Morgunblaðið - 04.03.1995, Blaðsíða 13

MORGUNBLAÐIÐ
LAUGARDAGUR 4. MARZ 1995 13
Skautað á
Akureyri
UM HELGINA verður mikið um
að vera á skautasvellinu á Ak-
ureyri, en þar fer fram Brynju-
mótið í íshokkíi. Þátttakendur
verða hálft annað hundrað,
bæði frá Akureyri og Reykja-
vík.
Brynjumótið er nú haldið í
þriðja sinn. Keppendur eru aðal-
lega úr yngstu flokkunum, 1.,
2., 3. og 4. flokki, en að þessu
sinni verða einnig keppendur
úr flokkum öldunga, flokkur úr
Golfklúbbi Akureyrar og úrval
leikmanna 16 og 17 ára.
Mótið hefst klukkan 9 á laug-
ardagsmorgun á leikjum yngstu
fiokka. Undankeppni í öllum
flokkum verður á laugardaginn
en úrslit verða svo á sunnudag.
Þótt hundrað
þursar...
„ÞÓTT hundrað þursar..." er
heiti leiksýningar samíska þjóð-
leikhússins Beaiwás Sámi Teá-
hter sem verður í íþróttaskem-
munni á Akureyri í dag, laugar-
daginn 4. mars kl. 20.30.
Sýningin er hluti af norrænni
menningarhátíð, Sólstöfum sem
nú stendur yfir.
I sýningunni er rakin saga
og menning Sama um aldaraðir
og allar þær hættur sem henni
hefur staðið ógn af. Sagan er
rakin með söng (Joki) dansi,
látbragði og slagverksspili og
þarf því engin að óttast tungu-
málaerfiðleika. Þetta verk var
flutt á Vetrarólympíuleikunum
í Lillehammer í Noregi á síðasta
ári undir berum himni og vakti
það mikla athygli.
Gönguskíða-
dagur á golf-
vellinum
SKÍÐARÁÐ Akureyrar og
Golfklúbbur Akureyrar efna til
gönguskíðadags á golfvellinum
á Akureyri á morgun, sunnu-
daginn 5. mars.
Þar fer fram svokölluð Jað-
arsganga, sem er trimmganga
en þeir sem vilja fá tíma og
keppa fá einnig möguleika á
því. Brautin verður opin frá kl.
11.00 til 16.00. Keppni í flokk-
um 12 ára og yngri hefst kl.
12.00 og í flokkum 13 ára og
eldri kl. 13.15. Þrenn verðlaun
verða veitt í hverjum flokki.
Ókeypis kennsla verður á golf-
vellinum kl. 11.00 og 14.30 og
má búast við að kennslan taki
um klukkustund. Eitthvað verð-
ur af skíðum til útlána.
Rannsóknir á
heyrnar-
skerðingu
Dr. JIM Kyle, forstöðumaður
Rannsóknarstofnunar heyrnar-
skertra við Háskólann í Bristol
á Englandi, heldur fyrirlestur
við Háskólann á Akureyri í dag,
laugardaginn 4. mars, kl. 14.00
í stofu 24.
Fyrirlesturinn nefnist
„Ómælt mál: Hvernig táknmál
og heyrnarleysi geta stuðlað að
skilningi á tungumáli og vits-
munalífi" en verður fluttur á
ensku.
Dr. Jim Kyle hefur verið for-
stöðumaður stofnunarinnar frá
árinu 1988, hann er sálfræðing-
ur að mennt og hefur kennt
sálarfræði við háskólana í
London, Oxford og Bristol.
Hann hefur stundað víðtækar
rannsóknir á heyrnarskerðingu
og afleiðingum hennar. Hann
hefur verið gistifræðimaður við
háskóla um víða veröld.
AKUREYRI
Um 200 milljóna króna framkvæmdir
við orlofshúsabyggð í Kjarnaskógi að hefjast
Fyrstu húsin boðin út og
verða tilbúin síðsumars
ÚRBÓTARMENN, hópur athafna-
manna á Akureyri, hafa boðið út
byggingu 10 til 12 orlofshúsa í
nýrri orlofshúsabyggð, Kjarna-
byggð í útjaðri Kjarnaskógar við
Akureyri. Þetta er hluti af fyrsta
áfanga byggðarinnar, en ráðgert
er að á svæðinu rísi 35-40 hús
alls. Tilboð verða opnuð síðar í
þessum mánuði, en stefnt er að
því að þessi fyrstu hús í hverfinu
verði tilbúin til notkunar síðsum-
ars. Um er að ræða framkvæmdir
upp á allt um 200 milljónir króna.
Það eru þeir Hólmsteinn T.
Hólmsteinsson, Sveinn Heiðar
Jónsson og Þórarinn Kristjánsson
sem standa að Úrbótarmönnum.
Hólmsteinn sagðist telja þetta einn
albesta kost sem völ væri á hvað
varðar orlofshús um þessar mund-
ir og skiptu þijú atriði þar megin-
máli, húsin væru staðsett í fallegri
náttúru við útjaðar náttúrperlu
Akureyringa í Kjarnaskógi, það
væri 5-6 mínútna akstur af svæð-
inu í miðbæ Akureyrar og síðast
en ekki síst yrði þjónustukjarni í
Kjarnalundi, húsi Náttúrulækn-
ingafélags Akureyrar, en slíkt
skipti miklu í orlofshúsabyggð sem
þessari.
Stutt í bæinn
Kjarnaskógur er í suðurhluta
bæjarlands Akureyrar, í u.þ.b. 3,5
km fjarlægð frá miðbænum. í
skóginum eru trimmbrautir,
göngustígar og fjallgönguleiðir,
leiksvæði og stórt yfirbyggt útigr-
ill. Gönguskíðabrautir eru troðnar
á vetrum og sleðabrekkur eru
margar á svæðinu. Orlofshúsa-
hverfið er í útjaðri skógarins og
tengist honum að hluta.
Hverfinu er skipt í
tvo meginhluta, í öðru
þeirra verða 23-27
hús og 10 í hinu. Hvert
og eitt hús er um 55
fermetrar að stærð að
því er ráðgert er og er
áætlað að heildar-
kostnaður verði um sjö
milljónir króna, en þá
er einnig tekið tillit til
kostnaðar við lagnir,
vegagerð og fleira.
Fyrirhugað er að
fjögur húsanna verði
sérstaklega sniðin að
þörfum fatlaðra, þ.e.
húsin sem næst
Kjarnalundi standa.
Páll Tómasson arki-
tekt hannaði orlofs-
húsahverfið og Jónas
Karlesson verkfræð-
ingur hjá Verkfræði-
skrifstofu Sigurðar
Thoroddsen sá um
verkfræðiþáttinn.
Mikill áhugi
OSLOFSHUSASVÆOIð'
Sveinn Heiðar sagði
að byrjað hefði verið
að spyijast fyrir um
orlofshúsin áður en til útboðs kom,
en í vikunni samþykkti byggingar-
nefnd Akureyrar að heimila útboð-
ið. „Við verðum varir við áhuga
fólks um land allt, menn sjá þarna
marga kosti og ég veit að einhveij-
ir vilja losa sig við íbúðir sínar í
bænum og fá sér í staðinn hús í
þessari nýju byggð,“ sagði Sveinn
Heiðar, en verkalýðsfélög og stærri
starfsmannafélög munu einkum
sýna áhuga á húsunum.
Morgunblaðið/
ORLOFSHÚSAHVERFIÐ í Kjarnabyggð,
í útjaðri náttúruperlú Akureyringa,
Kjarnaskógar, og í um fimm mínútna
akstursleið frá miðbæ Akureyrar.
Guðmundur Ómar Guðmunds-
son formaður Félags byggingar-
manna í Eyjafirði sagðist_ fagna
mjög þessu framtaki Útbóta-
manna, það væri ljósglæta í at-
vinnuleysismyrkrinu. Með þessari
framkvæmd væri verið að skapa
atvinnu bæði nú þegar með bygg-
ingu húsanna og fleira því tengdu
en einnig til framtíðar með þeirri
ferðaþjónustu sem fýlgdi í kjölfar-
ið.
Morgunblaðið/Benjamín Baldursson
Kvennaskóla-
ævintýrið frum-
sýnt í gærkvöldi
FREYVANGSLEIKHÚSIÐ frumsýndi Kvenna-
skólaævintýrið, glænýjan gamanleik Böðvars
Guðmundssonar, í gærkvöldi. Fullt var út úr
dyrum og vakti leikurinn geysilega kátínu iyá
áhorfendum. Mikil stemmning er fyrir þessum
gamanleik í sveitinni og nágrannahéruðum, enda
er kveikjan að honum ýmis minningabrot frá lið-
inni tíð Kvennaskólans á Laugalandi. Gamanið
er blandað fjölmörgum söngvum Eiríks Bóasson-
ar, Garðars Karlssonar og Jóhanns Jóhannsson-
ar. Leikstjóri er Helga E. Jónsdóttir.
Talsvert hefur verið pantað af miðum á næstu
sýningar og er þar bæði um að ræða hópa og
einstaklinga. I gamla Kvennaskólahúsinu er veit-
ingahús í tengslum við sýninguna í Freyvangi.
AKUREYRARPRESTAKALL: Há-
degistónleikar í Akureyrarkirkju
laugardag klukkan 12.00. Léttar
veitingar í Safnaðarheimilinu að tón-
leikum loknum.
Sunnudagaskóli Akureyrarkirkju
sunnudagsmorgun klukkan 11.00.
Öll börn og foreldrar velkomin.
Fjölskyldumessa í Akureyrar-
kirkju sunnudag klukkan 14.00.
Lena Rós Matthíasdóttir mennta-
skólanemi prédikar. Ungmenni að-
stoða. Kór Akureyrarkirkju syngur
fullskipaður ásamt Barnakór Akur-
eyrarkirkju. Sérstaklega er vænst
þátttöku fermingarbarna og fjöl-
skyldna þeirra.
MESSUR
Æskulýðsfundur í Kapellu Akur-
eyrarkirkju sunnudag klukkan 17.00.
Biblíulestur í Safnaðarheimilinu
mánudagskvöld klukkan 20.30.
GLERÁRKIRKJA: Biblíulestur og
bænastund í kirkjunni laugardag
klukkan 11.00.
Fjölskylduguðsþjónusta á æsku-
lýðsdaginn, sunnudag, klukkan
11.00. Aðalsteinn Þorsteinsson flyt-
ur hugleiðingu. Félagar úr Æsku-
lýðsfélagi kirkjunnar taka þátt í at-
höfninni og leiða söng. Aðalsteinn
Már Björnsson og Hallgrímur Jónas
Ingvarsson flytja gítarverk.
Hátíðarfundur Æskulýðsfélagsins
sunnudag klukkan 18.00.
KAÞÓLSKA KIRKJAN: Messa klukk-
an 18.00 laugardag.
Messa klukkan 11.00 sunnudag.
HVÍTASUNNUKIRKJAN: Samkoma
í umsjá ungs fólks laugardag klukk-
an 20.30.
Safnaðarsamkoma sunnudag
klukkan 11.00.
Vakningarsamkoma sunnudag
klukkan 17.00.
HJÁLPRÆÐISHERINN: Sunnu-
dagaskóli sunnudag klukkan 13.30.
Hermannasamkoma sama dag
klukkan 18.00. Hjálpræðissamkoma
sunnudagskvöld klukkan 20.00.
Heimilasamband fyrir konur
mánudag klukkan 16.00.
Kennarar
álykta á
Húsavík
FJÖLMENNUR fundur var á
vegum kennarafélaganna, KÍ
og HÍK, á Húsavík á fimmtu-
dag. í fundarlok var eftirfar-
andi ályktun samþykkt:
„Sameiginlegur fundur fé-
lagsmanna í Kennarasambandi
íslands og Hinu íslenska kenn-
arafélagi á Norðurlandi eystra,
haldinn á Húsavík 2. mars
1995, lýsir yfir fullum stuðningi
við stefnufasta framgöngu við-
ræðunefndar kennarafélaganna
og hvetur til þess að hvergi
verði hvikað frá kröfum okkar
um verulega hækkun grunn-
launa og lækkun kennslu-
skyldu.
Fundurinn skorar á fjármála-
ráðherra, fýrir hönd ríkissjóðs,
að ganga nú þegar frá kjara-
samningi við kennarafélögin,
svo koma megi í.veg fyrir enn
frekari skaða en .þegar hefur
hlotist af virðingarleysi ríkis-
valdsins fyrir skólastarfi í land-
inu.“
Skotveiði-
sýning
SKOTVEIÐIFÉLAG Akureyrar
og verslanir sem versla með
skotveiðivörur efna til sýningar
á skotveiðivörum í anddyri
íþróttahallarinnar um helgina.
Skotveiðifélagið stendur m.a.
fyrir stórri skotvopnasýningu
og kynnir starfsemi sína og þá
munu verslanir kynna og sýna
þá vöru og þjónustu sem þær
hafa upp á að bjóða. Þetta er
í fyrsta sinn sem sýning sem
þessi er haldin á Akureyri.
Morgunblaðið/Rúnar Þór
Útskriftar-
tónleikar Sig-
ríðar Bald-
vinsdóttur
SIGRÍÐUR B. Baldvinsdóttir
fiðluleikari kemur fram á út-
skriftartónleikum á sal Tónlist-
arskólans á Akureyri á morgun,
sunnudaginn 5. mars, kl. 17.00.
Sigríður hóf nám í fiðluleik
9 ára gömul, fyrst hjá Guðrúnu
Þórarinsdóttur og var síðan hjá
Mögnu Guðmundsdóttur og
Michael J. Clarke, en síðustu
árin hefur Anna Podhajska ver-
ið aðalkennari hennar.
Sigríður hefur leikið með
Kammerhljómsveit Tónlistar-
skólans, Kammerhljómsveit Ak-
ureyrar, Sinfóníuhljómsveit
Norðurlands, Sinfóníuhljómsveit
æskunnar og í sumar mun hún
leika í norrænu nemendahljóm-
sveitinni Orkester Norden.
Sigríður lauk stúdentsprófi
frá Verkmenntaskólanum á
Akureyri vorið 1993.
Á efnisskrá tónleikanna eru
verk eftir J. S. Bach, Báru
Grímsdóttur, L.v. Beethoven,
E. Bloch, C. Saint Saéns og
H. Wieniawski. Undirleikari á
tónleikunum er Daníel Þor-
steinsson.