Morgunblaðið - 15.10.1994, Blaðsíða 39

MORGUNBLAÐIÐ
LAUGARDAGUR 15. OKTÓBER 1994 39
______________________________FRETTIR_____________________________
Elfa Björk Gunnarsdóttir, framkvæmdastjóri Ríkisútvarpsins - hljóðvarps
Illuga sagt upp vegna
brots á reglum RUV
ELFA Björk Gunnarsdóttir, fram-
kvæmdastjóri Útvarpsins, segist
hafa lagt til við Sigurð G. Tómas-
son, dagskrárstjóra Rásar tvö, að
Illugi Jökulsson hætti pistlagerð að
sinni vegna þessa að hann hefði
gerst brotlegur við starfsreglur Rík-
isútvarpsins. Hún segir það hafi
hins vegar verið ákvörðun Sigurðar
að láta Hannes Hólmstein Gissurar-
son hætta. Halldóra J. Rafnar, for-
maður útvarpsráðs, segist vera
þeirrar skoðunar að dagskrárstjóri
Rásar tvö hafi staðið óheppilega
að uppsögnunum.
Elfa Björk sagði að það væri í
samræmi við hlutverk sitt sem
framkvæmdastjóri Útvarpsins að
sjá til þess að starfsreglum Ríkisút-
varpsins væri fylgt. Ulugi hefði
brotið þessar reglur þegar hann tók
í pistli sinum tveimur dögum fyrir
kosningar í vor mjög eindregna
afstöðu með öðrum framboðslistan-
um í Reykjavík. Hún sagðist hafa
rætt um það við Sigurð G. Tómas-
son að varhugavert væri að hafa
pistlahöfund við útvarpið sem ekki
virti þessar reglur. Um þetta atriði
hefði Sigurður verið sér sammála.
Útvarpsstjóri skrifaði dagskrár-
stjóra Rásar tvö bréf 1. júní í vor
þar sem hann er áminntur um að
koma í veg fyrir að Illugi bijóti
starfsreglur Utvarpsins. Afrit af
bréfinu var sent Uluga Jökulssyni.
Áður hafði útvarpsráð samþykkt
ályktun þar sem harmað var að 111-
ugi skyldi gangá á svig við starfs-
reglur Útvarpsins.
Elfa Björk sagði að þó að pistlar
Hannesar væru umdeildir hefði
hann aldrei verið áminntur með
sama hætti og Illugi. Hún sagðist
því ekki hafa óskað eftir því að
hann hætti sem pistlahöfundur.
Ákvörðun um að hann hætti hefði
Sigurður G. Tómasson tekið.
Halldóra sagðist ekki vera fylli-
lega sátt við yfirlýsingar Sigurðar
um að rétt sé að þoka pólitík út
úr pistlum á Rás tvö. Hún sagðist
gera ráð fyrir að útvarpsráð leitaði
eftir skýringum Sigurðar á þessari
stefnu hans, en Sigurður mætti
ekki á fund ráðsins í gær vegna
veikinda.
Illugi á Bylgjuna?
Morgunblaðið hefur heimildir
fyrir því að Bylgjan hafi boðið 111-
uga Jökulssyni að flytja pistla. 111-
ugi vildi ekki staðfesta þetta í sam-
tali við Morgunblaðið; sagði einung-
is að margir hefðu haft samband
við sig. Hannes Hólmsteinn bytjaði
hins vegar fyrir nokkrum dögum
að flytja pistla á Stöð tvö.
„Það er mjög slæm staða ef það
er orðið þannig að það er pláss fyr-
ir allar skoðanir uppi á Krókhálsi
[hjá Islenska útvarpsfélaginu], en
ekki hér í Efstaleitinu [hjá Ríkisút-
varpinu]. Ég harma það.
Það er alltaf ástæða til að ræða
um stjómmál í Ríkisútvarpinu og í
öðrum fjölmiðlum. Miðlamar eiga
auðvitað að endurspegla þjóðfélagið
sem við erum í. Þess vegna er það
eins og hvert annað grín þegar
menn komast að þeirri niðurstöðu
þegar dregur að kosningum og
umfjöllun um pólitík í þjóðfélaginu
eykst, að rétt sé að breyta vemleik-
anum eins og hann birtist í Ríkisút-
varpinu og draga úr umíjöllun um
pólitík í Ríkisútvarpinu,“ sagði Val-
þór Hlöðversson, sem sæti á í út-
varpsráði fyrir Álþýðubandalagið.
„Ríkisútvarpið verður að gera
ákveðnar kröfur til sinna starfs-
manna. Telji yfirmenn að þeir upp-
fylli ekki þær kröfur verða þeir að
víkja,“ sagði Halldóra. Hún tók
jafnframt fram að hún sæi eftir 111-
uga.
Starfsmenn vilja fá Hannes
aftur
Starfsmenn Útvarpsins komu
saman til fundar í gær og sam-
þykktu eftirfarandi ályktun:
„Vinnustaðafundur á vegum
starfsmannasamtaka Ríkisútvarps-
ins, haldinn 14. október 1994, mót-
mælir harðlega fyrirvaralausum
brottrekstri Hannesar Hólmsteins
Gissurarsonar sem pistlahöfundar á
Rás 2, og krefst þess að hann verði
þegar í stað endurráðinn. Fundurinn
telur skýringar yfirstjómar Ríkisút-
varpsins á ástæðum fyrir brott-
rekstri hans og Illuga Jökulssonar
rökleysu eina. Við ítrekum að það
samræmist hvorki leikreglum lýð-
ræðisríkis né hlutverki Ríkisútvarps-
ins að segja ákveðnum einstakling-
um upp störfum til að koma í veg
fyrir að skoðanir þeirra heyrist."
Skiptar skoðanir í útvarpsráði
í útvarpsráði í gær komu mál
Hannesar og Illuga til umfjöllunar.
Eftirfarandi bókanir voru gerðar:
„Við, undirritaðir útvarpsráðs-
menn, teljum með öllu óveijandi að
yfirmenn Útvarps skuli taka sér það
vald að ekki megi hafa skoðanir á
öldum ljósvakans. Þarf að leita ára-
tugi aftur í tímann til að fmna hlið-
stæðu fyrir slíku ráðslagi og furðu-
legt að þeir skuli finna sig knúna
til að grípa til þeirra örþrifaráða
að segja upp pistlahöfundum sem
hafa lýst skeleggum skoðunum sín-
um á mönnum og málefnum.
Fjölmiðlar gegna lykilhlutverki
við mótun umræðu og allrar
skoðanamyndunar í þjóðfélaginu.
Til að auka hlustun og efla umræðu
hefur stofnunin um árabil kallað til
starfa pistlahöfunda með ólíkar
skoðanir og þar með lagt á það
áherslu að öll meginviðhorf fái að
koma fram. Nú virðist sem sú tíð
sé á enda — að minnsta kosti um
stundarsakir.
Pistlahöfundar eru ágætir full-
trúár ólíkra viðhorfa á bylgjulengd-
um Ríkisútvarpsins. Þeir eru gjam-
an í fámennum hópi manna sem
hafa þróað með sér knappan gagn-
rýnisstíl og tekið það hlutverk að
sér að skoða og skilgreina málefni
líðandi stundar. Pistlahöfundarnir
hafa verið umdeildir sem sannar
betur en flest annað að þeir hafa
verið starfi sínu vaxnir.
Við mótmælum harðlega upp-
sögnum á starfssamningum Hann-
esar Hólmsteins Gissurarsonar og
Illuga Jökulssonar. Þau vinnubrögð
hljóta áfram að kalla á hörð við-
brögð þeirra sem unna tjáningar-
frelsi og vilja veg Ríkisútvarpsins
sem mestan. Við óttumst að þetta
mál skaði stofnunina varanlega og
verði til þess að auka veg miðju-
moðs og meðalmennsku í dag-
skránni.
Við krefjumst þess að títtnefndir
pistlahöfundar verði boðnir til
starfa á ný og mótmælum því um
leið að grundvallarbreyting hafi
verið gerð á dagskrástefnunni án
samráðs við þá sem á henni bera
ábyrgð, þ.e. útvarpsráð."
Undir þetta rita Valþór Hlöðvers-
son, Ásta Ragnheiður Jóhannes-
dóttir og Kristín A. Árnadóttir.
Gera ekki athugasemdir
Halldóra J. Rafnar, Hjálmar
Jónsson, Davíð Stefánsson og Guðni
Guðmundsson bókuðu á móti:
„Samkvæmt lögum og reglu-
gerðum er það ekki hlutverk Út-
varpsráðs að fjalla um starfs-
mannamál nema að því leyti að í
21. grein útvarpslaga er gert ráð
fyrir tillögum þess þegar ráðið er
starfsfólk dagskrár.
Á undanfömum árum hefur þeirri
skoðun vaxið fylgi innan Útvarps-
ráðs að yfirmenn innan stofnunar-
innar ráði sjálfír sína starfsmenn án
afskipta ráðsins. í ljósi þessa og
skýringa framkvæmdastjóra Út-
varpsins og útvarpsstjóra gerum við
ekki athugasemdir við ákvarðanir í
máli Illuga Jökulssonar."
í framhaldi af þessu bókuðu
Valþór, Ásta Ragnheiður og Krist-
ín: „Við undirrituð ítrekum að við
lítum ekki á þetta mál sem starfs-
mannamál. Heldur er hér um
grundvallarbreytingar á dagskrár-
stefnu Ríkisútvarpsins að ræða.“
Einnig má geta þess að Rithöf-
undasamband Islands samþykkti á
stjórnarfundi í gær ályktun þar sem
uppsögnunum er harðlega mótmæit
og þær kallaðar atlaga að tjáning-
arfrelsi rithöfunda. Stjórn Blaða-
mannafélags íslands mótmælti
einnig uppsögnunum harðlega og í
ályktun kemur fram að þær ástæð-
ur sem gefnar séu fyrir uppsögnun-
um sýni „best að þessi ríkisfjölmið-
ill gerir ekki greinarmun á hlutlaus-
um fréttum og almennri umræðu
annars vegar og persónulegri um-
fjöllun einstakra pistlahöfunda, sem
sérstaklega hafa verið ráðnir til að
segja hlustendum álit sitt á mönn-
um og málefnum.“ Þá er einnig
vakin athygli á því algera réttleysi
sem lausráðnir starfsmenn Ríkisút-
varpsins hafi þurft að búa við um
árabil, en stjórnendur RÚV hafi
neitað öllum viðræðum um almenn
réttindamál lausráðinna starfs-
manna þþrátt fyrir ítrekaðar óskir
Blaðamannafélagsins.
Menningar- og listaferð
Heimsklúbbs Ingólfs
Jóla-
stemmning
í London
MORGUNBLAÐINU hefur borizt
eftirfarandi fréttatilkynning frá
Heimsklúbbi Ingólfs:
„Jólablærinn, sem hvílir yfir
London í desember þykir einstakur.
Götumar og fjöldi bygginga eru
fagurlega skreyttar og lýstar, eink-
um Regent Street, Piccadilly og
Oxford Street og gluggar stórversl-
ana s.s. Seldfridges eru heil leiksýn-
ing. Glaðvært yfirbragð aðventunn-
ar og tilhlökkun jólanna er alls stað-
ar augljós og jólatónlist í hverju
horni. Hvergi í heiminum er jafn-
mikið flutt af jólatónlist fyrir hljóð-
færi og mannsraddir og í London,
einkum í vikunni 11.-18. desember.
Hótel í London þykja dýr, en
Heimsklúbbi Ingólfs buðust sérstök
kjör á þessum háannatíma, sem
þykir sá skemmtilegasti á árinu, og
er búið á einu vinsælasta hóteli
Lundúna steinsnar frá Oxford
Street til að njóta lystisemda heims-
borgarinnar. Þátttakendur munu
skoða frægustu bygginar og söfn
borgarinnar í fylgd Ingólfs Guð-
brandssonar og gefst kostur á að
heyra heimsfræga tónlitarmenn í
Royal Festival Hall eða Barbican
listamiðstöðinni eða að fara á óperu-
sýningu í Govent Garden, sjá upp-
færslu á vinsælasta söngleiknum
eða í fræg leikhús. Þá getur fólk
gætt sér á jólakrásum í hádeginu
eða kvöldin milli listviðburðanna eða
milli þess að kíkja í búðarglugga.
Aðsókn að ferðinni var mikil, svo
að hún seldist strax upp, en tekist
hefur að bæta við nokkrum sætum.“
Morgunblaðið/Sverrir
FRÁ OPNUN sýningarinnar Handverk og iðnmennt sem haldin
er í Geysishúsinu f.v. Ingibjörg Sólrún Gísladóttir, borgarstjóri,
Leifur Jónsson, formaður Meistarafélags gullsmiða og Ólafur
Jensson, Geysissafni.
Handverk og iðn-
mennt í Geysishúsi
SÝNINGIN Handverk og iðnmennt
var opnuð í Geysishúsinu á fimmtu-
dag af borgarstjóranum í Reykja-
vík, Ingibjörgu Sólrúnu Gísladótt-
ur. Sighvatur Björgvinsson, iðnað-
arráðherra flutti ávarp.
Sjö félög og stofnanir iðnaðar-
manna, sem eiga stórafmæli á
þessu ári, efna til sameiginlegrar
sögusýningar, starfskynningar og
annarra dagskráratriða í tilefni
tímamótanna, með áherslu á lifandi
handverk. Félögin eru: Trésmiðafé-
lag Reykjavíkur 95 ára, stofnað
10.12. 1899, Iðnskólinn í Reykjavík
90 ára, stofnaður 1.10.1904, Félag
íslenskra gullsmiða 70 ára, stofnað
19.10. 1924, Meistarafélag hár-
skera 70 ára, stofnað 23.2. 1924,
Innemasamband íslands 50 ára,
stofnað 23.9. 1944, Meistarafélag
húsasmiða 40 ára, stofnað 4.6.
1954 og Félag íslenskra línumanna
20 ára, stofnað 18.5. 1974.
Kynningarefni um nám og störf
inaðarmanna liggur frammi og fé-
lögin halda kvöldvökur fyrir félags-
menn sína og aðra áhugasama.
Sýningin er opin kl. 9-18 virka
daga og kl. 11 — 16 um helgar til
27. nóvember. Aðgangur er ókeyp-
is.
Basar og
kaffisala
KVENNADEILD Barðstrendinga-
félagsins í Reykjavík^ verður með
basar og kaffísölu sunnudaginn 16.
október í safnaðarheimili Lang-
holtskirkju, Sólheimum 11-13, opn-
að verður kl. 15.
Á basarnum verður ýmiss konar
handavinna, heimabakaðar kökur
af ýmsum gerðum, aðalblábetja-
sulta o.fl. Efnt verður til happ-
drættis og eru margir góðir vinn-
ingar í boði. Eingöngu er dregið
úr seldum miðum.
Tekið verður á móti kökum og
öðru á basarinn í safnaðarheimili
Langholtskirkju kl. 11-13 sunnu-
daginn 16. október. Nánari upplýs-
ingar veitir formaður deildarinnar,
Ásta Jónsdóttir, í síma 51031.
Óskilakettir í
Dýraríkinu
GÆLUDÝRAVERSLUNIN Dýra-
ríkið við Grensásveg ætlar í dag,
laugardag, að aðstoða við að fínna
heimilislausum köttum framtíðar-
heimili, en kettirnir hafa ailir dval-
ist einhvem tíma S Kattholti.
Þetta átak er haldið undir yfir-
skriftinni: Týndir kettir úr Katt-
holti að leita að eigendum, og
stendur frá kl. 10-16. í beinu
framhaldi af þessu átaki heldur
Kattholt flóamarkað á morgun,
sunnudag, frá kl. 14 og frameftir
í húsnæði sínu í Stangarhyl 2 til
styrktar starfseminni.
Hátíð varnar-
liðsmanna
VARNARLIÐSMENN halda ár-
lega hausthátíð sína með „karniv-
al“-sniði laugardaginn 15. október
nk. og eru allir velkomnir.
Hátíðin fer fram í stóra flugskýl-
inu næst vatnstanki vallarins og
gefst gestum kostur á að njóta þar
fjölbreyttrar skemmtunar fyrir alla
fjölskylduna frá kl. 11-17.
Aðgangur er ókeypis, umferð er
um Grænáshlíð ofan Njarðvíkur.
Gestir eru vinsamlega beðnir um
að hafa ekki með sér hunda.
NBK-leikur á
Sambíólínunni
í TILEFNI frumsýningar stór-
myndarinnar „Natural Born Killer"
býður Sambíólínan upp á símaleik
þar sem aðalvinningurinn er 25“
sjónvarpstæki frá Hljómco.
Um er að ræða fullkomið Mitsub-
ishi-sjónvarpstæki með íslensku
textavarpi, víðóma með fullkominni
fjarstýringu og fleira. Þeir sem
hringja inn þurfa að svara nokkrum
laufléttum spurningum og sá sem
er fljótastur að svara hlýtur tækið.
Líkt og í myndinni er sjónvarpið
hér í áðalhlutverki en í myndinni
má sjá hvernig áhrif fjölmiðla geta
mótað almenningsskoðanir svo
mjög að fjöldamorðingjar verði
þjóðhetjur.
Breyting á
dagskrá
BREYTING verður á áður auglýst-
um pallborðsumræðum íslenskra
og danskra rithöfunda í Norræna
húsinu í dag kl. 16.00.
í stað Sven Holm sem áður hafði
verið boðaður til þátttöku kemur
skáldkonan Nina Malinovski.
■ FRAMHALDSSTOFNFUND-
UR Samtaka um aðskilnað ríkis
og kirkju verður haldinn laugar-
daginn 15. október. Fundurinn
verður haldinn á Hótel Lind í
Reykjavík og hefst kl. 14. Fund-
urinn er opinn öllum áhugamönn-
um um umfjöllunarefnið.