Morgunblaðið - 08.06.1989, Blaðsíða 19

MORGUNBLAÐIÐ FIMMTUDAGUR 8. JÚNÍ 1'989
19
Fúkyrði og rangfærslur
Jóns Armanns duga skanunt
eftir Guðmund
Oddsson
Jón Ármann Héðinsson skrifar-
grein í Morgunblaðið 24. maí sl.
þar sem hann reynir að færa rök
fyrir nauðsyn á lagningu Fossvogs-
brautar. Vitaskuld verða menn að
fá að hafa sínar skoðanir á þessu
máli, en hitt hafa menn ekkert leyfi
til, að halda fram röngum stað-
hæfingum og jafnvel tómum lygum
í leit sinni að einhveijum rökum
fyrir skoðunum sínum.
Raunar er það nú svo að tilgang-
ur með þessum skrifum Jóns Ár-
manns er mér engan veginn ijós.
Hann byijar á að lýsa andstöðu við
þá ákvörðun bæjarstjórnar Kópa-
vogs að lýsa samkomulag milli
Kópavogs og Reykjavíkur úr gildi
fallið. Síðan kemur frasi um ijár-
hagsstöðu Kópavogs þar sem bæj-
arstjóm er að eyða umfjöllun um
slæma stöðu bæjarsjóðs með því
að æsa upp tii átak og átthagarígs
með viðkvæmu máli.
Hvað gengur þér til Jón
Ármann?
Hvers konar röksemdarfærsla er
þetta eiginlega? Hvað veist þú um
fjárhagsstöðu Kópavogsbæjar og
hvemig tengist hún lagningu Foss-
vogsbrautar? Ég minnist þess að
hafa heyrt eitthvað svipað haft eft-
ir borgarstjóranum í Reykjavík. Þið
emð augljóslega skoðanabræður í
þessu máli og báðir virðist þið hafa
það meginmarkmið að koma óorði
á bæjarstjóm Kópavogs. Ég skal
fúslega játa það, Jón Ármann, að
viðhort þín gagnvart stjómendum
Kópavogsbæjar koma mér á óvart.
Auðvitað muna flestir eftir þátttöku
þinni á Borgaralistanum 1978, en
sá þáttur jók heldur lítið hinn
pólitíska orðstir þinn, ertu virkilega
ennþá í pólitískri fýlu?
Hvernig ber að skilja eftirfar-
andi: „þegar staða bæjarsjóða
Kópavogs er orðin slík, að starfs-
menn verða oft að leggja fram úr
eigin vasa peninga, svo ekki komi
til vandræða við rekstur.“ Er það
virkilega svo, að fyrrverandi al-
þingismaður hefur enga hugmynd
um hvernig sveitarfélög afla sinna
tekna. Hefur það aldrei hvarflað
að þér, Jón Ármann, að íbúarnir í
hveiju sveitarfélagi fjármagna að
mestu leyti allan rekstur sveitarfé-
lagsins. Það er með öðrum orðum
farið ofan í þeirra eigin vasa eftir
peningum. Þetta gildir ekki aðeins
í Kópavogi heldur í öllum sveitarfé-
lögum á landinu. Þú, Jón Ármann,
reynir hins vegar að gera þinn eig-
in heimabæ tortryggilegan. Það lýs-
ir einungis þínu eigin geðslagi.
Samstarf íþróttafélaganna
Það er auðvitað í takt við annað
í þessari grein Jóns Ármanns þegar
hann segir bæinn vera að spilla
samstarfi íþróttafélaganna ÍK og
HK. Þarna helgar tilgangurinn
meðalið sem fyrr. Jóni til upplýsing-
ar skal þess getið, að breyting á
svæðum félaganna var gerð í fullu
samráði við þau og það var einnig
þeirra ákvörðun að sameinast ekki
heldur starfa áfram á sömu nótum
„Umferðarvandamál
þessa svæðis verða ekki
leyst með Fossvogs-
braut. Það er einungis
tímasóun að þvarga
frekar um það, því ýms-
ar aðrar lausnir eru
til.“
og áður. Bæjarstjórn Kópavogs kom
þar hvergi nærri.
Jarðræktarþekking Jóns
Ármanns
Það hlýtur öllum að vera Ijóst
sem lásu grein Jóns að þekking
hans í jarðfræði er ekki burðug.
Hann lætur að því liggja að nauð-
synlegt sé að ræsa landið fram til
sjávar ef þar á að byggja íþrótta-
völl, en ekki ef Fossvogsbraut verð-
ur grafin niður.
Samkvæmt fyrstu hugmyndum
um uppbyggingu íþróttasvæðisins í
Fossvogsdal er alls ekki gert ráð
fyrir neinni framræslu. íþrótta-
mannvirkin verða byggð á svæðinu
norðan og austan við Snælands-
skóla og vellirnir þar fyrir norðan
og austan.
Gömul skipulagsmistök
Það er hálfdapurt að sjá það á
þessum skrifum Jóns Ármanns að
hann hefur alls ekki gert sér í hug-
arlund hveiju Fossvogsbraut átti
að þjóna. Brautin átti aldrei að fá
neina tengingu úr Kópavogi nema
inni í Smiðjuhverfi svo erfitt er að
átta sig á þeirri fullyrðingu að hún
komi til með að auðvelda Jóni för
sína úr Birkigrundinni. Er það
kannski meginástæða fyrir áhuga
þínum á Fossvogsbrautinni, Jón
Ármann, að þú hélst að þú hefðir
sjálfur einhver not af brautinni? Það
má vel vera að það séu gömul skipu-
lagsmisstök að þú skuiir eiga erfitt
með að komast leiðar þinnar, en
trúðu mér, Fossvogsbraut myndi
aldrei laga þau mistök.
Eiga svo Kópavogsbúar að
borga?
Jón Ármann vill að Kópavogur
og Reykjavík skipti með sér kostn-
aði við lagningu Fossvogsbrautar.
Þessi mikli ijármálaspekúlant lætur
sig ekki muna um það, að þrátt
fyrir slæma fjármálastöðu Kópa-
vogs, sem hann fullyrðir að sé, þá
eigi bæjarbúar hér í Kópavogi að
greiða að hluta lagningu vegar sem
aldrei myndi þjóna Kópavogsbúum,
heldur einungis vera innanbæjar-
vegur í Reykjavík. Ég held að skatt-
greiðendur hér í Kópavogi muni
ekki láta bjóða sér svona stjórnvisku
og ég vona að þú skiljir nú betur
en áður hvers vegna Kópavogsbúar
höfnuðu þér og félögum þínum á
Borgaralistanum forðum daga.
Að ná sáttum um hvað?
„Það yrði báðum aðilum til sóma
að ná sáttum í málinu“, segir Jón
Guðmundur Oddsson
Ármann í margnefndri grein. Sam-
kvæmt hugmyndum hans væru þær
sættir einar í málinu að leggja Foss-
vogsbraut. Slíkt kemur aldrei til
greina. Fossvogsbraut verður aidrei
lögð. Það er margyfirlýstur vilji
bæjarstjórnar Kópavogs.
Það er hins vegar nöturlegt að
vita til þess, að jafnvel íbúi í Foss-
vogsdal skuli vera með þær hug-
myndir sem fram koma í grein Jóns
Ármanns. Kópavogsbúar eiga ekki
að vera að karpa innbyrðis um þetta
mál, heldur að sýna öðrum að þeir
standi fast saman og láti ekki hroka
og yfirgang annarra hræða sig.
Umferðarvandamál þessa svæðis
verða ekki leyst með Fossvogs-
braut. Það er einungis tímasóun að
þvarga frekar um það, því ýmsar
aðrar lausnir eru til.
Höfundur er formaður bæjarráðs
í Kópavogi.
Pönk og astraljass
Smokie í Hót-
el íslandi
Mental Hackers
Breska rokksveitin Smokie,
sem flestum ætti að vera kunn,
er væntanleg til íslands til tón-
leikahalds á Hótel íslandi um
næstu helgi.
Ekki getur verið mikil þörf á að
kynna Smokie sérstaklega, því
sveitin var óhemju vinsæl hér á
landi á áttunda áratugnum með lög
eins og Living Next Door to Alice
og If You Think You Know How to
Love Me.
Smokie var stofnsett snemma á
áttunda áratugnum af þeim Chris
Norman, Alan Silson og Terry Utt-
ley og starfaði undir ýmsum nöfn-
um fram til 1974 að sveitin hóf
samstarf við Nicky Chinn og Mike
Chapmann, sem fjöldaframleiddu
vinsæl lög fyrirt.a.m. Suzy Quatro.
Fyrsta Chinn og Chapman-lagið
sló í gegn 1975 og eftir það var
sveitin nær einráð á vinsældalist-
um í Norður-Evrópu og Bretlandi
næstu þrjú árin. Meðal annars
kom sveitin til íslands á Listahátíð
og lék í fullri Laugardalshöll 1980.
1982 ákváðu sveitarmenn að slíta
samstarfinu, því alla langaði þá að
reyna eitthvað nýtt.
1986 varð stórbruni á knatt-
spyrnuvelli í Bradford, heimabæ
Smokie, og hljómsveitin kom sam-
an í góðgerðaskyni. Þeir tónleikar
lukkuðust það vel að sveitin ákvað
að taka upp þráðinn þar sem frá
var horfið og hélt í tónleikaferð um
Evrópu. Að þeirri för lokinni sagði
Chris Norman skilið við sveitina,
til að sinna sólóferli sínum, en í
hans stað kom Alan Barton. Eftir
frekari mannabreytingar komst
núverandi skipan á hreint, en í
sveitinni eru nú Alan Silson, Terry
Uttley, Alan Barton, Martin Bullard
og Steve Pinnell. Smokie sendi
nýverið frá sér nýja breiðskífu,
Boulevard of Broken Dreams.
Tónleikalíf f Reykjavík er með
fjörlegasta móti um þessar
mundir og breiddin er mikil. í
kvöld og næstu tvö kvöld verða
tónleikar f Duus, Casablanca og
Tunglinu þar sem pönki, keyrslu-
rokki, astraljass, brotajárnstón-
list, og gítarrokki bregður fyrir.
í Duus í kvöld halda tónleika
sveitirnar Dýrið gengur laust,
Október og Ottó og nashyrning-
arnir. Dýrið er keyrslurokksveit af
bestu gerð með þá Jón, fyrrum
Sogblett, Pétur og Jóhann, fyrrum
Óþekkt andlit, og Gunnþór, sem
áður var með Q4U og ótal öðrum
sveitum, innanborðs. Október er
skipuð tónlistarmönnum sem tóku
virkan þátt í pönkbyltingunni á
sínum tíma og gestur sveitarinnar
í kvöld verður Mike Pollock. Októ-
ber er nú í óða önn að búa sig
undir tónleikaför til Sovétríkjanna
með ýmsum sveitum íslenskum.
Ottó og nashyrningarnir er nýleg
sveit, að vísu eldri en Dýrið, en
skipuð nýliðum í rokkinu. Sveitin
ætlar sér samt stóra hluti og held-
ur til Garðaríkis í haust líkt og
Október. Húsið opnar kl. 22.00.
Föstudagskvöld
Föstudagskvöldið næsta heldur
Smekkleysa skemmtikvöld í
Casablanca. Þar koma fram tvær
sveitir; Daisy Hill Puppy Farm og
sænska sveitin Mental Hackers.
Daisy Hill kynnir á tónleikunum
fjögurra laga EP-plötuna Sprayc-
an, sem breska fyrirtækið Lake-
land Records gefur út eftir helgi,
en platan verður gefin úr hér á
landi á sama tíma. Mental Hack-
ers, er tiltölulega ný sveit, sem
stofnuð er af Christian Falck, fyrr-
um meðlimi sænsku rokksveitar-
innar Imperiet, en Falck hefur
starfað mikið með Bubba Morth-
ens, nú síðast að LP-plötu sem
gefin verður út í haust. Aðrir með-
limir í sveitinni, Zbigniew Karl-
owski, Johan Söderberg, sem sér
um áslátt á Bubbaplötunni, og Jo-
hnny Axelsson, eru allir hámennt-
aðir tónlistarmenn og tónskáld, en
sveitin byggir tónlist sína á þeirri
trú að nauðsynlegt sé að endur-
vekja hreina helga tónlist sem
byggist á fornum menningararfi.
Til þess notar sveitin ýmis ásláttar-
hljóðfæri auk tölvutækni og hefð-
bundnari hljóðfæra. Tónleikarnir
hér á landi verða fjórðu opinberu
tónleikar sveitarinnar, en áður hef-
ur hún leikið í Svíþjóð og á Wiener
Fest Woche í Austurríki. Næstu
tónleikar hennar eru fyrirhugaðir í
Bandaríkjunum og Nicaragua.
Skemmtikvöldið hefst kl. 23.00, en
húsið opnar kl, 22.00.
Laugardagur
Laugardagskvöldið heldur astr-
al stór/stormsveitin Júpíters tón-
leika íTunglinu. Júpíters, sem skip-
uð er tólf hljóðfæraleikurum, hefur
vakið mikla athygli áheyrenda og
gagnrýnenda fyrir óvenjulega tón-
list, sem hentar einkar vel til dans-
æfinga. í sveitinni eru Abdou Dho-
ur ásláttarmaður, Birgir Bragason
kontrabassaleikari, Bryndís Braga-
dóttir básúnuleikari, Halldór Lár-
usson trymbill, Haraldur „Stráksi"
Tryggvason tenórsaxafónleikari og
kynnir, Hjalti „Armsterki" Gíslason
fortrompetleikari, Hörður „BlórrT
Bragason hljómborðsleikari, Jón
Ólafsson altsaxófónleikari, Krist-
inn Árnason „Kræstler" gítarleik-
ari, Þorgeir Kjartansson tenór-
saxófónleikari og Örn Hafsteins-
son trompetleikari. Þetta kvöld
verða þó Bryndís básúna og Örn
trompet stödd ytra og í skarðið
hlaupa Einar Jónsson á trompet
og nafni hans Einar Jónsson á
básúnu. Þá mun sérstök gesta-
stjarna syngja með sveitinni þetta
kvöld, en tónleikarnir hefjast kl.
23.15.