Morgunblaðið - 23.07.1992, Blaðsíða 23

MORGUNBLAÐIÐ FIMMTUDAGUR- 23. JÚLÍ 1992
23
Ástarævintýri ráðherra vekur upp spurningar í Bretlandi;
Eru úttektir ráðamanna úr
,, Gleðibankanum ‘ ‘ fréttæfni?
Lundúnum. The Daily Telegraph.
MEIRA að segja í Bretlandi koma upp kynlífshneyksli við
og við. Hið nýjasta er það margslungið og hressilegt að það
gæti verið upprunnið í draumasmiðju hvaða slúðurblaðarit-
stjóra sem er. Aðalpersónan er David Mellor, ráðherra „þjóð-
ararfsins“ í bresku ríkisstjórninni. Mellor hefur verið kallað-
ur „gleðimálaráðherrann“ frá því hann tók við embætti, þar
sem ýmis afþreyingarmál falla undir ráðuneyti hans. Það
er því kaldhæðni örlaganna að upp skyldi komast að hann
hefði átt í ástarsambandi við rétt rúmlega þrítuga atvinnu-
lausa leikkonu af spænskum uppruna, Antonia de Sancha.
En það að ráðherrar séu ekki alltaf Guðs bestu börn hefur
svo sem gerst áður. Það sem gerir málið verulega athyglis-
vert er að málefni dagblaða eru á könnu Mellors og að i
kjölfar umfjöllunar um hjónabandserfiðleika í konungsfjöl-
skyldunni stendur til að endurskoða reglur um hversu mik-
il afskipti fjölmiðlar megi hafa af einkalífi fólks. Yfirmaður
þeirrar endurskoðunar, David Mellor, er nú sjálfur í sviðs-
ljósi sorapressunnar.
Fréttir af sambandi Mellors og
de Sancha birtust fyrst í blaðinu
People í kvöldútgáfu þess sl. laug-
ardag. Fyrr í vikunni hafði blaðinu
News of the World boðist fréttin
til kaups en því boði var hafnað
þar sem ritstjórinn taldi að það
gæti haft slæmar afleiðingar að
birta frétt af þessu tagi á sama
tíma og grannt væri fylgst með
umfjöllun fjölmiðla af einkahögum
fólks. Það birti þó sína eigin út-
gáfu af fréttinni á sunnudag þar
sem sagði að „annað sunnudags-
blað“ hefði greint frá málinu og
borgað 40 þúsund pund (um 4
milljónir ÍSK) fyrir.
People hefur ekki viljað gefa
upp heimildir sínar en það hversu
nákvæm frásögnin er þykir benda
til að það hafi undir höndum upp-
tökur af samræðum milli turtil-
dúfnanna tveggja. Bill Hagerty,
ritstjóri People lýsti því hins vegar
yfir á þriðjudag að blaðið hefði
ekki hlerað símtöl milli þeirra né
komið fyrir hlustunartækjum á
stöðum þar sem þau hittust. Ha-
gerty sagðist aldrei hafa hitt de
Sancha og að hún hafí engar
greiðslur fengið fyrir söguna.
Sjálfur neitar Mellor því ekki að
hafa staðið í ástarsambandi við
leikkonuna atvinnulausu og sam-
kvæmt fréttinni í People eyddu
þau síðast saman nótt í íbúð við
Finsbourough Road, Earls Court,
í vesturhluta London, þann 6. júlí.
Hefur People boðað framhalds-
frétt næsta sunnudag sem mun
hafa yfirskriftina „Símtöl síðla
kvölds heim til ráðherrans“.
Óhróður um Ashdown
Siðanéfnd breskra fjölmiðla
kom saman til neyðarfundar í gær
til að ræða skrif um ástarmál ráð-
herrans. Hart mun hafa verið deilt
á fundinum en niðurstaða hans
var sú að nefndin sá ekki ástæðu
til að víta fréttaflutning af mál-
inu. Það væri í samræmi við hags-
muni almennings að fréttir bærust
af atferli stjórnmálamanna sem
kynni hugsanlega að hafa áhrif á
embættisgjörðir þeirra.
Umfjöllun um málið heldur
áfram af fullum krafti. Birtu mörg
blöð í gær myndir af de Sancha
hálfnaktri og Sun hafði eftir
tengdamóður Mellors að honum
væri nær að eyða tíma í að bjarga
hjónabandi sínu en ráðherrastarfí.
í kjölfar vaxandi gagnrýni nkis-
stjórnarinnar á fréttaflutning
slúðurblaðanna skýrði Kelvin Mac-
David Mellor
Kenzie, ritstjóri Sun frá því að
ráðherra í ríkisstjórninni hefði
komið að máli við sig fyrir síðustu
kosningar og viljað láta sér í té
upplýsingar um Paddy Ashdown,
formann Fijálslyndra demókrata.
Ashdown hafði þá þegar viður-
kennt opinberlega að hann hefði
átt nánara samband við við einka-
ritara sinn en nauðsynlegt var
starfsins vegna og hafi téður ráð-
herra haldið því fram að Ashdown
hefði einnig átt í ástarsambandi
við fímm nafngreindar konur til
viðbótar. MacKenzie sagði þessar
staðhæfíngar hafa reynst rangar.
Dagblaðið The Independent sagði
íhaldsmenn hafa ráðgert að fá
upplýsingar um ástarlíf Ashdowns
birtar í þýskum og bandarískum
blöðum, ef þeim hefði þótt stefna
í kosningatap, en með þeim hætti
hefði verið hægt að komast hjá
hinni ströngu bresku meiðyrða-
löggjöf.
Þessar fullyrðingar koma sér
mjög illa fyrir íhaldsflokkinn og
lét aðalskrifstofa flokksins þegar
í stað fara fram rannsókn á mál-
inu. Að henni lokinni og eftir að
allir ráðherrar höfðu verið yfir-
heyrðir var gefín út yfirlýsing
þess efnis að ekkert væri hæft í
því að nokkur ráðherra hefði boð-
ið upplýsingar um Ashdown. Sun
gaf sig þó ekki. „Við höfum sagt
sannleikann. Heimildarmaður
okkar lýgur. Hann veit það. Og
hann veit að við vitum af því,“
sagði blaðið og birti myndir af
hveijum einasta ráðherra samtím-
is og það bauð lesendum sínum
að taka þátt í keppni er fælist í
því að geta til um hvaða ráðherra
hefði verið að verki. Var veðreiðaf-
réttaritari blaðsins fenginn til
ákveða vinningshlutföllinn.
Ofsótt af soranum
Önnur bresk blöð kvörtuðu yfír
því sem þau kölluðu „hræsni"
Mellors. Þannig sagði The Daily
Star. „Hr. Mellor ræðst á okkur
fyrir að valda konu hans og böm-
um hugarangri. Ástarævintýri
hans með Antonia de Sancha átti
þar greinilega enga sök.“ De Sanc-
ha sjálf fór í felur er málið komst
í hámæli og það var ekki fyrr enn
á þriðjudag að hún gaf út yfirlýs-
ingu í gegnum umboðsmann sinn.
„Fólk sem ég eitt sinn taldi vini
mína og mesti sori sorapressunnar
hefur tekist að ofsækja mig á
þann máta að mér líður sem dýri
í búri. Ég hef aldrei rætt við neinn
fulltrúa fjölmiðla og hef ekki feng-
ið greiðslur af neinu tagi,“ sagði
hún.
Enn er ekki ljóst hvaða áhrif
þetta mál munu hafa á stöðu
Mellors og reglur um fjölmiðla.
Gleðimálaráðherrann bauðst til að
segja af sér en þeirri beiðni var
hafnað af John Major forsætisráð-
herra. Margir telja þó að erfítt
kunni að reynast fyrir Mellor að
vera áfram í forsvari fyrir þeirri
vinnu varðandi siðareglurnar sem
hann setti í gang fyrir nokkm þar
sem hann geti ekki lengur talist
óháður aðili. Fram að þessu hafa
fjölmiðlar sjálfir sett sér reglur
um umfjöllun um einkalíf fólks og
séð til þess að þeim sé fylgt.
Tap vegna
hrefnuveiða
TVÖ norsk fyrirtæki skýrðu frá því
í gær að þau væm farin af missa
af viðskiptum vegna ákvörðunar um
hrefnuveiðar í atvinnuskyni á næsta
ári. „Við misstum af samningi í
Bandarikjunum fyrir fjárhæð sem
nemur um 50 milljónum dollara
(2.800 milljónum ÍSK) vegna hvala-
málsins," sagði Paal Berger, tals-
maður físksölufyrirtækisins Frionor.
„Bandarísk skyndibitafýrirtæki vilja
ekki taka neina áhættu. Viðskipta-
vinimir ráða,“ sagði Berger. Annað
fyrirtæki, Oso Hot Water, er fram-
leiðir hitunarbúnað, segist einnig
fínna fyrir áhrifum hvaladeilunnar.
Ævintýrum
Andersens stolið
ÞJÓFAR brutust inn í Hans Christian
Andersen safnið í Óðinsvéum í fyrra-
kvöld og höfðu á brott með sér hand-
rit og gripi úr eigu skáldsins. Hand-
rit Andersens að Litlu hafmeyjunni
og Nýju fötum keisarans em meðal
þess sem stolið var. Þjófamir bmtu
upp glerskápa í safninu og tóku
meðal annárs ómetanleg ævintýri
Andersens, tvær blokkir með teikn-
ingum hans, ljóðið Deyjandi bam og
þurrkað blóm úr Ítalíuferð skáldins
árið 1833. Verðmæti þýfisins er talið
nálægt 39 milljónum ÍSK og talið
líklegt að reynt verði að koma því í
verð í Bandaríkjunum eða Japan.
Tollstöðvum
Rússa mótmælt
RÚSSAR hafa sett upp fjórar toll-
gæslustöðvar á landamæmm Rúss-
lands og Eistlands. Opinber frétta-
stofa Eistlands, ETA, fordæmdi
þetta í gær og sagði að Rússar ætl-
uðu að festa landamæri sem þeir
hefðu sjálfír ákveðið árið 1945 í sessi
með hervaldi. í stjómarskrá Eist-
lands segir að landamæri ríkisins
hafí verið ákveðin með samningi við
Rússland árið 1920, sem þýddi að
svæði sem nú em í nágrenni Péturs-
borgar og tilheyra Rússlandi myndu
falla undir stjóm Eistlendinga. Rúss-
neska þingið hefur mótmælt „óhóf-
legum landakröfum" Eistlendinga og
deilumar um landamæri em hluti af
ástæðunni fyrir því að þingið sam-
þykkti viðskiptaþvinganir gegn Eist-
landi í síðustu viku. Stjóm Eistlands
hefur fordæmt atvik þegar 30 eist-
neskir menn veittu rússneskum heij-
eppa fyrirsát og héldu hermönnum
föngnum í nokkrar klukkustundir.
12/220 VOLTA SJÓNVARPSTÆKIN FRÁ HEIMILISTÆKJUM
Núna á sérstöku tilboðsverði
FLAKKARINN
Tilvalið tæki á skrifstofuna,
í bílinn, bátinn, gott sem „monitor" fyrir
myndbandsupptökuvélina og tölvuleikina.
• 13 cm hágæða litaskjár „Monitor" • Innbyggt AM/FM
sterio útvarp og segulband • Stafræn klukka með vekjara
• 220 volt eða rafhlöður 12 volt • 12 volta bílasnúra fylgir.
• TYP-002 SUPERTECH • 10 tommu hágæða litaskjár
• leitari með minni • Fullkomið afspilunartæki • „lnfra-rauð“
fjarstýring • Allar aðgerðir sjást á skjánum
• Stærð B270 H:310 D:310 mm.
'Totimvmoi

FRABÆRI FERÐAFELAGINN
Hágæða 10 tommu litaskjár, myndband
(afspilun) og fullkomin fjarstýring. 12/220 V.
14 SJÓNVARP MEÐ FJARSTÝRINGU
Innbyggður spennubreytir (12 og 220 volt).
Sjálfslökkvandi stillir (sleep timer).
Allar aðgerðir sjást á skjánum.
AV. tenging.
Heimilistæki hf
SÆTÚNI8 SÍMI691515 ■ KRINGLUNNISÍMI6915 20