Morgunblaðið - 08.06.1989, Blaðsíða 37
37
MORGUNBLAÐIÐ FIMMTUDAGUR 8. JÚNÍ 1989
Átökín í framhaldsskólunum
Þáttur flölmiðla og annarra er hlut áttu að máli
eftir IngólfA.
Þorkelsson
Sagt er að fjölmiðlar hafi mestan
áhuga á æsifregnum og upphlaup-
um og hafi það sannast rækilega í
þeim átökum sem nýlega urðu í
framhaldsskólunum á Reykjavíkur-
svæðinu.
Nokkuð er til í þessu en hinu
má ekki gleyma að sumir viðmæl-
endur fréttamanna áttu líka hiut
að máli með ótímabærum yfirlýs-
ingum sem hrundu ólgunni af stað
og kyntu undir ófriðarbálinu. Og
auðvitað gleyptu íjölmiðlar við
slíkum yfirlýsingum án þess þó
beinlínis að smjatta á þeim.
Undirróður
Sumir léku þann leik að koma
fréttum í ijölmiðla sem ekki var
ætlað að fara þangað. Hér á ég
t.d. við bréf frá Félagi framhalds-
skóla (FF) til samninganefndar HÍK
og ríkisins. Tveir nemendur, annar
úr Menntaskólanum í Reykjavík og
hinn úr Verslunarskólanum, fóru
með þetta bréf í Rúgbrauðsgerðina
og lásu það fyrir formann HÍK og
fjármálaráðherra árdegis og af-
hentu það svo síðdegis á sama stað
skömmu eftir verkfall. Nemandinn
úr MR, Þórir Auðólfsson, staðfesti
þetta sem ég hef nú skrifað í símtali
28. maí, og hann sagðist ekki hafa
sett bréfið í blöðin enda hafi það
ekki verið ætlun stjórnar FF. Mér
er og kunnugt um að hvorki for-
maður HÍK né ijármálaráðherra
gerðu það. Úr því fyrrnefnt fólk
kom bréfinu ekki í Morgunblaðið,
hver gerði það þá? Ekki neinn frið-
flytjandi því tónninn í umræddu
bréfi er mjög harður í garð HIK,
og stjórn þess svaraði fullum hálsi
sbr. Morgunblaðið 23. maí. Hér var
bersýnilega ætlunin að koma höggi
á HÍK og efna til meiri ófriðar.
Þetta eru vinnubrögð sem vart þola
dagsins ljós, að mínum dómi, ein-
mitt þegar nauðsynlegt var að lægja
öldurnar.
Nemendur létu ekki rugla
sig í ríminu
í MK og víða annars staðar var
reynt að lægja öldurnar með því
Ingólfúr A. Þorkelsson
„Ég tel að ótímabærar
yfirlýsingar og undir-
róður hafi kynt undir
því ófriðarbáli sem log-
aði í skólunum eftir
umrætt verkfall — yfir-
lýsingar sem fjölmiðlar
tíunduðu ótæpilega.“
að spara yfiriýsingar og gefa sem
minnst upp meðan leitað var lausna
á vandanum innan skólanna. Ég
neitaði t.d. fréttamönnum útvarps
tvisvar um viðtal áður en nemenda-
fundur hefði rætt málin og tekið
afstöðu til samþykktar kennara-
fundar um óskir nemenda og tilboðs
kennara um vissar tilhliðranir.
Nemendafundurinn var haldinn í
hádeginu 22. maí að viðstöddum
fréttamönnum frá ríkissjónvarpinu
og Stöð tvö sem birtust allt í einu
með myndavélar eins og skrattinn
úr sauðarleggnum er fundur nem-
enda hófst. Mér leist satt að segja
ekki vel á að nemendur tækju af-
stöðu fyrir ' framan sjónvarps-
myndavélar því slíkar aðstæður ýta
oftast undir sýndarmennsku hörð-
ustu mótmælenda og slá á afstöðu
ábyrgra samningamanna sem vilja
fara hinn gullna meðalveg. En ég
segi nemendum það til hróss að
þeir létu ekki rugla sig í ríminu og
samþykktu hvorki útgöngu né setu-
verkfall, er sumir stungu uppá,
heldur kusu þeir sjö manna nefnd
einróma til frekari viðræðna við
skólameistara og kennara. Þessar
viðræður fóru fram að kvöldi sama
dags og þar náðist gott samkomu-
lag er samþykkt var á nemenda-
fundi í hádeginu daginn eftir,
þriðjudaginn 23. maí. Fréttamaður
frá Þjóðviljanum og annar frá
Morgunblaðinu sögðu ólgu vera í
MK en ólga merkir uppnám eða
æsingur. Ekki veit ég hvaðan þess-
um mönnum kom vitneskjan.
Allir þeir sem horfðu á fréttir frá
fyrrnefndum fundi í sjónvarpsstöðv-
unum tveim, að kvöldi mánudagsins
22. maí, sáu það svart á hvítu að
hér var farið með rangt mál því að
nemendur voru rólegir og hlustuðu
kurteislega á tilkynningu mína í
upphafi fundar.
Auk þess var eftirtektarvert, að
sumir fréttamenn og dagskrárgerð-
arfólk á smástöðvunum fjölluðu um
þessi átök á óábyrgan hátt, að ég
tel, hringdu í einstaka nemendur
og hentu á lofti slúður og birtu
„fregnir" af uppþotum sem ekki var
flugufótur fyrir.
Goppaðist ekki óskhyggjan
uppúr honum?
Mér fannst athyglisvert hvað
einn fréttamaður útvarps lét sér um
munn fara er ég neitaði að tjá mig
fyrr en að títtnefndum nemenda-
fúndi loknum. Hann þrýsti nokkuð
á mig að tala en ég harðneitaði þá
og sagðist myndu segja á lofti löng
tíðindi að samningum og fundum
loknum þegar endanleg niðurstaða
lægi fyrir. Þá hrökk upp úr frétta-
manninum: „Hvað er þetta? Er allt
að verða vitlaust hjá ykkur?!“ Var
það ekki óskhyggjan sem goppaðist
þarna uppúr fréttamanninum? Það
er með fréttamenn eins og aðra að
meðal þeirra er misjafn sauður í
mörgu fé. Sumir eru vandaðir í
fréttaflutningi sínum en aðrir sækj-
ast eftir æsifréttum og láta vaða á
súðum.
Lokaorð
Ég tel að ótímabærar yfirlýsingar
og undirróður hafi kynt undir því
ófriðarbáli sem logaði í skólunum
eftir umrætt verkfall — yfirlýsingar
sem ijölmiðlar tíunduðu ótæpilega
því tilefnið var vissulega töluvert
svo ekki sé meira sagt. A hinn bóg-
inn var lítill fótur fyrir öðrum frétt-
um er birtust í blöðum, t.d. „ólg-
unni“ er sögð var ríkjandi sums
staðar. Þá sýndu þolendurnir, nem-
endur a.m.k. nokkurra skóla, meiri
stillingu í átökunum en búast mátti
við.
Nú er stormurinn liðinn hjá og
við erum reynslunni ríkari. Vonandi
lærum við af henni.
Höfundur er skólameistari
Menntaskólans í Kópavogi.
Sambyggðar
trésmíðavélar
Hjólsagir,
bandsagir,
spónsagir,
ÞAD GENGUR MED
Ginge er val hinna vandlátu - gæðanna vegna.
Athugaðu að fyrirtækið er flutt úr Kópavogi
í Nútíðina, Faxafeni 14, Skeifunni.
Ginge Park 46 BL drífvél
Ginge P 420
□ Vönduð, létt og lipur
□ kraftmikill Briggs & Stratton Quantum mótor
□ 42 sm hnífur
□ þægileg hæðarstilling í einu handfangi
□ grassafnari sem lætur ekki sitt eftir liggja
Ginge Park 46 BL drifvél
□ Fagmennirnir kalla hana „Rolls Roys“
sláttuvélanna
□ valsasláttuvél; 46 sm vals, klippir grasflötina
listavel
□ Briggs & Stratton mótor
Góð varahluta- og viðhaldsþjónusta.
Sparaðu þér sporin og komdu beint til okkar.
$
•o
Ilátiuwéla_ A
markaðuiinn G.A. Petursson hf.
Nútíðinni Faxafeni 14, sími 68 55 80