Morgunblaðið - 26.09.1987, Blaðsíða 36
36
MORGUNBLAÐIÐ, LAUGARDAGUR 26. SEPTEMBER 1987
Leikf élag Akureyrar:
Fiðlarinn á þakinu
söngleikur þessa árs
Nýbygging DNG við Berghól í Glæsibæjarhreppi.
Morgunblaðið/GSV
DNG flytur í nýbyggingu um áramót:
Seldi fyrir tíu milljónir
á sjávarutvegssýmngumii
FYRIRTÆKIÐ DNG á Akur-
eyri seldi um 70 færavindur á
sjávarútvegssýningunni, sem
nú er nýlokið í Laugardalshöll,
samtals á yfir tíu milljónir
króna. „Þetta eru allt stað-
festar pantanir sem komu á
meðan á sýningunni stóð en
auk þess fengum við hátt í 20
óstaðfestar pantanir og búast
má við að einhverjar pantanir
fylgi í kjölfar sýningarinnar,“
sagði Davíð Gíslason hönnuður
hjá DNG, í samtali við Morgun-
blaðið.
Davíð sagði að saian hefði far-
ið fram úr björtustu vonum
manna, þar sem þetta væri ekki
hinn hefðbundni sölutími færa-
vinda því vertíð trillukarla væri
að mestu lokið. Salan hæfíst
venjulega í febrúarmánuði og
stæði fram í ágúst og september.
„Þennan tíma í fyrra nýttum við
eingöngu til að framleiða. Fyrir-
tækið hefur gengið mjög vel frá
því við hófum framleiðsluna fyrir
rúmum tveimur árum enda höfum
við aldrei haft við eftirspurninni."
DNG hefur verið í 400 fer-
metra leiguhúsnæði við Óseyri
hingað til, en fyrirtækið mun
flytja í eigið húsnæði um áramót
ef áætlanir standast. Nýbygging-
in stendur við Berghól í Glæsibæj-
arhreppi og er tæpir 1.000
fermetrar að stærð. Járnsmíðin
hefur hinsvegar öll farið fram í
200 fermetra eigin húsnæði fyrir-
tækisins við Berghól. Davíð sagði
að ekki væri fyrirhugað að bæta
starfsmönnnum við þá rúmlega
20 sem fyrir eru þó flutt yrði í
stærra húsnæði, heldur er mein-
ingin að koma á meiri sjálfvirkni
og hagkvæmni á rekstur fyrir-
tækisins. Forráðamenn fyrirtæk-
isins eru á leið til Danmerkur til
að fjárfesta í frekari vélakosti
vegna framleiðslunnar og ætla
einnig á sýningu í Mílanó á Ítalíu
til að skoða vélar.
LEIKFÉLAG Akureyrar mun
halda þeirri stefnu í verkefnaval-
iað lokaverkefni leikársins sé
söngleikur. Nú hefur verið
ákveðið að söngleikur ársins
verði Fiðlarinn á þakinu og verð-
ur hann frumsýndur í aprU 1988.
Þessa ákvörðun upplýsti Pétur
Einarsson leikhússtjóri í gær. Þá
er Leikfélagið einnig að hefja
sölu á áskriftarkortum.
Fiðlarinn á þakinu er einhver
kunnasti og vinsælasti söngleikur
seinni tíma og hefur verið sýndur
víða um heim. Nú eru um það bil
tuttugu ár síðan Fiðlarinn var fyrst
sýndur hér á landi, í Þjóðleikhús-
inu, og komið er á annan tug ára
síðan Húsvíkingar settu leikinn á
svið.
Ekki hefur verið skipað endan-
lega í hlutverk í Fiðlaranum en
þetta verður viðamikil sýning með
fjölda leikara, miklum söng og
dansi. Leikstjóri verður Stefán
Baldursson.
Leikfélagið hefur nú um mánaða-
mótin sölu áskriftarkorta, þar sem
unnt er að kaupa fasta miða á
ákveðnar sýningar. Verð kortanna
er 3000 krónur og þau gilda á fjór-
ar sýningar, þar með talinn söng-
leikinn. Flugleiðir hafa skipulagt
pakkaferðir til Akureyrar í tengsl-
um við sýningar Leikfélags Akur-
eyrar og Ferðaskrifstofa Reykjavík-
ur hefur jafnframt auglýst slíkar
ferðir. Auk þess mun Leikfélagið
eins og áður greiða fyrir gestum
annars staðar af Norðurlandi ef
þeir þurfa á gistingu og þvílíkri
þjónustu að halda.
Nánar verður greint frá vetrar-
starfí Leikfélags Akureyrar í
Morgunblaðinu síðar.
Krislján Hall-
dórsson 75 ára
KRISTJÁN Halldórsson húsa-
smiður, til heimilis í Einilundi
6c, Akureyri, er 75 ára i dag.
Hann tekur á móti gestum í Lóni
við Hrísalund frá kl. 15.00 tii
18.00 í dag.
Fiskmarkaður Norðurlands hf.:
Ný og óþekkt braut
- segir Gunnar Arason stj órnarformaður
FISKMARKAÐUR Norðurlands
hf. var formlega vígður í gær
og hélt Sigurður P. Sigmundsson
framkvæmdastjóri fyrirtækisins
sýnikennslu á tölvubúnaði fyrir-
tækisins fyrir hluthafa, en eins
og fram hefur komið í fréttum
fara öll viðskipti fiskmarkaðar-
ins í gegnum fjarskipti. Fyrsta
sala fer að öllum líkindum fram
þann 29. september.
Gunnar Arason stjómarformaður
NYTT OG BETRA
SÚLNABERG
Fjölbreytt úrval heitra og
kaldra rétta
Opið frá kl. 8.00-20.00
alla daga
Hótel KEA
fiskmarkaðarins sagði af tilefninu
að aðdragandinn að stofnuninni
væri orðinn töluvert langur, en þó
væri hann ekki óeðlilegur þar sem
um nýja og óþekkta braut væri að
ræða. „Upphafið má rekja til frjáls
fiskverðs, sem þó tókst betur en
marga grunaði. Oft voru hugmynd-
ir um fiskmarkað ræddar á hafnar-
stjómarfundum og svo fór að þann
12. nóvember í fyrra var nefnd
skipuð til að undirbúa stofnun fisk-
markaðar á Akureyri. Ekki þótti
þó fysilegt að fara út í hefðbundinn
fiskmarkað meðal annars vegna
þess að menn voru hræddir við
byggðaröskun auk þess sem menn
sáu fram á að missa tekjustofna
úr sveitarfélögunum hér norðan-
lands. Fljótlega kom upp sú
hugmynd að koma upp einhvers-
konar fjarskiptamiðlun og fljótlega
kom tölvan inn í dæmið. Hafnar-
stjóm hélt málinu á lofti og fékk
til liðs við sig sjö menn tengda sjáv-
arútvegi af Norðurlandi. Undirbún-
ingsstofnfundur var síðan haldinn
29. mars og þá var fyrirtækinu jafn-
framt gefið nafn. Stofnfundur var
haldinn 3. maí og kosið var í aðal-
stjóm. Framkvæmdastjóri var
ráðinn frá og með 1. júlí sl., ritari
Ásta Jónsdóttir hóf störf 1. septem-
ber sl., og verða þau eina starfslið
fyrirtækisins. Síðan hefur verið
unnið við söfnun hlutabréfa, inn-
réttingu húsnæðis og uppsetningu
tölvukerfis."
Gunnar sagði að allir aðstand-
endur fyrirtækisins væm sammála
um að rasa ekki um ráð fram held-
ur væri fysilegra að flýta sér hægt.
Hluthafar hafa verið mjög opnir
fyrir hugmyndum enda hafa þeir
aðilar sem starfa að sjávarútvegi
ávallt verið framtakssamir. Við Is-
lendingar eigum þeim mönnum
mikið að þakka hvað lífsgæði okkar
snertir, sagði Gunnar.
Vinnum með þróuninni
Sigfús Jónsson bæjarstjóri sagði
að norðanmenn hefðu séð fram á
að ef ekkert hefði verið aðhafst hér
norðanlands, hefðu togaramir siglt
óhikað suður á bóginn til að selja
afla sinn. Því hefði verið ákveðið
að vinna með þróuninni í stað þess
að vinna gegn henni. „Fiskmarkað-
urinn er liður í því að auka viðskipti
á Norðurlandi og styrkja Akureyri
sem þjónustumiðstöð. Vonandi er
þetta aðeins byijunin í þeirri við-
leitni. Við verðum að ná stærri hluta
af fiskútflutningi okkar íslendinga
hingað norður, en allt frá síðari
heimsstyijöldinni hefur fiskútflutn-
ingur okkar samþjappast á höfuð-
borgarsvæðinu.
Gylfí Gautur Pétursson lögfræð-
ingur sjávarútvegsráðuneytisins
sagði að eitt sinn hefðu menn ekki
verið á eitt sáttir um að fiskmarkað-
ur gæti gengið á Norðurlandi.
„Hinsvegar hafa flestir fiskmarkað-
ir leitt gott eitt af sér. Fyrirtækin
hafa í auknum mæli farið út í sér-
hæfni í fullvinnslu innanlands og á
fiskmarkaðurinn hér ömgglega eft-
ir að efla byggð.“ Gylfí sagði að
vissar efasemdir hefðu komið upp
viðvíkjandi gæðum aflans ef selt
yrði í gegnum tölvur. Hinsvegar
vissu sjómenn að þeir þyrftu að
skapa sér orðstír sem einungis
gæti byggst á trausti milli seljenda
og kaupenda. „Markaðurinn hefur
vissa sérstöðu. Menn geta fengið
nánast hvaða upplýsingar sem er í
gegnum tölvukerfið og tel ég að
hann eigi jafnvel að ná til landsins
alls," sagði Gylfi Gautur.
Bifreiðastjórar:
Hafið bílbænina í bílnum
og orð hennar hugföst
þegarþiðakið
i Drottinn Guó, veit mér
vernd þína, og lát mig
minnast ábyrgöar minnar
er ég ek þessari bifreiö.
I Jesú nafni. Amen.
Fæst í Kirkjuhúsinu,
Klapparstíg 27, í verslun-
inni Jötu, Hátúni 2a,
Reykjavík og í Hljómveri,
Akureyri.
Verð kr. 50.-
Orð dagsins, Akureyri.
I