeim síðan
daginn eftir.
Sýningin í Kristalssalnum, sem
er á annari hæð við innganginn að
áhorfendasölum, er opin alla daga
nema mánudaga frá klukkan 17.00
til 19.00. Henni lýkur um miðjan
næsta mánuð og er aðgangur
ókeypis.