Morgunblaðið - 01.10.1991, Blaðsíða 42

42
MORGUNBLAÐIÐ ÞRIÐJUDAGUR 1. OKTÓBER 1991
Kveðjuorð:
Sveinn Björnsson
Fallinn er í valinn halur góður
og drengur ágætur, Sveinn Björns-
son forseti ISÍ og kaupmaður í
Reykjavík, langt um aldur fram.
Kynni okkar hófust fyrir mörgum
árum, er ég kem heim erlendis frá
úr námi og geng í raðir félaganna
í Knattspyrnufélagi Reykjavíkur,
en einmitt þar var Sveinn fremstur
í flokki úrvalsmanna, sem stjórnað
hafa því félagi.
Slíkir menn sem Sveinn var, eru
vandfundnir í dag, menn sem með
áræði og eldmóði fórnuðu, nei, fórn
er ekki rétta orðið, heldur hlut lífs-
fyllingu sína í starfi að áhugamál-
um, íþróttamálum, allan sinn aldur
og án þess að þiggja nokkur laun
fyrir, önnur en þau að verða virtir
og elskaðir Ieiðtogar flestra íþrótta-
manna á landinu.
Eg hefi fyrir satt að Sveini hafi
boðist framkvæmdastjórastarf hjá
KR á launum, en því hafnaði hann
þegar í stað. Vinnan fyrir KR og
ISI var hans hugsjón, líf og yndi.
Greiðslur voru óþarfar. Hugsjónirn-
ar báru oft brauðstritið ofurliði,
enda þótt hann hafí rækt sitt starf
sem kaupmaður af kostgæfni. í dag
skulu honum færðar þakkir fyrir
ósérhlífni í verkum í þágu fjöldans,
allra þeirra sem Ieggja stund á leiki
og íþróttir um allt land, því að þetta
er sá uppeldisþáttur, sem er bestur
og farsælastur fyrir ungmenni
landsins. Mættu ráðamenn þjóðar-
innar oftar sýna þessum þætti meiri
skilning í framtíðinni. Félagsmála-
áhugi Sveins var með ólíkindum,
íþróttamál voru efst á blaði, en
margt annað tók hann sér fyrir
hendur. Hann var lengi í forystu-
sveit Siálfstæðisflokksins og fór
ekki dult með skoðanir sínar á
mönnum né málefnum. Hann lét
sér annt um hljómlistarmál, stund-
aði íþróttir, var keppnismaður í
hlaupum á yngri árum en iðkaði
bandminton og skokk hin síðari ár.
Einnig lagði hann stund á stang-
veiði og brids, og svona mætti
áfram telja. Nú hin síðustu ár kom
hann sér upp sumarbústað við
Laugarvatn, og var þar við ræktun
og annað þar til yfir lauk. Á þessu
sést vel hversu atorkusamur hann
var. Við lékum lengi badminton
saman, æfðum, kepptum, hlógum
og ærsluðumst og höfðum frábæra
skemmtan af. Hann var sannur
íþróttamaður, fór ætíð eftir settum
reglum, hvatti meðspilara og bar
virðingu fyrir andstæðingnum. Þeg-
ar illa gekk hjá KR í hópíþróttum
fór hann alltaf inn í búningsher-
bergið og hvatti menn til dáða, þá
var hans þörf fannst honum, því
þegar vel gekk var nóg af stuðn-
ingsliði. Ég vil færa honum þakkir
frá félögunum í Badmintondeild
KR.
Stangveiði iðkuðum við og fórum
oft með syni okkar í Álftá á Mýr-
um, en hana höfðu til hálfs nokkrir
félagar úr KR á leigu í allmörg ár.
Þar í veiðihúsi, sem þeir reistu með
Svein í broddi fylkingar, var margt
rætt t.d. hvernig koma mætti Lottó-
leiknum af stað á íslandi, og auðvit-
að varð Sveinn einn aðalhvatamað-
ur hans hér, þó að allir væru ekki
sammála um ágæti hans í upphafí,
en eins og allir vita varð leikur sá
mjög til hagsbóta fyrir íþróttafólk
í landinu. Veraldarvafstrið er dijúgt
umræðuefni í veiðiferðum vina. En
oftar og auðveldar hygg ég að tal
um andleg mál nái yfírhöndinni úti
í kyrrðinni í víðáttunni, þar sem
hughrifa gætir af völdum fagurs
umhverfis, eða vegna söngs fugla
í fjarlægð, samspil ljóss og skugga.
Menn kasta af sér skel hversdags-
Ieikans, verða ljóðrænir, skynja allt
í einu „stormsins hörpuslátt", og
skilja sannleikann í erindi skáldsins:
í hendi guðs er hver ein tíð,
í hendi guðs er allt vort strið,
hið minnsta happ, hið mesta fár,
hið mikla djúp, hið litla tár.
(Matth. Joch.)
Nú þegar vinur er sunginn til
moldar taka aðrir upp merki hans,
vonandi með sömu hugsjónir að
leiðarljósi, sama þreki og krafti sem
einkenndi hann, til eflingar íþrótta-
starfí og menningu í landinu, því
góðar íþróttir eru menning.
AUar góðar'vættir styrki og blessi
konu Sveins, Ragnheiði Thorsteins-
son, börnin §ögur, barnabörn,
K. Auðunsson hefur ó boðstólum
öll hreinlætistæki, blöndunartæki
og flísar í baðherbergið.
Útvegum fagmennsem
fjarlægja gömlu tækin og setja
upp þau nýju.
Falleg og sterk hreinlætistæki
fró PORCHER, IFÖ og SPHINX.
Alltof tilboð ó sér TILBOÐSPALLI
Gerum verðtilboð!
K. AUDUNSSON HF.
Sérverslun með hreinlætistæki
Grensósvegi 8 - Sími: 686088

t \ l - l l
bræður hans og fjölskyldur í sorg-
inni. Minningar um góðan dreng
lifa.
Blessuð sé minning Sveins
Björnssonar.
Friðleifur Stefánsson
Sveinn Bjömsson forseti ÍSÍ, er
látinn eftir baráttu við alvarlegan
sjúkdóm, langt um aldur fram.
Öllum sem starfa að málefnum
íþrótta er Sveinn minnisstæður í
forystuhlutverkinu og allir höfðu
af honum nokkur kynni. Sveinn var
maður sem rækti vel sitt marg-
þætta hlutverk á sviði íslenskra
íþróttamála. Hann sýndi þar örugga
handleiðslu og kynnti sér ítarlega
menn og málefni. Sveinn var fyrir
nokkru kominn til starfa í stjórn
ÍSÍ þegar Glímusamband íslands
var stofnað árið 1965. Sveinn átti
gott samstarf með glímumönnum
og lítið dæmi þar um er að þegar
fyrst voru útbúnir sérsmíðaðir glí-
muskór, leysti Sveinn lagervandann
með því að taka þá til sölu í verslun
sinni. Var það glímumönnum mikils
virði en Sveini tæplega til hagnað-
ar. Slíkt hið sama bauð hann nú í
sumar við sömu aðstæður. Þannig
var Sveinn. Hann hirti lítt um Ijár-
hagslegan gróða en byggði í staðinn
upp þau verðmæti er voru meira
virði; öfluga íþróttahreyfíngu sem
hann helgaði krafta sína alla ævi.
Hann hugsaði fyrst og fremst um
hagsmuni þeirra félagasamtaka er
honum var trúað til forystu fyrir
og þau voru mörg. Þrek hans var
með ólíkindum og listinn yfir félags-
málastörf hans að leiðarlokum er
ótrúlega langur.
Ósérhlífni hans kom þó best í ljós
þegar hann, heijaður af banvænum
sjúkdómi, hélt áfram störfum í for-
ystu ISI og víðar og unni sér ekki
hvfldar fyrr en kallið kom.
Þótt ljóst væri að hveiju dró kom
lokafregnin að óvörum. Erfítt var
að ímynda sér þann kjark og óbi-
landi þrek er Sveinn sýndi til hinstu
stundar.
Forystumaður er fallinn.
Glímusamband íslands sendir
eiginkonu Sveins, börnum hans og
öðrum aðstandendum einlægar
samúðarkveðjur.
Stjórn Glimusambands íslands
Minning:
Oskar Jónsson
Fæddur 19. október 1914
Dáinn 24. september 1991
Hann Óskar okkar er dáinn hann
kvaddi þennan heim 24. september
sl. Okkur langar með fáeinum orð-
um að minnast hans. Hann var
kvæntur Kristínu Kristmundsdóttur
eða Stínu systur eins og við kölluð-
um hana. Oskar var alla tíð vinnu-
samur maður og hans séreinkenni
voru vandvirkni, snyrtimennska og
heiðarlegheit. Hann stundaði sjó-
mennsku lengst af ævi sinni, fyrst
frá Akranesi síðan með sína eigin
trillu eftir að hann fluttist til
Reykjavíkur. Hann vann um tutt-
ugu ára skeið hjá Sláturfélagi Suð-
urlands þar til hann lét af störfum
vegna aldurs. Einnig skar hann af
netum, setti upp línu og beitti bala
og bala fyrir mig og félaga minn
Ólaf Pétursson og fór með okkur
stöku sinnum til sjós og skein þá
ánægjan út úr andliti hans. Hann
var mér alla tíð eins og annar fað-
ir. Ég var hjá þeim hjónum um tíma
á Akranesi, þá fórum við oft niður
á bryggju að skoða bátana. Ég var
þá smá strákur og hafði mikinn
áhuga á því sem hann sýndi mér í
kringum sjóinn og bátana. Eftir að
þau hjónin fluttust suður urðu
tengslin hjá okkur meiri. Síðar kom
í ljós að konan mín og Óskar voru
skyld, þau voru bæði ættuð að aust-
an.
Óskar var sérlega frændrækin
maður og hafði ánægju að hitta
sitt fólk. Oft fóru þau með okkur
sunnudagsrúntinn og voru þá
bryggjurnar í nágrenninu vinsæl-
astar. Síðast var farið í sumar til
Lóu og Nikka í Keflavík sem honum
þótti ætíð gaman að koma til. Fyr-
ir tæpum tveimur árum fluttust þau
hjónin úr Hvassaleiti í lítið fallegt
hús í Vogatungu í Kópavogi. Og
átti hann þar tvö mjög góð sumur,
en seinni part þessa sumars hrak-
aði heilsu hans mjög. Fór hann þá
á spítala 13. september sl. og þar
lauk hans ævi.
Elsku Stína okkar megi góður
Guð styrkja þig og þína nánustu í
sorg þinni. Með þessum orðum vilj-
um við þakka okkar kæra vini alla
þá hlýju og umhyggju sem hann
sýndi okkur alla tíð. Góður Guð
geymi minningu elsku Óskars okk-
ar.
Legg ég nú bæði líf og önd
ljúfi Jesús í þína hönd
síðast þegar ég sofna fer
sitji Guð englar yfir mér.
(Sb. 1945. H. Pétursson)
Sigurður Jóhannsson, Hall-
dóra Níelsdóttir og börn.
HRAÐLESTRARNAMSKEIÐ
■k Vilt þú margfalda lestrarhraðann og bæta eftirtektina?
■k Vilt þú verða mikið betri námsmaður og auðvelda þér nám-
ið með auknum lestrarhraða og bættri námstækni?
* Vilt þú lesa meira af fagurbókmenntum?
■k Vilt þú hafa betri tíma til að sinna áhugamálunum?
Svarir þú játandi, skaltu skrá þig strax. Næsta námskeið hefst
laugardaginn 5. október. Skráning í síma 641091.
Ath.: Óbreytt verð frá síðasta vetri. VR og mörg önnur félög
styrkja félaga sína til þátttöku á námskeiðunum. •
HRAÐLESTRARSKOLINN
IXI 10 ÁRA l™)