Morgunblaðið - 21.12.1991, Síða 39
MORGUNBLAÐIÐ LAUGARDAGUR 21. DESEMBER 1991
39
... Og ný borg
eftir Gunnar
Þorsteinsson
Staðlausir stafir, ósannindi, að-
dróttanir. . . Þessi orð komu upp í
huga minn er ég las í forundran
„ritdóm“ doktors Péturs Pétursson-
ar undir heitinu „Nýr himinn og
ný jörð“ um bók mína „Spádómarn-
ir rætast“. Það er ekki fallegt að
hugsa þannig rétt fyrir jólin, en til-
efnið er ærið.
Pétur hefur mál sitt á því að
gera því skóna að umfjöliun um
spádóma Biblíunnar sé helst til þess
fallin að ala á ótta um ógnir síð-
ustu tíma. Þarna byijar Pétur á því
að snúa staðreyndunum við, því að
flestar þær bækur sem ég hefi les-
ið um þetta efni hafa hið öndverða
að markmiði sínu, þ.e. að vekja
mönnum von um, þó voðinn virðist
vera vís, að það er að lokum alvald-
ur og miskunnsamur Guð sem öllu
ræður. Það má heita undravert að
kirkja sú sem Pétur tilheyrir hefur
hin veigamiklu skrif ritningarinnar
um þetta efni undir stól og upplýsi
ekki hjörðina um hvernig hönd
Guðs stýrir framvindu heimsmála.
Pétur nefnir einnig að þessar
tegundir Biblíuskýringa hafi orðið
sér hrapallega til skammar og í
sömu setningunni segir hann að
þær séu löngu horfnar úr guðfræði-
deildum háskóla. Hvorttveggja er
rangt. Hér á borðinu hjá mér liggur
bók um þetta efni eftir William E.
Blackstone með formála eftir dokt-
or John F. Walvoord, sem er rektor
við guðfræðiháskóla í Dallas. Bókin
er eins og fjöldi annarra bóka um
sama efni að því undanskildu að
hún er rituð á árinu 1878! Hún
hefur verið þýdd á fjörutíu tungu-
mál og verið dreift í risaupplögum.
Hún er í fulli gildi í dag og stenst
vel tímans tönn sem og fjöldi ann-
arra hliðstæðra bóka. Að umijöllun
um þetta efni sé horfin úr guðfræði-
deildum háskóla er alrangt og Pétur
hlýtur að vita betur. I mörgum
guðfræðiháskólum er þetta einn af
hornsteinum fræðanna, þó því sé
ekki að heilsa í lúterskum háskóla-
deildum. Þarna talar Pétur frá mjög
þröngu sjónarhorni og setur á sig
þykk lútersk gleraugu. Pétur, þú
kærir þig kollóttan um guðfræðileg
sjónarmið sem hafa komið fram
síðan Lúter var og hét og tekur
ekki tillit til heildarboðskaps Biblí-
unnar. Spádómsrit Biblíunnar eru
svo veigamikill þáttur ritningarinn-
ar að sá sem sniðgengur þá boðun
predikar hálfsannleika.
Gunnar Þorsteinsson
„Ég bendi hvað eftir
annað í bók minni á
endurlausnarverk Jesú
Krists"
Pétur leiðir getum að því að ég
hafí misst marks er í ljós hefur
komið að Sovétríkin eru að liðast í
sundur eftir að bók mín er skrifuð
og gerir því skóna að þar með hafí
grunnur brostið undan einhveiju
sem ég á að hafa skrifað. Þetta
segir hann í háðskum tóni og undir-
strikar með upphrópunarmerki.
Þetta er einnig rangt hjá Pétri því
að í bók minni segi ég orðrétt:
„Ef menn halda að Sovétríkin séu
að gliðna í sundur og komin að
fótum fram að öllu leiti, þá er það
á misskilningi byggt. Þó svo að
kommúnisminn hafi reynst vera böl
og alþýða manna í Sovétríkjunum
búi við sult og seyru, býr rússneski
björninn yfir meiri hernaðarmætti
en nokkru sinni. Það er talið að
tuttugu og fimm til fjörutíu af
hundraði af þjóðarframleiðslu Sov-
étríkjanna sé varið til hermála. Það
eina heillega í öllu þessu stórveldi
er herinn. Hvað gerir rússneski
björninn þegar hann er kominn upp
að vegg? Halda menn að hann setji
rófuna á milli fótanna og hundskist
í hýði sitt? Nei, hann mun nota
hernaðarmátt sinn til að veija hags-
muni sína. Esekíel fræðir okkur um
það í þrítugasta og áttunda og þrí-
tugasta og níunda kaflanum í bók
sinni."
Þegar ég bendi á í skrifum mín-
um að Saddam Hússein hafí beint
byssum sínum að ísrael þegar hann
stóð í stríði við ijölþjóðaherinn vill
Pétur túlka það þannig að ég vísi
til þess að Saddam Hússein verði
hinn mikli riddari á hvíta hestinum.
Af samhenginu má aftur á móti
ráða að ég er að vísa til þess að
Israelsríki er hinn raunverulegi
blóraböggull átakanna í Austur-
löndum nær og verður þurtgamiðja
átakanna á síðustu tímum. Alyktun
Péturs er fráleit.
Pétur leyfir sér einnig að segja
í „ritdómi" sínum að ég „gleymi"
fórnardauða Jesú Krists og aðgangi
barna Guðs að nýjum himni og
nýrri jörð. Þessi fullyrðing Péturs
er ósönn með öllu og ekki aðeins
ósönn heldur ódrengileg. Ég bendi
hvað eftir annað í bók minni á end-
urlausnarverk Jesú Krists og síðast
kaflanum nefni ég það að minnsta
kosti fjórum sínnum!
Pétur, þú nefnir að þú varir fólk
ekki við bókinni, enda heyrir það
kaþólskunni til eins og sakrament-
in, að vara við sannleikanum, en
því miður verð ég að draga í efa
að skrif þín séu af heilindum og
vara við þeim. Annaðhvort hefur
þú ekki lesið bók mína eða annarleg
sjónarmið ráða ferðinni.
Það er ekki hægt að leiðrétta
allar rangfærslur þínar til fullnustu
í stúttri blaðagrein, en ég er reiðu-
búinn að mæta þér á opinberum
vettvangi til rökræðna um þessi
mál hvar og hvenær sem er.
Pétur, ég hefði þegið með þökk-
um vel unna gagnrýni á bók mína.
Okkur greinir á um guðfræðilega
túikun spádóma Biblíunnar og á
slíkum grunni hefði ég þegið gagn-
rýni, en skrif þín ná engri átt.
Pétur, þú ert doktor í guðfræði,
ég er predikari og forstöðumaður
trúfélags og það eru að koma jól,
er þetta hægt?
Höfundur er forstöðumaður
Krossins.
Verð kr. 1.580.-
SIEMENS
I
(/)
Litlu roftœkin frá SIEMENS gleðja
augað og eru afbragðs jólagjafir! o r&L
kaffivélar djúpsteikingarpottar vekjaraklukkur iO
hrærivélar hraðsuðukönnur rakatæki ; TTl
brauðristar símtæki handryksugur
vöfflujárn áleggshnífar blástursofnar ir
strokjárn kornkvarnir hitapúðar o.m.fl.
handþeytarar „raclette“-tæki ro cr\ rmn
eggjaseyðar veggklukkur VJJ ÍIWBiTOI 8 Z
Lítiö inn til okkar og skoðið vönduð tœki. n
Munið umboðsmenn okkar víðs vegar um landiö! u
J UUAAKXJr Fiir
hennar
Mikið úrval
Skóverslun Kópavogs
HAMRABORG 3,
SÍMI41754.
GRIKKLAND AR OG SIÐ
Skemmtílegar og fræðandi greinar
um Grikkland og griska menningu.
(jrikkland hefur löngum staðið mönnum fyrir
hugskotssjónum sem táknmynd varanlegra gilda
í lífi og list, þar sem viska og fegurð renna saman
í eitt. I fomöld var þar lagður sá grundvöllur sem
allt menntalíf Vesturlanda - listir og fræði,
heimspeki og vísindi - hefur síðan hvílt á.
Bókin Grikkland ár og síð hefúr að geyma tuttugu
og fimm greinar eftir íslenska samtímamenn,
rithöfunda og fræðimenn á ýmsum sviðum. Þær
varpa ljósi á ólíka þætti grískrar menningar að
fomu og nýju. í bókinni em einnig tveir kaflar með
ljóðaþýðingum úr fomgrísku og nýgrísku.
Höfundar
Sigurður A. Magnússon
Kristján Ámason
Þorsteinn Þorsteinsson
Patricia Kenig Curd
Eyjólfur Kjalar Emilsson
Vilhjálmur Ámason
ÞórJakobsson
Guðmundur Amlaugsson
Þórarinn Guðnason
Sveinn Einarsson
Þorsteinn Gunnarsson
greina em:
Sigurbjöm Einarsson
Hraínhildur Schram
Guðmundur J. Guðmundsson
Jón Sveinbjömsson
Einar Sigurbjömsson
Ragnar Sigurðsson
Friðrik Þórðarson
Magnús A Sigurðsson
Þorkell Sigurbjömsson
Þóra Kristjánsdóttir
Thor Vilhjálmsson
&
HIÐ ÍSLENZKA BÓKMKNNTAFÉIAG .
SÍDUMIÍU 21 • PÓSTHÖLK 8935 • 128 RKYKJAVlK • SlMI 9W79060
1816 St 1991