Morgunblaðið - 23.07.1992, Blaðsíða 42

42
MORGUNBLAÐIÐ FIMMTUDAGUR 23. JÚLÍ 1992
watmnn
Það er svo einfalt að búa til
kjarnorkusprengjur að
hvert 12 ára barn getur það
bara ef... segja vísindamenn
í Japan.
HÖGNI HREKKVÍSI
„Olcfc/t/z V/NSELA PfZ.-ZA.-EMN
BULLANDt HE/T. "
BRÉF HL BLAÐSINS
Aðalstræti 6 101 Reykjavík - Sími 691100 - Símbréf 691222
MALÞING
Réttasta leiðin
Frá Rafni Geirdal:
Við íslendingar höfum þurft að
lifa í gegnum súrt og sætt frá
landnámi. Fyrstu árhundruðin lifð-
um við í blóma landnámsins og
uppbyggingu á sjálfstæðri þjóð.
Með lífláti Snorra Sturlusonar 23.
september 1241 hófst niðurlæg-
ingarstig þjóðarinnar. Þessi niður-
læging varði þar til Skúli fógeti
lagði fram viðreisnartillögur sínar
sumarið 1751, sem leiddu til stofn-
unar innréttinganna, stofnunar
landlæknisembættis árið 1760,
stofnun Reykjavíkurbæjar árið
' 1786 og sjálfstæðis verslunarinnar
nokkrum áratugum síðar. Við tók
Jón Sigurðsson næstu öldina á
eftir, sem leiddi síðan til heima-
stjórnar 1904, fullveldis 1918 og
sjálfstæðis 17. júní 1944.
Frá þeim tíma höfum við íslend-
igar verið á hraðri uppleið, með
stórkostlegri uppbyggingu á öllum
sviðum. Höfuðborgin hefur risið,
með sinni glæstu Perslu og nýju
ráðhúsi. Allir hafa meira en nóg
í sig á á. Við höfum méira en nóg
af fersku vatni, heitu vatni, land-
svæði, húsnæði, vörum og nýtísku-
legum tæknibúnaði. Þjóðin hefur
þannig náð mjög háu risi á mjög
skömmum tíma.
Við megum ekki gleyma hvað
við höfum mikið, sem okkar
forfeður höfðu ekki í margar ald-
ir, og margar þjóðir heims hafa
alls ekki. Okkur hættir til van-
þakklætis fyrir það sem við höfum,
og með því skapast sú hætta að
við ásælumst það sem við erum
ekki tilbúin að fá. EES-samning-
urinn er skýrt dæmi um það. Með
því að sækjast eftir honum of stíft,
getum við skapað hættu á að missa
sjálfstæði okkar, erlendir gestir
flæða yfir land okkar, erlend stór-
fyrirtæki yfirtaka markaðinn.
Fram geta komið glufur í lögum,
í gríni sagt „grein 16006 á blaðs-
íðu 7002“ sem okkur yfirsást, en
er túlkað á nýjan hátt af evrópsk-
um dómstólum. Skyndilega eiga
útlendingar landið og við erum
þrælar þeirra; „enginn veit hvað
átt hefur, fyrr en misst hefur“.
Mun hyggilegra er að verja sér-
stöðu okkar, vera hlutlaust land
sem á sig sjálft, með meira en nóg
fyrir sig og sína. Áherslan er lögð
á ræktun, bæði sjálfs sín og um-
hverfisins. Fallegt fólk í fallegu
landi. Síðan er erlendum gestum
boðið innfyrir landsteinana til að
njóta þess að ferðast um í frið-
sælu landi og njóta friðar í óspilltu
hálendinu, snæða ferskan fisk og
fjallalamb.
Jafnframt má þróa heilsurækt-
arstöðvar þar sem erlendir gestir
koma og njóta þjónustu fagfólks
heilbrigðisstétta til að efla heilsu
sína. Auka má ráðstefnuhald sem
getur tvinnast saman við heilsu-
dvöl og ferðalög. Ráðstefnumar
geta snert á málefnum friðar á
jörðu, bættra samskipta þjóða,
umhverfísvemdar, vistvænnar
starfsemi, þróunaraðstoðar,
heilsuræktar og andlegrar ræktar.
Litið getur verið til Islands sem
fordæmis í því besta sem hægt
er að skapa fyrir móður jörð, sem
þarfnast vemdar á viðkvæmum
lífheimi sínum, hreint og beint til
þess að við sem mannkyn getum
lifað á þessari jörð.
Veljum þessa leið.
RAFN GEIRDAL skólastjóri,
Smiðshöfða 10, Reykjavík
LÆÐU SAKNAÐ
Þetta er Tanja sem hvarf frá Sel-
vogsgrunni 18 sl. laugardag. Hún
er svört með hvítan blett á hálsin-
um og var með gula ól þegar hún
sást síðast.
Ef einhver hefur séð hana eða
veit hvar hún er niðurkomin þá
hafi hann samband við Jönu eða
Skorra í síma 37777 eða 686322.
Víkveiji skrifar
Víkverji hefur búið í Reykjavík
í meira en 30 ár og allan
þann tíma haft Viðey fyrir augun-
um daglega. Engu að síður hafði
hann aldrei komið því í verk að
heimsækja Viðey. Ekki var um að
kenna áhugaleysi heldur miklu
fremur framtaksleysi.
Það var svo sl. laugardagskvöld
að Víkveiji lét verða af því að
bregða sér yfir sundið. Erindið var
fyrst og fremst að snæða kvöldverð
í góðra vina hópi í Viðeyjarstofu.
En auðvitað var tækifærið notað
og nánasta umhverfi þessa sögu-
fræga staðar skoðað. Veður var
mjög gott, logn og hiti en sólar-
laust. Rignt hafði um daginn og
litir því*skarpir.
Víkveiji varð djúpt snortinn af
Viðey eins og nærri má geta. Sér-
hver íslendingur hlýtur að komast
í sérstakt hugarástand þegar hann
stendur á hlaði Viðeyjarstofu og
hugsar um þá miklu sögu sem þessi
grösuga eyja hefur að geyma. Vík-
veiji hét sjálfum sér því að koma
fljótt aftur og ætla sér þá meiri tíma
til skoðUnar.
Og ef einhveijir Reykvíkingar
standa í sömu sporum og Víkveiji
er ástæða til að hvetja þá til þess
að drífa sig út í Viðey. Ferðin tekur
skamma stund undir lipri stjórn
Hafsteins Sveinssonar og kostar
ekki nema 350 krónur fyrir full-
orðna fram og til baka. Þá er óhætt
að mæla með veitingahúsinu í Við-
eyjarstofu ef menn vilja gera sér
dagamun.
xxx
að hefur áður komið fram í
þessum dálkum að Víkveiji
er aðdáandi Perlunnar á Öskjuhlíð.
Enda mannvirkið stórglæsilegt og
vinnur á við hveija heimsókn. Á
fögrum sumarkvöldum er útsýnið
stórbrotið af svölum Perlunnar, sér-
staklega þegar horft er yfir Faxa-
flóa út á Snæfellsnes.
Víkveija fannst því bera vel í
veiði sl. þriðjudagskvöld er hann
fékk tækifæri til að bjóða gestum
sínum utan af landi í Perluna til
að skoða mannvirkið og njóta út-
sýnisins. Ákveðið var að fara um
tíuleytið um kvöldið, þegar kvöld-
sólin er hvað fegurst. En viti menn.
Þegar komið var á staðinn var búið
að strengja borða fyrir stigann og
vörður meinaði fólki að nota lyft-
urnar. Það var nefnilega lokað
klukkan tíu! Urðu gestimir frá að
hverfa. Víkveija finnst fráleitt að
geta ekki komist í Perluna til klukk-
an hálftólf á kvöldin, yfir hásumar-
ið, og trúir hreinlega ekki öðru en
að Hitaveitan breyti þessu í framtíð-
inni.
xxx
að er ákaflega hvimleitt fyrir
sjónvarpsáhorfendur þegar
Ríkissjónvarpið og Stöð 2 eru til
skiptis að hækka hljóðstyrkinn í
útsendingum sínum. Til skamms
tíma var RÚV með mun hærri hljóð-
styrk en Stöð 2. Síðan hækkaði
Stöð 2 hjá sér og nú er RÚV aftur
búið að hækka. Og afleiðingarnar
eru þær að hinn almenni sjónvarps-
notandi þarf að hækka og lækka
hljóðið þegar hann skiptir milli
stöðvanna. Þetta hlýtur að vera
sérstaklega bagalegt fyrir þá sem
ekki hafa fjarstýringu. Geta RÚV
og Stöð 2 ekki haft sama hljóðstyrk-
inn? Hveiju svara stöðvarnar?