Morgunblaðið - 09.12.1987, Blaðsíða 38

38
MORGUNBLAÐIÐ, MIÐVIKUDAGUR 9. DESEMBER 1987
Kína:
Haskólastúdent-
ar í Peking mót-
mæla aðbúnaði
Peking, Reuter.
STÚDENTAR við háskóla í
Peking fyrir afburðanemendur
sem mótmæltu í gær dauða fé-
laga síns sögðu að fulltrúar
stjórnvalda hefðu lofað þeim
að málið yrði tekið fyrir og að
lögregla myndi hætta að beita
mótmælendur valdi.
Zang Wei lést á laugardag eftir
átök á stúdentagarði við hjólreiða-
viðgerðarmann. Ekki voru nein
hjálpargögn fyrir hendi á garðin-
um til að veita Zang aðhlynningu
og telja námsmenn að ella hefði
mátt bjarga lífi hans. Þegar á
sjúkrahús kom neitaði starfsfólkið
að sinna Zang fyrr en greiðsla
hefði verið tryggð. Þegar sú trygg-
ing fékkst var það orðið um seinan
að sögn námsmannanna.
Stúdentamir fengu áheyrn hjá
Zheng Tuobin, ráðherra utanríkis-
viðskipta, á mánudag en Utanríki-
sviðskiptaháskólinn í Peking lýtur
yfirstjóm Zhengs. Þá höfðu fimm
hundmð stúdentar gengið í kröfu-
göngu frá stúdentagörðum til
miðborgarinnar til að mótmæla
dauða félaga síns á laugardag.
Þeim þótti lögregla beita sig
harðneskju og því færðust mót-
mælin í aukana í gær.
„Okkur var lofað að strax yrðu
tekin fyrir þau atriði sem unnt er
að leysa úr á skjótan hátt en að
önnur atriði yrðu skoðuð gaum-
gæfilega," sagði einn af stúdent-
unum við Utanríkisviðskiptahá-
skólann í Peking við fréttamenn
eftir fundinn með Zheng. Um það
bil tvö þúsund stúdentar hittu Li
Lanqing aðstoðarráðherra ut-
anríkisviðskipta að máli í tvær
klukkustundir í gær og frekari
viðræður em á dagskránni í dag.
Námsmennirnir bám upp kröfur
sínar um bætta læknisþjónustu
fyrir námsmenn og lausn á matar-
skorti sem hefur hijáð þá.
„Þetta em ekki pólitísk mót-
mæli. Við beinum kvörtunum
okkar til stjórnar háskólans,"
sagði einn stúdentanna. Tæpt ár
er nú síðan bylgja stúdentaóeirða
gekk yfir Kína. Þá kröfðust náms-
menn aukins lýðræðis.
Reuter
Flugvélin sundraðist gersamlega þegar hún kom niður og dreifðist brakið um stórt svæði. Eru stærstu
brotin ekki nema um tveggja feta löng. Á minni myndinni er flugvél sömu tegundar og fórst í Paso Robles.
Fjörutíu og fjórir farast í flugslysi í Kaliforníu:
Flugvélin sundraðist
þegar hún kom niður
ERLENT
Flugsljórinn heyrði skotið af byssum rétt fyrir hrapið
Paso Robles, Kaliforníu. Reuter.
Sérfræðingar frá bandarísku
alríkislögreglunni, FBI, voru
kallaðir til í gær til að rannsaka
flak flugvélar, sem fórst með 44
mönnum. Leikur grunur á, að
byssuskotum hafi verið hleypt
af í farþegarýminu rétt áður en
vélin hrapaði.
Samkvæmt upplýsingum frá
bandarísku flugmálastofnuninni
skýrði flugstjóri vélarinnar frá því
skömmu fyrir slysið, að hann hefði
Sovétríkin:
Náðunarbeiðm Rusts hafnað
heyrt skothvelli í farþegarýminu,
og sagði Fred Reagan, talsmaður
FBI, að kannað yrði hvort glæpsam-
legt athæfi hefði átt einhvern þátt
í slysinu.
Flugvélin, BAe 146, fjögurra
hreyfla þota í eigu Pacific South-
west Airlines, hrapaði til jarðar
skammt frá Paso Robles, 320 km
suður af Los Angeles en þaðan
hafði hún farið 47 mínútum áður á
leið til San Francisco. Björgunar-
menn komu strax á vettvang en
talsmaður flugfélagsins sagði, að
ólíklegt væri, að nokkur fyndist á
lífi. Með vélinni voru 39 farþegar
og fimm manna áhöfn.
Vitni segjast hafa séð flugvélina
alelda skömmu áður en hún hrap-
aði til jarðar og talsmaður lögregl-
unnar sagði, að vélin hefði brotnað
í smátt og brakið dreifst um stórt
svæði. „Það er varla hægt að finna
heillegan líkamshluta,“ sagði hann.
Svarti kassinn hefur hins vegar
komið í leitimar.
Moskvu, Reuter.
NÁÐUNARBEIÐNI Matthiasar inu í Moskvu í maí síðastliðnum,
Rust, vestur-þýska piltsins sem hefur verið hafnað að sögn Júrís
lenti flugvél sinni á Rauða torg- Gremitskikh, talsmanns utanrík-
Olíuvinnsla hefst
í Norður-Jemen
Sanaá, Reuter.
I DAG bætist Norður-Jemen í
hóp olíuframleiðsluríkja, er
forseti landsins Ali Saleh opnar
opinberlega olíustöð við Alif og
olía mun renna í pípum þaðan
til Ras Isa við Rauðahafið.
Þetta þykir tíðindum sæta og
menn komast svo að orði, að
með þessu sé Norður Jemen að
taka fyrstu skrefin inn í
20.öldina, þótt hún sé langt
komin.
í fyrstu verður framleiðslan
mjög lítil, en á miðju næsta ári
er áætlað, að hún verði um 200
þúsund tunnur á dag. Hámarksaf-
köst Alifolíusvæðisins gætu orðið
500 þúsund tunnur og eitthvað
ámóta er að segja um Azalsvæðið,
sem er skammt frá.
Ekki er þó einskær ánægja með
þetta mál. Jemenar óttast, að
Saudar sem hingað til hafa látið
mikið fé af hendi rakna til þeirra
muni kippa að sér hendi, og þar
sem tekjur landsins vegna vinnu
Jemena erlendis, einkum í Fló-
aríkjunum, hafa minnkað mikið
undanfarin ár, gæti svo farið að
þeir 700-800 milljónir dollara, sem
fyrir olíuna fást á ári, drægju
skammt. Norður Jemen er eitt ein-
angraðasta, snauðasta og vanþró-
aðasta land í heimi. Ólæsi er þar
mikið, og ástand í heilbrigðismál-
um bágborið.
í Suður Jemen hefur einnig
fundizt nokkur olía, en um vinnslu
á henni er ekki ljóst, enda óhægt
um allan fréttaflutning frá Jem-
enríkjunum báðum. í Norður
Jemen búa um 8 milljónir manna,
og miklar væringar eru þar milli
ættbálka, auk þess sem einatt
kemur til skotbardaga við landa-
mæri Jemenríkjanna.
isráðuneytis Sovétríkjanna.
„Beiðni hans hefur verið ígrund-
uð en svarið var neikvætt," sagði
Gremitskikh í gær við fréttamenn.
Rust sem er 19 ára gamall sendi
náðunarbeiðni sína til Æðsta ráðs-
ins. í september var hann dæmdur
í fjögurra ára þrælkunarbúðavist
fyrir skemmdarverk og fýrir að
hafa virt lög um flugsamgöngur og
landamærareglur að vettugi.
Gremitskikh sagði að beiðninni
hefði verið hafnað vegna þess að
Rust væri ekki búinn að afplána
helming dómsins og tilfelli hans
hefði ekki sérstöðu. Samkvæmt
sovéskum lögum er náðun heimil
ef sakamaður hefur afplánað helm-
ing fangavistar eða ef aðstæður er
að einhverju leyti sérstakar. Að
sögn Gremitskikhs er Rust við góða
heilsu. Að sögn vestur-þýskra
stjómarerindreka ver Rust tíma
sínum í fangabúðunum við rúss-
neskunám og lestur vísindarita.
Flug Rust til Moskvu kostaði
vamarmálaráðherrann og yfirmann
loftvama starfið. ívan Tretjak, nýr
vfirmaðurjpftvama í Sovétríkjun-
um, sagði í síðasta mánuði að menn
hefðu tekið eftir flugvél Rusts á
sínum tíma en ekki hefði náðst í
neinn yfirmann til að ákveða hvem-
ig bregðast skyldi við hinni óþekktu
flugvél.
Reuter
Finnskir blaðamenn fá að-
gang að sovéskri flotastöð
Síðastliðinn þriðjudag fengu nokkrir finnskir blaðamenn að sjá
flotastöð Rauða flotans í Severomorsk, en hún er hluti stærstu
flotabækistöðvar heims í Murmansk á Kólaskaga. Severomorsk
er stærsta flotastöð ofansjávarskipa í norðurflota Sovétríkjanna.
Til vinstri á myndinni er kjarnorkubeitiskipið Kirov, en til hægri
gefur að líta eldflaugabeitiskip af Slava-gerð.