Morgunblaðið - 01.10.1991, Blaðsíða 34

u.
MORGUNBLAÐIÐ ÞRIÐJUDAGUR 1. OKTÓBER 1991
Sættum okkur ekki við
óbreyttan kaupmátt
- segir Kári Arnór Kárson nýkjörinn
formaður Alþýðusambands Norðurlands
KÁRI Arnór Kárason, formaður- Verkalýðsfélags Húsavíkur, var
kjörinn formaður Alþýðusambands Norðurlands á 22. þingi sam-
bandsins sem haldið var að Illugastöðum í Fnjóskadal um helgina.
Kári Arnór
Kári tekur við
formennskunni
af Þóru Hjalta-
dóttur sem verið
hefur formaður
AN ítæp 11 ár.
Kári Arnór
sagði að eitt
hans fyrsta verk
sem formanns
AN yrði að taka
þátt í erfiðri samningalotu sem
framundan væri. í því sambandi
sagði hann ljóst að launafólk
myndi ekki sætta sig við óbreyttan
kaupmátt eða jafnvel lakari, eins
og forystumenn atvinnurekenda
hefðu haldið á lofti að undanf-
örnu. Um slíkt yrði engin sátt.
Verið væri að hækka verð fyrir
vörur og þjónustu og gengi ríkið
þar á undan, rætt væri um þjón-
ustugjöld af ýmsu tagi og vextir
væri afar háir, en þetta hefði allt
í för með sér aukinn kostnað fyrir
ijölskyldur í landinu.
„Jafnvel þó við ætluðum bara
að halda óbreyttum kaupmætti,
sýnist mér að við munum þurfa
talsverðar kauphækkanir. Menn
tóku á sig nánast óbreyttan kaup-
mátt við síðustu kjarasamninga
og það varð samkomulag um að
gera samning er tryggði stöðug-
leika. Það tókst bærilega, en á
meðan laun hafa haldist óbreytt
hafa sumir hópar tekið til sín það
sem þeir telja sig þurfa. Okkur
finnst stundum að við séum eini
hópurinn sem eigi að sjá um að
tryggja þennan stöðugleika. Við
það erum við ekki sátt,“ sagði
Kári Arnór.
Aðrir í stjórn AN voru kjörnir,
Guðmundur Ómar Guðmundsson,
Trésmíðafélagi Akureyrar, vara-
formaður Hafþór Rósmundsson,
Verkalýðsfélaginu Vöku, ritari og
meðstjórnendur voru kosnar þær
Kristín Hjálmarsdóttir, Iðju og
Guðrún Skarphéðinsdóttir, Ein-
ingu.
Morgunblaðið/Rúnar Þór
Frá stofnfundi Foldu. Við borðsendann situr Ásgeir Magnússon hjá Iðnþróunarfélaginu en honum á
hægri hönd er Baldvin Valdimarsson framkvæmdastjóri Foldu.
Folda tekur við rekstri þrotabús Alafoss:
Tekur við rekstri fata-, vef- og
birgðadeilda af Landsbankanum
Hlutafé er 39 milljónir en stefnt að því að auka það upp í 60 milljónir
FOLDA, nýtt hlutafélag um rekstur ullariðnaðarfyrirtækis á Akur-
eyri, var stofnað í gær og tekur það í dag, 1. október, við öllum
rekstri af rekstrarfélagi Landsbankans, sem tryggt hafði rekstur
Álafoss hf. fram til áramóta. Hlutafé í fyrirtækinu verður 39 milljón-
ir króna. Þess var vænst að Byggðastofnun kæmi með hlutafé inn í
hið nýja fyrirtæki, en stjórn stofnunarinnar tók ekki fyrir erindi
Iðnþróunarfélags Eyjafjarðar þess efnis á fundi sínum í gær. Stefnt
er að því að hlutafé í nýja fyrirtækinu verði 60 milljónir króna. Hjá
Foldu mun starfa um 130 manns.
Framkvæmdasjóður Akureyrar-
bæjar er stærsti hluthafi Foldu með
19,5 miljóna hlutafé, Stéttarfélag
bænda á 5 milljónir og þá lagði
Iðnþróunarfélag Eyjafjarðar fram 3
milljónir sem og einnig Lífeyrissjóð-
ur Iðju. Kaupfélag Eyfirðinga á 2
milljónir króna og Samskip 1,5
milljónir. Iðja, félag verksmiðju-
fólks, Höldur_ hf. Utgerðarfélag
Akureyringa, íslenskur skinnaiðn-
aður og Eyjafjarðarsveit lögðu fram
eina milljón króna. Fleiri aðilar
munu hugsanlega leggja fram
hlutafé í fyrirtækið, en það skýrist
innan skamms.
Ásgeir Magnússon, fram-
kvæmdastjóri Iðnþróunarfélags
Eyjafjarðar, sagði að stefnt væri
að því að hlutafé félagins yrði 60
milljónir króna. Þess var vænst að
Byggðastofnun kæmi inn í fyrir-
tækið með allt að 20% hlutafjár,
eða 12 milljónir króna miðað við
60 milljón króna heildarhlutafé, en
stjórn stofnunarinnar frestaði í gær
afgreiðslu erindis frá IFE þess efn-
is. „Við teljum að stjórn Byggða-
stofnunar hljóti að taka erindi okk-
ar af velvilja, hér er mikið í húfi
eða um 130 störf úti á landsbyggð-
inni, sem átt hefur í vök að veijast
hvað atvinnu varðar," sagði Ásgeir.
Á sunnudag var skrifað_ undir
samninga við Landsbanka íslands
um yfirtöku á rekstri þrotabús Ála-
foss, en bankinn hafði tryggt rekst-
urinn fram til áramóta. Folda mun
taka við rekstri, fata-, vef- og
birgðadeilda og kaupa vélar og
tæki. Húsnæðið verður leigt af
Landsbankanum, en eftir er að
ganga frá húsaleigusamningum við
ríki og Iðnlánasjóð.
Stjórn Foldu var kjörin á stofn-
fundinum, en í henni sitja, Kristján
E. Jóhannesson og Árni V. Friðriks-
son fyrir hönd Akureyrarbæjar,
Ásgeir Magnússon fyrir IFE, Hauk-
ur Halldórsson fyrir Stéttarfélag
bænda og Hrólfur Skúlason Bjark-
an fyrir hönd Iðju.
Utvegsmenn, Norðurlandi
Aðalfundur
Otvegsmannafélags Norðurlands
verður haldinn á Hótel KEA fimmudaginn 3. októ-
ber kl. 13.00.
Dagskrá:
1. Venjuleg aðalfundarstörf.
2. Önnur mál.
Þorsteinn Pálsson, sjávarútvegsráðherra, og Kristj-
án Ragnarsson, formaður LÍÚ, koma á fundinn.
Fjölmennið.
Stjórnin.
KRISTNESSPÍT ALI
'zý, -7 —-------—------------
Hjúkrunarfræðingar
- sjúkraliðar
Deildarstjóri óskast á hjúkrunardeild Krist-
nesspítala.
Hjúkrunardeildin er 24 rúma deild með blandaða
sjúklinga.
Einnig vantar hjúkrunarfræðinga og sjúkraliða á
endurhæfingadeild spítalans.
Endurhæfingadeildin er með vaxandi starfsemi.
Húsnæði og barnagæsla á staðnum.
Nánari upplýsingar gefur hjúkrunarforstjóri í
síma 31100.
Kristnesspítali.
Alþýðusamband Norðurlands:
Lægstu laun mega ekki vera
lægri en 7 5 þúsund krónur
ÞING Alþýðusambands Norðurlands telur að lægstu laun fyrir átta
stunda vinnu megi ekki vera lægri en 75 þúsund krónur á mánuði.
Þetta kemur fram í ályktun sem samþykkt var á þingi sambandsins
um helgina. Komandi kjarasamningar eiga að miða að því að jafna
lífskjör, auka kaupmátt ásamt réttlátari skiptingu þjóðartekna. Þá
telur þingið að við upphaf nýrrar samningagerðar, beri að skoða
hver heildarárangur þjóðarsáttarsamninganna frá í febrúar á síðasta
ári hafi orðið.
Fulltrúar á þingi AN vilja að lögð
verði áhersla á að lægstu laun
hækki sérstaklega við gerð næstu
kjarasamninga og telja að lægstu
laun fyrir átta stunda vinnu megi
ekki vera lægri en 75 þúsund krón-
ur á mánuði. Þá verði að tryggja
kaupmátt með traustum hætti.
Þingið krefst þess að skattleysis-
mörk verði hækkuð og skattþrep
verði tvö eða fleiri og persónuaf-
sláttur taki mánaðarlegum beyting-
um samkvæmt lánskjaravísitölu, en
í því sambandi minnir þingið hið
pólitíska vald á að standa við kosn-
ingaloforð varðandi skattleysis-
mörk.
Einnig kemur fram í ályktun
þingsins, að afla verði ríkissjóði fjár
með skatti á fjármagnstekjum og
að felldar verði niður skattaívilnan-
ir vegna hlutabréfakaupa. Þá vill
þingið að umbætur verði gerðar á
ýmsum félagslegum þáttum er
skipti efnaminni fjölskyldur máli og
að tryggt verði nægilegt fé til fé-
lagslegra íbúða, en að minnsta kosti
eitt þúsund slíkar íbúðir verði
byggðar árlega næstu fimm ár.
Einnig vill þingið að teknar verði
upp tekjutengdar húsaleigu- og
barnabætur.
„Þingið mótmælir því að sparn-
aður í ríkiskerfinu komi niður á
hinum efnaminni og öðrum þeim
sem minna mega sín. Þingið krefst
þess að staðinn verði vörður um það
réttlæti og þann jöfnuð sem felst í
íslenska velferðarkerfinu," segir í
ályktun frá þinginu. Þá er skorað
á landssambönd innan ASÍ að flýta
nú þegar vinnu við samningagerð
og hafa að leiðarljósi þau atriði sem
nefnd eru í ályktun þingsins.
Umskipti til hins betra
í rekstrinum hjá Lindu
Á FYRSTU 6 mánuðum ársins hefur velta aukist um 70-80% hjá Súkkul-
aðiverksmiðjunni Lindu hf. á Akureyri. Síðasta ár var fyrirtækinu
erfitt, en eftir hlutafjáraukningu og endurskipulagninu í upphafi þessa
árs hafa umskipti orðið í rekstrinum.
Sigurður Arnórsson framkvæmda-.
stjóri sagði að .samkvæmt bráða-
birgðauppgjöri fyrir fyrstu 6 mánuði
þessa árs virtist sem reksturinn væri
að nálgast það að vera í jafnvægi,
en tap varð af rekstrinum á síðasta
ári.
Nýir hluthafar komu inni í fyrir-
tækið síðla árs í fyrra, en það voru
Akureyrarbær, Iðja, félag verk-
smiðjufólks, Lífeyrissjóður Iðju,
Trygging hf., Esso og Sigurður Am-
órsson, en hann lagði Efnagerðina
Flóru sem hlutafé inn í fyrirtækið.
Sigurður segir að alger stakka-
skipti hafi orðið í rekstrinum til hins
betra á þessu ári og framundan sé
á næstu vikum öflug markaðsstarf-
semi og vöruþróun.