Morgunblaðið - 23.05.1995, Blaðsíða 6
6 ÞRIÐJUDAGUR 23. MAÍ 1995
öfgA
MORGUNBLAÐIÐ
FRETTIR
Fjörutíu ár frá því að áætlunarflug milli Islands og Lúxemborgar hóf göngu sína
Víðtæk íslands-
kynning fyrir-
huguð í Lúxemborg
Lúxemborg. Morgunblaðið.
Þess var minnst með athöfn á
Findel-flugvellinum í Lúxemborg
i gær, að þá voru liðin 40 ár frá
því Edda, DC-4 Skymaster-flugvél
LoftLeiða undir stjórn Kristins
Ólsens flugstjóra, lenti á vellinum.
Markaði sá atburður upphaf áætl-
unarflugs til og frá Lúxemborg.
í ræðu við þetta tækifæri sagði
Sigurður Helgáson, forstjóri
Flugleiða, að Lúxemborg væri nú
sem áður mikilvægasti áfanga-
staðurinn í Atlantshafsflugi fé-
lagsins og fyrir dyrum stæði að
hrinda af stokkum víðtækri ís-
landskynningu í Lúxemborg og
næstliggjandi löndum.
í tilefni dagsins flaug, Fanndís,
Boeing 757-200 þota Flugleiða
lágflug yfir borginni við komuna
frá Keflavík. Flugstjóri var Óskar
G. Sigurðsson.
Hátíðarstemmning
Hátíðarstemmning ríkti á Find-
el-flugvellinum i gær. Helsta út-
varpsstöð landsins, RTL, útvapaði
dagskrá dagsins úr innritunar-
salnum og var hún helguð flugaf-
mælinu. Voru viðtöl tekin við Sig-
urð Helgason forstjóra, Emil Guð-
mundsson stöðvarstjóra í Lúx og
Kristinn Ólsen flugstjóra en hann
flaug í 25 ár á flugleiðinni milli
New York og Lúx.
Fimm ráðherrar úr rikisstjórn
Lúxemborgar voru viðstaddir at-
höfnina á Findel-flugvelli auk
fulltrúa fjölmiðla, flugfélaga,
ferðaskrifstofa o.fl. Frú Mady
Delvaux-Stehre samgönguráð-
herra flutti Flugleiðum þakkir og
árnaðaróskir stjórnvalda og lét í
ljós óskir um að íslendingar ættu
eftir að stunda flug lengi til og
frá landinu.
Sigurður Helgason fjallaði um
upphaf flugs Loftleiða til Lúxem-
borgar og sagði:
„Með þessu flugi hófst árang-
ursríkt og einstakt samstarf
tveggja af minnstu þjóðum Evr-
ópu. Grundvöllur þess var óvenju
opinn loftferðasamningur íslands
og Lúxemborgar sem Victor Bod-
son samgönguráðherra og Bjarni
Morgunblaðið/Serge Waldbillig
FRUMHERJAR og merkisberar. Frá vinstri eru Roger Sietzen
forstjóri Luxair, Kristinn Olsen flugstjóri í fyrsta fluginu til
Lúxemborgar, Einar Aakrann fyrrverandi stöðvarstjóri Flug-
leiða í Lúxemborg, Grétar Kristjánsson lögfræðingur Flugleiða,
Sigurður Helgason forstjóri, Mady Delvaux-Stehres samgöngu-
ráðherra Lúxemborgar og Fernand Boden ferðamálaráðherra.
Benediktsson utanríkisráðherra
undirrituðu í Reykjavík 23. októ-
ber 1952. Þessi samvinna er gott
dæmi um það hveiju litlar þjóðir
geta áorkað með því að stilla sam-
an krafta sína við að nýta tæki-
færi sem bjóðast í alþjóðaviðskipt-
um.“
Kristinn Ólsen flugstjóri var
viðstaddur athöfnina í Lúxem-
borg. Sagði Kristinn við Morgun-
blaðið það hafa reynst mikið lán
að hefja flugið til Lúxemborgar.
Ólíkt væri að fljúga á milli í dag
ofar skýjum á innan við þremur
stundum. Flugtími Eddunnar
hefði verið 7 stundir og ferðin
tekið meiri tíma þar sem stoppáð
hefði verið á leiðinni. Flugvélin
hefði ekki komist hærra en 8-10
þúsund fet og því verið í greipum
veðurs og skýja alla leiðina. Flug-
tími í fyrstu ferðinni til New
York fyrir 40 árum var 23 72
stund en í dag er hann um 8
stundir.
Sigurður Helgason gat þess í
ávarpi sínu hvernig Loftleiðir
hefðu náð fótfestu á flugleiðinni
yfir Atlantshaf með lægri far-
gjöldum. Félagið hefði barist fyr-
ir lífi sínu í samkeppni við stór
ríkisrekin flugfélög og ekki aflað
sér vina í þeirra röðum. Því hefði
Lúxemborg átt eftir að reynast
mikilvæg endastöð í lífsbaráttu
Loftleiða og síðar Flugleiða. Þar
hefði félagið komist inn að hjarta
Evrópu og Findel-flugvöllur því
orðið annað heimili íslenskrar
flugstarfsemi.
„Stjórnvöld í Lúxemborg áttu
stóran þátt í að gera þetta kleift
og þar með þróun millilandaflugs
íslendinga. Með sama móti hefðu
Loftleiðir og síðar Flugleiðir lagt
mikið af mörkum til flugmála og
atvinnulífs í Lúxemborg. Findel-
flugvöllur verður áfram ein meg-
instoðin í leiðakerfi Flugleiða
enda stutt þaðan í fjölmennt
markaðssvæði. Um leið og við
fögnum sögulegum timamótum
lítum við til framtíðarinnar og
má geta þess að nú erum við í
þann mund að hrinda af stokkum
umfangsmikilli landkynningu í
Lúxemborg og grannríkjunum,"
sagði Sigurður Helgason.
I samtali við Morgunblaðið
sagði Sigurður, að þessi kynning
hefði það fyrst og fremst að
markmiði að draga fólk til ís-
lands. Áherslan í markaðssetn-
ingu væri að færast meira yfir í
að kynna ísland fremur en Banda-
ríkin sem áfangastað.
Breytingar á Læknafélagi Islands fyrirhugaðar
Stefnt að auknu sjálf-
stæði læknafélaga
Stjóm Læknafélags íslands hefur í hyggju
að skipa nefnd til að kanna hvaða breyting-
ar þurfí að gera á lögum félagsins til að
efla sjálfstæði einstakra hópa.
Félag íslenskra heimilis-
lækna óskaði eftir lög-
fræðiáliti á stöðu heimiiis-
lækna utan LÍ í kjölfar
málsmeðferðar stjómar LÍ í tilvís-
anadeilunni. Ragnar Halldór Hall,
héraðsdómslögmaður, var fenginn
til að vinna álitið og kemst hann í
stuttu máli að því að félagsmenn
FIH geti ekki knúið fram samnings-
rétt utan LÍ.
Ragnar byggir niðurstöðu sína
á því að LÍ hafi samkvæmt lögum
rétt til samningsgerðar fyrir
starfsstétt lækna. Hafí LI enda um
árabil gert kjarasamning fyrir við-
komandi félagsmenn á grundvelli
þessara ákvæða. Hugtakið starfs-
stétt verði ekki skýrt þannig að
félög starfsmanna með tiltekna
sérmenntun, t.d. í heimilislækning-
um, svæfingalækningum o.s.frv.
geti fengið viðurkenndan samn-
ingsrétt um kaup og kjör sam-
kvæmt þeim lögum. Samkvæmt
lögum eigi allir í fagstétt lækna
kost á aðild í LÍ.
Vonbrigði
_ Sigurbjörn Sveinsson, formaður
FÍH, segir að niðurstaðan hafi vald-
ið miklum vonbrigðum á almennum
félagsfundi á laugardag. Hann
nefndi í því sambandi að nokkrir
læknar hefðu viljað láta slag
standa, taka áhættupa á að verða
áhrifalausir innan LÍ, til að knýja
fram breytingar. Fundurinn sam-
þykkti hins vegar einu hljóði að
vinna að því að heimilislæknar
fengju fullt og óskorað sjálfsfor-
ræði yfir hagsmunamálum sínum,
árgjöldum og framkvæmdastjóm
eigin mála.
Um ályktun fundarins sagði Sig-
urbjörn að heimilislæknar gætu
ekki unað við núverandi ástand og
skipulag innan LÍ. „Hegðun forystu
félagins í tilvísanadeilunni hefur
verið ósamrýmanleg því að LÍ er
hagsmunafélag heimilislækna jafnt
og annarra lækna. Við viljum að
tekin verði af öll tvímæli um að
svona geti ekki gerst aftur. Eina
leiðin er að heimilislæknar fái í sín-
ar eigin hendur stjórn eigin mála.
Lögfræðiálitið bendir til að við get-
um ekki staðið utan LÍ nema afsala
okkur um leið áhrifum okkar í stétt-
arfélagsmálum. Þess vegna verðum
við að leita þessarar niðurstöðu inn-
an LÍ eða utan þess í versta falli,“
sagði Sigurbjörn. Hann sagði að
gera þyrfti grundvallarskipulags-
breytingar á LÍ til að heimilislækn-
ar sættu sig við að vera áfram fé-
lagar. Hann vildi hins vegar ekki
tjá sig um í hveiju þær breytingar
ættu að felast.
Heimilislæknar á fundinum for-
dæmdu hvemig Sérfræðingafélag
íslenskra lækna (SÍL) beindi áróðri
sínum gegn tilvísanaskyldu að
heimilislæknum og heilsugæslunni
og er með þeim orðum vísað til
auglýsingaherferðar um rétt og
rangt tengt tilvísanaskyldu. í álykt-
un er harmað að formaður LI hafi
tekið þátt í þessum áróðri með yfir-
lýsingum í fjölmiðlum, bréfaskrift-
um til alþingismanna þar sem rang-
færslur séu ítrekaðar og með þátt-
töku í auglýsingaherferð.
Afsökun
Eftir fund heimilislækna sendi
stjóm SÍL frá sér yfirlýsingu og tók
fram að hún bæri fulla ábyrgð á
efni og texta áðurnefndra auglýs
inga. Ekki hafi verið ætlunin að
kasta rýrð á störf heilsugæslulækna
með auglýsingunum. „Því miður
virðist þó sem texti einnar auglýs-
ingarinnar og e.t.v. annarrar hafí
haft tvíræða merkingu sem hafi
sært suma kollega okkar í stétt
heilsugæslulækna, sem lesið hafi
auglýsinguna „að þeim væri ekki
treystandi". Slík orð eru ekki mak-
leg góðum kollegum okkar og em
þeir beðnir afsökunar á tvíræðu
orðalagi auglýsingarinnar þótt
óviljaverk hafí verið," segir í yfírlýs-
ingunni.
Stjóm SÍL telur hins vegar árás-
ir forystu Félags íslenskra heilsu-
gæslulækna á formann LÍ ómakleg-
ar. Hann hafi unnið að niðurfellingu
tilvísanaskyldunnpr í krafti álykt-
unar stjórnar LÍ gegn tilvísana-
skyldunni, samkvæmt áður mótaðri
stefnu Jæknasamtakanna og í sam-
ræmi við skoðanir meginþorra
læknastéttarinnar, þ.á m. margra
heilsugæslulækna.
Sigurbjörn vildi koma því á fram-
færi að forysta FÍH stæði ekki ein
í þessu máli þar sem ályktunin hefði
verið samþykkt á fjölmennum fé-
lagsfundi með handauppréttingu og
lófaklappi.
Páll Torfi Önundarson, gjaldkeri
SÍL, tók fram að vegna skipulags
LÍ hefðu heimilislæknar haft meiri
áhrif en ella. Þeir væm minnihluti
félagsmanna en ættu vegna svæða-
skiptingar innan félagsins hlutfalls-
lega fleiri fulltrúa á læknaþingum
og í einstökum nefndum.
Hann sagðist styðja fyrirhugaðar
breytingar á skipulagi félagsins.
Með umræðunni nú væri aðeins
verið að ýta úr vör löngu ferli breyt-
inga. Læknar þyrftu að slíðra sverð-
in og komast að samkomulagi um
skipulag félagsins 1 framtíðinni.
Lagabreytingar
Sverrir Bergmann, formaður LÍ,
sagði að fullur samhugur og eining
hefði verið meðal lækna á form-
annaráðstefnu LÍ á föstudag. Engu
að síður væri enginn ágreiningur
um það innan læknasamtakanna
að efla sjálfstæði einstakra hópa.
Fyrsta skrefið hefði verið stigið með
lagabreytingu sl. haust. Stjórn LÍ
myndi í framhaldi af því og undan-
genginni umræðu leggja til að skip-
uð yrði sérstök nefnd með fulltrúum
einstakra hópa um málið. „Nefndin
reyni að komast að niðurstöðu um
hvemig megi þannig breyta lögun-
um að allir hópar, sem þykir eðilegt
að skipa læknum í, hafí nánast fullt
sjálfstæði," sagði Sverrir.
Hann sagðist ekki geta sagt fyr-
ir um hvað hópamir yrðu margir.
Innan félagsins störfuðu öldunga-
deild, félög unglækna, yfirlækna,
sérfræðinga, heimilislækna og sjálf-
stætt starfandi heimilislækna á
landsvísu. Hins vegar væri fremur
ólíklegt að læknar kysu að skipta
sér niður í jafn marga hópa. Lík-
legra væri að hóparnir yrðu þrír,
þ.e. heimilislæknar, sérfræðingar
og unglæknar. Þeir hefðu nánast
fullt sjálfstæði. Hins vegar myndu
sameiginleg heildarsamtök sjá um
sameiginleg verkefni á borð við
útgáfustarfsemi, alþjóðlega sam-
vinnu, fræðslu, menningar- og siða-
mál. Sverrir sagði að stefnt yrði
að því að nefndin skilaði áliti fyrir
aðalfund næsta haust.
Evrópusamtökin
Unnið að
því að ís-
land sæki
um aðild
STOFNFUNDUR Evrópusamtak-
anna verður haldinn á hótel Sögu
á fimmtudaginn kemur 25. maí
og er opinn öllum þeim sem eru
áhugasamnir um nánara samstarf
íslands við Evrópuríki.
í frétt frá samtökunum segir
að þau séu opin fólki á öllum aldri
og jafnt fólki sem sé í stjórnmála-
flokkum og standi utan þeirra.
Undirbúningshópurinn sem hefur
undirbúið stofnunina „telur mikil-
vægt að samtökin verði breiður
umræðuvettvangur áhugamanna
um Evrópusamstarf og tengsl ís-
lands við Evrópusambandið".
Stuðlað að fordómalausum
umræðum
Markmið Evrópusamtakanna er
„að stuðla að skipulegri samvinnu
þjóða í Evrópu á lýðræðislegum
grundvelli í því skyni að standa
vörð um frið, frelsi og mannrétt-
indi og auka gagnkvæman skiln-
ing og menningarleg samskipti;
að stuðla að upplýstum og fordó-
malausum umræðum á íslandi um
samstarf Evrópuríkja; að starfa
að virkri þátttöku íslands í sam-
starfi Evrópuríkja; að vinna að
því að ísland sæki um aðild að
Evrópusambandinu; að útbreiða
upplýsingar og þekkingu um evr-
ópskt samstarf, jafnt um þau sam-
starfsform sem nú eru við lýði,
og framtíðarmöguleika í sam-
vinnu Evrópuríkja; að láta fara
fram athuganir og rannsóknir á
málum sem tengjast evrópskri
samvinnu; að starfa með öðrum
íslenskum og evrópskum samtök-
um og stofnunum, sem hafa skylda
starfsemi með höndum."
Á stofnfundinum kynnir Ólafur
Þ. Stephensen störf og hugmyndir
undirbúningshópsins. Þá munu
Jónas Kristjánsson, ritstjóri, og
Jenný Jensdóttir, framkvæmda-
stjóri, flytja erindi.
í
i
>
>
>
)
>
>
)
>
>