Morgunblaðið - 19.11.1991, Blaðsíða 32

32
MORGUNBLAÐIÐ ÞRIÐJUDAGUR 19. NÓVEMBER 1991
NeyoarÞionusfa
um nætur 02 hetear
Uið bjóðum neyðarÞiónustu fyrir raf-
masnsviðfierðir í heimahúsum ofi í fyrirtæki*
um á höfuðborfiarsvæðinu.
Sú Þjónusta sem í boði er tekur ti( allra
biiana sfórra ofi smárra.
í stærri bilunum er Þó miðað við að um
bráðabirfiðaviðfierð verði að ræða. en endan-
lefi viðfierð fari fram á dagvinnutíma.
HAUKUR & ÓLAFUR
RAFUERKTAKAR 674506

Aðalfundur miðstjórnar Framsóknarflokksins:
Ríkisstjómin hefur torveldað
skynsamlega kjarasamninga
MIÐSTJÓRN Framsóknarflokksins telur að ríkisstjórn Davíðs
Oddssonar- hafi með verkum sínum og yfirlýsingum torveldað skyn-
samlega kjarasamninga. Hún bjóði aðeins samninga um minnkandi
kaupmátt, og stefni þjóðfélaginu þannig í kjaradeilur og jafnvel
verkföll með ófyrirsjáanlegum afleiðingum fyrir þjóðarbúið. Þetta
kemur fram í stjórnmálayfirlýsingu, sem samþykkt var á aðal-
fundi miðstjórnar Framsóknarflokksins síðastliðinn laugardag.
í stjórnmálaályktuninni segir
meðal annars að miðstjórn Fram-
sóknarflokksins telji lækkun vaxta
og fjármagnskostnaðar atvinnu-
veganna lykilatriði ef takast eigi
að tryggja áframhald þeirrar
þjóðarsáttar sem tekist hafi í tíð
ríkisstjórnar Steingríms Her-
mannssonar. Jafnframt verði ríkis-
stjómin að sýna skilning á mikil-
vægum þörfum atvinnulífsins í
stað þess að boða afskiptaleysi og
gjaldþrotastefnu. Aðeins með þess-
um hætti sé unnt að tryggja kaup-
mátt og hækka lægstu launin.
Jafnframt sé nauðsynlegt með til-
færslum í skattkerfinu að jafna
ráðstöfunartekjur landsmanna, en
til að skapa svigrúm til slíkra að-
gerða beri að leggja skatt á fjár-
magnstekjur.
Miðstjórn Framsóknarflokksins
telur rétt að samningurinn um
Evrópskt efnahagssvæði verði
lagður undir þjóðaratkvæði að
undangenginni ítarlegri kynningu
á kostum hans og göllum. Aðild
að EES geti því aðeins orðið til
farsældar fyrir land og þjóð að
íslenskt atvinnulíf sé heilbrigt og
sterkt, og íslendingar hafí sjálfir
tryggilega í eigin hendi öll grund-
vallaratriði þess og fullveldis þjóð-
arinnar. Því hljóti endanleg afstaða
ekki síst að byggjast á aðgerðum
ríkisstjómarinnar til að skapa at-
vinnuvegunum góðan rekstrar-
grundvöll, og til að tryggja skilyrð-
islaus yfirráð íslendinga yfir land-
inu, auðlindum þess og fiskimiðum.
Stjömubíó sýnir
myndina „Ban-
vænir þankar”
STJÖRNUBÍÓ hefur tekið til
sýninga myndina „Banvænir
þankíir”. Með aðalhlutverk fara
Demi Moore og Bruce Willis.
Leikstjóri er Alan Rudloph.
Myndin segir frá tveimur vinkon-
um, Moore og Headly. Önnur er vel
gift, hin situr uppi með ónytjung
og eiturlyfjaneytenda, andstyggi-
legan fant sem á ekkert gott skilið.
Kvöld eitt hverfur hann. Þær vin-
konur tilkynna hvarfið. Þegar lík
hans finnst síðan á floti í mýrarfeni
beinist grunurinn að vinkonunum
sem báðar hafa sömu sögu að segja.
Þær eru báðar saklausar. En er, það
-sWo? 11 lí ” 'li* 11 i
xAfl3J3T- ssstw imU; >ivAb>Y3n- r 1. úMflA|
800 vörutegund-
ir í Barnaheimi
VERSLUNIN Barnaheimur, Síðumúla 22, var stofnuð í fyrra og er
versiunin eins árs um þessar mundir. í versluninni eru m.a. seldir
sænsku BRIO-barnavagnarnir og -kerrurnar, einnig leikföng og
dúkkuvagnar frá sama framleiðanda. Þá eru seld baðborð og barna-
rúm úr beyki og öðrum harðvið.
í versluninni fást um 800 vöru-
tegundir, svo sem leikföng, föt,
skór og barnabílstólar, bæði banda-
rískir og evrópskir.
í tilefni af afmæli Barnaheims
verður boðinn 10% afsláttur af öll-
um BRIO-vörum þessa viku.
Eigendur Bamaheims eru Guð-
mundur Ásgeir Geirsson og Ingi-
björg Ásgeirsdóttir. Afgreiðslu-
stúlka er Guðrún Pálsdóttir.
(Fréttatilkynning)
íslensk útgáfa hjá Steinum hf.
STEINAR hf. gefa út nú á haust-
mánuðum ýmist íslenskt tónlist-
arefni, bæði nýmeti, safnútgáfur
og endurútgáfur á geisladiskum
ofl,
í fréttatilkynningu frá Steinum
hf. segir að Karl Örvarsson hafi
verið að vinna að fyrstu einheija-
plötu sinni í tæp tvö ár, og hafi nú
sett á stofn hljómsveitina Eldfugl-
inn og ber hljómplata nafn hljóm-
sveitarinnar.
Einnig segir að Todmobile hafi
að undanförnu verið að smíða efni
sem er á nýjustu hljómplötu hljóm-
sveitarinnar, sem heitir Ópera.
Þriðja hljómplata hljómsveitarinnar
Sálin hans Jóns míns, sem ber nafn
hljómsveitarinnar, er einnig vænt-
anleg.
Hljómsveitin Ný dönsk hefur ver-
ið að vinna að gerð nýrrar plötu,
en hún heitir De luxe. Stóru börnin
leika sér, heitir ný barnaplata sem
væntanleg er á markað í haust.
Meðal þeirra sem syngja lögin á
plötunni eru Andrea Gylfadóttir,
Sigríður Beinteindóttir, Eyþór Arn-
alds, Stefán Hilmarsson og Egill
Ólafsson. Hljómplatan inniheldur
marga þekkta barnasöngva.
Steinar hf. gefa út plötu Bubba
Morthens, Ég er!, sem eru hljóm-
leikaupptökur frá tónleikum hans,
ásamt Kristjáni Kristjánssyni, Þor-
leifí Guðjónssyni og Reyni Jónas-
syni, á Púlsinum í nóvember á síð-
asta ári.
Gaia er nafn á geisladiski, segir
í fréttatilkynningunni, sem Steinar
hf. gefi út í félagi við norska útgerð-
armanninn Kloster, sem hafi kostað
Sálin hans Jóns míns.
ferðalag víkingaskipsins Gaia. Tón-
listina á plötunni hafí Valgeir Guð-
jónsson samið, útsett og hljóðritað
í samvinnu við Eyþór Gunnarsson.
Um er að ræða tónlist án orða. í
bæklingi með geisladisknum er
hugleiðing Thors Vilhjálmssonar.
Fortissimos, hljómplata Mezzo-
forte, inniheldur lög frá fyrri tíð,
segir í tilkynningunni. Sé platan
fyrst og fremst hugsuð til útgáfu
m.a. í Evrópu og Bandaríkjunum,
en verði þó fáanleg hér á landi.
Af safnútgáfum Steina hf. má
nefna Aftur til fortíðar - þriðji hluti,
en hún inniheldur dægulög frá 1950
til 1980, Þitt fyrsta bros, safnplata
Gunnar Þórðarsonar, Harmóniku-
tónar, þar sem flytjendur eru ýms-
ir, íslenskar söngperlur, þar sem
nokkrir óperusöngvarar flytja söng-
lög eftir íslenska höfunda og Jóla-
snær, en það eru ýmsir sem flytja
jólalög á þeirri plötu.
Auk þess verða nokkrar af barna-
kassettum Steinars hf. endurútgef-
inn á geisladiskum, sem og Kvöld-
vísa, með lögum Torfa Ólafssonar.
Tveir af aðalleikurunum, Demi
Moore og Bruce Willis.
Eigendur og afgreiðslustúlka verslunarinnar Barnaheims.
Islandica á Laugarbakka
TÓNLISTARFÉLAG Vestur-Húnvetninga býður Austur- og Vestur-
Húnvetningum, Skagfirðingum, Strandamönnum og öðrum nær-
sveitarmönnum til tónlistar- og skemmtiveislu miðvikudaginn 20.
nóvember í Félagsheimilinu Ásbyrgi, Laugarbakka, kl. 21.00. Um
er að ræða vísnakvöld.
Hljómsveitin Islandica leikur en
hana skipa Herdís Hallvarðsdóttir
bassaleikari, Gísli Helgason sem
leikur á flautu, melódíku og ýmis
slagverkshljóðfæri, Ingi Gunnar
Jóhannsson á gítar og Eggert Páls-
son á hljómborð og mandólín.
Ýmis fyrirtæki og einstaklingar
á Laugarbakka styrkja þessa tón-
leika, en það eru Verslunin Trölla-
garður, Húnaprent, Bílaverkstæði
HT og Flosi Eiríksson.
Kaffisala verður á vegum
kirkjukórs Víðidalstungukirkju, en
allur ágóði af henni rennur í orgel-
sjóð kirkjunnar. Þetta eru þriðju
reglulegu tónleikar á vegum
félagsins, en annars eru tónleikar
á þess vegum a.m.k. einu sinni í
mánuði. (Úr fréttatilkynningu.)
HEIMAHLYNNINGU Krabbameinsfélags íslands hefur borist
peningagjöf til tækjakaupa frá Lionsklúbbnum Eir. Heimahlynning
er þjónusta fyrir sjúklinga með krabbamein á lokastigi og aðstand-
endur þeirra og er bæði Iæknis- og hjúkrunarþjónusta starfrækt
allan sólarhringinn.
Einnig er þeim sem eru í lyfja-
og/eða geislameðferð veittur
stuðningur, ráðgjöf og eftirlit
heima.
Gjafir sem þessar eru starfsem-
inni mjög mikill styrkur og hvatn-
ing til áframhaldandi þróunar, seg-
ir í fréttatilkynningu frá Krabba-
meinsfélaginu.
Gjöf til Heimahlyimingar
Frá afhendingu gjafar til Heimahlynningar; á myndinni eru konur
úr Lionsklúbbnum ásamt starfsfólki Heimahlynningar.