Morgunblaðið - 29.11.1991, Blaðsíða 53

MORGUNBLAÐIÐ FÖSTUDAGUR 29. NÓVEMBER 1991
53
það er _ félags- og rökhyggjuspilið
brids. Á þeim vettvangi tók hann
þátt í óteljandi spiiakeppnum og atti
þar kappi með og við snjalla brids-
' menn. Um árangur ber vitni margur
verðlaunagripurinn.
Nú hafa orðið þáttaskil. í dag
kveðja systkinin frá Mið-Meðalholt-
« um kæran bróður í hinsta sinn, en
eftir lifir minning um góðan dreng.
Magnús Jónsson
I
Hannes R. Jónsson er látinn langt
um aldur fram. Þótt okkar viðkynn-
ing væri ekki löng, langar mig að
minnast hans í nokkrum línum.
Hannes átti í nokkur ár samleið
með systurdóttur minni, Jóhönnu
Lúðvígsdóttur. Þeirra samfylgd varð
því miður allt of stutt, en örlögin
spyija ekki um tíma. Á liðnu hausti
greindist hjá Hannesi sá sjúkdómur
er leiddi hann til dauða. Hannes og
Jóhanna voru mjög samrýnd, þau
ferðuðust mikið um landið og nutu
þess í ríkum mæli. Þau áttu bæði
upkomin börn og fjölskyldum þeirra
féll vel saman.
Hannes var í eðli sínu nokkur einf-
ari, en hann naut sín sérlega vel í
félagsskap systkina Jóhönnu og fjöl-
, skyldna þeirra. Ég minnist Hannesar
á ættarsamkomum sem hljóðláts og
elskulegs manns, sem þó gat verið
glaður og reifur á góðri stund, en
umfram allt hlýr. Mig langar að
þakka honum umhyggju hans við
aldraða systur mína, móður Jó-
hönnu, þegar hún var áttræð, þá
lánaði hann sal undir veisluna og
var síðan ein aðal driffjöður ásamt
börnum hennar og barnabörnum í
því að gera henni daginn sem ánægj-
ulegastan. Hannes og Jóhanna heim-
sóttu oft móður hennar og stjúpföð-
ur sem búsett eru á Jökuldal og
voru þær heimsóknir ánægjulegar á
báðar hliðar.
Ég veit að Jóhanna hefur átt
marga erfiða stund er hún sat við
dánarbeð Hannesar, en þrátt fyrir
það hefur henni verið ljúft að geta
endurgoldið honum eithvað af hans
umhyggju og gæðum. Ég bið Guð
að styrkja hana í sorg hennar. Börn-
I um Hannesar og öðrum aðstandend-
I um votta ég samúð mína.
Ragna S. Gunnarsdóttir
Kveðj'a frá Starfsmanna-
| félagi ÍSAL
Allir dagar eiga sér kvöld, eins
er það með ævi okkar mannanna.
Snögg og óvægin skil erum stundum
í tilveru okkar, svör fást við sumum
þeirra en öðrum ekki. Eftir standa
minningar um samverustundir.
Skilnaður er oft sár, en minning um
góðan dreng græðir sárin í fyllingu
tímans.
Þegar atorka er í hámarki gerum
við oft ekki ráð fyrir því, sem getur
heft för okkar að settu marki. For-
lögin hafa tekið í taumana. Hannes
R. Jónsson lést í Landspítalanum að
morgni 19. þ.m.
í sumar sem leið, að loknu
. skemmtilegu sumarfríi, veikist
9 Hannes snögglega og var fluttur á
spítala. En enginn vinnur sitt hel-
stríð og Hannesar var ekki mjög
| langt, en strangt. Hann naut þar
umönnunar indæls hjúkrunarfólks,
iækna og ástvina, þar til yfir lauk.
| Kynni okkar Hannesar hófust
fljótlega eftir að við byijuðum að
starfa í álverinu í Straumsvík, þó
var það ekki fyrir alvöru fyrr en við
byijuðum að vinna saman að málefn-
um Starfsmannafélags ÍSAL. Það
var gaman að vinna með Hannesi.
Hann var viðræðugóður og grunnt
á léttu strengina og þó að margt
væri skrafað, kom það ekki illa við
neinn.
Ég, sem þessar línur rita, vil fyrir
hönd félaga minna, sem starfað hafa
með honum að málefnum STÍS,
þakka honum fyrir samstarfið og
hans þátt í að gera veg félagsins
sem bestan. Við biðjum guð að blessa
minningu hans og sendum ástvinum
' hans innilegar samúðarkveðjur.
Af eilífðar ljóma bjarma ber,
i: sem brautina þungu greiðir.
Vort líf, sem svo stutt og stopult er,
það stefnir á æðri leiðir.
| Og upphiminn fegri en augað sér
mót öllum oss faðminn breiðir.
(E. Ben.)
Friðgeir Guðmundsson
Minning:
Sveinn S. Daníelsson
Fæddur 7. júlí 1908
Dáinn 22. nóvember 1991
Með þessum orðum langar mig til
þess að kveðja elskulegan tengdaföð-
ur minn. í upphafi þessarar aldar
var margt öðruvísi á íslandi en það
er í dag. Þá hefur örugglega verið
erfitt að vera í vinnumennsku hjá
vandalausum og eiga fjölda barna.
Foreldrar Sveins þurftu að hafa mik-
ið fyrir lífínu, og til þess að koma
öllum börnum sínuin til manns þurftu
þau að færa miklar fórnir. Foreldrar
Sveins voru hjónin Valgerður Níels-
dóttir og Daníel Gestsson. Sveinn
fæddist á Gauksmýri í V-Húnavatns-
sýslu og var fimmti í röðinni af sjö
systkinum, elstur var Karl hálfbróðir
þeirra, sem dó um tvítugt, Ingigerð-
ur, sem lengst af var búsett á
Hvammstanga, d. 1990, Gunnar,
bóndi á Þorfinnsstöðum, nú búsettur
á Flateyri, Hermann búsettur í
Reykjavík, Valdimar búsettur í
Reykjavík, yngst er Sína Wiium bú-
sett í Reykjavík. Þó að systkinin
hafi ekki alist upp saman þá voru
þau mjög samheldin og mikill kær-
leikur þeirra á milli alla tíð.
10 daga gamall fór Sveinn að
Syðri-Kárastöðum, Vatnsnesi, í fóst-
ur til hjónanna Sigurbjargar Ólafs-
dóttur og Sveins Guðmundssonr,
ábúenda þar. Dóttir þeirra hjónanna
og uppeldissystir Sveins er Ólafía
G. Sveinsdóttir, sem enn býr á Kára-
stöðumm nú 93 ára, einnig ólst þar
upp að nokkru leyti Sveinbjörg Her-
mannsdóttir, mjög kært var alla tíð
með þeim uppeldissystkinum.
Sveinn bjó á Syðstu-Kárastöðum
og hélt heimili með fóstru sinni eftir
lát fóstra síns, þar til ung stúlka úr
Reykjavík réðst sem kaupakona til
hans. Þessari ungu stúlku kvæntist
Sveinn árið 1942 og hófu þau búskap
í Reykjavík.
Eftirlifandi eiginkona Sveins er
Ágústa Gamalíelsdóttir, fædd og
uppalin í Reykjavík, en af borgfirsku
bergi brotin. Sveinn og Ágústa eign-
uðust þijú börn. Þaii eru: ólafur
Gamalíel, kvæntur Nönnu Baldurs-
dóttur, Sigurdís, eiginmaður hennar
er Erlendur F. Magnússon og Kristín
Valgerður Árný, konan mín. Barna-
börnin eru 11, elsta barnabarnið og
það yngsta bera nafn afa síns: Sveinn
Sigurbjörn Erlendsson og Sveinn
Bergsteinn Magnússon.
Eftir að Sveinn flutti til Reykjavík-
ur vann hann ýmis verkamanna-
störf, lengst af hjá Sambandinu, um
30 ár, uns hann lét af störfum er
hann varð sjötugur. Hann hélt alltaf
mikla tryggð við sveitina sína og
dvaldist þar á hveiju sumri meðan
heilsan leyfði. Ekki gafst mikill tími
til tómstunda, en Sveinn hafði unun
af tónlist og held ég að hann hafi
verið fyrsti bóndinn á Vatnsnesi sem
eignaðist handsnúinn grammófón.
Einnig var Sveinn smiður góður og
smíðaði meðal anars mörg leikföng
fyrir börn sín og aðra ættingja.
Sveinn var mikill dugnaðarmaður
og ósérhlífínn. Hann var alltaf boðinn
og búinn til aðstoðar ef hann hélt
að hann gæti rétt einhveijum hjálp-
arhönd eða fært björg í bú. Hann
var umhyggjusamur eiginmaður og
faðir, sem helgaði heimilinu alla sína
umhyggju og ástúð. Eiginkonu sína
dáði hann og elskaði allt til æviloka
og sá ekki sólina fyrir henni öll þessi
ár. Sveinn var einstaklega góður afí,
sem allt vildi gera fyrir barnabörn
sín, og þau voru honum mikiil gleði-
gjafi. Síðustu árin var Sveinn farinn
að heilsu og kröftum, en bjó þó á
heimili sínu í Stigahlíðinni og naut
þá umhyggju og umönnunar eigin-
konu sinnar og barna allt fram á
síðasta dag. Einnig naut hann hjúkr-
unar og aðstoðar á öldrunardeildinni
í Hátúni, hvídarinnlagna á Heilsu-
vemdarstöðinni og góðrar heima-
hjúkrunar, allt þetta fólk á miklar
þakkir skyldar. Sveinn andaðist á
Borgarspítalanum þann 22. nóvemb-
er, eftir nokkurra daga legu þar.
Elsku Ágústa mín, Ólafur, Sigur-
dís og Kristín mín, nú þegar Sveinn
hefur fengið hvíldina þá eigum við
öll góðar og hlýjar minningar um
góðan mann sem fylgja munu okkur
um ókomin ár.
Eg fell að fótum þínum
og faðma lífsins tré.
Með innri augum mínum
ég undur mikil sé.
Þú stýrir vorsins veldi
og verndar hvetja rós.
Frá þínum ástareldi
fá allir heimar Ijós.
(Davíð Stefánsson)
Magnús Björn
t
Kærar þakkir sendum við öllu þeim fjölmörgu vinum, sem auð-
sýndu okkur samúð sína og hlýhug við fráfall
ÞORSTEINS Ö. STEPHENSEN
fyrrverandi leiklistarstjóra.
Dóróthea G. Stephensen,
Guðrún Þ. Stephensen,
Ingibjörg Þ. Stephensen,
Stefán Þ. Stephensen,
Kristján Þ. Stephensen,
Helga Þ. Stephensen,
barnabörn og barnabarnabörn.
Hafsteinn Austmann,
Siglaugur Brynleifsson,
Arnfríður Ingvarsdóttir,
Ragnheiður Heiðreksdóttir,
CITROEN AX EXELLENCE
Sprœkur
og
sparneytinn
I7C ).c )0( )i Kl R.I w— u II r
OG 19.960* Á MANUÐI “
'is£1
\o\>'
\
J

\

Fjárfestu í nýjum Citroen fyrir veturinn.
Við bjóðum nú nokkra Citroen AX Excellence
á sérstöku vetrarverði meðan birgðir endast.
Utborgun aðeins 170.000 KR og eftirstöðvar
á allt að 36 mánuðum.
Greiðsla að meðaltali I9.960*KR á mánuði.
Innifalið í verði:
11 OOcc 55 hö. vél. 5 gíra, litað gler, samlitir
stuðarar, afturrúðuþurrka, hliðarspeglar,
Ijóskastarar að framan, Excellence merkingar
á hliðum, útvarp segulband og snjódekk.
Til afgreiðslu STRAX

G/obusn.
Lágmúla 5 ■ Sími 91-681555
*Miðað við vexti Seðlabonka íslands í nóvember 199 /