Morgunblaðið - 04.12.1990, Side 45

MORGUNBLAÐIÐ ÞRIÐJUDAGUR 4. DÉSEMBER 1990
45
Raogreiðslur
Póstsendum samdægurs

ÚTSÖLU STAÐIR:
VERSLUNIN ÓÐINN, AKRANESI
SPORTHLAÐAN, ÍSAFIRÐI
SKÍÐAÞJÓNUSTAN, AKUREYRI
SPORTVÍK, DALVÍK
BÓKAVERSLUN ÞÓRARINS, HÚSAVÍK
SKÓGAR, EGILSSTÖÐUM
LYKILL, REYÐARFIRÐI
-SWWK fKAMUK
SNORRABRAUT 60 — SÍMI 12045
Glæpir og afbrot
Kvikmyndir
Arnaldur Indriðason
Glæpir og afbrot („Crimes and
Misdemeanors"). Sýnd í Há-
skólabíói. Handrit og leik-
stjórn: Woody Allen. Helstu
hlutverk: Martin Landau, Wo-
ody Allen, Alan Alda, Anjelica
Huston, Claire Bloom, Mia
Farrow, Sam Waterston, Jerry
Orbach.
Woody Allen hefur gert unaðs-
lega tragíkómedíu með Glæpum
og afbrotum, eins árs gamalli
mynd sem nú sér loks dagsins
ljós í íslensku bíóhúsi. Eins og
oft áður dregur hann upp fjöl-
breytilega mynd af mannfólkinu
í New York, bæði skoplega og
ekki síður harmræna, með stór-
um hópi úrvals leikara. Gaman-
semin er frábær og persónusköp-
unin oft bráðhlægileg, en í þetta
sinn er tónninn myrkari en áður
því Glæpir og afbrot er um morð,
nokkuð sem Allen hefur ekki
fengist við fyrr en núna og hún
er um sektarkenndina sem fylgir
og kveljandi samviskubitið.
Hann er í sínu uppáhaldshlut-
verki hér, bæði handritshöfundur
og leikstjóri myndarinnar auk
þess sem hann fer með annað
viðamesta hlutverkið. í myndinni
eru tvær meginsögur er tengjast
í hamingjusamasta mannj henn-
ar, rabbía (Waterston) sem er
að verða blindur. Önnur sagan
er e.k. afbrigði af Hættulegum
kynnum. Augnlæknir nokkur
(Landau) er sannarlega máttar-
stólpi samfélagsins, vísindamað-
ur og læknir, mannvinur og fjöl-
skyldufaðir en hann á líka tölu-
vert dekkri hliðar, hann heldur
framhjá konu sinni (Bloom) og
þegar viðhaldið (Huston), sem
lýst er sem hálfgerðum tauga-
sjúklingi, vill meira og hótar að
splundra íjölskyldu hans, fær
hann bróður sinn (Orbach) til að
útvega Ieigumorðingja, sem
myrðir konuna. Augnlæknirinn
sér eftir öllu saman en of seint
og djúp sektarkenndin kvelur
hann. A hann að gefa sig fram
og taka út sína refsingu eða
reyna að lifa með verknaðinn á
samviskunni það sem eftir er og
vona að tíminn lækni líka þetta
sár? Hann leitar til trúarinnar
og reynir að finna svarið í því
sem faðir hans kenndi honum
en þótt Allen geri sálarangist
hans sérlega góð skil og Landau
vinni leiksigur með innilega sárs-
aukafullri túlkun sinni á hinni
ráðþrota persónu er eins og Allen
hafi ekki vitað hvernig hann átti
að botna vísuna og saga manns-
ins verður ófullkomin. Þú skilur
sálarangist og kveljandi sam-
viskubit morðingjans en þú getur
aldrei fengið samúð með honum.
Eða nægir samviskubit í nokkurn
tíma sem refsing?
Hin sagan er öll á léttari nót-
um, eðalfín allenkómedía um
mann (Allen) sem gerir heimild-
armyndir án þess að hafa af of
miklu af státa, hvorki í einkalíf-
i(„síðast þegar ég var inni í konu,
kom ég í Frelsisstyttuna") né í
því sem hann gerir; hann vann
kampavínsflösku í París fyrir
mynd um blóðkrabba. Nýjasta
verkefnið er heimildarmynd um
sjónvarpsframleiðandann, mág
hans (Alda), sem hann reyndar
þolir alls ekki, en við gerð mynd-
arinnar kynnist hann öðrum
framleiðanda (Farrow) og gerir
sér vonir um að búa með henni,
eftir að hann hefur skilið við eig-
inkonu sína.
Eitt það besta við Allen-mynd-
irnar síðustu er leikarahópurinn
sem hann safnar í kringum sig
og það er hreinasta unun að
þessum. Landau er stórkostlegur
í erfiðu hlutverki og Huston líka,
einnig Bloom, sem eiginkona
Landau og Orbach sem bróðir-
inn, en í hinum gamansamari
helmingi myndarinnar ber Alan
Alda af með nákvæmlega réttu
útgáfunni af sýndarmennsku
þess sem er óþolandi góður með
sig og Farrow er söm við sig í
Iágstemmdum en innilegum leik.
Loks dregur Allen sjálfur upp
dásamlega skoplega mynd af
sinni lítilmótlegu persónu, sem
getur hneykslast endalaust á
velgengni annarra en er sáralít-
ill bógur sjálfur. Þær eiga ekki
margt sameiginlegt sögurnar
tvær en Allen fléttar þær Ijúflega
saman í lokin. Hann sýnir enn
einu sinni öflug tök á tilfinninga-.
Ieiknum og sterkum persónulýs-
ingum og blandar gamni og al-
vöru í bragðmikinn en ljúfsáran
kokteil, sem festir hann í sessi
sem einn af fremstu leikstjórum
Bandaríkjanna.
BORÐ-
STOFUSKÁPA
SOFASETT
GAMLA KOMPANÍIÐ
KRISTJÁN SIGGEIRSSON
Hesthálsi 2 - 4
110 Reykjavik. Sími 91-672110
NÝfí DAGUfí SÍA