Morgunblaðið - 15.10.1994, Blaðsíða 10

10 LAUGARDAGUR 15. OKTÓBER 1994
MORGUNBLAÐIÐ
AKUREYRI
Akureyrarbær dæmdur í Hæstarétti til
að greiða skaðabætur vegna vatnstjóns
Morgunblaðið/Rúnar Þór
Húsasmiðir og málarar ljúka sveinsprófi
HÚSASMIÐIR og málarar
fengu afhent sveinsprófsskír-
teini sín við hátíðlega athöfn á
Fiðlaranum í Alþýðuhúsinu á
Akureyri í gær. Alls luku þrett-
án prófi í þessum iðngreinum
og er þetta í fyrsta sinn sem
málarar fá prófskírteini sín af-
hent með þessum hætti, en til
nokkurra ára hafa smiðir verið
útskrifaðir við athöfn á Fiðlar-
anum. Á myndinni eru frá
vinstri Jóhann Þorsteinsson,
Knútur Jónasson, Einar Jóns-
son, Sigurður G. Guðbrandsson
og Áðalsteinn Haraldsson hús-
amiðir, en þá koma málararnir
Hjördís Jónsdóttir, Gunnar Há-
konarson, Stefán Sigurðsson,
Jón Bragi Skírnisson og Sævar
Helgason.
Sinfóníu-
hljómsveit á
faraldsfæti
SINFÓNÍUHUÓMSVEIT Norður-
lands mun í vetur halda þrenna
tónleika utan Akureyrar „og ætlar
þannig að reyna að standa undir
nafni sem sinfóníuhljómsveit allra
Norðlendinga, eins og Þórgnýr
Dýrfjörð framkvæmdastjóri hljóm-
sveitarinnar orðaði það.
Fyrsta ferðin verður farin til
Húsavíkur annan laugardag, 22.
október, með sinfóníettutónleika
þar sem flutt verður aðgengileg
efnisskrá frá fyrri hluta 20. aldar,
þjóðlög frá ýmsum löndum. Þá er
fyrirhugað að heimsækja Húnvetn-
inga heim í upphafi aðventunnar
og flytja þeim hátíðlega barrokk-
tónlist, en tónleikarnir verða haldn-
ir á Hvammstanga. *
Þrír gefa
kost á sér í
fjórða sætið
KJÖRDÆMISRÁÐ Sjálfstæðis-
flokksins á Norðurlandi eystra
kemur saman til fundar á morgun,
sunnudag, á Húsavík en á fundin-
um er fyrirhugað að ganga frá
framboðslista flokksins í kjördæm-
inu fyrir Alþingiskosningarnar í
vor.
Ætlunin er að kjördæmisráðið,
aðal- og varamenn alls um 130
manns, kjósi sérstaklega í sex efstu
sæti listans, en kjörnefnd mun gera
tillögu um önnur sæti sem kjör-
dæmisráðið tekur síðan afstöðu til.
Samkvæmt heimildum Morgun-
blaðsins gefur Halldór Blöndal
samgöngu- og landbúnaðarráð-
herra einn kost á sér í fyrsta sætið
og sömuleiðis Tómas Ingi Olrich
alþingismaður sem einn er í fram-
boði í annað sæti. Svanhildur Árna-
dóttir bæjarfulltrúi á Dalvík gefur
ein kost á sér í þriðja sætið en
þrír frambjóðendur eru um fjórða
sætið, þau Halldóra Bjarnadóttir,
Eyjafirði, Gunnlaugur Jón Magnús-
son, Ólafsfirði, og Jón Helgi Björns-
son, Suður-Þingeyjarsýslu. Aðrir
munu ekki hafa tilkynnt formlega
um framboð samkvæmt heimildum
Morgunblaðsins.
Eyfirska
fréttablaðið
komið út
NÝTT blað, Eyfírska fréttablaðið,
kom út á Dalvík í fyrsta sinn í
gær. Útgefandi er Eyfirska útgáfu-
félagið hf. en ritstjóri og ábyrgðar-
maður er Þröstur Haraldsson. í
leiðara blaðsins segir að markaðs-
svæði blaðsins sé Hrísey, Árskógs-
strönd, Svarfaðardalur og Dalvík.
Fram kemur að því sé stundum
borið við að fólk vilji ekki lengur
kaupa blöð, það sé búið að venja
það á að fá þau ókeypis og er vís-
að til svokallaðra auglýsingapésa
með gjónvarpsdagskrá í því aam:
bandi. Teikn séu hins vegar á lofti
um að fólk sé orðið óánægt með
slíka pésa og vilji blöð sem gagnist
því á einhvern hátt. „Það er hluti
af því að búa í lýðræðisþjóðfélagi
að hafa aðgang að þeim fréttum
og upplýsingum sem maður þarf
til að geta lifað lífinu. Til þess eru
blöð og aðrir íjölmiðlar. Þeir hafa
einnig þann tilgang að veita fólki
nokkra afþreygingu og jafnvel
skemmtan. Vonandi tekst Eyfirska
fréttablaðinu að standa undir því
að vera slíkt blað,“ segir Þröstur
Haraldsson ritstjóri í leiðara fyrsta
blaðsins.
Slippstöðin-Oddi
Guðmundur
Thulinius ráð-
inn forstjóri
GUÐMUNDUR Thulinius skipa-
verkfræðingur hefur verið ráðinn
forstjóri Slippstöðvarinnar-Odda
frá og með 1. október síðastliðnum.
Hann var ráðinn úr hópi umsækj-
enda eftir að staðan hafði verið
auglýst laus til umsóknar í ágúst.
Alls sóttu 18 um stöðuna, en fyrir
stuttu dró einn þeirra umsókn sína
til baka. Guðmundur hefur til
skamms tíma gegnt störfum for-
stjóra félagsins.
Um 35 milljónir
í bætur til íbúa
við Grenilund
HÆSTIRÉTTUR hefur staðfest
dóm Héraðsdóms Norðurlands
eystra þess efnis að Akureyrarbæ
er gert að greiða íbúa við Greni-
lund bætur vegna vatnstjóns sem
varð í íbúð hans í maí árið 1990.
Dómurinn hefur fordæmisgildi
varðandi aðra íbúa sem einnig urðu
fyrir tjóni í íbúðum sínum. Gera
má ráð fyrir að Akureyrarbær þurfi
þannig að greiða um 35 milljónir
króna í skaðabætur til íbúanna.
Dómi Héraðsdóms var áfrýjað til
Hæstaréttar og sýknu krafist.
Mikið fannfergi var á Akureyri
fyrstu mánuði ársins 1990 en um
mánaðamótin apríl/maí gerði asa-
hláku. Mikll snjóbingur var syðst
í götunni, sem starfsmenn bæjar-
ins höfðu-mokað þangað, en hand-
an hans hafði myndast uppistöðu-
lón. Þegar rás var rofin í snjóbing-
inn flæddi vatnið niður eftir göt-
unni og að húsunum við Grenilund
með þeim afleiðingum að vatn
flæddi inn í kjallara þeirra og olli
umtalsverðum skemmdum. Tjón
var metið á um 17 milljónir króna
í 10 íbúðum við götuna og einni
við Heiðarlund.
Þeir eigendur sem urðu fyrir
tjóni og fengu það ekki bætt hjá
tryggingafélögum höfðuðu mál á
hendur Akureyrarbæ, en þeir töldu
starfsmenn bæjarins hafa sýnt
gáleysi þegar þeir hleyptú vatninu
úr uppistöðulóninu niður eftir göt-
unni.
Aðgerða var þörf
Fram kemur í dómi Hæstaréttar
að flóð hafi áður orðið á þessu
svæði og hættuástand skapast í
hláku og hefðu starfsmenn því
þurft að bregðast við slíku með
því að veita leysingarvatni framhjá
lagnakerfinu og gæta að því að
stífla kæmist ekki í inntakið. „Við
þær aðstæður sem hér reyndi á
þurfti að gera sérstakar ráðstafan-
ir varðandi öryggi byggðarinnar.
Áfrýjandi hafði látið ýta upp stór-
um snjóskafli við enda götunnar
og ekki séð um að fjarlæga hann
áður en hlána fór. Snemma morg-
uns 2. maí átti ekki að dyljast
starfsmönnum áfrýjanda að upp
var komin hættuleg staða og að-
gerða þörf, þar sem frárennslis-
kerfið hafði ekki undan. Engu að
síður var ekkert gert fyrr en langt
var liðið á daginn,“ segir í dómi
Hæstaréttar og því sé, þegar allt
sé virt, að áfrýjandi, Akureyrar-
bær beri áhættuna af því tjóni sem
stefndi varð fyrir.
01 Q7fl LARUS Þ- VALDIMARSS0N, framkvæmdastjori
L I I vJ\J‘L I 0 / V KRISTJAN KRISTJANSSON. loggiltur fasteignasali
Til sýnis og sölu meðál annarra eigna:
Skammt frá Menntaskólanum við Sund
Gott steinhús, ein hæð, um 165 fm. 5 svefnherb. m.m. Bílskúr 23,3
fm. Glæsileg lóð. Eignaskipti mögul.
Góð eign - gott verð - hagkvæm skipti
Nýendurbyggt og stækkað steinhús, ein hæð, 129,5 fm auk bílskúrs
36 fm. Ræktuð lóð. Á vinsælum stað í Hafnarfirði. Skipti æskileg á
litlu sérbýli í Austurbænum í Kópavogi.
Suðuríbúð - frábær kjör
Glæsileg 3ja herb. íb. á 2. hæð við Súluhóla. Öll eins og ný. Ágæt
sameign. Mikið útsýni. 40 ára húsnlán kr. 3,3 millj. Útborgun má
greiða á fjórum árum.
Góðar íbúðir við Hraunbæ
3ja og 4ra herb. íbúðir á sanngjörnu verði. 4ra herb. íbúðin er með
miklu útsýni og bílskúr. 3ja herb. íbúðin er rúmg. og sameign eins og
ný. Vinsamlegast leitið nánari uppl.
Á söluskrá óskast:
5-6 herb. hæðir í Hlíðum eða nágrenni.
Raðhús á einni hæð í Fossvogi, lítið einbýlishús kemur til greina.
5-6 herb. íb. við Hraunbæ eða Selás.
Góð sérhæð, Melar, Hagareða nágrenni. Ris og/eða kjallari má fylgja.
Eignir í gamla bænum af ýmsumi stærðum. Mega þarfnast endurbóta.
• • •
Opið f dag kl. 11 -13.
Margskonar eignaskipti.
Aimenna fasteignasalan sf.
varstofnuð 12. júlí 1944.
AtMENNA
FASTEIGNASAUW
LAUGwÉGM?S?MAR,2ÍlÍ5fiU2Í37Ö
Messur
■ AKUREYRARKIRKJA:
Sunnudagaskólinn kl. 11 í
safnaðarheimilinu. Messað
verður í Akureyrarkirkju kl.
14.00 á sunnudag. Altaris-
ganga. Fundur verður í æsku-
lýðsfélaginu kl. 17.00 á sunnu-
dag. Biblíulestur í safnaðar-
heimili (litla salnum) mánudag-
inn 17. október kl. 20.30.
■ GLERÁRKIRKJA: Barna-
samkoma kl. 11 á morgun.
Guðsþjónusta kl. 14.00, séra
Bragi Skúlason sjúkrahús-
prestur predikar. Fundur
æskulýðsfélagsins kl. 18.00.
■ HVITASUNNUKIRKJAN:
Samkoma í umsjá ungs fólks
í kvöld kl. 20.30. Vakningar-
samkoma á morgun, sunnu-
dag kl. 15.30. Biblíulestur kl.
20. á miðvikudag, Kristileg
krakkasamtök Hvítasunnu-
kirkjunnar kl. 17.15 á föstu-
dag og kl. 20.30 sama daga
er bænasamkoma.
Afmælissýn-
ing feðga
MIKIL aðsókn hefur verið að sýn-
ingu feðganna, Kristinn G. Jó-
hannssonar og Gunnars Kristins-
sonar í Listhúsinu Þingi en nú um
helgina eru síðustu forvöð að sjá
sýninguna því henni lýkur á
sunnudag, opið er frá kl. 14 til 19.
Gunnar, sem er við nám í ljós-
myndun í Þýskalandi sýnir nú í
fyrsta sinn ljósmyndir sínar en
Kristinn málverk og er sýningin
sett upp í tilefni þess að uni þess-
ar mundir eru liðin fjörutíu ár frá
því hann hélt sína fyrstu sýningu.
Afmœlishátið Sandara
Sandarar! Munið afmælishátíðina (40 ára)
í félagsheimili Seltjarnarness
laugardaginn 22. október.
Heiðursgestir: Sæmundur Kristjánsson og Auður Grímsdóttir.
Miðapantanir eru hjá Pálma, hs. 157Í00, vs. 687768, Bárði, hs. 657144,
vs. 25099 og Auðbjörgu, hs. 814808.
SANDARAR STÖNDUM SAMAN