Morgunblaðið - 14.11.1987, Blaðsíða 37

MORGUNBLAÐIÐ, LAUGARDAGUR 14. NÓVEMBER 1987
37
Tolli sýn-
ir á Nes-
kaupstað
ÞORLÁKUR Kristinsson,
Tolli, opnar sýningn á mál-
verkum sínum í Safnaðar-
heimilinu á Neskaupstað
sunnudaginn 15. nóvember.
Tolli sýnir 15 til 20 verk
máluð á undanfömum fjórum
árum. Þetta er önnur einkasýn-
ing hans á árinu hér á landi en
í september og október sl. voru
haldnar tvær sýningar á verkum
hans í Ballerup og Friðrikssund
í Danmörku.
Sýningin á Neskaupstað er
opin kl. 16.00-22.00 um helgar
og kl. 19.00-22.00 virka daga.
Sýningin stendur í eina viku.
Tolli við eitt verka sinna.
Tiunda konan vígð
til prests hérlendis
YRSA Þórðardóttir, guðfræðingur, verður vígð til prestsþjónustu
af settum biskupi íslands, séra Sigurði Guðmundssyni, nk. sunnu-
dag, 15. nóv., í Dómkirkjunni í Reykjavík. Hefst athöfnin kl. 11.
Yrsa hefur verið kjörin prestur :
astsdæmi.
Vígsluvottar eru allir vigðar
konur. Móðir vígsluþega, séra
Auður Eir Vilhjálmsdóttir, lýsir
vígslu en aðrir vígsluvottar eru
systir Yrsu, Dalla Þórðardóttir í
Miklabæ, forveri hennar á Hálsi,
séra Hanna María Pétursdóttir í
Skálholti og séra Miyako Þórðar-
dóttir, prestur heymleysingja.
Altarisþjónustu auk biskups
annast séra Hjalti Guðmundsson.
Guðni Þ. Guðmundsson organleik-
ari og Dómkórinn leiða kirkju-
sönginn.
Þetta er í fyrsta sinn hérlendis
sem allir vígsluvottar við prests-
vígslu eru konur. Auk þess mun
það mjög fátítt að móðir og tvær
dætur taki prestsvígslu. Séra Auð-
ur Eir Vilhjálmsdóttir var fyrst
Hálsaprestakalli í Þingeyjarpróf-
islenskra kvenna til að vígjast árið
1974, er hún var settur prestur
Súgfirðinga, og næst í röðinni var
dóttir hennar, séra Dalla Þórðar-
dóttir, sem vígðist til Bíldudals
1981. Yrsa er tíunda konan sem
tekur prestsvígslu hérlendis. Hún
er 25 ára gömul, dóttir Þórðar
Amar Sigurðssonar MA og séra
Auðar Eir. Hún lauk guðfræði-
prófi frá Háskóla íslands nú í
haust. Eiginmaður hennar er Car-
los Ferrer, sem mun væntanlega
ljúka guðfræðiprófí um áramótin
næstkomandi.
Unglinga-
meistaramót
Fiðlusónötur 1 safn-
aðarheimili kaþólskra
HLÍF Sigurjónsdóttir fiðluleikari
og David Tutt píanóleikari leika
fiðlusónötur eftir J.S.Bach, Béla
Bartók og Richard Strauss á tón-
leikum í safnaðarheimili kaþ-
ólskra Hávallagötu 16
sunnudaginn 15. nóvember kl.
16.00.
Tónleikamir eru á vegum Tón-
listarfélags Kristskirkju og er öllum
heimill aðgangur.
Hlíf hefur að undanfömu starfað
með Kammerhljómsveitinni í Ziirich
en hún er talin meðal bestu kam-
mersveita í Evrópu. Hún hefur víða
komið fram sem einleikari og vöktu
tónleikar sem hún hélt með Tutt
fýrir u.þ.b. tveim árum mikla at-
hygli.
David Tutt er meðal fremstu ein-
ieikara Kanada og hefur komið víða
fram sem einleikari með hljómsveit-
um. Tutt hefur einnig unnið til
margra verðlauna fyrir píanóleik,
m.a. gullverðlaun í Toronto. Þau
Hlíf og Tutt hafa starfað mikið
saman síðan þau voru bæði heiðurs-
styrkþegar við Listaskólann í Banff
í Kanada 1979-82.
Efnisskrá tónleikanna hefst á
c-moll sónötu Bachs, einu sex
meistaraverka sem hann samdi fyr-
ir fíðlu og sembal. Þá er sónata nr.
2 eftir Bartók sem er talin meðal
kröfuhörðustu verka þessa ung-
verska meistara, bæði til flytjenda
og áheyrenda. Lokaverkið, fíðlusón-
ata op. 18 eftir Richard Strauss,
er meðal æskuverka þessa höfuð-
tónskálds Þjóðverja á 20. öld.
(Fróttatilkynning)
Hlíf Sigurjónsdóttir fiðluleikari og David Tutt píanóleikari.
Islands í
skák hafið
SKÁKSAMBAND íslands
heldur Unglingameistaramót
íslands 1987 i Félagsheimili
Taflfélags Reykjavíkur dag-
ana 13.-16. nóvember.
Tefldar verða sjö umferðir eftir
Monrad-kerfi á mótinu og um-
hugsunartími er ein klukkustund
á 30 fyrstu leikina og 20 mínútur
til viðbótar til að ljúka skákinni.
Fimm efstu menn fá skákbækur
í verðlaun og sigurvegarinn fer á
skákmót erlendis.
Fyrsta umferð fór fram í gær,
tefldar verða tvær umferðir í dag,
laugardag, klukkan 13 og 16 og
tvær á morgun á sama tíma.
Síðustu umferðimar verða síðan
tefldar á mánudag klukkan 18.30
og 21.30.
Námsstefna
umnýtmgu
jarðhita
Endurmenntunarnefnd Há-
skóla íslands gengst fyrir
námstefnu um nýtingu jarðhita
16.-18. nóvember næstkomandi.
í frétt frá aðstandendum sem að
markmið námsstefnunnar sé að
kynna möguleika á betri nýtingu
jarhita og þeim nýjungum sem fram
hafa komið á síðustu árum. Einnig
hvemig hægt er að standa að nýjum
nýtingarframkvæmdum og bæta
þær sem fyrir eru.
Umsjónarmenn námsstefnunnar
eru dr. Jón Steinar Guðmundsson
verkfræðingur og dr. Valdimar K.
Jónsson, prófessor við Háskóla ís-
lands, en auk þeirra flytja sex
sérfræðingar erindi. Skráning er á
Skrifstofu Háskóla íslands.
Gerðuberg:
Myndir málað-
ar með íslensk-
um jurtalitum
ÁSTA Erlingsdóttir opnar mál-
verkasýningu í Gerðubergi í
Breiðholti sunnudaginn 15. nóv-
ember kl. 16.00.
Ásta sýnir þar myndir sem eru
málaðar með litum, sem búnir em
til úr íslenskum jurtum. Ásta sem
hefur stundað grasalækningar býr
sjálf til litina.
Sýningin stendur yfir í tvær vik-
ur.
Frétt um grískar stjórnmálahræringar í bresku blaði:
Kvennaflokkur stofnaður
í kjölfar framhjáhalds?
Islensk kvennalistakona sögð hafa lagt á ráðin
BOÐSFERÐ Ingibjargar Hafstað, fulltrúa Kvennalistans, til Grikk-
lands fyrir nokkrum vikum hefur í bresku blaði verið tengd
tilraunum griskra kvenréttindahópa til að fá Margaret Papandre-
ou, eiginkonu griska forsætisráðherrans Andreas Papandreou, til
að stofna kvennaflokk þar i landi og bjóða sig fram til þings á
næsta ári. Kveikjan að þessu er, samkvæmt blaðinu Sunday Ex-
press, reiði griskra kvenna yfir að Andreas Papandreou, sem er
68 ára gamall, hefur haldið fram hjá eiginkonu sinni með 33 ára
gamalli flugfreyju.
í frétt Sunday Express, sem
fréttaritari blaðsins í Aþenu skrif-
ar, er haft eftir talsmönnum gríska
Kvennasambandsins að skömmu
eftir að framhjáhald gríska forsæt-
isráðherrans varð opinbert hafí frú
Papandreou hitt Ingibjörgu Haf-
stað í Aþenu til að ræða við hana
um bestu aðferðir við að stofna
nýjan flokk. í fréttinni er Ingibjörg
sögð vera leiðtogi stjómmálaflokks
kvenna á íslandi og þingmaður.
Einnig segir í fréttinni að pólítí-
skir samstarfsmenn Vigdísar
„Simmvorgadotir", (stafsetning
Sunday Express) forseta íslands
og Gro Harlem „Brutland" forsæt-
isráðherra Noregs hafi hvatt frú
Papandreou til að láta til skarar
skríða.
í samtali við Morgunblaðið sagði
Guðrún Jónsdóttir hjá Kvennalist-
anum að ýmis vinnstrisinnuð
samtök í Grikklandi hefðu nýverið
sameinast í eina hreyfíngu sem
hefði í kjölfar þess haldið 9 daga
hátíð á Ólympíuleikvanginum í
Aþenu. Konur sáu um dagskrá
hátíðarinnar einn daginn og buðu
Kvennalistanum að senda fulltrúa
sinn til að flytja þar erindi og varð
Ingibjörg Hafstað fyrir valinu.
Guðrún sagði að þessi heimsókn
Ingibjargar, og íslenski Kvenna-
listinn um leið, hefði vakið mikla
athygli í Grikklandi. Á sama tíma
var mál Papandreouhjónanna mjög
til umræðu þar og fjölmiðlar hefðu
sennilega slegið þessu tvennu sam-
an sem væri úr lausu lofti gripið
því Ingibjörg og Margaret hefðu
ekki hist. Áhugi kvenréttindasam-
taka í Grikklandi á kvennastjóm-
málum væri þó mikill og Ingibjörg
hefði eftir heimsóknina fengið
mörg bréf og fyrirspumir frá
grískum kvenréttindakonum.
Guðrún sagði að Kvennalistinn
hefði ekki aðeins vakið athygli í
Grikklandi undanfarið. Kristín
Ástgeirsdóttir væri til dæmis stödd
í Danmörku að ósk kvenréttinda-
samtaka sem voru mjög óánægð
með niðurstöðu dönsku kosning-
anna í sumar. Einnig væri fylltrúi
Kvennalistans á leiðinni til írlands
til að halda aðalræðuna á lands-
fundi kvennasamtaka þar, um
hvemig hægt sé að breyta hlut-
föllum kynjanna á þingi á sem
fljótlegastan hátt.
Morgunblaðið náði ekki tali af
Ingibjörgu Hafstað í gær, þar sem
hún var þá á leiðinni til Finnlands
til að halda námskeið um kvenna-
stjómmál í stjómmálafræði í
Háskólanum í Ábo ásamt Maríu
Jóhönnu Lárusdóttur.