Morgunblaðið - 19.11.1991, Blaðsíða 21

MORGUNBLAÐIÐ ÞRIÐJUDAGUR 19. NÓVEMBER 1991
Valgeir Guðjónsson sendir frá sér hljómdisk:
Platan Gaia - hughrif
um skip á gamalli leið
HLJOMPLATAN Gaia er væntanleg í hljómplötuverslanir á næst-
unni en hugmyndina að piötunni átti Valgeir Guðjónsson tónlistar-
maður, sem sigldi með víkingaskipinu Gaia frá Noregi til Orkneyja
síðastliðið sumar. A plötunni eru átta lög og semur Valgeir fjögur
þeirra einn og önnur fjögur í félagi við Eyþór Gunnarsson. Stór
hópur þekktra tónlistarmanna frá íslandi og Noregi tók þátt í gerð
plötunnar.
Um er að ræða leikna tónlist
og sagði Valgeir að Gaia væri dýr
plata á íslenskan mælikvarða,
hefði kostað á fjórðu milljón króna.
Norski útgerðarmaðurinn Knut
Kloster styrkti útgáfuna og verður
hljómplötunni dreift á alþjóða-
markað.
Valgeir sagði að hugmyndin
hefði kviknað þegar hann átti tal
við Kloster sl. vor. „Hugmyndin
var að gefa leiðangrinum og þess-
ari norsk-íslensku samvinnu
menningarlega yfirtóna - gera
tónlist sem væri á umhverfisvæn-
um nótum meðjDátttöku hæfustu
tónlistarmanna Islands og Noregs
sem í næðist,” sagði Valgeir. Átta
manns komu frá útlöndum til að
vinna að plötunni, sex frá Noregi,
þar af einn brasflskur ásláttarleik-
ari, grænlensk-dönsk söngkona frá
Danmörku og síðan Skúli Sverris-
son bassaleikari sem er búsettur í
New York. Aðrir íslendingar á
plötunni eru auk Valgeirs, Skúla
og Eyþórs, Sigurður Flosason sax-
afón- og flautur, Matthías
Hemstock og Gunnlaugur Briem
trommur og Sigrún Hjálmtýsdóttir
söngur. „Við semjum þessa músík,
ég og Eyþór. Þetta eru stemningar
sem tengjast þeim hughrifum sem
fylgja þessu tiltekna skipi á þess-
ari gömlu leið - gamalt skip í leit
að nýjum heimi. Ég sigldi með
skipinu frá Noregi til Orkneyja og
innblásturinn er fenginn frá sigl-
ingunni,” sagði Valgeir.
Valgeir Guðjónsson.
Hann sagði að Kloster hefði
strax orðið hrifinn af hugmyndinni
og ákveðið að fjármagna plötuna
að hluta til. „Það er þegar farið
að vinna að markaðssetningu á
erlendri grund og þangað er för
þessarar plötu fyrst og fremst heit-
ið.”
Með plötunni fylgir fjórblöðung-
ur með prósa á ensku eftir Thor
Vilhjálmsson og myndum eftir Pál
Stefánsson ljósmyndara. Pétur
Halldórsson myndlistarmaður sá
um myndskreytingar. Þessir lista-
menn ásamt Valgeiri unnu að gerð
skyggnusýningar sl. sumar vegna
siglingar Gaia og sagði Valgeir að
fjórblöðungurinn væri dálítið brot
af þeirri sýningu.
Sijórnandi hendur í Gerðuberg
Morgunbl aðið/Sverri r
Hjónin Valgerður Eyjólfsdóttir og Jón E. Guðmundsson hafa fært Reykjavíkurborg að gjöf tréskurðarverkið
„Stjórnandi hendur”. Verkið er skorið út úr einu tré úr Hallormsstaðabirki og er af tveimur leikbrúðum í strengjum
ásamt höndum stjómandans. Hulda Valtýsdóttir formaður menningarmálanefndar Reykjavíkurborgar tók við
gjöfinni ásamt Elísabetu Þórisdóttur forstöðumanni Gerðubergs.
112 íbúar í
Seljahverfi
lýsa stuðn-
ingi við
sambýlið
BORGARSTJÓRA voru á föstu-
dag afhentir undirskriftalistar
frá íbúum í Seljahverfi þar sem
lýst er yfir stuðningi við viðleitni
Svæðisstjórnar málefna fatlaðra
í Reykjavík til að búa geðfötluðu
fólki heimili í sambýlum. 112 íbú-
ar í Seljahverfi skrifuðu undir
listana.
Á undirskriftalistunum er jafn-
framt lýst yfir hryggð yfir viðbrögð-
um íbúa í grennd við sambýlið að
Þverárseli 28. íbúar við Strandasel,
Pétur Bjarnason og Ingibjörg
Gunnarsdóttir, afhentu Markúsi
Erni Antonssyni, borgarstjóra, list-
ana.
MICROLINE DAGAR
OKILASER 830 POSTSCRIPT prentari á aðeins 159.900 kr. stgr.!
Viö bjóðum til kynningar á OKI MICROUNE tölvu-
prenturum í húsakynnum okkar aö Skeifunni 17 og
stendur hún til mánaöamóta.
MICROUNE hefur löngum veriö val þeirra, sem
gera mestar kröfur um prentgæði og mikla endingu
og segir það sína sögu að um 8000 MICROLINE
prentarar hafa nú verið seldir hérlendis !
Fjölmargar prentaragerðir verða sýndar, en sér-
staklega kynnum við nýja prentarann sem vakið
hefur geysilega athygli:
OKILASER 830 POSTSCRIPT
Hann prentar 8 síður á mínútu, minnið er 2 MB
(stækkanlegt í 4 MB) og honum fylgja 17 POST-
SCRIPT leturgerðir, sem hægt er að fjölga í 35 með
litlum tilkostnaði.
Við hvetjum tölvunotendur til að nota þetta tæki-
færi til að kynnast því nýjasta frá OKI MICROLINE.
Hjá okkur er opið frá kl. 9 -18 og laugardaga frá kl.
10-14.
VERIÐ VELKOMIN!
OICI
TÆKNIVAL
SKEIFUNNI 17 • 1 08 R. • S. 681665