Morgunblaðið - 04.03.1995, Blaðsíða 25

MORGUNBLAÐIÐ
LAUGARDAGUR 4. MARZ 1995 25
leggjum samfélagi okkar lið gegn skattsvikum
Það var hugsunin að baki nýju kjarasamningunum
að þær kauphækkanir, sem um var samið, yrði ekki
Velt ut I verðlagið. Ef svo færi yrðu nýju samningarnir lausir um næstu
áramót og hinn margumtalaði stöðugleiki þar með runninn út í sandinn.
Það er því magnþrungin áskorun Dagsbrúnar til allra þeirra, sem selja vöru og þjónustu að
velta ekki launahækkunum út í verðlagið með því að hækka verð á vörum og þjónustu.
é
Þé skorar Dagsbrún ekki síður á ríki og sveitarfélög að hækka ekki sína þjónustu, svo sem síma,
orkukostnað o.fl. Þá varar félagið banka og aðrar peningastofnanir við því að hækka vexti og
þjónustugjöld.
Kjarasamningar Dagsbrúnar voru gerðir í trausti þess að kauphækkunum yrði ekki velt út í
verðlagið. Það var meginhugsunin að baki samninganna.
Félagið skorar á félagsmenn sína að láta skrifstofu Dagsbrúnar vita, verði þeir varir við hækkanir
og biður þá að hafa sérstaka gát á hverskonar tryggingagjöldum.
Yfir 100 atvinnulausir Dagsbrúnarmenn fá ekki greiddar atvinnuleysisbætur, því
þeir hafa unnið sem gerviverktakar hjá fyrirtækjum eða í svartri vinnu.
Dagsbrún hvetur alla, sem fá vitneskju um svarta atvinnustarfsemi, að tilkynna
það til embættis skattrannsóknastjóra. Svört atvinnustarfsemi er baggi á
samfélagi og einstaklingum. Ef svört atvinnustarfsemi verður upprætt, verður
hægt að lækka þá ofurþungu skattbyrði, sem hvílir á almennu launafólki.
Dagsbrún mun hiklaust tilkynna embætti skattrannsóknastjóra um þau fyrirtæki
sem stunda svarta atvinnustarfsemi.
Verkamannafélagið
Dagsbrún